Kapitulo 5

Idauluan manen ni Mormon dagiti buyot dagiti Nephite iti pagbabakalan iti dara ken nadawel a pammapatay—Umayto ti Libro ni Mormon a manggutugot iti sangabukel nga Israel a ni Jesus ti Cristo—Gapu iti dida panamatpati, masayyasayyanto dagiti Lamanite, ket agsardengto ti Espiritu a mangtarabay kadakuada—Awatendanto ti ebanghelio kadagiti Gentil iti ud-udina nga aldaw. Agarup K.P. 375–384.

1 Ket napasamak a napanak kadagiti Nephite, ket nagbabawiak iti asapatak a saanko idan a tarabayen; ket impaidauluanda manen kaniak dagiti buyotda, ta bigbigendak a kasla makawayawaya kadakuada iti rigrigatda.

2 Ngem adtoy, aawan namnamak, ta ammok ti panangukom ti Apo a maitedto kadakuada; ta saanda a nagbabawi kadagiti nagbasolanda, ngem insayangkatda ti bagbagida a di immawag iti Parsua a nangaramid kadakuada.

3 Ket napasamak nga immaydakami binusor dagiti Lamanite iti panaglibasmi iti siudad ti Jordan; ngem adtoy, napasanudda ket saanda a naala ti siudad iti dayta a gundaway.

4 Ket napasamak nga immaydakami manen binusor, ket inasikasomi ti siudad. Ket adda met sabsabali a siudad nga inasikaso dagiti Nephite, nga insina ida dagiti sarikedked ket saanda a nakastrek iti pagilian nga adda iti sangomi, tapno dadaelenda dagiti agindeg iti dagami.

5 Ngem napasamak nga ania man a dagdaga a mapagnaanmi, ket saan a nagtitipon dagiti agindegna, dinadael dagiti Lamanite, ken dagiti ilida, ket dagiti purokda, ken dagiti siudadda napuoran iti apuy; ket kasta ti ilalabas ti tallo-gasut-ken-pitopulo-ket-siam a tawen.

6 Ket napasamak nga iti maika-tallo-gasut-ken-walopulo a tawen immay manen dagiti Lamanite a makidangadang kadakami, ket sipipingetkami a nangsango kadakuada; ngem awan ti nagmamaayanna amin, ta nakaad-aduda ket inludekludekda dagiti tao dagiti Nephite.

7 Ket napasamak a pimmanawkami manen, ket naparpardas dagidiay nga ipapanaw ngem ti panaglibas dagiti Lamanite, ket napasag ken nadadael dagiti pimmanaw a nakamakam dagiti Lamanite.

8 Ket ita adtoy, siak, ni Mormon, diak tinarigagayan a parigaten dagiti kararua dagiti tao iti panangipakitak kadakuada iti nakaal-alingget a buya ti dara ken nadawel a panagpapatay a kas iti naimatangak; ngem siak, iti pannakaammok a talaga a maipakaammo dagitoy a banag, ken nasken a amaipalgak amin a banag iti tuktok ti balay—

9 Ken kasta met a adumtengto iti pannakaammo dagiti natda kadagitoy a tao kadagitoy a banag, ken kasta met kadagiti Gentil, nga imbaga ti Apo a bmangwarawara kadagitoy a tao, ket maibilangto dagitoy a tao nga awan ti kaes-eskanna kadakuada—ngarud isuratko ti cbassit a pangyababaan, nga awan gawayko a mangted iti sangabukel a pakaammuan kadagitoy a banag a naimatangak, gapu iti bilin nga inawatko, ken kasta met a tapno saankayo a maaddaan iti nakaro a leddaang gapu iti kinadangkes dagitoy a tao.

10 Ket ita adtoy, ibagak daytoy iti bukelda, ken kasta met kadagiti Gentil a nangsaluad iti balay ti Israel, tapno mabigbig ken maammuan ti nagtaudan dagiti bendisionda.

11 Ta ammok a dayta ti mamagleddaang gapu iti didigra iti balay ti Israel; wen, lumdaangdanto iti pannakadadael dagitoy a tao; lumdaangdanto iti saan a panagbabawi dagitoy a tao ta bareng koma no makadinnakulapda ni Jesus.

12 Ita maisurat adagitoy a banag kadagiti bnatda iti balay ni Jacob; ket naisuratda iti kastoy a wagas, gapu ta ammo ti Dios a saan a yeg ida ti kinadangkes; ket cmailemmengda iti Apo tapno umayda iti naituding a kanitona.

13 Ket daytoy ti bilin nga inawatko; ket adtoy, umaydanto a maibatay iti bilin ti Apo, no makitana a mainugoten, iti kapanunotanna.

14 Ket adtoy, mapandanto kadagiti awan pammatina kadagiti aHudio; ket daytoyto a gagem ti papananda—tapno bmaallukoyda a ni Jesus ti Cristo, ti Anak ti sibibiag a Dios; tapno dumtengto ti Ama, babaen ti kangrunaan a Patpatgenna, ti naindaklan ken agnanayon a panggepna, iti panangisublina kadagiti Hudio, wenno ti amin a balay ti Israel, iti daga a tawidda, nga inted kadakuada ti Apo a Diosda, iti pannakatungpal ti ckatulaganna;

15 Ken kasta met nga ad-adda a mamati iti ebanghelio ti bukel adagitoy a tao, a bmaipan kadakuada manipud kadagiti Gentil; ta cmawarawaranto dagitoy a tao, ket agbalinda a dnangisit, a narugit, ken makadurmen a tattao, a di kabaelan nga iladawan ti asino man kadatayo, wen, uray pay kadagiti kameng dagiti Lamanite, ket gapu daytoy iti kaawan ti pammatida ken ti panagrukbabda kadagiti didiosen.

16 Ta adtoy, insardengen ti Espiritu ti Apo a apareggeten dagiti ammada; ket awan ti Cristo ken Diosda iti lubong; ket mapapanawda a kasla btaep iti angin.

17 Makaay-ayoda idi a tattao, ket adda ni Cristo a apastorda; wen, inturong ida ti Dios nga Ama.

18 Ngem ita, adtoy, aiturturong ida ni Satanas, a kas iti taep a maibuyog iti angin, wenno kas iti barko a yalloallon dagiti dalluyon, nga awanan iti layag wenno timon, wenno awanan iti ania man a mangiturong kenkuana; ket kas kenkuana, kastada met.

19 Ket adtoy, indulin ti Apo ti bendisionda, a nalabit a naawatda iti daga, para kadagiti aGentil a mangtagikua iti daga.

20 Ngem adtoy, mapasamakto a papanawento ken warawaraen ida dagiti Gentil; ket kalpasan ti panangpapanaw ken panangwarawaranto kadakuada dagiti Gentil, adtoy, isunton ti apannakalagip ti Apo iti bkatulagan nga inaramidna ken ni Abraham ken iti amin a balay ti Israel.

21 Ken kasta met a malagipto ti Apo dagiti akararag dagiti nalinteg, nga inlatangna a para kadakuada.

22 Ket kalpasanna, O dakayo a Gentil, kasano ti pannakaanduryo iti bileg ti Dios, malaksid no agbabawikayo ken tallikudanyo dagiti dakes a wagasyo?

23 Diyo kadi ammo nga addakayo kadagiti ima ti Dios? Diyo kadi ammo nga addaan iti amin a bileg, ket iti naindaklan a abilinna bmalukotna ti daga a kas iti malukot a pagbasaan?

24 Ngarud, agbabawikayo, ket agtamedkayo kenkuana, amangan ta maipatay ti linteg a maibusor kadakayo—amangan ta umay kadakayo a kasla aleon ti natda iti bukel ni Jacob, ket pirsapirsayennakayo, ket awan ti maisalakan.