Kapitulo 6

Aguummong dagiti Nephite iti ili ti Cumorah para iti maudi a pannakigubat—Ilemmeng ni Mormon ti sagrado a kasuratan iti turod ti Cumorah—Agballigi dagiti Lamanite, ket madadael ti pagilian dagiti Nephite—Ginasgasut a ribu ti mapapatay iti espada. Agarup K.P. 385.

1 Ket ita igibusko ti kasuratak maipapan iti apannakadadael dagiti kailiak, dagiti Nephite. Ket napasamak a dinarupmi dagiti Lamanite.

2 Ket siak, ni Mormon, sinuratak ti ari dagiti Lamanite, ket dinawatko kenkuana a palubosannakami kadagiti taomi nga aguummong iti adaga ti Cumorah, iti turod a managan Cumorah, ket mabalinmi ti makiranget kadakuada idiay.

3 Ket napasamak nga impaay kaniak ti ari dagiti Lamanite ti banag a dinawatko.

4 Ket napasamak a nagturongkami iti ili a Cumorah, ket impatakdermi dagiti toldami iti lawlaw ti turod a Cumorah; ket daytoy ti daga nga aduan iti danum, karayan, ken burayok; ket namnamaenmi a madaegan ditoy dagiti Lamanite.

5 Ket kalpasan ti tallo-gasut-ken-walopulo-ket-uppat a tawen, naummongmi aminen dagiti natda a taomi iti daga a Cumorah.

6 Ket napasamak nga idi naummongmi amin dagiti taomi iti daga ti Cumorah, adtoy siak, ni Mormon, nangrugi a lumakayen; ket ammok a daytoy ti maudi a pannakiranget dagiti taok, ken gapu ta imbilin ti Apo a saanko nga ipalubos a matinnag iti ima dagiti Lamanite ti nasagraduan a kasuratan a tawidmi kadagiti ammami, (gapu ta mabalin a dadaelen ida dagiti Lamanite) ngarud inaramidko adaytoy a kasuratan manipud iti pinanid ni Nephi, ket bindulinko iti turod ti Cumorah dagiti amin a kasuratan a naitalek kaniak babaen ti ima ti Apo, malaksid ckadagitoy sumagmamano a pinanid nga intedko iti anakko a ni dMoroni.

7 Ket napasamak a dagiti taok, a kaduada dagiti assawa ken annakda, nakitada ita ti abuyot dagiti Lamanite nga umasideg kadakuada; ket iti dayta nakaal-alingget a buteng iti patay ti nangpunno iti barukong dagiti amin a nadangkes, ket nagurayda nga umawat kadakuada.

8 Ket napasamak nga immayda makiranget kadakami, ket napnuan iti buteng ti tunggal kararua gapu iti kaadu ti bilangda.

9 Ket napasamak a nakirangetda kadakami iti espada, ken iti bai, ken iti pana, ken iti wasay, ken amin a kita ti armas ti gubat.

10 Ket napasamak a napasag dagiti taok, wen, uray ti sangapulo a ribu a kaduak, ket napasagak a nasugatan; ket linabsandak ket saanda a ginibusan ti biagko.

11 Ket idi nauloyanda aamin dagiti taok malaksid kadagiti duapulo-ket-uppat a kaduami, (maysa kadakami ti anakko, ni Moroni) ket dakami a nakalasat, naimatanganmi iti kabigatanna, idi agsubli dagiti Lamanite kadagiti kampoda, manipud iti tuktok ti turod ti Cumorah, ti sangapulo a ribu a taok a napasag, iti sangok.

12 Ket naimatanganmi met ti sangapulo a ribu a tao nga indauluan ti anakko a ni Moroni.

13 Ket adtoy, napasag met ti sangapulo a ribu ni Gidgiddonah, ken uray isu iti tengnga.

14 Ket napasag met ni Lamah a kaduana ti sangapulo a ribuna; ket napasag met ni Gilgal ken ti sangapulo a ribuna; ket napasag met ni Limnah ken ti sangapulo a ribuna; ket napasag met ni Jeneum ken ti sangapulo a ribuna; ken ni Cumenihah, ken ni Moronihah, ken ni Antionum, ken ni Shiblom, ken ni Sem, ken ni Josh, napasagda a kaduada ti sagsasangapulo a ribuda.

15 Ket napasamak nga adda pay sangapulo a natay iti espada, a kaduada ti sangapulo a ribu ti tunggal maysa; wen, uray aamin dagiti taok, malaksid ti duapulo-ket-uppat nga adda kaniak, ken ti sumagmamano a naglibas iti akin-abagatan a pagilian, ken ti sumagmano a timmipon kadagiti Lamanite; ket dagiti lasag, ken tulang, ken dara naidarnapda iti rabaw ti daga, a pinanawan dagiti ima a nangpatay kadakuada tapno agbuot iti daga, ken agrupsa ket agsubli iti ina a daga.

16 Ket napno ti kararuak iti leddaang, gapu kadagiti napapatay a taok, ket nagsangitak:

17 O dakayo a makaay-ayo, anian ti ipapanawyo manipud iti dalan ti Apo! O dakayo a makaay-ayo, anian ti panangtallikudyo ken ni Jesus, nga addaan iti silulukat a takiag nga umawat kadakayo!

18 Adtoy, no saanyo nga inaramid daytoy, saankayo koma a napasag. Ngem adtoy, napasagkayo, ket ladingitek ti pannakapukawyo.

19 O dakayo a makaay-ayo nga annak a lallaki ken annak a babbai, dakayo nga amma ken inna, dakayo nga assawa a lalaki ken assawa a babai, dakayo a makaay-ayo, anian a pannakapasagyo!

20 Ngem adtoy, simminakayon ket ti ladingitko saannakayo a maisublin.

21 Ket dumtengton ti aldaw nga ikawes ti ipapatayyo ti kinaagnanayon, ket dagitoy bagi a bukbuklen ita ti panagrupsa nasken nga agbalin a asaan nga agrupsa a bagi iti saan a mabayag; kalpasanna, kasapulan a maisaklang iti pangukoman ni Cristo, a maukom babaen iti aramidyo; ket no nalintegkayo, dakayonto ti maparaburan a kaduayo dagiti ammayo nga immun-una a simmina ngem dakayo.

22 O nagbabawikayo koma sakbay a dimteng kadakayo daytoy dakkel a pannakadadael. Ngem adtoy, awankayon, ket ti Ama, wen, ti Agnanayon nga Ama ti langit, ammona ti kasasaadyo; ket aramidennanto kadakayo babaen ti alinteg ken basina.