Dagiti Kapitulo 

Kapitulo 1
Iwanwan ni Ammaron ni Mormon maipapan iti sagrado a kasuratan—Mangrugi ti gubat iti nagbaetan dagiti Nephite ken Lamanite—Mayadayo dagiti Tallo a Nephite—Agtultuloy ti kinadangkes, kaawan ti pammati, panaggamud, ken panagan-anito. Agarup k.p. 321–326.
Kapitulo 2
Idauluan ni Mormon dagiti buyot a Nephite—Malayus ti daga iti dara ken nadawel a panagpatay—Agdung-aw ken agladingit dagiti Nephite iti leddaang dagiti nailunod—Lumabas ti naparaburan nga aldawda—Magun-od ni Mormon dagiti pinanid ni Nephi—Agtuloy ti gubgubat. Agarup k.p. 327–350.
Kapitulo 3
Yararaw ni Mormon ti panagbabawi dagiti Nephite—Maragpatda ti naindaklan a balligi ken bileg iti bukodda a pigsa—Agkedked ni Mormon a mangidaulo kadakuada, ket awanan iti pammati dagiti kararagna kadakuada—Awisen ti Libro ni Mormon dagiti sangapulo-ket-dua a tribu ti Israel a mamati iti ebanghelio. Agarup k.p. 360–362.
Kapitulo 4
Agtultuloy ti gubat ken pammapatay—Dusaen dagiti nadangkes dagiti nadangkes—Nakarkaro a kinadangkes ti agturay iti Israel ngem idi un-unana—Babbai ken ubbing ti maidatdaton kadagiti didiosenda—Rugian dagiti Lamanite a pukawen dagiti Nephite iti sangoda. Agarup k.p. 363–375.
Kapitulo 5
Idauluan manen ni Mormon dagiti buyot dagiti Nephite iti pagbabakalan iti dara ken nadawel a pammapatay—Umayto ti Libro ni Mormon a manggutugot iti sangabukel nga Israel a ni Jesus ti Cristo—Gapu iti dida panamatpati, masayyasayyanto dagiti Lamanite, ket agsardengto ti Espiritu a mangtarabay kadakuada—Awatendanto ti ebanghelio kadagiti Gentil iti ud-udina nga aldaw. Agarup k.p. 375–384.
Kapitulo 6
Aguummong dagiti Nephite iti ili ti Cumorah para iti maudi a pannakigubat—Ilemmeng ni Mormon ti sagrado a kasuratan iti turod ti Cumorah—Agballigi dagiti Lamanite, ket madadael ti pagilian dagiti Nephite—Ginasgasut a ribu ti mapapatay iti espada. Agarup k.p. 385.
Kapitulo 7
Awisen ni Mormon dagiti Lamanite iti ud-udina nga aldaw a mamati ken ni Cristo, awatenda ti ebangheliona, ket maisalakanda—Amin a mamati iti Biblia patienda met ti Libro ni Mormon. Agarup k.p. 385.
Kapitulo 8
Biroken dagiti Lamanite dagiti Nephite tapno dadaelenda ida—Dumteng ti Libro ni Mormon babaen ti pannakabalin ti Dios—Maibalikas ti asi kadagiti manguy-uyaw ken gumurgura iti aramid ti Apo–-Umayto ti kasuratan dagiti Nephite kadagiti aldaw ti kinadangkes, kinalupoy, ken panangtallikud iti relihion. Agarup k.p. 400–421.
Kapitulo 9
Ipaganetget ni Moroni ti panagbabawi dagiti saan a mamati ken Cristo—Inwaragawagna ti maipapan iti Dios ti milagro, a mangmangted iti paltiing ken mangibukbok iti sagut ken pagilasinan kadagiti natulnog—Naisardeng dagiti milagro gapu iti saan a panamati—Suroten dagiti pagilasinan dagiti mamati—Mabagbagaan dagiti tao nga agsayaat ken mangtungpal kadagiti bilin. Agarup k.p. 401–421.