iVolanikalou
Moronai 10


Wase 10

Sa rawa na ivakadinadina ni iVola i Momani ena kaukauwa ni Yalo Tabu—E dau soli na isolisoli ni Yalo ki vei ira na yalodina—Ena dau salavata tikoga e veigauna na vakabauta kei na veisolisoli vakayalo—Era sa vosa mai na kuvu ni soso na vosa i Moronai—Lako mai vei Karisito, ka mai vakataucokotaki Vua, ka vakatabuya na yalomudou. Rauta na 421 S.K.

1 Oqo koi au ko Moronai; au sa vola na veika e vinaka vei au; ka’u sa volavola kina vei ira na wekaqu na aLeimanaiti; ka’u gadreva me ra kila ni sa oti yani e va na drau ruasagavulu na yabaki mai na gauna a vakaraitaki kina na ivakatakilakila ni nona lako mai na Karisito.

2 Ka’u sa na tukuna mada vei kemudou na noqu vosa itatau ka’u na qai adregata na ivolatukutuku oqo.

3 Raica, au sa vakamasuti kemudou ni ena gauna dou sa wilika kina na veika oqo, kevaka sa lewa yalomatua ni Kalou mo dou wilika, dou na wilika ka kila kina na nona loloma na Turaga vei ira na luve ni tamata, mai na buli nei Atama ka yacova sara mai na gauna dou sa na taura kina na itukutuku oqo, ka avakananuma sara e blomamudou.

4 Ia ni dou sa ciqoma na veika oqo, au gadreva me’u vakamasuti kemudou, mo dou akerea vua na Kalou, na Tamada Tawamudu, ena yaca i Karisito, kevaka era bsega ni dina na veika oqo; ia kevaka dou sa kerea ena cyalodina, ena dlomamudou taucoko, ka evakabauta na Karisito, ena fvakatakila vei kemudou ko koya ena kaukauwa ni Yalo Tabu ni sa gdina.

5 Ia ena kaukauwa ni Yalo Tabu dou na akila kina na bdina ni veika kecega.

6 Ia na ka kecega sa vinaka, sa dodonu ka dina; o koya sa sega kina ni dua na ka e vinaka me cakitaki Karisito, ia era sa vakadinadinataki koya ga.

7 Ka dou na kila ni sai koya, ena kaukauwa ni Yalo Tabu; o koya au gadreva kina me’u vakamasuti kemudou mo dou kakua ni cakitaka na kaukauwa ni Kalou; ni sa cakacaka ena kaukauwa ame vaka na nodra vakabauta, na luve ni tamata ka sa tautauvata tu ga edaidai, ni mataka, ka sega ni mudu.

8 Au sa vakamasuti kemudou tale na wekaqu, mo dou kakua ni cakitaka na aisolisoli ni Kalou, ni sa vuqa sara; ka ra sa lako kecega mai vua na Kalou. Sa bduidui na sala era soli kina na isolisoli oqo; ia sa duabauga na Kalou sa cakacakataka tiko na ka kece ena ka kecega; ka ra sa soli vei ira na tamata mai na veivakatakilai ni Yalo ni Kalou, me yaga vei ira.

9 Raica sa soli vua e adua mai vua na Yalo ni Kalou, me bvakatavuvulitaka na vosa ni yalomatua;

10 Ki vua e dua tale me vakatavuvulitaka na vosa ni kila ka, mai vua tale ga na Yalo;

11 Ki vua tale e dua na avakabauta levu sara; vua tale e dua na isolisoli me bveivakabulai, mai vua tale ga na Yalo;

12 Ki vua tale e dua, me cakava na acaka mana lelevu;

13 Ki vua tale e dua, me parofisai me baleta na ka kecega;

14 Ki vua tale e dua, me raici ira na agilosi kei ira na yalo dauveiqaravi;

15 Ki vua tale e dua, na veimataqali vosa kecega;

16 Ki vua tale e dua, me vakadewataka na vosa kei na aveivosa tani e so.

17 Ia na veisolisoli kecega oqo sa mai vua na Yalo i Karisito; ka sa soli vei ira na tamata e vuqa me vaka sa lewa ko koya.

18 Ka’u gadreva me’u vakamasuti kemudou na wekaqu lomani, mo dou nanuma ni ka akecega sa vinaka sa mai vei Karisito.

19 Ka’u sa gadreva me’u vakamasuti kemudou na wekaqu lomani, mo dou nanuma ni sai akoyakoya tiko ga na Kalou e nanoa, ena siga edaidai, ka sega ni mudu, ia na isolisoli kecega ka’u sa tukuna oqo, ka sa isolisoli vakayalo, era na tudei tu ka sega ni kau tani me vaka sa tudei ko vuravura, ia kevaka era sa mudu, sa vu ga mai na nodra btawa-vakabauta na luve ni tamata.

20 O koya sa dodonu kina me tu na avakabauta; ia kevaka sa tu na vakabauta, sa kilikili tale ga me tu na inuinui; ia ni sa tu na inuinui, sa kilikili tale ga me tu na loloma uasivi.

21 Ia kevaka sa sega vei kemudou na aloloma uasivi, dou na sega ni rawa ni vakabulai ena matanitu ni Kalou; dou na sega tale ga ni rawa ni vakabulai ena matanitu ni Kalou kevaka sa sega vei kemudou na vakabauta; ena sega tale ga ni rawa kevaka sa sega vei kemudou na inuinui.

22 Ka kevaka sa sega vei kemudou na inuinui sa dodonu mo dou sa qai vakaloloma sara; ni sa yaco na vakaloloma ena vuku ni caka cala.

23 Ni a kaya vakaidina ko Karisito vei ira na noda qase: aKevaka sa tu vei kemudou na vakabauta, dou sa rawa ni kitaka na ka kecega ena vukuqu.

24 Ia oqo me’u vosa mada ki na iyalayala kece kei vuravura—ni kevaka ena yaco mai na siga ka na kau tani kina na kaukauwa kei na veisolisoli ni Kalou ena kemudou maliwa, ena abaleta ga na btawavakabauta.

25 Ka na ca vei ira na luve ni tamata kevaka sa yaco na ka oqo; ia ena asega e dua ena kemudou maliwa ena kitaka na ka vinaka, io sa sega sara e dua. Ni kevaka e dua vei kemudou sa kitaka na ka vinaka, sa rawata ga ena kaukauwa kei na isolisoli ni Kalou.

26 Ka na ca vei ira sa kauta tani na veika oqo ka qai mate, ni ra sa amate ena nodra bivalavala ca, ka ra na sega ni vakabulai ena matanitu ni Kalou; ka’u sa sega ni lasu; ni’u sa tukuna me vaka na vosa i Karisito.

27 Ka’u sa vakamasuti kemudou mo dou nanuma na veika oqo; ni na yaco kusarawa mai na gauna dou na qai kila kina ni’u sa sega ni lasu, edatou na veirai kina ena itikotiko ni veilewai ni Kalou; ia ena qai kaya vei kemudou na Turaga na Kalou: Au a sega beka ni tukuna vei kemudou na noqu avosa, ka a vola na tamata oqo, me vaka e dua sa bvosa mai vei ira na sa mate, me vaka e dua sa vosa mai na ckuvu-ni-soso?

28 Au sa tukuna na veika oqo me vaka sa parofisaitaki tu. Ka raica, era sa vosa kecega ni Kalou tawavakaiyalayala; ka na avakasiusiu yani na nona vosa mai na itabatamata ki na itabatamata.

29 Ka na vakaraitaka vei kemudou na Kalou ni sa dina na ka au sa vola.

30 Ka’u sa vakamasuti kemudou tale, mo dou alako mai vei Karisito, ka taura matua na isolisoli vinaka kecega, ka bkakua sara ni tara na isolisoli ca, se na ka sa tawasavasava.

31 Mo ayadra mai Jerusalemi, tucake mai na kuvu-ni-soso; io, mo tokara na nomu isulu vakaiukuuku ko iko na gone yalewa ni bSaioni; ka mo cvakaukauwataka na nomu diteki ka vakalevutaka na nomu iyalayala me sega ni mudu, mo ekakua kina ni vakasesei tale, me vakayacori kina na veiyalayalati ka cakava na Tamada Tawamudu vei kemudou, na mataqali i Isireli.

32 Io, dou alako mai vei Karisito, ka mo dou bvakataucokotaki vua, ka vakuwai kemudou mai na veika kecega sa sega ni vakalou, ka kevaka dou sa vakuwai kemudou mai na veika kecega sa sega ni vakalou ka clomana na Kalou ena nomudou igu, vakasama, kei na nomudou kaukauwa kecega, sa na qai rauti kemudou na nona loloma soli wale, ia na nona loloma soli wale dou sa vakataucokotaki kina ena vukui Karisito; ka kevaka dou sa vakataucokotaki ena dloloma soli wale ni Kalou ena vuku i Karisito, dou na sega sara ni rawa ni cakitaka na kaukauwa ni Kalou.

33 Ka kevaka dou sa vakataucokotaki ena loloma soli wale ni Kalou ena vuku i Karisito, ka sega ni cakitaka na nona kaukauwa, dou sa qai avakatabui vei Karisito ena loloma soli wale ni Kalou ena kena a dave na bdra i Karisito me vaka na veiyalayalati i Tamada, me cbokoci kina na nomudou ivalavala ca ka me yaco kina mo dou dtabu ka savasava sara.

34 Ia oqo au sa vakamoce vei kemudou taucoko. Sa voleka me’u lako ka avakacegu ena bparataisi ni Kalou, me yacova ni rau sa ccokoti vata tale na dyaloqu kei na yagoqu, ka’u na qai kau ecake ena lagilagi, ka veirai kei kemudou ena fitikotiko talei ni veilewai cecere i gJiova, na nodra hTuraganilewa Tawamudu na bula kei ira na mate. Emeni.

Sa Mai Cava