1 Kounyeya, mwen Mowoni, m ap ekri ti kras sa lide m di m; e m ekri frè m yo, ^aLamanit yo; e m ta vle yo konnen, plis pase katsan-ven ane te pase depi nou te gen siy ki te fè konnen Kris la ap vini an.

2 Epi, m ^asele rejis sa yo, apre m te fin pale nou kèk pawòl egzòtasyon.

3 Gade, m vle egzòte nou pou lè nou li bagay sa yo, si se volonte Bondye pou nou li yo, pou nou kapab sonje kòman Senyè a te gen mizèrikòd pou pitit lèzòm, depi nan kreyasyon Adan jouk nan lè n ap resevwa bagay sa yo, e pou nou ^amedite l nan ^bkè nou.

4 Epi lè nou resevwa bagay sa yo, m vle egzòte nou pou nou ^amande Bondye, Papa Etènèl la, nan non Kris la, si bagay sa yo se ^bpa verite; e si nou mande avèk yon ^ckè sensè, avèk yon ^dentansyon reyèl, si nou gen ^elafwa nan Kris la, l ap ^fmontre nou se ^gverite, avèk pouvwa Sentespri a.

5 Epi, pa pouvwa Sentespri a nou ^akapab konnen ^bverite nan tout bagay.

6 Epi, nenpòt bagay ki bon, ki jis se verite; se poutèt sa, pa gen onkenn bon bagay ki nye Kris la, okontrè, li admèt Kris la egziste.

7 Epi, nou kapab konnen li egziste pa pouvwa Sentespri a; se poutèt sa, m vle egzòte nou pou nou pa nye pouvwa Bondye; paske, li travay avèk pouvwa, ^adapre lafwa pitit lèzòm, menm jan jodi a, demen, e pou tout tan.

8 Epi ankò, m egzòte nou, frè m yo, pou nou pa nye ^adon Bondye yo, paske yo anpil e yo sòti kote menm Bondye a. Epi gen ^banpil fason moun resevwa don sa yo; men, se menm Bondye a ki fè yo tout; e, se manifestasyon Lespri Bondye ki bay lèzòm yo, pou benefis pa yo.

9 Paske gade, Lespri Bondye a ^afè yon moun kapab ^bpreche pawòl sajès la;

10 Epi menm Lespri a fè yon lòt moun kapab preche pawòl konesans la;

11 Epi menm Lespri a bay yon lòt moun anpil ^alafwa; yon lòt moun ankò, don ^bgerizon;

12 Epi ankò, pou yon lòt moun, pou l kapab fè gwo ^amirak;

13 Epi ankò, pou yon lòt moun, pou l kapab pwofetize konsènan tout bagay;

14 Epi ankò, pou yon lòt moun, vizyon zanj ak travay lespri;

15 Epi ankò, pou yon lòt moun, tout kalite lang.

16 Epi ankò, pou yon lòt moun, entèpretasyon langaj ak divès kalite ^alang.

17 Epi tout don sa yo vini avèk Lespri Kris la; e yo vini sou chak moun separeman, jan Kris la vle.

18 Epi m vle egzòte nou, frè byenneme m yo, pou nou kapab sonje, ^atout bon don sòti nan men Kris la.

19 Epi m egzòte nou frè byenneme m yo, pou nou kapab sonje li se ^amenm nan, ayè, jodi a ak pou tout tan, e tout don sa yo m te pale a ki espirityèl yo, yo p ap janm fini tout tan mond lan egziste, eksepte poutèt ^benkredilite pitit lèzòm.

20 Se poutèt sa, dwe gen ^alafwa; e si dwe gen lafwa, dwe gen esperans tou; e si dwe gen esperans dwe gen charite tou.

21 Epi si nou pa gen ^acharite, pa gen okenn fason n ap kapab sove nan wayòm Bondye a; ni tou nou pa kapab sove nan wayòm Bondye a si nou pa gen lafwa; ni tou nou pa kapab sove nan wayòm Bondye a si nou pa gen esperans.

22 Epi si nou pa gen esperans, n ap nan dezespwa; e gen dezespwa poutèt inikite.

23 Epi Kris la te reyèlman di zansèt nou yo: ^aSi nou gen lafwa nou kapab fè tout bagay mwen jije ki nesesè.

24 Epi kounyeya, m ap pale avèk tout kwen tè a—pou si yon jou pouvwa ak don Bondye yo ta sòti nan pami nou, se va ^apoutèt ^benkredilite.

25 Epi malè pitit lèzòm si se sa ki pase; paske pa gen ^apèsonn k ap fè byen nan pami nou, pa menm yon sèl. Paske, si gen yon moun nan pami nou ki fè byen, l ap travay avèk pouvwa e avèk don Bondye.

26 Epi, malè moun ki fè bagay sa yo, e ki mouri, paske yo ^amouri nan ^bpeche, e yo pa kapab sove nan wayòm Bondye a; e m di sa daprè pawòl Kris la; e m p ap bay manti.

27 Epi m egzòte nou pou nou kapab sonje bagay sa yo; paske, gen yon tan k ap vini vit, lè sa a n ap konnen m p ap bay manti, paske n ap wè m devan tribinal Bondye a; e Senyè Bondye a ap di nou konsa: Èske m pa t deklare nou ^apawòl mwen yo, pawòl mwen yo nonm sa a te ekri a, menm jan avèk yon moun k ap ^bpale nan pami mò yo, wi, menm jan avèk vwa yon moun k ap sòti anba ^cpousyè a?

28 M deklare bagay sa yo pou pwofesi yo kapab akonpli. Epi gade, yo pral sòti nan bouch Bondye etènèl la; e pawòl li pral ^apase nan yon jenerasyon al nan yon lòt.

29 Epi, Bondye pral montre nou bagay li te ekri a se verite.

30 Epi ankò, m ta vle egzòte nou pou nou ^avin jwenn Kris la, e pou nou kenbe tout bon don, e pa ^btouche move don an, ni bagay ki pa pwòp la.

31 Epi ^areveye, leve sòti nan pousyè a, O Jerizalèm; wi, e mete bèl rad ou yo sou w, O pitit fi ^bSiyon an; e ^cranfòse ^dpye w yo, e laji fwontyè w yo pou tout tan, pou w kapab ^epa nan konfizyon ankò, pou alyans Papa Etènèl la te fè avèk w a, O, ou menm kay Izrayèl la kapab akonpli.

32 Wi, ^avin jwenn Kris la, e ^bpèfeksyone nou nan li, e debarase kò nou ak tout endiyite; e si nou debarase kò nou ak tout endiyite, e si nou ^crenmen Bondye avèk tout pouvwa nou, panse nou, ak fòs nou, lè sa a gras li ap ase pou nou, pou nou kapab vin pafè nan Kris la atravè gras li; e si nou pafè nan Kris la atravè ^dgras Bondye, pa gen anyen ki pou fè nou nye pouvwa Bondye.

33 Epi ankò, si, avèk gras Bondye nou vin pafè nan Kris la, e nou pa nye pouvwa l, lè sa a, nou ^asanktifye nan Kris la atravè gras Bondye, nan ^bsan Kris la ki te koule a, ki se alyans Papa a pou ^cremisyon peche nou yo, pou nou kapab vin ^dsen, san tach.

34 Epi kounyeya, m di tout moun orevwa. Talèkonsa m pral ^arepoze nan ^bparadi Bondye a, jistan ^clespri m ak kò m ^dreyini ankò, e m monte avèk triyonf ^eanlè a, pou m rankontre nou devan bon tribinal ^fplezan gran ^gJewova a, ^hjij etènèl ni vivan yo ak mò yo. Amèn.