፩ አሁን እኔ ሞሮኒ፣ መልካም የመሰለኝን በመጠኑ እፅፋለሁ፤ ለወንድሞቼ ^ሀለላማናውያንም እፅፋለሁ፤ እናም ስለክርስቶስ መምጣት ምልክት ከተሰጠ አራት መቶ ሃያ ዓመት ማለፉን እንዲያውቁ እፈልጋለሁ።

፪ እናም እናንተን በጥብቅ በመምከር ጥቂት ከተናገርኳችሁ በኋላ እነዚህን መዛግብት ^ሀአትማቸዋለሁ።

፫ እነሆ፣ እነዚህን ነገሮች በምታነቡበት ጊዜ፣ ይህን እንድታነቡ በእግዚአብሔር ጥበብ ከሆነ፣ ጌታም ለሰው ልጆች ከአዳም መፈጠር ጀምሮ እነዚህን ነገሮች እስከምትቀበሉአቸው ጊዜ ድረስ ምን ያህል መሃሪ እንደነበረ እንድታስታውሱ በጥብቅ እመክራችኋለሁ፣ እናም ^ሀበልባችሁ ይህን ^ለአሰላስሉ።

፬ እናም እነዚህንም ነገሮች በምትቀበሉበት ጊዜ፣ እነዚህ ነገሮች ^ሀሀሰት እንደሆኑ ዘለዓለማዊ አብ እግዚአብሔርን በክርስቶስ ስም ^ለእንድትጠይቁት አጥብቄ እመክራችኋለሁ፤ እናም ^ሐበቅን ልባችሁ፤ ^መከእውነተኛ ፍላጎት፣ በክርስቶስ ^ሠአምናችሁ ከጠየቃችሁት በመንፈስ ቅዱስ ኃይል ^ረእውነቱን ^ሰይገልፅላችኋል።

፭ እናም በመንፈስ ቅዱስ ኃይል የሁሉንም ነገር ^ሀእውነታ ^ለታውቁታላችሁ።

፮ እናም መልካም የሆነ ማንኛውም ነገር ጻድቅ እና እውነተኛ ነው፤ ስለሆነም፣ መልካም የሆነ ማንም ክርስቶስን አይክድም፤ ነገር ግን እርሱ መሆኑን ያረጋግጣል።

፯ እናም እርሱ መሆኑንም በመንፈስ ቅዱስ ኃይል ታውቃላችሁ፤ ስለሆነም፣ የእግዚአብሔርን ኃይል እንዳትክዱ በጥብቅ እመክራችኋለሁ፤ ምክንያቱም እርሱ፣ በሰው ልጆች እምነት ^ሀመሰረት፣ በኃይሉ ዛሬም እንዲሁም ነገም፣ እናም እስከዘለዓለም በአንድ አይነት ይሰራልና።

፰ እናም በድጋሚ ወንድሞቼ፣ የእግዚአብሔር ^ሀስጦታዎች እንዳትክዱአቸው አጥብቄ እመክራችኋለሁ፣ ብዙ ናቸውና፤ እና እነርሱም የሚመጡት ከአንድ እግዚአብሔር ነው። እናም እነዚህ ስጦታዎች የሚገለጡበት ^ለየተለያዩ መንገዶች አሉ፤ ነገር ግን ሁሉን በሁሉ የሚያደርገው እግዚአብሔር አንድ ነው፤ እናም ለሰው በእግዚአብሔር መንፈስ ቅዱስ መገለጥ ለጥቅሙ ይሰጠዋል።

፱ እነሆም፣ ለአንዱ የጥበብን ቃል ^ሀያስተምር ዘንድ፣ የእግዚአብሔር መንፈስ ^ለይሰጠዋል።

፲ እናም ለሌላው፣ ለእርሱም በዚያው መንፈስ የእውቀትን ቃል ያስተምር ዘንድ ይሰጠዋል።

፲፩ እናም ለሌላው እጅግ ታላቅ ^ሀዕምነት፤ ለሌላውም በዚያው መንፈስ ^ለየመፈወስ ስጦታ ይሰጠዋል፤

፲፪ እናም በድጋሚ፣ ለሌላው፣ ታላላቅ ^ሀተአምራትን ያደርግ ዘንድ ይሰጠዋል፤

፲፫ እናም በድጋሚ፣ ለሌላው ስለሁሉም ነገሮች ትንቢት እንዲናገር ይሰጠዋል፤

፲፬ እናም በድጋሚ፣ ለሌላው፣ መላዕክትን የማየት እናም የመንፈስ አገልጋይነት ይሰጠዋል፤

፲፭ እናም በድጋሚ፣ ለሌላው ሁሉንም ዓይነት ልሳን ይሰጠዋል፤

፲፮ እናም በድጋሚ፣ ለሌላው፣ ^ሀቋንቋዎችን እናም የተለያየ ዓይነት ልሳን የተነገሩትን መተርጎም ይሰጠዋል።

፲፯ እናም እነዚህ ሁሉ ስጦታዎች የሚመጡት በክርስቶስ መንፈስ አማካኝነት ነው፤ እናም እነርሱም ለእያንዳንዱ ሰው ለብቻው እያካፈለ እንደፈቃዱ ይመጣሉ።

፲፰ እናም የተወደዳችሁ ወንድሞቼ መልካም ስጦታ ^ሀሁሉ ከክርስቶስ እንደሚመጣ እንድታስታውሱ አጥብቄ እመክራችኋለሁ።

፲፱ እናም የተወደዳችሁ ወንድሞቼ እርሱ ዛሬም እናም ነገም እናም ለዘለዓለም ^ሀአንድ አይነት እንደሆነ፣ እናም የተናገርኳቸው መንፈሳዊ የሆኑት እነዚህ ስጦታዎች በሙሉ ምድር እስካለች የሰው ልጆች ^ለእምነት ካላጡ በስተቀር ፈፅሞ መኖራቸውን እንደማያቆሙ እንድታስታውሱ አጥብቄ እመክራችኋለሁ።

፳ ስለሆነም፣ እምነት ሊኖር ይገባል፤ እናም ^ሀእምነት ካለ ተስፋም ደግሞ ሊኖር ይገባል፤ እናም ተስፋም ደግሞ ካለ ልግስና መኖር አለበት።

፳፩ እናም እናንተ ^ሀልግስና ከሌላችሁ በእግዚአብሔር መንግስት በምንም መንገድ ልትድኑ አይቻላችሁም፤ ወይም እምነት ከሌላችሁ በእግዚአብሔር መንግስት ለመዳን አትችሉም፤ ወይም ተስፋም ከሌላችሁ ለመዳን አይቻላችሁም።

፳፪ እናም ተስፋ ከሌላችሁ በተስፋ መቁረጥ ላይም መሆን አለባችሁ፣ እናም ተስፋ መቁረጥም የሚመጣው በክፋት ነው።

፳፫ እናም ክርስቶስ ለአባቶቻችን በእውነት እንዲህ ሲል ተናግሯቸዋል፥ እናንተም ^ሀእምነት ካላችሁ ለእኔ አስፈላጊ የሆነውን ለማድረግ ይቻላችኋል።

፳፬ እናም አሁን እስከአለም ጫፍ ላሉት ሁሉ እንዲህ ስል እናገራለሁ—የእግዚአብሔር ኃይልና ስጦታ በእናንተ መካከል መሆኑን የሚያቆምበት ቀን ከመጣ፣ ይህም የሚሆነው ^ሀእምነት በማጣት ^ለምክንያት ነው።

፳፭ እናም እንዲህ ከሆነ ለሰው ልጆች ወዮላቸው፤ ከእናንተ መካከል አንድም እንኳን ቢሆን መልካም የሚሰራ ^ሀምንም የለምና። ከመካከላችሁ መልካምን የሚያደርግ አንድ እንኳን ቢኖር፣ እርሱም በእግዚአብሔር ኃይልና ስጦታ ይሰራል።

፳፮ እናም እነዚህን ነገሮች ለሚያስወግዱት እናም ለሚሞቱ ወዮላቸው፣ ምክንያቱም ^ሀከነኃጢአታቸው ^ለይሞታሉ እናም በእግዚአብሔር መንግስት አይድኑምና፤ እናም እኔም የተናገርኩት በክርስቶስ ቃል መሰረት ነው፤ እናም ሀሰትን አልተናገርኩም።

፳፯ እናም እነዚህን ነገሮች እንድታስታውሱ አጥብቄ እመክራችኋለሁ፤ እኔ ሀሰት እንዳልተናገርኩ የምታውቁበት ቀን በፍጥነት ይመጣል፣ በእግዚአብሔር ፍርድ ወንበርም ታዩኛላችሁና፤ እናም ጌታ አምላክ እንዲህ ሲል ይናገራችኋል፥ ከሙታን ^ሀእንደሚጮህ፣ አዎን፣ አንድ ሰው ^ለከመሬት እንደሚናገር በዚህ ሰው የተፃፉትን ^ሐቃላት ለእናንተ አላወጅኩላችሁምን?

፳፰ ትንቢቶች ይፈፀሙ ዘንድ እነዚህን ነገሮች ለእናንተ አውጄአለሁ። እናም እነሆ፣ እነርሱም ከዘለዓለማዊው አምላክ አንደበት ይወጣሉ፤ እናም ቃሉም ከትውልድ ወደ ትውልድ ^ሀያፏጫል።

፳፱ እናም እግዚአብሔርም የፃፍኩት እውነት እንደሆነ ያሳያችኋል።

፴ እናም በድጋሚ ወደ ክርስቶስ ^ሀእንድትመጡ፣ እናም እያንዳንዱን መልካሙን ስጦታ እንድትይዙ፣ እናም ክፉውን ስጦታ ወይም እርኩስን ነገር ^ለእንዳትነኩ አጥብቄ እመክራችኋለሁ።

፴፩ እናም እስራኤል ሆይ ^ሀንቂ ከመሬት ተነሽ፤ አዎን፣ እናም አቤቱ ^ለየፅዮን ሴት ልጅ፣ የሚያምረውን መጎናፀፊያሽን ልበሺ፤ እናም ከዚህም በኋላ ^ሐእንዳትቀላቀሊ፣ የዘለዓለማዊ አባት ለአንቺ፣ አቤቱ የእስራኤል ቤት፣ የገባው ቃል ኪዳን ይሟላም ዘንድ ^መካስማዎችሽን ^ሠአጥብቂ እናም ወሰንሽንም ለዘለዓለም አስፊ፤ ከእንግዲህም አታፍሪም።

፴፪ አዎን፣ ወደ ክርስቶስ ^ሀኑ፣ እናም በእርሱም ^ለፍፁማን ሁኑ፣ እናም ኃጢአተኝነትን በሙሉ ለእራሳችሁ ካዱ፤ እናም ለራሳችሁ ኃጢአተኝነትን በሙሉ ከካዳችሁ፣ እናም በሙሉ ኃይላችሁ፣አዕምሮአችሁ እና ጉልበታችሁ እግዚአብሔርን ^ሐከወደዳችሁ፣ ፀጋው ለእናንተ ይበቃችኋል፣ በፀጋውም በክርስቶስ ፍፁም ትሆናላችሁ፤ እናም በእግዚአብሔር ^መፀጋ በክርስቶስ ፍፁም ከሆናችሁ፣ የእግዚአብሔርን ኃይል በምንም መልኩ አትክዱትም።

፴፫ እናም በድጋሚ፣ በእግዚአብሔር ፀጋ በክርስቶስ ፍፁማን ከሆናችሁ፣ እናም ኃይሉን ካልካዳችሁ፣ በእግዚአብሔር ፀጋ፣ ለኃጢአታችሁ ^ሀስርየት አብ በገባው ቃል ኪዳን ውስጥ ባለው በክርስቶስ ^ለደም መፍሰስ ያለ እንከን ^ሐቅዱስ ትሆኑ ዘንድ በክርስቶስ ^መትቀደሳላችሁ።

፴፬ እናም አሁን ሁላችሁንም እሰናበታችኋለሁ። ^ሀመንፈስና ስጋዬም በአንድነት ^ለእስኪገናኝ፣ እናም ለህያዋን እና ለሙታን ዘለዓለማዊ ^ሐዳኛ በሆነው በታላቁ ^መያህዌህ ^ሠአስደሳቹ የፍርድ ወንበር ፊት እናንተን ለመገናኘት ድል አድርጌ ወደ ^ረሰማይ እስከምመጣ ድረስ፣ በቅርብ ወደ እግዚአብሔር ^ሰገነት ^ሸለማረፍ እሄዳለሁ። አሜን።