Ai Vola i Moronai
Wase 1
Sa volavola ko Moronai me ra na vinaka kina na Leimanaiti—Era sa vakamatei na Nifaiti era na sega ni cakitaki Karisito. Rauta na 401–421 S.K.
1 Oqo koi au ko aMoronai, au sa vola vakalekaleka ga na kedra itukutuku na Jereti, ka’u sa nakita me’u kakua tale ni vola e dua na ka; ia au sa bera ni mate; ka’u vuni voli me ra kakua ni kunei au na Leimanaiti, de ra na vakarusai au.
2 Raica, sa ka rerevaki vakaidina na nodra aveivaluvaluti tiko vakai ira; ka ena vuku ni nodra yalo ca era sa bvakamatei ira kecega na Nifaiti era sa sega ni cakitaka na Karisito.
3 Ia ko i au ko Moronai, au na sega ni acakitaka na Karisito; ia au sa veilakoyaki voli ena vanua cava ga au rawata me’u bula tiko kina.
4 O koya, au na vola e vica tale na ka, ka veibasai kei na ka au a nanuma, ni’u a nanuma me’u na kakua tale ni volavola; ia au na vola mada e vica tale na ka, de na bau yaga vei ira na wekaqu, ko ira na Leimanaiti ena dua na siga mai muri, me vaka na nona inaki na Turaga.