Mataupu 2
Sa tuu atu e Iesu i soo sa Nifaē e toasefululua le mana e faae’e atu ai le meaalofa o le Agaga Paia. E tusa o le 401–421 T.A.
1 O afioga a Keriso, lea na ia fetalai i ona asoo, le toasefululua o ē na ia filifilia, a’o faae’e ona aao i o latou luga—
2 Ma sa ia valaau i latou i o latou igoa, ua fetalai mai: Ia outou valaau atu i le Tamā i lo’u igoa, i le tatalo faatauanau; ma a uma ona outou faia o lenei mea, o le a outou maua le amana tou te etuu atu ai le Agaga Paia ia te ia o lē o le a faae’e atu i ai o outou ilima i ona luga; ma o lo’u igoa ia outou tuuina atu ai, ona sa faapea ona faia e a’u aposetolo.
3 O lenei sa fetalai mai e Keriso ia te i latou ia afioga i le taimi o lona faato’ā afio mai; ma sa le’i lagona e le motu o tagata, ae sa lagona e le au soo; ma o le toatele o i latou na afaae’e atu i ai o latou lima, na afio i ai le Agaga Paia.