1 Dhe tani, po flas në lidhje me ^apagëzimin. Vini re, pleq, priftërinj dhe mësues u pagëzuan; dhe ata nuk u pagëzuan, në qoftë se nuk sollën fryt, që ata ishin të ^bdenjë për të.

2 As nuk pranuan njeri në pagëzim, në qoftë se nuk erdhën me një ^azemër të thyer dhe shpirt të penduar dhe i dëshmuan kishës se ata ishin penduar me të vërtetë për të gjitha mëkatet e tyre.

3 Dhe asnjë nuk u pranua në pagëzim, në qoftë se nuk do të ^amerrte mbi vete emrin e Krishtit, duke patur vendosmëri për t’i shërbyer atij deri në fund.

4 Dhe pasi u pranuan në pagëzim dhe u ndikuan dhe u ^apastruan nga fuqia e Frymës së Shenjtë, ata u numëruan mes njerëzve të kishës së Krishtit; dhe ^bemrat e tyre u morën kështu që ata të mund të kujtoheshin dhe të ushqeheshin nga fjala e mirë e Perëndisë, për t’i mbajtur në udhën e drejtë, për t’i mbajtur përherë të ^ckujdesshëm në lutje, ^dduke u mbështetur vetëm në meritat e Krishtit që ishte ^eautori dhe plotësuesi i besimit të tyre.

5 Dhe ^akisha mblidhej së bashku ^bshpesh për të ^cagjëruar, për t’u lutur dhe për të folur me njëri-tjetrin, në lidhje me mirëqenien e shpirtit të tyre.

6 Dhe ata mblidheshin shpesh së bashku të merrnin bukë dhe verë në kujtim të Zotit Jezus.

7 Dhe ishin të kujdesshëm që të ^amos kishte ndonjë paudhësi mes tyre; dhe të gjithë ata që ishin gjetur duke bërë paudhësi dhe ^btre dëshmitarë të kishës e dënonin atë para ^cpleqve dhe nëse ata nuk pendoheshin dhe nuk ^drrëfenin, emrat e tyre ^efshiheshin dhe ata nuk mund të numëroheshin më mes njerëzve të Krishtit.

8 Por, ^akurdoherë që pendoheshin dhe kërkonin ndjesë me dëshirë të sinqertë, ata ^bfaleshin.

9 Dhe mbledhjet e tyre ^abëheshin nga kisha, sipas mënyrës së shfaqjes së Shpirtit dhe nëpërmjet fuqisë së ^bFrymës së Shenjtë; pasi, sikurse fuqia e Frymës së Shenjtë i bënte ata të predikonin ose të nxitnin, ose të luteshin, ose të kërkonin, ose të këndonin, madje, ashtu bëhej.