1 Ary ankehitriny aho dia miresaka ny momba ny ^abatisa. Indro, natao batisa ny loholona, ny mpisorona ary ny mpampianatra; ary tsy natao batisa izy ireo raha tsy namoa voa izay naneho fa ^bmendrika izany izy ireo.

2 Sady tsy nisy noraisiny teo amin’ny batisa afa-tsy izay nandroso niaraka tamin’ny ^afo torotoro sy ny fanahy manenina, ka nijoro ho vavolombelona tamin’ny fiangonana, fa nibebaka marina tokoa tamin’ny fahotany rehetra izy.

3 Ary tsy nisy noraisina tamin’ny batisa afa-tsy izay ^anitondra teo aminy ny anaran’i Kristy, rehefa nananany ny fahavononana hanompo Azy hatramin’ny farany.

4 Ary rehefa noraisina tamin’ny batisa izy, ary niasana sy ^anodiovin’ny herin’ny Fanahy Masina, dia noraisina ho isan’ny vahoakan’ny fiangonan’i Kristy; ary nalaina ny ^banarany mba hahatsiarovana azy sy hamahanana azy amin’ny teny soan’ Andriamanitra, hitehirizana azy amin’ny lalana tsara, hitanana azy ^dhiambina lalandava amim-bavaka, ^etsy hiantehitra afa-tsy amin’ny fahamendrehan’i Kristy izay ^ftompony sy mpanefa ny finoany.

5 Ary ny ^afiangonana dia nihaona miaraka ^bmatetika mba ^dhifady hanina sy hivavaka ary hifampiresaka amin’izy samy izy ny momba ny fiadanan’ny fanahiny.

6 Ary nihaona miaraka matetika izy ireo mba hiara-mandray ny mofo sy ny divay ho fahatsiarovana an’i Jesoa Tompo.

7 Ary hentitra izy ireo tamin’ny fitandremana mba ^atsy hisian’ny heloka eo anivony; ary na zovy na zovy no hita ho nahavita heloka, dia ^bvavolombelona telon’ny fiangonana no nanameloka azy teo anoloan’ny ^dloholona, ary raha tsy nibebaka izy ka ^eniaiky, dia ^fnovonoina ny anarany, ary tsy noraisina ho isan’ny vahoakan’i Kristy izy.

8 Nefa ^aarakaraka ny nibebahany sy ny nitadiavany famelana tamin’ny finiavana marina no ^bnamelana azy.

9 Ary ny fivoriany dia ^anotarihin’ny fiangonana araka ny fomba fiasan’ny Fanahy sy tamin’ny alalan’ny herin’ny ^bFanahy Masina; fa arakaraka ny nitarihan’ny herin’ny Fanahy Masina azy ireo, na hitory, na hamporisika, na hivavaka, na hitalaho, na hihira, dia arakaraka izay no natao.