1 Ao ngkai I taetae ni kaineti ma te ^abwabetito. Nooria, unimwaane, ibonga ao tia reirei a bwabetitoaki; ao a bon aki bwabetitoaki ni karokoa ae a nooraki uaaia ae oti iai bwa a bon ^btau ni butimwaia.

2 Ao a bon aki butimwaeaki naba tabeman nakon te bwabetito ni karokoa ae a roko ma te nano ae ^auruaki ao te tamnei ae raraoma, ma ni kakoaua nakon te ekaretia bwa a bon rairinanoia ni koaua man aia bure.

3 Ao bon akea ae butimwaeaki nakon te bwabetito ni karokoa moa ae a ^akatoka aran Kristo i aoia, ma n iai irouia te nanomatoa bwa a na toro irouna ni karokoa te toki.

4 Ao i mwin are a tia ni butimwaeaki nakon te bwabetito, ma n rotaki ma ni ^akaitiakaki ni mwaakan te Tamnei are e Raoiroi, a bon warekaki i buakoia aomatan ana ekaretia Kristo; ao a tauaki ^baraia, bwa aonga n uringaki ma ni kamwarakeaki n ana taeka te Atua ae raoiroi, bwa a na waaki n te kawai ae eti, bwa a na aki toki n ^cteimatoa n tataro, n ti ^donimakina ana mwakuri aika a raraoi Kristo, are bon te tia ^ekarika ao te tia karokoa n te toki aia onimaki.

5 Ao te ^aekaretia e bon ^baki toki ni botaki, n ^caki mamatam man tataro, man taetae imarenaia ni kaineti ma maiuraoin tamneia.

6 Ao a bon aki toki ni botaki n anaa te kariki ma te wain, ni kauringa te Uea are Iesu.

7 Ao a bon matoatoa n tarataraia bwa a na ^aakea te bure i buakoia; ao akana a kuneaki ni karaoa te bure mai buakoia, ao ^bteniman ana tia kakoaua te aro a bon kabuakakaia imataia ^cunimwaane, ao ngkana aki rairinanoia, ma ni ^dkaoti aia bure, a ^ekamaunaki araia, ao a bon aki warekaki i buakoia ana aomata Kristo.

8 Ma ^angkana aki toki n rairinanoia ma n ukoukora kabwaran aia bure ma nanoia ni koaua, a bon ^bkabwaraki aia bure.

9 Ao aia botaki a bon ^awaakinaki n te ekaretia n aron ana mwakuri te Tamnei, ao ma ni mwaakan te ^bTamnei are e Raoiroi; bwa ngkana mwaakan te Tamnei are e Raoiroi e kairiia bwa tao a na kabwarabwara, ke a na kaungaia aomata, ke a na tataro, ke a na bubuti, ke a na anene, ao e a bon karaoaki.