1 Im kiiō ij kōnono kōn ^apeptaij. Lo, elder ro, pris ro, im rikaki ro, kar peptaij; im rekar jab peptaij eļan̄n̄e raar jab kwaļo̧k leen ekkar bwe ren kar ^btōllo̧ke.

2 Rekar barāinwōt jab bōk jabdewōt n̄an peptaij ijello̧kun wōt n̄e rekar wōnm̧aanļo̧k kōn ^abōro eo erup im jetōb ettā, im kar kam̧ool n̄an kabun̄ eo bwe raar lukkuun m̧ool ilo ukeļo̧k jān aolep jero̧wiwi ko aer.

3 Im ejjeļo̧k kar bōk n̄an peptaij ijello̧kun n̄e rekar ^abōk ioer etan Kraist, im kar wōr juon kōttōpar n̄an jerbal n̄an e n̄an jem̧ļo̧kin.

4 Im ālikin kar bōk er n̄an peptaij, im kar jerbale ioer im ^akarreoik er jān kajoor eo an Jetōb Kwōjarjar, rekar bōnbōn ilubwiljin armej ro an kabun̄ eo an Kraist; im ^betaer kar būki, bwe ren maron̄ keememej im naajdik er jān em̧m̧an eo an naan in Anij, n̄an kōjparok er ilo wāween ejim̧we, n̄an kōjparok er iien otemjej n̄an ^cekkōl im jar, ^datartar make ioon em̧m̧an ko an Kraist, eo ej ^erijeje im rikadedeļo̧k an tōmak eo aer.

5 Im ^akabun̄ eo eaar kwelo̧k ^bemmakijkij, n̄an ^cjitlo̧k im n̄an jar, im n̄an kōnono ippān doon kōn em̧m̧anļo̧k eo an jetōb ko aer.

6 Im raar kwelo̧k makijkij n̄an bōk pilawā im wain eo, ilo ememej Irooj Jisōs.

7 Im rekar kanooj jejjet n̄an lale bwe en ^aejjeļo̧k jero̧wiwi ilubwiljier; im jabdewōt eo kar lo n̄an kōm̧m̧an bōd, im ^bjilu rikam̧ool an kabun̄ eo eaar liaakeļo̧k er im̧aan ^celder ro, im eļan̄n̄e rejjab ukeļo̧k, im ^djab kwaļo̧k burueer, etaer kar ^ejeorļo̧k, im rekar jab bōnbōn ilubwiljin armej ro an Kraist.

8 A jon̄an ^aemmakijkij in aer ukeļo̧k im kappukot jeorļo̧k bōd, kōn jibadbad em̧ool, kar ^bjeorļo̧k aer bōd.

9 Im kwelo̧k ko aer kar ^akōm̧m̧an jān kabun̄ eo ālikin wāween jerbal ko an jetōb, im jān kajoor eo an ^bJetōb Kwōjarjar; bwe āinwōt kajoor eo an Jetōb Kwōjarjar eaar tōl er eļan̄n̄e n̄an kwaļo̧k naan, ak n̄an kōketak, ak n̄an jar, ak n̄an owar ilo jar, ak n̄an al, em̧ool āindein eaar kōm̧m̧an.