Ol Skripja
Moronae 7


Japta 7

Moronae i askem blong go insaed long ples blong spel blong Lod—Prea wetem tru tingting—Spirit blong Kraes i mekem se ol man oli save wanem i gud mo wanem i nogud—Setan i winim tingting blong ol man blong tanem baksaed long Kraes mo mekem nogud samting—Ol profet oli soemaot taem we Kraes bae i kam—Tru long fet, ol merikel oli hapen mo ol enjel oli givhan—Ol man oli mas hop from laef we i no save finis mo hang gud long bigfala lav. Raonabaot 401–421 A.K.B.

1 Mo nao mi, Moronae, mi raetem sam long ol toktok blong papa blong mi, Momon, we hem i talem long saed blong afet, hop, mo bigfala lav; from folem fasin ia hem i toktok long ol pipol, taem we hem i tijim olgeta long haos blong prea we oli bildimap blong ples blong wosip.

2 Mo nao mi, Momon, mi toktok long yufala, ol brata blong mi we mi lavem tumas; mo i tru long gladhat blong God Papa, mo Lod blong yumi Jisas Kraes, mo tabu tingting blong hem, from presen blong hem i asingaotem mi, mekem se mi save toktok long yufala long taem ia.

3 Taswe, mi wantem toktok long yufala we i blong jos, we i folem Kraes wetem pis, mo we i bin kasem wan hop we i naf, we tru long hemia, yufala i save go insaed long ples blong aspel blong Lod, stat long taem ia go kasem taem we bae yufala i spel wetem hem long heven.

4 Mo nao ol brata blong mi, mi jajem yufala long ol samting ia, from awokbaot blong yufala we i gat pis long medel blong ol pikinini blong ol man.

5 From mi tingbaot toktok blong God we i talem se tru long ol wok blong olgeta bae yufala i asave olgeta; from sapos ol wok blong olgeta oli stap gud, ale oli gud tu.

6 From luk, God i bin talem se, wan man we i anogud i no save mekem samting we i gud; from sapos hem i givim wan presen, o i bprea long God, sapos hem i no mekem samting ia wetem tru tingting, hemia i no helpem hem nating.

7 From luk, oli no kaontem se i wan stret mo gud samting blong hem.

8 From luk, sapos wan man we i anogud i givim wan presen, nao hem i mekem samting ia be bhat blong hem i no wantem; taswe, oli kaontem olsem se hem i bin holembak presen ia; taswe, God i kaontem hem se hem i nogud long fored blong God.

9 Mo semmak ia tu, oli kaontem se i nogud long wan man, sapos bae hem i prea be i no wetem atru tingting blong hat; yes, mo hemia i no helpem hem nating, from God i no akseptem eniwan olsem ia.

10 Taswe, wan man we i nogud i no save mekem samting we i gud; mo tu, bae hem i no givim wan gudfala presen.

11 From luk, wan aspringwota we i konkon i no save givim gudfala wota; mo tu, wan gudfala springwota i no save givim wota we i konkon; taswe, wan man we i wan wokman blong devel i no save folem Kraes; mo sapos hem i bfolem Kraes, hem i no save stap olsem wan wokman blong devel.

12 Taswe, evri samting we i agud, i kam long God; mo samting we i bnogud, i kam long devel; from devel i wan enemi blong God, mo i faet agensem hem oltaem, mo i stap invaetem mo switim ol man blong mekem dsin, mo blong mekem samting we i nogud oltaem.

13 Be luk, samting we i blong God, i stap invaetem mo i switim man blong mekem samting we i gud oltaem; taswe, evri samting we i stap invaetem mo aswitim man blong mekem samting we i gud, mo blong lavem God, mo blong wok blong hem, i bkamaot long God.

14 Taswe, lukaotgud, ol brata blong mi we mi lavem yufala tumas, blong yufala i no jajem se samting we i anogud i blong God, o se samting we i gud mo i blong God, i blong devel.

15 From luk, ol brata blong mi, God i givim long yufala blong ajajem; blong yufala i save gat save ia long samting we i gud, aot long samting we i nogud; mo fasin blong jaj i klia, blong yufala i save wetem wan save we i stret gud, olsem deilaet i defren long dak naet.

16 From luk, aSpirit blong Kraes, God i givim long evri man, blong hem i save gat bsave long samting we i gud aot long samting we i nogud; taswe, mi soemaot long yufala fasin blong jaj; from evri samting we i invaetem man blong mekem samting we i gud mo blong winim tingting blong biliv long Kraes, i kamaot tru long paoa mo presen blong Kraes; taswe, yufala i save wetem wan save we i stret gud se samting ia i blong God.

17 Be eni samting we i winim tingting blong ol man blong mekem samting we i anogud, mo no biliv long Kraes, mo tanem baksaed long hem, mo no wok blong God, ale yufala i save save wetem wan save we i stret gud se, samting ia i blong devel; from tru long fasin ia nao, devel i stap wok, from hem i no winim tingting blong eni man blong mekem samting we i gud, no, i no gat wan; semmak long ol enjel blong hem; mo semmak long olgeta we oli stap anda long hem.

18 Mo nao, ol brata blong mi, from yufala i save laet ia we bae yufala i save yusum blong jaj, we laet ia i alaet blong Kraes, lukaotgud blong yufala i no jaj rong; from wetem semfala bjajmen we yufala i jaj long hem bae Lod i yusum blong jajem yufala tu.

19 Taswe, mi askem strong long yufala, ol brata, blong yufala i mas stadi wetem strong tingting oltaem long alaet blong Kraes, blong yufala i save gat save long wanem we i gud mo wanem we i nogud; mo sapos bae yufala i holemtaet evri gud samting, mo no jajem hem, i tru we bae yufala i kam wan bpikinini blong Kraes.

20 Mo nao, ol brata blong mi, ?hao nao i save hapen se yufala i save holemtaet evri gud samting?

21 Mo nao mi kam long fet ia, we mi bin talem se bae mi tokbaot; mo bae mi talem long yufala, fasin we tru long hem, bae yufala i save holemtaet evri gud samting.

22 From luk, from God i asave evri samting, from we hem i stap oltaem go kasem oltaem, luk, hem i bin sendem ol benjel blong givhan long ol pikinini blong ol man, blong soemaot ol samting long saed blong taem we Kraes bae i kam; mo long Kraes, evri gud samting bae i kam.

23 Mo God i bin talemaot tu long ol profet, tru long maot blong hemwan, se Kraes bae i kam.

24 Mo luk, i bin gat ol defren kaen wei, we hem i soemaot ol samting long ol pikinini blong ol man, we oli gud; mo evri samting we i gud, i kamaot long Kraes; sapos no, ol man oli afoldaon, mo i no save gat wan gudfala samting i kam long olgeta.

25 Taswe, tru long ol wok blong ol aenjel, mo tru long evri toktok we i kamaot long maot blong God, ol man oli stat blong praktisim fet long Kraes; mo olsem ia nao tru long fet, oli bin holemtaet evri gudfala samting; mo olsem ia nao i bin stap kasem taem we Kraes i kam.

26 Mo afta we hem i bin kam, hem i bin sevem ol man tru long fet long nem blong hem; mo tru long fet, oli kam ol boe blong God. Mo i olsem we i tru se Lod i stap laef, hem i bin talemaot ol toktok ia long ol papa blong mifala, i talem: “aEni samting we bae yufala i askem Papa long nem blong mi, we i gud, wetem fet mo stap biliv se bae yufala i kasem, luk, bae Papa i mekem blong yufala.”

27 Taswe, ol brata blong mi we mi lavem tumas, ? ol amerikel oli bin stop from we Kraes i go finis antap long heven, mo i sidaon long raet han blong God, blong baskem long Papa ol raet blong sore blong hem, we hem i gat long ol pikinini blong ol man?

28 From hem i bin mekem wanem we loa i askem, mo hem i wantem olgeta evriwan we oli gat fet long hem; mo olgeta we oli gat fet long hem, bae oli ahang long evri gudfala samting; taswe, hem i btoktok from stamba tingting blong ol pikinini blong ol man; mo hem i stap blong taem we i no save finis long ol heven.

29 Mo from se hem i bin mekem samting ia, ol brata blong mi we mi lavem tumas, ?ol merikel oli bin stop? Luk mi talem long yufala, No; mo tu, ol enjel oli no stop blong givhan long ol pikinini blong ol man.

30 From luk, oli stap andanit long paoa blong hem, blong givhan folem toktok blong oda blong hem, oli stap soem olgeta long olgeta we oli gat strongfala fet mo wan strong tingting long evri kaen fasin olsem blong God.

31 Mo wok blong seves blong olgeta i blong singaotem ol man blong sakem sin, mo blong mekem i hapen mo blong mekem wok blong ol kavenan blong Papa, we hem i bin mekem long ol pikinini blong ol man, blong mekem rere rod long medel blong ol pikinini blong ol man, tru long fasin blong talemaot toktok blong Kraes long ol wokman blong Lod we hem i bin jusum, blong oli save talemaot testemoni long saed blong hem.

32 Mo taem we oli mekem olsem, Lod God i stap mekem rere rod blong mekem se ol narafala man we oli stap oli save gat afet long Kraes, blong mekem se Tabu Spirit i save gat wan ples insaed long hat blong olgeta, folem long paoa blong hem; mo long fasin ia, Papa i mekem i hapen, ol kavenan we hem i bin mekem wetem ol pikinini blong ol man.

33 Mo Kraes i bin talem: “aSapos bae yufala i gat fet long mi, bae yufala i gat paoa blong mekem eni samting we i bnid blong mekem long plan blong mi.”

34 Mo hem i bin talem: “aSakem sin yufala ol en blong wol, mo kam long mi, mo kasem baptaes long nem blong mi, mo gat fet long mi, blong mekem se mi save sevem yufala.”

35 Mo nao, ol brata blong mi we mi lavem tumas, sapos i olsem ia se ol samting ia oli tru we mi bin talem long yufala, mo God bae i soem long yufala, wetem apaoa mo bigfala glori long las bdei, se oli tru, mo sapos oli tru, ?dei blong ol merikel i bin stop?

36 O ?ol enjel oli stop blong kamaot long ol pikinini blong ol man? O ?hem i aholembak paoa blong Tabu Spirit aot long medel blong olgeta? O ?bae hem i mekem, sapos nomo taem bae i stap gohed, o wol bae i gohed blong stanap, o bae i gat wan man nomo i stap long fes blong wol blong God i sevem?

37 Luk mi talem long yufala, No; from hem i tru long fet we ol amerikel oli stap hapen; mo hem i tru long fet we ol enjel oli kamaot mo givhan long ol man; taswe, sapos ol samting ia oli bin stop, sore tumas long ol pikinini blong ol man, from, hem i from oli bno gat bilif, mo evri samting i blong nating.

38 From i no gat eni man we Lod i save sevem, folem ol toktok blong Kraes, sapos oli no gat fet long nem blong hem; taswe, sapos ol samting ia oli bin stop, ale fet tu i bin stop; mo ples blong man i stap nogud tumas, from oli stap olsem se i no bin gat wan fasin blong pemaot man i bin hapen.

39 Be luk, ol brata blong mi we mi lavem tumas, mi jajem ol samting we oli moa gud long yufala, from mi jajem se yufala i gat fet long Kraes from fasin blong yufala blong no stap flas; from sapos yufala i no gat fet long hem, ale yufala i no anaf blong oli kaontem yufala wetem ol pipol blong jos blong hem.

40 Mo bakegen, ol brata blong mi we mi lavem tumas, mi wantem toktok long yufala long saed blong ahop. ?Hao nao hem i olsem se yufala i save kasem fet, sapos yufala i no gat hop?

41 ?Mo wanem ia nao we bae yufala i gat ahop from? Luk mi talem long yufala se bae yufala i gat bhop tru long atonmen blong Kraes mo paoa blong laef bakegen long ded, blong hem, blong girap long dlaef we i no save finis, mo hemia i from fet blong yufala long hem, folem promes.

42 Taswe, sapos wan man i gat afet, i nid blong hem i bmas gat hop; from sapos i no gat fet, i no save gat eni hop.

43 Mo bakegen, luk mi talem long yufala se hem i no save gat fet mo hop, be nomo sapos i hem i gat fasin blong ano stap flas mo tingting blong hat blong hem i stap daon.

44 Sapos i olsem, afet blong hem mo hop i blong nating, from i no gat wan we God i akseptem long fored blong hem, be olgeta nomo we oli no stap flas mo tingting blong hat blong olgeta i stap daon; mo sapos wan man i no stap flas mo tingting blong hat blong hem i stap daon, mo hem i bkonfes tru long paoa blong Tabu Spirit se Jisas i Kraes, i nid blong hem i mas gat bigfala lav; from sapos hem i no gat bigfala lav, hem i nating nomo; taswe, i nid blong hem i mas gat bigfala lav.

45 Mo abigfala lav i save wet longtaem, mo i kaen, mo i no bjalus, mo i no kam bigwan, i no lukaotem samting blong hem nomo, i no save kros kwiktaem, i no tingting long eni nogud samting, mo i no glad long rabis fasin, be i glad long trutok, i stanap strong long evri samting, i bilivim evri samting, i gat hop long evri samting, i stap strong long evri samting.

46 Taswe, ol brata blong mi we mi lavem tumas, sapos yufala i no gat bigfala lav, yufala i nating, from bigfala lav bae i neva sot. Taswe, hang long bigfala lav, we i moa hae bitim evri samting, from evri samting i mas sot—

47 Be abigfala lav i klin blav blong Kraes, mo i stap strong blong oltaem; mo huia we oli faenem se hem i gat hemia long las dei, bae i gud long hem.

48 Taswe, ol brata blong mi we mi lavem tumas, aprea long Papa wetem evri paoa blong hat, blong yufala i save fulap wetem lav ia, we hem i bin givim long olgeta we oli ol tru bman blong folem Pikinini blong hem, Jisas Kraes; blong yufala i save kam ol boe blong God; blong taem we bae hem i kamkamaot, bae yumi dstap olsem hem, from bae yumi luk hem olsem we hem i stap; blong yumi save gat hop ia; blong yumi save ekam klin evriwan olsem we hem i klin evriwan. Amen.