Tusitusiga Paia
Moronae 9


O le tusi lona lua a Mamona i lona atalii o Moronae.

Ua aofia ai le mataupu lona 9.

Mataupu 9

O uiga leaga ma le mataga o sa Nifaē ma sa Lamanā—Ua latou faasaua ma fasioti le tasi i le isi—Ua tatalo Mamona ia oo mai le alofa tunoa ma le agalelei i luga o Moronae e faavavau. E tusa o le 401 T.A.

1 Lo’u atalii pele e, ua ou toe tusi atu ia te oe ina ia e iloa o loo ou ola pea; ae ou te tusi lava e uiga i mea ua matua faanoanoa tele ai.

2 Auā faauta, sa ou tauina se taua tugā ma sa Lamanā, lea sa matou le manumalo ai; ma ua pa’ū Akeanetusi i le pelu, ma Lurama ma Emirona foi; ioe, ma ua toesea mai ia te i tatou se aofa’iga tele o o tatou tagata sili ona lelei.

3 Ma o lenei faauta, lo’u atalii e, ou te fefe ne’i faaumatia e sa Lamanā lenei nuu; ona ua latou le salamo, ma ua faaosooso pea i latou e Satani ia feitagai o le tasi i le isi.

4 Faauta, o loo ou galue pea e le aunoa ia te i latou; ma a ou tautala atu i le afioga a le Atua ma le aa’oa’iga tuusao ua latou gatete ma feitai mai ia te a’u; ma a ou lē tautala atu foi ma le aoaiga tuusao ua latou faamaaa o latou loto e faasaga i ai; o le mea lea, ou te fefe ne’i mea ane ua le toe efinafinau le Agaga o le Alii ma i latou.

5 Ona ua latou matuā feita tele e foliga mai ia te a’u ua leai so latou fefefe i le oti; ma ua leai so latou alofa, o le tasi i le isi; ma ua latou afiafeinu i le toto ma le taui ma sui e le aunoa.

6 Ma o lenei, lo’u atalii pele e, e ui i lo latou faigata, ia ta galulue pea ma le afiligā; auā afai ta te tuu le egalulue, o le a faasalaina i ta’ua i le ta’usalaga; ona ua i ai sa ta’ua galuega e fai a’o ta i ai i lenei fale apitaga omea, ina ia ta faatoilaloina le fili o le amiotonu uma, ma malolo ai o ta’ua agaga i le malo o le Atua.

7 Ma o lenei ou te tusi atu lava e uiga i mafatiaga o lenei nuu. Auā e tusa ma le malamalama lea na ou maua mai ia Amorona, faauta, ua maua e sa Lamanā ni pagota e toatele, ia sa latou aumai mai le olo o Serisa; ma sa i ai tane, fafine, ma tamaiti.

8 Ma o tane ma tamā o ia fafine ma tamaiti ua latou fasiotia; ma ua latou fafaga fafine i tino o a latou tane, ma tamaiti i tino o o latou tamā; ma ua latou le avatu ia te i latou se vai, vagana ai sina mea itiiti.

9 Ma e ui i lenei mea inosia tele a sa Lamanā, ua le sili atu i le mea ua faia e o tatou tagata i Morianetuma. Auā faauta, e toatele afafine o sa Lamanā ua latou ave faapagota; ma ina ua uma ona latou aveesea mai ia te i latou o lena mea ua silisili ona pele ma taua i lo mea uma lava, o le aola mamā ma le etausi mamalu

10 Ma ina ua uma ona latou faia o lenei mea, sa latou fasioti i latou i se auala e silisili ona pa’a’ā, ua faataugā o latou tino seia oo ina feoti; ma ina ua uma ona latou faia o lenei mea, ua latou faaumatia o latou tino e pei o manu aivao, ona o le maaa o o latou loto; ma ua latou faia lenei mea o se faailoga o le loto toa.

11 E, lo’u atalii pele e, e mafai faapefea e ni tagata faapenei, ua aunoa ma le tu malamalama—

12 (Ma ua na’o ni nai tausaga itiiti ua mavae atu, sa avea ai i latou ma ni tagata tu malamalama ma tauagafau)

13 Peitai lo’u atalii e, e mafai faapefea e ni tagata faapenei, o ē o lo latou fiafia ua i ai lea i le faia o mea inosia e tele—

14 E mafai faapefea ona tatou faamoemoe o le a ataofia e le Atua lona aao i le faamasinoga e faasaga ia te i tatou?

15 Faauta, ua tagi ae lo’u loto: Oi talofa i lenei nuu. Afio mai ia, le Atua e, i le faamasinoga, ma natia a latou agasala, ma amioleaga, ma mea inosia mai luma o ou fofoga!

16 O lenei foi, lo’u atalii e, e toatele afafine ua oti a latou tane, ma a latou tama teine, o loo nonofo pea i Serisa; ma o le vaega o meaai lea sa le avea e sa Lamanā, faauta, ua ave e le autau a Senifae, ma ua tuua ai i latou e feoai solo i soo se mea e mafai ona latou o atu i ai mo ni meaai; ma e toatele fafine matutua ua matapogia i le ala ma feoti ai.

17 Ma o le autau ua faatasi ma a’u ua vaivai; ma o autau a sa Lamanā o loo i le va o Serisa ma a’u; ma o le toatele o ē na sosola atu i le autau a aArona ua pa’u’ū fasia i lo latou saua matautia faamanu.

18 E, le amioleaga e o lo’u nuu! Ua aunoa i latou ma le maopoopo ma ua aunoa ma le alofa mutimutivale. Faauta, o a’u ua na’o se tagata, ma ua na’o le malosi o se tagata ua ia te a’u, ma ua lē mafai ona ou toe faamalosia o a’u faatonuga.

19 Ma ua latou malolosi i a latou amio faapi’opi’o; ma ua faapei lo latou saua faamanu, ua lē faasaoina se tasi, pe matutua pe laiti; ma ua latou fiafia i mea uma vagana ai le mea lelei; ma o le mafatia o o tatou fafine ma a tatou fanau i luga o le laueleele atoa lenei ua sili atu i mea uma; ioe, e le mafai e le laulaufaiva ona faamatala, pe mafai foi ona tusia.

20 Ma o lenei, lo’u atalii e, ou te le toe fia tautala atu lava e uiga i lenei vaaiga leaga matautia. Faauta, ua e iloa le amioleaga o lenei nuu; ua e iloa ua aunoa i latou ma se mamalu, ma ua latou le toe lagona se lelei; ma o lo latou amioleaga ua asili atu i lo sa Lamanā.

21 Faauta, lo’u atalii e, e le mafai ona ou fautuaina atu i latou i le Atua ne’i taia a’u e ia.

22 Ae faauta, lo’u atalii e, ou te fautuaina atu oe i le Atua, ma ou te faalagolago ia Keriso ia faaolaina oe; ma ou te tatalo atu i le Atua ia afaasaoina e ia lou ola, e molimauina le toe foi mai o ona tagata ia te ia, po o lo latou faafanoga atoa; ona ua ou iloa o le a fano i latou vagana ai ua latou esalamo ma toe foi mai ia te ia.

23 Ma afai e fano i latou o le a pei o sa Iaretō, ona o le naunau o o latou loto, e asaili mo le toto ma le etauimasui.

24 Ma afai e faapea o le a fano i latou, ua tatou iloa e toatele o tatou uso ua asosola atu ia sa Lamanā, ma e toatele atu foi ni isi o le a sosola atu ia te i latou; o le mea lea, ia e tusi lava ni nai mea itiiti, pe afai e faasaoina oe ma o le a fano a’u ma lē vaai ia te oe; ae ou te talitonu ia mafai ona lata ona ou vaai ia te oe; ona ua ia te a’u ni talafaamaumau paia o le a ou etuuina atu ia te oe.

25 Lo’u atalii e, ia e faamaoni ia Keriso; ma ia lē avea mea ua ou tusia e fai ma mea e te faanoanoa ai, e faamamafa ia te oe seia e oti ai; ae talosia ia siitia a’e oe i luga e Keriso, ma talosia ia avea ona amafatiaga ma lona maliu, ma le faaali mai o lona tino i o tatou tamā, ma lona alofa mutimutivale ma le tali-tiga, ma le faamoemoe o lona mamalu ma le eola faavavau, e tumau i lou imafaufau e faavavau.

26 Ma ia avea le alofa tunoa o le Atua le Tamā, o lē o lona nofoalii ua maualugā i le lagi, ma lo tatou Alii o Iesu Keriso, o lē ua afio i le itu aaao taumatau o lona mana, seia oo ina pule o ia i mea uma, ma tumau ai ia te outou e faavavau. Amene.