Mataupu 12

Ua falepuipui Apinati ona o lona vavalo atu o le faafanoga o le nuu ma le oti o le Tupu o Noa—Ua sii mai e faitaulaga pepelo tusitusiga paia ma faafoliga mai o loo latou tausia tulafono a Mose—Ua amata e Apinati ona aoaoina i latou i Tulafono e Sefulu. E tusa o le 148 T.L.M.

 Ma sa oo ina ua mavae atu le va o tausaga e lua sa oo ina sau Apinati i totonu o i latou ua faafoliga ese, sa latou lē iloa ai o ia, ma amata ona vavalo atu i totonu o i latou, ua fai atu: Ua faapea ona poloaiina o aʼu e le Alii, ua fetalai mai—Apinati e, alu atu ia ma vavalo atu i loʼu nuu nei, ona ua latou faamaaa o latou loto e faasaga mai i aʼu upu; ua latou lē salamo ia latou mea leaga ua fai; o lea, o le a Ou aasiasi atu ai ia te i latou i loʼu toasa, ioe, o loʼu toasa tele o le a Ou asiasi atu ai ia te i latou ia latou amioletonu ma a latou mea inosia.

 Ioe, oi talofa i lenei tupulaga! Ma sa fetalai mai le Alii ia te aʼu: Faaloaloa atu lou lima ma vavalo atu, fai atu: Ua faapea ona fetalai mai o le Alii, o le a oo mai lenei tupulaga i le apologa, ona o a latou amioletonu, ma o le a taia i latou i le ealafau; ioe, ma o le a tutulia e tagata, ma o le a fasiotia, ma o le a ʼaina o latou aano e taie o le ea, ma ʼulī, ioe, ma manu feʼai.

 Ma o le a oo mai o le aola o le tupu o Noa o le a pei le aoga o se ofu i totonu o se eogaumu aasa; ona o le a iloa e ia o Aʼu o le Alii.

 Ma o le a oo mai o le a Ou taiaina loʼu nuu lenei i puapuaga tiga, ioe, i le oge ma i afaamaʼi; ma o le a Ou faia ia latou etagiauueuē i le aso atoa.

 Ioe, ma o le a Ou faia ia saisai aavega i luga o o latou papatua; ma o le a tulituli i latou i luma e pei o se asini gūgū.

 Ma o le a oo mai o le a Ou auina atu uatoʼa a o i latou, ma o le a taia ai i latou; ma o le a taia foi i latou i le amatagi mai sasaʼe; ma o le a faatamaʼia foi lo latou laueleele e einiseti, ma ʼaia a latou kuranuma.

 Ma o le a taia i latou i se faamaʼi tele—ma o nei mea uma o le a Ou faia ona o a latou aamioletonu ma a latou mea inosia.

 Ma o le a oo mai seʼi vagana ua latou salamo, o le a Ou afaaumatia ese atoa i latou mai luga o le lalolagi; peitai o le a latou tuua se etalafaamaumau pe a mavae atu i latou, ma o le a Ou faasaoina ia talafaamaumau mo isi atunuu o le a mauaina le laueleele; ioe, o le a Ou faia lava lenei mea ina ia mafai ona Ou faaali atu mea inosia a lenei nuu i isi atunuu. Ma e tele mea na vavalo atu ai Apinati e faasaga i lenei nuu.

 Ma sa oo ina latou feitai ia te ia; ma sa latou puʼe o ia ma avatu noanoatia o ia i luma o le tupu, ma fai atu i le tupu: Faauta, ua matou aumai i ou luma se tagata o lē sa ia valoia mea leaga e uiga i lou nuu, ma fai mai o le a faaumatia i latou e le Atua.

 10 Ma sa valoia foi e ia mea leaga e uiga i lou soifua, ma fai mai o le a pei lou soifua o se ofu e i totonu o se ogaumu o le afi.

 11 Ma lea foi, sa fai mai o ia o le a pei oe o se ʼausaito, o se ʼausaito mago lava o le fanua, e taufetuli ai i luga manu vaefa ma soli i lalo o vae.

 12 Ma lea foi, ua fai mai o ia o le a pei oe o se fuga o se laau tuitui, lea, a oo ina matua atoatoa, a ula e le matagi, e lelea atu i luga o le laueleele. Ma ua ia faatagā fai mai ua fetalai mai ai le Alii. Ma ua fai mai o ia o le a oo mai nei mea uma i ou luga vagana ai ua e salamo, ma o le a oo mai nei mea ia te oe ona o au amioletonu.

 13 Ma o lenei, le tupu e, o se a se leaga tele ua e faia, pe o a foi ni agasala tetele ua faia e lou nuu, o le a taʼusala ai i tatou e le Atua pe ua faamasinoina ai e lenei tagata?

 14 Ma o lenei, le tupu e, faauta, ua matou lē sala, ma o oe, le tupu e, e te lei agasala; o lea, ua pepelo le tagata lenei e uiga ia te oe, ma ua vavalo fua o ia.

 15 Ma faauta, ua tatou malolosi, o le a lē faapologaina i tatou, pe ave faatagataotaua e o tatou fili; ioe, ma ua e manuia i le laueleele, ma o le a e manuia foi.

 16 Faauta, o le tagata lenei, matou te tuu atu o ia i ou aao; e mafai ona e faia ia te ia e pei ona lelei ia te oe.

 17 Ma sa oo ina faia e le tupu o Noa ia lafo Apinati i le falepuipui; ma sa poloai atu o ia i afaitaulaga ia latou faapotopoto faatasi i latou lava ina ia mafai e ia ona faia se fono faatasi ma i latou po o se a se mea e tatau ona ia faia ia te ia.

 18 Ma sa oo ina latou fai atu i le tupu: Aumai o ia iinei, ina ia mafai ona tatou fesili atu ia te ia; ma sa poloai atu le tupu ia aumai o ia i o latou luma.

 19 Ma sa amata ona latou tuufesili atu ia te ia, ina ia mafai ona latou faafesasiaʼi o ia, ina ia mafai ona latou maua o se mea e tuuaʼi ai o ia; peitai sa tali atu o ia ia te i latou ma le lotoa, ma tali a latou fesili uma, ioe, sa latou ofo tele; ona sa ia atalituina i latou ia latou fesili uma, ma faafemēmēaʼi i latou ia latou upu uma.

 20 Ma sa oo ina fai mai se tasi o i latou ia te ia: O le a le uiga o upu ua tusia, ma ia sa aoao mai e o tatou tamā, fai mai:

 21 aE matua matagofie lava i luga o mauga vae o ia o lē na te aumai tala e lelei; o lē na te talai atu le filemu; o lē na te aumai tala e lelei o mea lelei; o lē na te talai atu le olataga; o lē e fai atu ia Siona, Ua nofotupu lou Atua;

 22 O le a sii i luga e au leoleo le leo; o le a latou pepese faatasi i le leo, ona o le a latou vaai mata i le mata pe a toe aumai Siona e le Alii;

 23 Alalaga ia i le olioli; pepese faatasi ia outou nofoaga tuufua o Ierusalema; ona ua faamafanafanaina e le Alii lona nuu, ua togiola e ia Ierusalema;

 24 Ua afe e le Alii lona aaao paia i mata o atunuu uma, ma o le a vaai tuluʼiga uma o le lalolagi i le olataga a lo tatou Atua?

 25 Ma o lenei sa fai atu Apinati ia te i latou: O outou o afaitaulaga, ua manatu e faapea ua outou aoaoina lenei nuu, ma malamalama i le agaga o valoaga, ae ua outou fia iloa mai ia te aʼu le uiga o nei mea?

 26 Ou te fai atu ia te outou, oi talofa ia te outou i lo outou faapiʼopiʼo o ala o le Alii! Ona afai ua outou malamalama i nei mea, tou te lei aoaoina atu; o lea, ua outou faapiʼopiʼo ai ala o le Alii.

 27 Tou te lei faaaogaina o outou loto tou te amalamalama ai; o lea, sa outou lē popoto. O lea, o ni a ua outou aoao atu i lenei nuu?

 28 Ma sa latou fai mai: Ua matou aoao atu le tulafono a Mose.

 29 Ma sa toe fai atu o ia ia te i latou: Afai ua outou aoao atu le atulafono a Mose aisea ua outou lē tausia ai? Aisea ua outou faaū atu ai o outou loto i luga o ʼoa? Aisea ua outou faia ai le efaitaaga ma faaalu lo outou malosi i le faatasi ma fafine talitane, ioe, ma faaoso lenei nuu e fai le agasala, ua faia ai e le Alii e auina mai aʼu e vavalo faasaga atu i lenei nuu, ioe, se leaga tele e faasaga i lenei nuu?

 30 Tou te le iloa ea ua ou tautala atu i le upumoni? Ioe, ua outou iloa ua ou tautala atu i le upumoni; ma ua tatau ona outou tetete i luma o le Atua.

 31 Ma o le a oo mai o le a taina outou mo a outou amioletonu, ona ua outou fai mai ua outou aoao atu le tulafono a Mose. Ma o se a se mea ua outou iloa e uiga i le tulafono a Mose? aE ala mai ea le olataga i le tulafono a Mose? O ni a fa a outou?

 32 Ma sa latou tali mai ma fai mai o le olataga e ala mai i le tulafono a Mose.

 33 Ae o lenei sa fai atu Apinati ia te i latou: Ua ou iloa afai tou te tausi i poloaiga a le Atua e faaolaina outou; ioe, pe afai tou te tausi i tulafono na tuu mai e le Alii ia Mose i le mauga o aSinai, fai mai:

 34 aO Aʼu o le Alii lou Atua, o lē na eaumaia oe i fafo mai le nuu o Aikupito, i fafo mai le fale o le pologa.

 35 Aua e te fai mo oe ase Atua ese i oʼu luma.

 36 Aua e te fai mo oe se tupua ua ta, po o se faatusa o se mea o i le lagi i luga, po o mea o loo i le lalolagi o i lalo.

 37 O lenei sa fai atu Apinati ia te i latou, ua outou faia ea nei mea uma? Ou te fai atu ia te outou, E leai, tou te lei faia. Ma ua outou aaoaoina ea lenei nuu ia latou faia nei mea uma? Ou te fai atu ia te outou, E leai, tou te lei aoaoina.