1 Ma o lenei ina ua uma ona faalogo mai le tupu i nei upu, sa fai atu o ia i ana faitaulaga: Aveese atu ia lenei tagata, ma fasioti ia te ia; ona o le a ea sa tatou mea e fai ia te ia, ona ua fasa o ia.

2 Ma sa latou tutū mai ma taumafai e faaoo o latou lima ia te ia; peitai sa tetee atu o ia ia te i latou, ma fai atu ia te i latou:

3 Aua tou te pa’i mai ia te a’u, ona o le a taia outou e le Atua pe a oo mai o outou lima ia te a’u, ona ou te le’i tuuina atu le savali na auina mai a’u e le Alii e tuu atu; pe ua ou ta’u atu foi le mea na outou ^atalosaga mai ou te ta’u atu; o lea, o le a lē tuu ai e le Atua ia faaumatia a’u i le taimi nei.

4 Ae e ao ina ou faataunuuina poloaiga na poloaiina ai a’u e le Atua; ma ona ua ou ta’u atu ia te outou le upumoni, ua outou feita mai ia te a’u. O lenei foi, ona ua ou tautala atu le afioga a le Atua ua outou faamasino mai ia te a’u fai mai ua ou fasa.

5 O lenei sa oo ina ua uma ona tautala atu e Apinati nei upu sa fefefe le nuu o le tupu o Noa e pa’i atu o latou lima ia te ia, ona sa i luga o ia le Agaga o le Alii; ma sa ^asusulu ona fofoga i se malamalama tele, sa pei lava o fofoga o Mose a’o i ai i le mauga o Sinai, a’o fetautalatalaa’i ma le Alii.

6 Ma sa tautala atu o ia ma le ^amana ma le pule mai le Atua; ma sa faaauau atu pea e ia ana upu, e faapea:

7 Ua outou vaai ua leai so outou mana e fasioti ai a’u, o lea o le a ou faauma atu ai la’u savali. Ioe, ma ua ou iloa ua ^atuia outou i o outou loto ona ua ou ta’u atu ia te outou le mea moni e uiga ia outou amioletonu.

8 Ioe, ma o a’u upu foi ua faatumuina ai outou i le ofo ma le meia, ma le ita.

9 Peitai ou te faauma atu la’u savali; ma o lea e lē afaina po o fea ou te alu i ai, pe afai e faapea ona faasaoina a’u.

10 Ae o le tele lenei o mea ou te ta’u atu ia te outou, o le mea tou te faia ia te a’u, pe a uma atu lenei, o le a avea o se ^afaatusa ma se ata o mea o le a oo mai.

11 Ma o lenei ou te faitau atu ia te outou ^apoloaiga a le Atua o totoe, ona ua ou iloa ua lē o tusia i latou i o outou loto; ua ou iloa foi sa outou suesue ma a’oa’o atu le amioletonu i le vaega tele o o outou olaga.

12 Ma o lenei, tou te manatua sa ou fai atu ia te outou: Aua e te fai mo oe se tupua ua ta, po o se faatusa o mea o i le lagi i lugā, po o mea o i le lalolagi o i lalo, po o mea o i vai o i lalo o le lalolagi.

13 Ma lea foi: Aua e te ifo oe lava i ai, aua foi e te auauna i ai; auā o A’u o le Alii lou Atua, o se Atua fuā, e asiasi atu i amioletonu a tamā i luga o fanau, i tupulaga e tolu ma le fa o i latou o e inoino mai ia te a’u;

14 Ma faaali atu le alofa mutimutivale i afe o i latou o ē e alolofa mai ia te a’u ma tausi i a’u poloaiga.

15 Aua e te ta’u fua le suafa o le Alii lou Atua; ona o le a ta’usalaina e le Alii o ia o lē na te ta’u fua lona suafa.

16 Ia manatua le aso ^asapati, ia tausi lona paia.

17 O aso e ono e te galue ai, ma fai ai au galuega uma lava;

18 Ae o le aso fitu, o le sapati o le Alii lou Atua, aua e te fai ai se galuega, o oe, po o lou atalii, po o lou afafine, o lau auauna-tane, po o lau auauna-fafine, po o au manu, po o le tagata ese o i totonu o ou faitotoa;

19 Ona o aso e ^aono na faia ai e le Alii le lagi ma le lalolagi, ma le sami, ma mea uma lava o i ai; o le mea lea na faamanuia ai e le Alii le aso sapati, ma faapaia i ai.

20 Ia e ^aava i lou tamā ma lou tinā, ina ia faalevalevaina ou aso i luga o le laueleele ua foaiina mai e le Alii lou Atua ia te oe.

21 Aua e te ^afasioti tagata.

22 Aua e te ^amulilua. Aua e te ^egaoi.

23 Aua e te ^amolimau pepelo i lē lua te tuaoi.

24 Aua e te ^amanao i le fale o lē lua te tuaoi, aua e te manao i le avā a lē lua te tuaoi, po o lana auauna tane, po o lana auauna fafine, po o lana povi, po o lana asini, po o soo se mea lava a lē lua te tuaoi.

25 Ma sa oo ina ua uma ona faai’u e Apinati o ia upu sa fai atu ai o ia ia te i latou: Pe ua outou a’oa’o atu ea lenei nuu e tatau ona latou tausiusi i le faia o nei mea uma ina ia tausia nei poloaiga?

26 Ou te fai atu ia te outou, E leai; auā a na outou faia, po ua lē faia e le Alii ou te sau ma vavalo atu le leaga e uiga i lenei nuu.

27 Ma o lenei ua outou fai mai e ala mai le faaolataga i le tulafono a Mose. Ou te fai atu ia te outou e tatau ona outou tausia pea le ^atulafono a Mose mo le taimi nei; ae ou te fai atu ia te outou, e oo mai le taimi o le a ^elē toe tatau ai ona tausia o le tulafono a Mose.

28 Ma e lē gata i lea, ou te fai atu ia te outou, e lē ala mai le faa ^aolataga i le na’o le ^etulafono; ma a na leai le ⁱtogiola, lea o le a faia e le Atua lava ia mo agasala ma amioletonu a ona tagata, e lē ma’alofia lava le tatau ai ona fano i latou, e ui i le tulafono a Mose.

29 Ma o lenei ou te fai atu ia te outou sa tatau ona i ai se tulafono e tuuina mai i le fanauga a Isaraelu, ioe, o se tulafono ^apatino lava; ona o i latou o se nuu sa ua maaa, sa ^evave ona latou faia o le amioletonu, ma gese ona latou manatua o le Alii lo latou Atua;

30 O lea sa i ai se ^atulafono sa tuuina mai ia te i latou, ioe, o se tulafono o tu ma ^esauniga, o se tulafono sa tatau ona latou ⁱtausiusi tonu i ai mai lea aso i lea aso, e taofi ai i latou i le manatua o le Atua ma lo latou tiute ia te ia.

31 Ae faauta, ou te fai atu ia te outou, o nei mea uma o ni ^afaatusa o mea o le a oo mai.

32 Ma o lenei, pe sa latou malamalama ea i le tulafono? Ou te fai atu ia te outou, E leai, sa latou lē malamalama uma i le tulafono; ma o lenei ona o le maaa o o latou loto; ona sa latou lē malamalama e lē mafai ona faaolaina o soo se tagata ^avagana e ala i le togiola a le Atua.

33 Auā faauta, sa le’i vavalo atu ea Mose ia te i latou e uiga i le afio mai o le Mesia, ma o le a togiola e le Atua ona tagata? Ioe, ma e oo i perofeta ^auma o e sa vavalo talu mai le amataga o le lalolagi—sa latou le’i tautatala ea i se tulaga e uiga i nei mea?

34 Latou te lei fai mai ea o le a afio ifo le ^aAtua lava ia i totonu o le fanauga a tagata, ma ave i ona luga foliga o le tagata, ma afio atu i le mana tele i luga o le fogaeleele?

35 Ioe, ma latou te le’i fai mai foi o le a faataunuuina e ia le ^atoetutū mai o e ua oti, ma o ia, o ia lava, o le a sauaina ma faapuapuagatiaina?