1 Eny, ary moa va i Isaia tsy milaza hoe: Iza no nino ny tatitray, ary iza no anehoana ny sandrin’ny Tompo?

2 Fa Izy dia haniry eo anoloany toy ny zava-maniry tanora sy tahaka ny faka mitsimoka amin’ny tany karakaina; tsy manana endrika na hatsaran-tarehy Izy; ary rehefa hahita Azy isika dia tsy misy hatsarana haniriantsika Azy.

3 Amavoina sy lavin’ny olona Izy; lehilahin’ny alahelo, sy zatra fahoriana; ary nafenintsika Taminy ny tavantsika; nohamavoina Izy ary tsy nahoantsika.

4 ^aNitondra marina tokoa ny ^bfahoriantsika Izy ary nivesatra ny alahelontsika; kanefa isika dia nihevitra Azy ho novelezina sy nokapohin’ Andriamanitra ary nampahoriana.

5 Nefa Izy dia noratraina noho ny ^afandikantsika lalàna, notorotoroina noho ny helotsika; ny famaizana nahatra taminy no nahazoantsika fiadanana; ary ny dian-kapoka taminy no ^bnahasitrana antsika.

6 Isika rehetra dia samy efa naniasia tahaka ny ^aondry; samy efa nivily tamin’ny lalany avy isika rehetra; ary efa nampihatra Taminy ny helotsika rehetra ny Tompo.

7 Nampijaliana sy nampahoriana Izy kanefa ^atsy niloa-bava; nentina toy ny ^bzanak’ondry hovonoina Izy, ary tahaka ny ondrivavy moana eo anoloan’ny mpanety azy dia tsy niloa-bava Izy.

8 Nesorina niala ny tranomaizina sy ny fitsarana Izy; ary iza no hanambara ny taranany? Fa nokapaina Izy hiala ny tanin’ny velona; fa noho ny fandikan-dalàn’ny oloko no namelezana Azy.

9 Ary nataony niaraka tamin’ny olon-dratsy ny fasany, ary niaraka tamin’ny ^ampanankarena ny fatiny; satria Izy dia tsy nanao ^bratsy sady tsy nisy fitaka teo am-bavany.

10 Kanefa sitraky ny Tompo ny hanorotoro Azy; Izy dia efa nametraka Azy tao amin’ny fahoriana; rehefa hanolotra ny fanahiny ianao ho fanatitra noho ny fahotana, dia hahita ny ^ataranany Izy ary hanalava ny androny Izy, ary ny fahafinaretan’ny Tompo dia hiroborobo eo an-tanany.

11 Hahita ny fijalian’ny fanahiny Izy ary ho afa-po; amin’ny fahalalany no hanamarinan’ny mpanompoko marina ny maro; fa ^ahitondra ny helony Izy.

12 Noho izany Aho dia hanome ny anjarany miaraka amin’ny lehibe, ary Izy dia hizara babo miaraka amin’ny mahery; fa efa naidiny hatrany amin’ny fahafatesana ny fanahiny; ary efa natao ho isan’ny mpandika lalàna Izy; ary nitondra ny fahotan’ny maro Izy sy nanao ^afanalalanana ho an’ny mpandika lalàna.