Jeje Ko Rekwojarjar
Mosaia 16


Jebta 16

Anij ej lo̧mo̧o̧ren armej jān aer jebwābwe im jekjek in wōtlo̧k eo aer—Ro rej pād ilo m̧ōm̧ an kanniōk rej āinwōt n̄e eaar ejjeļo̧k pinmuur—Kraist ej kakūrm̧ool jerkakpeje n̄an mour ejjeļo̧k jem̧ļo̧kin ak n̄an en̄taan ejjeļo̧k jem̧ļo̧kin. Iturinļo̧k 148 M.K.

1 Im kiiō, ālikin men kein ke em̧ōj an Abinadai kōnono naan kein eaar erļo̧ke pein im ba: Iien eo enaaj itok n̄e aolep laļ renaaj lo alo̧mo̧o̧r eo an Irooj; n̄e aolep laļ, nokwe, lo im armej naaj lo māj n̄an māj im naaj bkwaļo̧k im̧aan Anij bwe ekajet ko An rejim̧we.

2 Innām naaj ajoļo̧k ro renana, im enaaj wōr unin aer lim̧ō, im bjan̄, im liaajlo̧ļ, im n̄i ļaļļaļ; im men in kōnke rej jamin eo̧ron̄ ainikien Irooj; kōn menin Irooj ej jab lo̧mo̧o̧ren er.

3 Bwe ren am̧ōm̧ kōn kanniōk im rej āinwōt devil, im bdevil ewōr an kajoor ioer; aaet, em̧ool jedpānit in etto eo eaar ckapo ro jemād im jined m̧oktata, eo eaar unin aer kar dwōtlo̧k; eo eaar unin an aolep armej erom m̧ōm̧ an kanniōk, im ļōn̄, im āinwōt devil, im ejeļā nana jān em̧m̧an, im ajeļo̧k er make n̄an devil.

4 Āindein aolep armej raar ajebwābwe; im lo, ren kar jab jem̧ļo̧k aer jebwābwe eļan̄n̄e Anij Eaar jab lo̧mo̧o̧ren armej ro An jān aer jebwābwe im jekjek in wōtlo̧k eo aer.

5 A keememej bwe e eo ej pād wōt ilo an am̧ōm̧ in kanniōk, im ilo̧k wōt ilo iaļ ko an jero̧wiwi im jum̧ae Anij, e ej pād wōt ilo jekjek in wōtlo̧k eo an im devil ewōr aolep an kajoor ioon. Kōn menin e āinwōt n̄e eaar ejjeļo̧k bpinmuur kōm̧m̧ane, kōnke e ej rikōjdat n̄an Anij; im barāinwōt devil ej juon rikōjdat an Anij.

6 Im kiiō eļan̄n̄e Kraist eaar jab itok n̄an laļ, im kōnono kōn men ko rej itok aāinwōt n̄e raar moottok kadede, enaaj kar ejjeļo̧k pinmuur.

7 Im eļan̄n̄e Kraist eaar jab jerkak jān ro remej, ak kar tūm̧i to ko an mej bwe lōb en kar ejjeļo̧k an aanjo̧, im bwe mej en kar ejjeļo̧k an kein ire, enaaj kar ejjeļo̧k jerkakpeje.

8 A ewōr ajerkakpeje, kōn menin lōb ejjeļo̧k an anjo̧, im kein ire an bmej ej oran̄ļo̧k ilo Kraist.

9 E ej ameram eo im mour eo an laļ; aaet, meram eo ejjeļo̧k jem̧ļo̧kin, eo emaron̄ jab tinaad; aaet, im barāinwōt mour eo ejjeļo̧k jem̧ļo̧kin, kōn menin ejjab maron̄ wōr ļo̧k wōt mej.

10 Em̧ool wabanban enaaj kōņak ajab wabanban, im ijurwewe in enaaj kōņak jab ijurwewe, im bōkļo̧k n̄an bjutak im̧aan jikin ekajet an Anij, n̄an cekajet er ekkar n̄an jerbal ko aer n̄e raar em̧m̧an ak n̄e raar nana—

11 Eļan̄n̄e raar em̧m̧an, n̄an jerkakpeje in amour im m̧ōņōņō ejjeļo̧k jem̧ļo̧kin; im eļan̄n̄e raar nana, n̄an bjerkakpeje in en̄taan ejjeļo̧k jem̧ļo̧kin, im kar leļo̧k er n̄an devil, eo eaar bōk er, eo ej mej—

12 Kōnke raar ilo̧k ekkar n̄an ankilaer make im aer kōņaan ekkar n̄an kanniōk; im raar jan̄in kūr ioon Irooj ke pein atūriam̧okake raar erļo̧kļo̧k n̄an er, bwe pein tūriam̧okake raar erļo̧kļo̧k n̄an er, im rekar abin; kōnke kar kakkōl er kōn nana ko aer im mekarta raar jab ilo̧k jān i; im kar jiron̄ er n̄an ukeļo̧k im mekarta rekar jab ukeļo̧k.

13 Im kiiō, kom̧ij jab ke aikuj wūdiddid im ukeļo̧k jān jero̧wiwi ko ami, im keememej bwe ilo im kōn wōt Kraist kom̧ maron̄ mour?

14 Kōn menin, eļan̄n̄e kom̧ij katakin akien Moses, barāinwōt katakin bwe e ej annan̄ in men ko rej itok—

15 Kom̧in katakin er bwe pinmuur ej itok kōn Kraist Irooj, eo ej lukkuun aJemād Indeeo. Amen.