Ol Skripja
Mosaea 18


Japta 18

Alma i prij long sikret—Hem i eksplenem kavenan blong baptaes, mo i mekem baptaes long ol wota blong Momon—Hem i statem Jos Ia blong Kraes mo odenem ol pris—Oli lukaotem olgeta bakegen mo tijim ol pipol—Alma mo ol pipol blong hem oli ronwe long King Noa i go long waelples. Raonabaot 147–145 B.K.B.

1 Mo nao, i bin hapen se Alma, we i ronwe long ol wokman blong king Noa, i asakem ol sin blong hem mo ol rabis fasin blong hem, mo i go long sikret nomo long medel blong ol pipol, mo i stat blong tijim ol toktok blong Abinadae—

2 Yes, long saed blong samting we bae oli kam, mo tu, long saed blong laef bakegen long ded blong ol dedman, mo afasin blong pemaot ol pipol, we bae i kam blong hapen tru long bpaoa, mo ol safaring, mo ded blong Kraes, mo laef bakegen long ded blong hem, mo taem hem i gobak antap long heven.

3 Mo evri man we i wantem blong harem toktok blong hem, hem i tijim olgeta. Mo hem i tijim olgeta long sikret nomo, blong mekem se king i no save long saed blong ol samting ia. Mo i gat plante man we oli bilivim ol toktok blong hem.

4 Mo i bin hapen se evriwan we i bilivim hem, i go aot long wan aples we oli singaotem Momon, we king nao i givim nem ia, from i stap long ol boda blong graon we, samtaem o long ol defren taem, i fulap long ol wael animol.

5 Nao, long Momon i gat wan springwota, blong wota we i klin gud, mo Alma i go long ples ia, from we i gat, kolosap long wota, wan smol bus blong ol smol tri, we hem i haedem hem long deitaem from king i stap lukaotem hem.

6 Mo i bin hapen se olgeta evriwan we i bilivim hem, i go long ples ia blong harem ol toktok blong hem.

7 Mo i bin hapen se afta plante dei i gat wan bigfala namba we oli kam tugeta long ples blong Momon, blong harem ol toktok blong Alma. Yes, evriwan i kam tugeta, olgeta we oli biliv long ol toktok blong hem, blong harem hem. Mo hem i atijim olgeta, mo hem i prijim long olgeta fasin blong sakem sin, mo fasin blong pemaot man, mo fet long Lod.

8 Mo i bin hapen se hem i talem long olgeta: “Luk, hemia ol wota blong Momon (from olsem ia nao oli bin singaotem ples ia), mo nao, from yufala i awantem blong kam long byad blong God, mo blong oli singaotem yufala ol pipol blong hem, mo yufala i dglad blong karem ol hevi samting blong wanwan long yufala, blong mekem se oli nomo hevi;

9 Yes, mo yufala i glad blong krae sore wetem olgeta we oli krae sore, yes, mo leftemap tingting blong olgeta we oli nidim fasin blong leftemap tingting, mo blong stanap olsem ol awitnes blong God long evri taem mo long evri samting, mo long evri ples we yufala i save stap long hem, go kasem ded, mekem se God i save pemaot yufala, mo bae oli kaontem yufala wetem olgeta ia blong bfasfala laef bakegen long ded, blong yufala i save kasem dlaef we i no save finis

10 Nao mi talem long yufala, sapos hemia i tingting we hat blong yufala i wantem, ?wanem nao yufala i gat agensem abaptaes blong yufala long nem blong Lod, olsem wan witnes long fored blong hem se yufala i bin mekem wan bkavenan wetem hem, se bae yufala i wok blong hem mo obei ol komanmen blong hem, blong hem i save kapsaetem Spirit blong hem fulap moa long yufala?”

11 Mo nao taem we ol pipol oli harem ol toktok ia, oli klapem han blong olgeta from glad, mo oli singaot: “Hemia nao wanem hat blong mifala i wantem.”

12 Mo nao i bin hapen se Alma i tekem Helam, we i wan long ol faswan, mo i go mo i stanap insaed long wota, mo i singaot laod, i talem se: “O Lod, kapsaetem Spirit blong yu long wokman blong yu, blong mekem se hem i save mekem wok ia wetem wan hat we i tabu.”

13 Mo taem we hem i talem ol toktok ia, aSpirit blong Lod i kamdaon long hem, mo hem i talem: “Helam, mi bbaptaesem yu, wetem datoriti we i kam long God we I Gat Olgeta Paoa, olsem wan testemoni we yu bin mekem wan kavenan blong wok blong hem kasem taem we yu ded long bodi blong mit mo bun; mo bae Spirit blong Lod i kapsaet long yu; mo bae hem i givim long yu laef we i no save finis, tru long efasin blong pemaot man we i kam long Kraes, we God i bin mekem hem i rere from stat long fstat blong wol.”

14 Mo afta we Alma i talemaot ol toktok ia, Alma tugeta wetem Helam, tufala i aberem tufala tugeta andanit long wota; mo tufala i bin girap mo kamaot long wota wetem glad, from tufala i fulap wetem Spirit.

15 Mo bakegen, Alma i tekem wan narafalawan mo i go blong nambatu taem insaed long wota, mo i baptaesem hem olsem fasfalawan, be hemia nomo, hem i no berem hemwan bakegen long wota.

16 Mo folem fasin ia hem i baptaesem evriwan we i go long ples blong Momon; mo namba blong olgeta i kolosap tu handred mo fo sol; yes, mo oli kasem abaptaes long ol wota blong Momon, mo oli fulap wetem bgladhat blong God.

17 Mo oli singaotem olgeta jos ia blong God, o ajos ia blong Kraes, stat long tetaem ia i go. Mo i bin hapen se eni man we i kasem baptaes tru long paoa mo atoriti blong God, i joenem jos blong hem.

18 Mo i bin hapen se Alma, from we hem i bin gat aatoriti we i kam long God, hem i odenem ol pris; wan pris blong evri fifti long namba blong olgeta, hem i odenem, blong prij long olgeta, mo blong btijim olgeta long saed blong ol samting we oli blong kingdom blong God.

19 Mo hem i givim oda long olgeta se oli no mas tijim eni samting be ol samting nomo we hem i bin tijim, mo we oli bin kamaot long maot blong ol tabu profet.

20 Yes, hem i givim oda long olgeta tu se oli no mas aprijim eni samting be nomo fasin blong sakem sin mo fet long Lod ia we i bin pemaot ol pipol blong hem.

21 Mo hem i givim oda long olgeta se oli no mas gat arao wan wetem narawan, be oli mas lukluk i go long fored wetem bwan ae, mo gat wan fet, mo wan baptaes, mo hat blong olgeta oli joen tugeta blong dkam wan long lav, lav we wan i gat long narawan.

22 Mo olsem ia nao hem i givim oda long olgeta blong prij. Mo olsem ia nao oli kam ol apikinini blong God.

23 Mo hem i givim oda long olgeta se oli mas folem asabat dei, mo holem i tabu, mo tu, long evri dei oli mas talem tangkyu long Lod, God blong olgeta.

24 Mo tu, hem i givim oda long olgeta se, ol pris we hem i bin odenem olgeta, oli mas awok wetem ol han blong olgeta blong sapotem olgeta.

25 Mo i gat wan dei long evri wik we oli putum blong oli mas kam tugeta blong tijim ol pipol, mo blong awosipim Lod, God blong olgeta, mo tu, long evri taem olsem we i save hapen long paoa blong olgeta, blong olgeta oli kam tugeta.

26 Mo ol pris oli no mas dipen long ol pipol blong sapotem olgeta; be from ol wok blong olgeta bae oli kasem agladhat blong God, blong oli save kam strong long Spirit, from oli gat bsave blong God, mekem se oli save tij wetem paoa mo atoriti we i kam long God.

27 Mo bakegen, Alma i givim oda se ol pipol blong jos oli mas serem wanem oli gat, aevriwan folem wanem we hem i gat; sapos hem i gat plante moa, hem i mas serem plante moa; mo long hem we i gat, be smol nomo, bae oli askem smol nomo; mo long hem we i no gat, oli mas givim long hem.

28 Mo olsem ia nao oli mas serem wanem we oli gat, tru long gladhat blong olgeta mo gudfala tingting blong olgeta nomo long God, long ol pris we oli stap long nid, yes, mo long evri sol we oli nidim help mo oli neked.

29 Mo hemia hem i talem long olgeta, from God i bin givim oda long hem; mo oli awokbaot long stret laef long fored blong God, oli bserem samting long wanwan long olgeta, samting blong laef ia mo blong spirit folem wanem we oli nidim mo wanem we oli wantem.

30 Mo nao i bin hapen se evri samting ia i tekem ples long Momon, yes, kolosap long ol awota blong Momon, long bus we i stap kolosap long ol wota blong Momon; yes, ples blong Momon, ol wota blong Momon, bus blong Momon, oli luk naes tumas long ae blong olgeta we oli bin kam long ples ia blong save Ridima blong olgeta; yes, oli gat blesing tumas, from bae oli singsing blong presem hem blong oltaem.

31 Mo ol samting ia oli bin hapen long ol aboda blong graon, blong mekem se king i no save long saed blong olgeta.

32 Be luk, i bin hapen se taem king i faenemaot wan muv we i stap tekem ples long medel blong ol pipol, hem i sendem ol wokman blong hem blong luklukgud olgeta. From hemia, long dei ia we oli stap kam tugeta blong harem ol toktok blong Lod, king i faenemaot olgeta.

33 Mo nao king i talem se Alma i stap lidim ol pipol blong tanem olgeta blong go agensem hem; from hemia, hem i sendem ami blong hem blong kilim olgeta oli ded.

34 Mo i bin hapen se Alma mo ol pipol blong Lod oli asave se ami blong king i stap kam; from hemia, oli tekem ol tenet blong olgeta mo ol famli blong olgeta mo oli aot i go long waelples.

35 Mo namba blong olgeta i kasem raonabaot fo handred mo fifti sol.