1 Ao ngkai, e koro bukina bwa Aramwa are e birinako mai irouia ana toro te uea are Noa, e ^arairananona man ana bure ma ana buakaka, ao e waaki ni karaba i buakoia aomata, ao e a moana reiakinan ana taeka Abinataai—

2 Eng, are e kaineti ma taekan bwaai aika a na riki, ao taekan naba mangautiia maate, ao ^akaboakia te botanaomata, are e na koro bukina rinanon ^bmwaakan, ma korakain, ma maten Kristo, ao mangautina ao waerakena nako karawa.

3 Ao a mwaiti ake a ongo ana taeka ake e reiakin. Ao e reireini ni karaba, bwa e aonga n aki ataia te uea. Ao a mwaiti ake a kakoauai ana taeka.

4 Ao e koro bukina bwa a mwananga te mwaiti ake a kakoaua nakon te ^atabo ae aranaki bwa Moomon, are e katokaki arana iroun te uea, ibukina ngkai e mena n tian te aba are a aki toki n urua aona maan aika a kaakang n taai aika a mwaiti i nanon teuana te ririki.

5 Ngkai bon iai te koburake n ran ae moan te itiaki n te tabo ae Moomon, ao e mwananga nako iai Aramwa, ao iai i rarikin te ran te buakoako ae matenten kaina, are e karaba iai n te ngaina man ana kakae te uea.

6 Ao e koro bukina bwa a mwaiti aika kakoaua ake a nakoina bwa a na ongora n ana taeka.

7 Ao e koro bukina bwa i mwin boong aika a mwaiti ao a rang ni mwaiti aomata ake a botaki n te tabo are Moomon bwa a na ongo ana taeka Aramwa. Eng, a bane ni botaki aomata ake a kakoauai ana taeka bwa a na ongora irouna. Ao e ^areireinia, ao e kabwarabwara nakoia ibukin taekan te rairannano, ao te kaboaki, ao onimakinan te Uea.

8 Ao e koro bukina bwa e kangai nakoia: Taraia, aikai nein Moomon (bwa anne araia) ao ngkai, ngkana kam ^atangiria ni kaaina ana ^bnanai te Atua, ao n aranaki bwa ana botanaomata, ao n ^ctauraoi ni katoka i aomi rawawataia raomi, bwa aonga ni beebete;

9 Eng, ao n tauraoi n tang ma ake a tang; eng, ao ni karau nanoia ake a kainnanoa karauan nanoia, ao n tei bwa ^ataan kakoaua ibukin te Atua n taainako ao ni bwaai nako, n taabo nako ake kam nako iai, ni karokoa matemi, bwa kam aonga ni kabooaki iroun te Atua, ao rin i buakoia ake a na ira te ^bmoan mangauti, bwa e aonga n reke iroumi te maiu ae ^cakea tokina—

10 Ao ngkai I kangai nakoimi, ngkana aio are tangiria nanomi, ao teraa bukina bwa kam na aki kan ^abwabetitoaki i nanon aran te Uea, n riki bwa te tia kakoaua ibukina ao ni karaoa te ^bberita ae tabu mangaia, bwa kam na toro irouna ao ni kaawakin ana tua, bwa e aonga ni kabatia Tamneina ni karuoa nako aomi?

11 Ao ngke a tia n ongo te botanaomata taeka aikai, ao a uboi baia n te kimwareirei, ao a kangai: Anne bon kukurein nanora.

12 Ao ngkai e koro bukina bwa e kaira Eram Aramwa, ngkai ngaia temanna mai buakoia ake a moan kakoaua, ao a mwananga nakon te ran, ao e baibati bwanaana ni kangai: O te Uea, karuoa Tamneim nakon am toro, bwa e aonga ni karaoa te mwakuri aio ma te nano ae itiaki.

13 Ao ngke e a tia n taekin taeka aikai, ao e ruo nakoina ^aTamnein te Uea, ao e kangai: Eram, I ^bbwabetitoiko, man te ^ckariaiakaki are reke mai iroun te Atua ae Moan te Korakora bwa kakoauan ae ko a tia ni karaoa te berita ae tabu bwa ko na toro irouna ni karokoa matem n rabwata; ao ke na ruo Tamnein te Uea nako aom; ao ke e na anganiko te maiu ae akea tokina rinanon ana ^dkabomwi Kristo, are e a tia ni katauraoia man ^emoan rikin te aonaba.

14 Ao ngke e a tia Aramwa n taekin taeka aikai, ao a uaaia Aramwa ma Eram n ^atebo i nanon te ran; ao a otirake mai nanon te ran ma te kimwareirei, ngkai a kaonaki n te Tamnei.

15 Ao e anaa riki temanna Aramwa, ao e nako te kauatai nako nanon te ran, ao e bwabetitoia n aron are karaoia nakon te moan, ma e aki tebo ngaia i nanon te ran.

16 Ao aio arona ngke e bwabetitoia aomata ni kabane ake a nako nakon ana tabo Moomon; ao mwaitia e nakon ae uabubua ma aman te aomata; eng, ao a ^abwabetitoaki i nanon nein Moomon, ao a onrake n ana ^bakoi te Atua.

17 Ao a aranaki bwa ana ekaretia te Atua, ke ana ^aekaretia Kristo, man te tai arei. Ao e koro bukina bwa te aomata are bwabetitoaki n te mwaaka ma ana kariaia te Atua e a karinaki nakon ana ekaretia.

18 Ao e koro bukina bwa man te ^akariaia are reke mai iroun te Atua ao Aramwa e a katabuia ibonga; e katabuia kaka temanna te ibonga nakon te mwaiti ae nimangaun bwa a na kabwarabwara nakoia, ao a na ^breireinia taekan bwaai aika a kaineti ma uean te Atua.

19 Ao e tua nakoia bwa akea te bwai ae a na reiakinna ma ti bwaai aika e a tia n reireinia, ma bwaai ake a tia n taekinaki irouia burabeti aika a tabu.

20 Eng, e tua naba nakoia bwa a na akea te bwai are a na ^atataekinna ma ti ngkana e kaineti ma te rairannano ao onimakinan te Uea, are e a tia ni kabooia ana botanaomata.

21 Ao e tua nakoia bwa e riai n akea te ^aitabaraara imarenaia, ma a riai ni katiteuanaki n aia mwakuri, i nanon te onimaki ao te bwabetito ae ti ^bteuana, ao a na botaki nanoia n te ^cnano ae ti teuana i nanon te tangira imarenaia.

22 Ao e tua nakoia bwa a na kabwarabwara. Ao n riki bwa ^anatin te Atua.

23 Ao e tua nakoia bwa a riai ni karinea te bong ae te ^aTabati, ao n tabuia, ao bwa a na anga aia kaaitau nakon te Uea ae Atuaia ni katoa bong.

24 Ao e tua naba nakoia ibonga ake e a tia ni katabuia bwa a na ^abeku naba ni kabonganaia ni karekei maiuia.

25 Ao iai te bong ae ti teuana ni katoa wiiki are e a tia ni kaokoroaki bwa a ikotaki iai bwa a na reireinia te botanaomata, ao a na ^aneboa te Uea ae Atuaia, ao riki bwa a na botiia ni kabane n aron are a kona.

26 Ao a riai ibonga n aki katan irouia te botanaomata ibukin maiuia; ma e na reke irouia ana ^aakoi te Atua ibukin aia mwakuri, bwa a na rikirake i nanon te Tamnei, ao riki ^bataakin te Atua, bwa aonga n reirei n te mwaaka ma te kariaia mai iroun te Atua.

27 Ao e a manga tua riki Aramwa nakoia kain te ekaretia bwa a na anganako aia bwai, aomata ni ^akabane n aron are irouia; bwa ngkana e korakora irouna ao e riai ni kakorakora riki n anganako; ao ane e karako irouna, ao e karako ae kaantaningaki; ao ane akea irouna e na anganaki.

28 Ao a riai n tibwauai aia bwai n oin nanoia ma kukureia iroun te Atua, ao nakoia ibonga ake rarikin, eng, ao ake a kainnano, ao aomata ake akea karabaia.

29 Ao aikai ake e taekin nakoia, n aron are tuangaki mai iroun te Atua; ao a ^anakonako i nanon te raoiroi imatan te Atua, n ^btibwatibwa imarenaia n te maiun rabwata ao n te maiun tamnei n aron are a kainnanoia ma ake a tangiri.

30 Ao ngkai e koro bukina bwa a karaoaki aikai ni kabane i Moomon, eng, i rarikin ^anein Moomon, i nanon te buakonikai are kaan ma nein Moomon; eng, n te tabo ae Moomon, n nein Moomon, ni buakonikain Moomon, ai tikiraoira imataia aomata, ake a reke irouia ataakin aia Tia Kaboia; eng, ao ai korakorara kabwaiaia, bwa a na bon anenea neboana n aki toki.

31 Ao a karaoaki bwaai aikai iaon ^atian te aba, bwa aonga n aki roko taekaia iroun te uea.

32 Ma taraia, e koro bukina bwa te uea, ngke e a tia n ongo te kakamwakuri i buakoia te botanaomata, ao e kanakoia ana toro bwa a na tarataraia. Mangaia are n te bong are a botaki iai bwa a na ongo ana taeka te Uea ao a reke iroun te uea.

33 Ao ngkai e taku te uea bwa e a tia Aramwa ni kaungai nanoia te botanaomata bwa a n teirake n ekianako; mangaia are e a kanakoa ana taanga bwa a na tiringia.

34 Ao e koro bukina bwa a ^akaongoaki Aramwa ma ana botanaomata te Uea taekan mwanangan ana taanga te uea; mangaia ae a booti umwaia ma aia utu ao a mwananga nako nanon te rereua.

35 Ao mwaitia e nakon ae abubua ma nimangaun te aomata.