1 Im ālikin men kein ke Mosaia eaar kōm̧m̧an āinwōt jemān eaar jiron̄ e, im eaar kōm̧m̧ane kean̄ eo iaolepān āneo, bwe armej ro raar kuktok ippān doon jān iaolepān āneo, bwe ren maron̄ wanlōn̄ļo̧k n̄an tampeļ eo n̄an ron̄jaki naan ko kiin̄ Benjamin enaaj kar kōnono n̄an er.

2 Im eaar wōr oran eo eļap, em̧ool jon̄an lōn̄ eo raar jab maron̄ bwine er; bwe raar wōrļo̧k otem wōrļo̧k im kanooj ļapļo̧k ilo āneo.

3 Im raar bōk ^am̧aanje ko in bwijin in sip ko aer, bwe ren maron̄ ^bkatok katok ko im ^ckatok kijeek ko ^dekkar n̄an kien Moses.

4 Im barāinwōt bwe ren maron̄ leļo̧k kam̧m̧oolol ko n̄an Irooj aer Anij, eo Eaar kadiwōjļo̧k er jān āneen Jerusalem, im eo Eaar lo̧mo̧o̧ren er jān pein rikōjdat ro aer, im kar ^ajitōn̄ em̧m̧aan ro rejim̧we bwe ren ^brikaki ro aer; im juon em̧m̧aan ejim̧we bwe en aer kiin̄, eo eaar kōmour aenōm̧m̧an ilo ^cāneen Zaraemla, im eo Eaar katakin er n̄an ^dkōjparok kien ko an Anij, bwe ren maron̄ m̧ōņōņō im obrak kōn ^eiakwe n̄an Anij im armej otemjeļo̧k.

5 Im ālikin men kein raar wanlōn̄ļo̧k n̄an tampeļ eo, raar kajutak im̧ōn kōppād ko aer ipeļaakin ijo, kajjojo em̧m̧aan ekkal n̄an ^abaam̧le eo an, ekobaik kōrā eo pāleen, im m̧aan ro nejin, im kōrā ro nejin, im m̧aan ro nejier, im kōrā ro nejier, jān rūttotata laļļo̧k n̄an eo ediktata, kajjojo baam̧le eaar jepelļo̧k jān bar juon.

6 Im raar kajutak im̧ōn kōppād ko aer ipeļaakin tampeļ eo, kajjojo em̧m̧aan eaar kōjjelļo̧k ^aim̧ōn kōppād eo an kōn kōjām in n̄an tampeļ eo, bwe ren maron̄ pād wōt ilo im̧ōn kōppād ko aer im ron̄jaki naan ko kiin̄ Benjamin en kar kōnono n̄an er;

7 Bwe jarlepju eo eaar kanooj ļap bwe kiin̄ Benjamin en jab kar maron̄ katakin er aolep ilowaan tampeļ eo, kōn menin eaar kōm̧m̧an bwe juon im̧ōn pād ren kajutak e, bwe armej ro doon ren maron̄ ron̄jaki naan ko enaaj kar kōnono.

8 Im ālikin men kein eaar jino kōnono n̄an armej ro doon jān im̧ōn bar eo; im raar jab maron̄ aolep kar ron̄jaki naan ko an kōnke ļap eo an jarlepju eo; kōn menin eaar kōm̧m̧an bwe naan ko an ren jeje im jilkinļo̧k ilubwiljin ro raar ekkwaadļo̧k jān ainikien, bwe ren maron̄ barāinwōt būki naan ko an.

9 Im erkein naan ko eaar ^akōnono im kōm̧m̧an bwe ren jeje, im ba: Ro jeiū im jatū, aolep kom̧ ro raar kuktok ippān doon, kom̧ ro kom̧ maron̄ ron̄ naan ko aō ko inaaj kōnono n̄an kom̧ rainin; bwe iaar jab jiron̄ kom̧ n̄an wanlōn̄tak ijin n̄an ^bkōjak kōn naan kein inaaj kōnono, ak bwe kom̧ naaj ^ceo̧ron̄ eō, im kōpeļļo̧k lo̧jiln̄ōmi bwe kom̧in maron̄ ron̄, im ^dbūruōmi bwe kom̧in maron̄ meļeļe, im ^eļōmņak ko ami bwe mennin ^fittino ko an Anij ren maron̄ erļo̧k n̄an ami loi.

10 Iaar jab jiron̄ kom̧ n̄an wanlōn̄tak ijin bwe kom̧in ^amijak eō, ak kom̧in ļōmņak bwe n̄a make ij ļapļo̧k jān juon armej kanniōk.

11 A n̄aij āinwōt kom̧, ij dien wōt aolep m̧ōjņo̧ ko otemjeļo̧k an ānbwin im ļōmņak; mekarta n̄a kar kāālete jān armej rein, im kar ekkapit jān jema, im pein Irooj eaar kōtļo̧k eō bwe in ritōl eo im kiin̄ eo ioon armej rein, im kar oņaake im kōjparok eō jān kajoor eo emake wōt An, n̄an jerbal n̄an kom̧ kōn aolepān aō maron̄, ļōmņak im kajoor eo Irooj eaar letok n̄an eō.

12 Ij ba n̄an kom̧ bwe āinwōt kar kōtļo̧k eō bwe in juļo̧k raan ko aō ilo jerbal n̄an kom̧, em̧ool m̧aantak n̄an iien in, im kar jab kappukot ^agold ak silver ak jabdewōt mennin m̧weie otemjeļo̧k ko jān kom̧;

13 Im barāinwōt iaar jab kōtļo̧k kom̧ bwe kom̧in pād ilo ro̧n̄ in kalbuuj ko, ak bwe kom̧in kōm̧m̧an juon bwe en rikōm̧akoko n̄an eo juon, ak bwe kom̧in uror, ak rakim, ak ko̧o̧t, ak ļōn̄; ak em̧ool iaar jab kōtļo̧k bwe kom̧in kōm̧m̧an jabdewōt mennin nana otemjeļo̧k, im kar katakin kom̧ bwe kom̧in kōjparok kien ko an Irooj, ilo aolep men ko Eaar jiron̄ kom̧—

14 Im em̧ool n̄a, make, iaar ^ajerbal kōn pein make bwe in maron̄ jerbal n̄an kom̧, im bwe kom̧in jab eddo kōn ewōj ko, im bwe en ejjeļo̧k ej itok ioomi ko kom̧ eo eaar kanooj eddo n̄an ineek e—im kōn aolep men kein ko iaar kōnono, kom̧ kom̧ij rikam̧ool ro ilo rainin.

15 Ijoke, ro jeiū im jatū, iaar jab kōm̧m̧ani men kein bwe in maron̄ likōmjāje, barāinwōt ij jab ba men kein bwe in maron̄ ņa ruōmi; a bwe ij ba men kein n̄an kom̧ bwe kom̧in maron̄ jeļā bwe imaron̄ uwaak kōn juon ^abōklōkōt erreo im̧aan Anij rainin.

16 Lo, ij ba n̄an kom̧ bwe kōnke iaar ba n̄an kom̧ bwe iaar juļo̧k raan ko aō ilo jerbal n̄an kom̧, ij jab kōņaan likōmjāje, bwe iaar pād wōt ilo jerbal n̄an Anij.

17 A lo, ij ba n̄an kom̧ men kein bwe kom̧in maron̄ ekkatak ^ajeļāļo̧kjeņ; bwe eļan̄n̄e kom̧ij ^bjerbal n̄an ^carmej ro ami kom̧ij jerbal wōt n̄an ami Anij.

18 Lo, kom̧ ar kūr eō ami kiin̄; im eļan̄n̄e n̄a, eo kom̧ ar kūr e ami kiin̄, ij kijejeto n̄an ^ajerbal n̄an kom̧, innām kom̧ij jab aikuj kijejeto n̄an jerbal n̄an doon ke?

19 Im lo barāinwōt, eļan̄n̄e n̄a, eo kom̧ij kūr ami kiin̄, eo eaar juļo̧k raan ko an ilo jerbal n̄an kom̧, im barāinwōt kar m̧ad ilo jerbal n̄an Anij, ej tōllo̧ke jabdewōt kam̧m̧oolol ko jān kom̧, O ekōjkan ami aikuj ^akam̧m̧oolol ami Kiin̄ Ilan̄!

20 Ij ba n̄an kom̧, ro jeiū im jatū, bwe eļan̄n̄e kom̧ij aikuj wūjlepļo̧k aolep kam̧m̧oolol ko im ^anebar ko aolepān ami ewōr an kajoor n̄an būki, n̄an ^bAnij eo Eaar kōm̧anm̧an kom̧, im Eaar kōjparok im oņaake kom̧, im Eaar kōm̧m̧an bwe kom̧in m̧ōņōņō, im Eaar kōtļo̧k bwe kom̧in maron̄ mour ilo aenōm̧m̧an kajjojo ippān doon—

21 Ij ba n̄an kom̧ bwe eļan̄n̄e kom̧ij aikuj jerbal n̄an E eo eaar kōm̧anm̧an eok jān jinoin, im ej kōjparok eok jān raan n̄an raan, jān lewōj n̄an kom̧ menwami, bwe kom̧in maron̄ mour im m̧akūtkūt im kōm̧m̧an ekkar n̄an ^aankilami make, im em̧ool n̄an rejetake kom̧ jān juon iien n̄an bar juon iien—Ij ba, eļan̄n̄e kom̧ij aikuj jerbal n̄an e kōn aolepān ami ak kom̧in naaj jet ^brikarejeran ro ejej tokjāer.

22 Im lo, aolep men eo E ej kajjitōk jān kom̧ n̄an ^akōjparok ^bkien ko An; im Eaar kaalikkare kom̧ bwe eļan̄n̄e kom̧ naaj kōjparok kien ko An kom̧ naaj jeraam̧m̧an ilo āneo; im E jamin kar ^cukoktak jān ta Eaar ba; kōn menin, eļan̄n̄e kom̧ij ^dkōjparok kien ko An E ej kam̧ōņōņō im kōjeraam̧m̧an eok.

23 Im kiiō, ilo ļamļam eo m̧oktata, Eaar kōm̧anm̧an eok, im lewōj n̄an kom̧ mour ko ami, eo kom̧ij m̧uri kake n̄an E.

24 Im karuo, E ej kajjitōk bwe kom̧in kōm̧m̧an āinwōt Eaar jiron̄ kom̧; bwe eļan̄n̄e kom̧ naaj kōm̧m̧an, E ej ^akōjeraam̧m̧an kom̧ m̧ōkaj; im kōn menin Eaar kōļļāik kom̧. Im kom̧ ar m̧uri wōt n̄an e, im kom̧ij, im naaj, indeeo im indeeo; kōn menin, kōn ta ewōr ippemi n̄an ami likōmjāje?

25 Im kiiō ij kajjitōk, kom̧ maron̄ ke ba jabdewōt kōn kom̧ make? Ij uwaak kom̧, Jaab. Kom̧ij jab maron̄ ba bwe kom̧ij em̧ool jon̄an wōt būn̄aln̄al in laļ; mekarta n̄e kom̧ kar ^aejaak jān ^bbūn̄al in laļ; a lo, e An eo eaar kōm̧anm̧an kom̧.

26 Im n̄a, em̧ool n̄a, eo kom̧ ar kūr ami kiin̄, ij jab em̧m̧anļo̧k jān kom̧; bwe n̄aij barāinwōt jān būn̄al. Im kom̧ lo bwe n̄a irūtto, im n̄a inan̄in kōtļo̧k kāān kanniōk in n̄an eo jinen bwidej.

27 Kōn menin, āinwōt iaar ba n̄an kom̧ bwe iaar jerbal n̄an kom̧, ^aetetal ilo bōklōkōt eo e alikkar im̧aan Anij, em̧ool āindein iaar ilo iien in kōm̧m̧an bwe kom̧in kuktok ippān doon, bwe in maron̄ lo ejjeļo̧k ruō, im bwe ^bbōtōktōkimi e jamin itok ioō, n̄e inaaj jutak n̄an ekajet jān Anij kōn men ko otemjej Eaar jiron̄ eō kōn kom̧.

28 Ij ba n̄an kom̧ bwe iaar kōm̧m̧an bwe kom̧in kuktok ippān doon bwe in maron̄ ^ajoļo̧k jān nuknuk ko ballū bōtōktōkimi, ilo tōre in iien in ke inan̄in itōn wanlaļļo̧k n̄an lōb eo aō, bwe in maron̄ wanlaļļo̧k ilo aenōm̧m̧an, im aō ^bjetōb e jabwabanban emaron̄ koba ippān ^criwūjtak ro ilōn̄ ilo al nebar Anij eo ejim̧we.

29 Im eļapļo̧k, ij ba n̄an kom̧ bwe iaar kōm̧m̧an bwe kom̧in kuktok ippān doon, bwe in maron̄ kwaļo̧k n̄an kom̧ bwe ij jamin maron̄ pādļo̧k wōt ami rikaki, ak ami kiin̄;

30 Bwe em̧ool ilo iien in, aolepān ānbwinnū ej wūdiddid otem wūdiddid ilo kajjion̄ in kōnono n̄an kom̧; a Irooj Anij ej rejetake eō, im kar kōtļo̧k eō bwe in maron̄ kōnono n̄an kom̧, im kar jiron̄ eō bwe in kwaļo̧k n̄an kom̧ ilo rainin, bwe ļeo nejū Mosaia ej kiin̄ eo im ripepe eo ioomi.

31 Im kiiō, ro jeiū im jatū, ikōņaan bwe kom̧in kōm̧m̧an āinwōt iaar kōm̧m̧an. Āinwōt kom̧ ar kōjparok kien ko aō, im barāinwōt kein ko an Jemād, im kar jeraam̧m̧anļo̧k, im kar dāpij kom̧ jān wōtlo̧k ilo pein ro ami rikōjdat, em̧ool eļan̄n̄e kom̧ naaj kōjparok kien ko an ļeo nejū, ak kien ko an Anij ko naaj liwōj n̄an kom̧ jān E, kom̧ naaj jeraam̧m̧an ilo āneo, im rikōjdat ro ami rej jamin wōr aer kajoor ioomi.

32 A, O armej ro aō, ekkōl n̄e ab wōr ^aaitwerōk ko rejerkak ilubwiljimi, im kom̧ kāālet n̄an pokake jetōb enana, eo kar kōnono kake jān jema Mosaia.

33 Bwe lo, ewōr wo em̧ōj ba kake ioon eo ej kāālet n̄an pokake jetōb in: bwe eļan̄n̄e ej kāālet n̄an pokake e, im ej pād wōt im mej ilo jero̧wiwi ko an, ejja in wōt ej ilim ^amej n̄an jetōb eo an make; bwe e ej bōk n̄an wōņāān ^bkaje ejjeļo̧k jem̧ļo̧kin, kōnke kar rupe kien Anij eo āinjuon jān an jeļā make.

34 Ij ba n̄an kom̧, bwe ejjeļo̧k juon ilubwiljimi, ijello̧kun wōt ro reddik nejimi kar jab katakin kōn men kein, a ro rejeļā bwe kom̧ij m̧uri indeeo n̄an Jemāmi Ilan̄, n̄an leļo̧k n̄an e aolep otemjeļo̧k ippemi im ami; im barāinwōt kar katakin kom̧ kōn ļo̧o̧k ko ewōr ie kanaan ko kar kōnono kaki jān rikanaan ro rekwōjarjar, em̧ool laļtak n̄an iien eo jemād, Liai, eaar likūt Jerusalem.

35 Im barāinwōt, aolep men kar kōnono kake jān ro jemād m̧ae kiiō. Im lo, barāinwōt, raar kōnono kōn men eo kar jiron̄ er jān Irooj; kōn menin, rejim̧we im m̧ool.

36 Im kiiō, ij ba n̄an kom̧, ro jeiū im jatū, bwe ālikin kom̧ ar jeļā im kar katakin kom̧ aolep men kein, eļan̄n̄e kom̧ naaj rupi im ilo̧k āinjuon jān men ko kar kōnono, bwe kom̧ij doorļo̧k kom̧ jān Jetōb eo an Irooj, bwe en ejjeļo̧k jikin ilo kom̧ n̄an tōl kom̧ ilo iaļ ko an jeļāļo̧kjeņ bwe kom̧in maron̄ jeraam̧m̧an, jeban im lo oņaake—

37 Ij ba n̄an kom̧, bwe armej eo ej kōm̧m̧an men in, ejja in wōt ej diwōjtok ilo alikkar in ^akōpata ņae Anij; kōn menin e ej kāālet n̄an pokake jetōb nana, im ej erom juon rikōjdat n̄an aolep weeppān; kōn menin, Irooj ejjeļo̧k jikin ilo e, bwe e jab jokwe ilo ^btampeļ ko rejjab kwōjarjar.

38 Kōn menin eļan̄n̄e armej en ej ^ajab ukeļo̧k, im ej pād wōt im mej juon rikōjdat n̄an Anij, kajjitōk ko an ^bjim̧we in lan̄ ej karuj jetōb eo an e jabwabanban n̄an juon kile ewāmourur kōn ^cbōd eo an make, eo ej kōm̧m̧an bwe en kuņōk jān im̧aan mejān Irooj, im kobrak būruōn kōn āliklik, im metak, im en̄taan, eo ej āinwōt kijeek eo ejamin kun, eo urur ko an rej wanlōn̄ļo̧k indeeo im indeeo.

39 Im kiiō ij ba n̄an kom̧ bwe ^atūriam̧okake ejjeļo̧k an ioon armej en, kōn menin an jako āliktata ej n̄an kijejetoiki juon kaen̄taan ejjeļo̧k jem̧ļo̧kin.

40 O, aolep kom̧ em̧m̧aan ro rerūtto, im barāinwōt em̧m̧aan ro em̧m̧an dettaer, im kom̧ ajri ro reddik ro remaron̄ meļeļe naan kein aō, bwe iaar kōnono n̄an kom̧ ilo alikkar bwe kom̧in maron̄ meļeļe, ij jar bwe kom̧in maron̄ rujļo̧k n̄an juon ^aememļo̧kjeņ kōn jekjek eo enana an ro raar wōtlo̧k ilo jero̧wiwi.

41 Im eļapļo̧k, ikōņaan bwe kom̧in ļōmņak kōn jekjek eo ejeraam̧m̧an im ^aekōm̧ōņōņō an ro raar kōjparok kien ko an Anij. Bwe lo, rej ^bjeraam̧m̧an ilo aolep men ko otemjeļo̧k, jim̧or ilo kanniōk im jetōb; im eļan̄n̄e renaaj dāpdep wōt ilo ^cniknik n̄an jem̧ļo̧kin naaj bōk er ilo ^dlan̄, bwe ren maron̄ jokwe ippān Anij ilo wāween m̧ōņōņō eo ejjeļo̧k jem̧ļo̧kin. O keememej, keememej bwe men kein rem̧ool; bwe Irooj Anij eaar kōnono e.