1 Im ālikin men kein Amulon eaar lo jouj ilo mejān kiin̄ eo an riLeman ro; kōn menin, kiin̄ eo an riLeman ro eaar kōtļo̧k n̄an e im ro jein im jatin bwe ren jitōn̄ rikaki ro ioon armej ro an, aaet, em̧ool ioon armej ro raar pād ilo āneen Semlon, im ilo āneen Silom, im ilo āneen Amulon.

2 Bwe riLeman ro raar bōk aolep jikin kein; kōn menin, kiin̄ eo an riLeman ro eaar jitōn̄ kiin̄ ro ioon aolep jikin kein.

3 Im kiiō etan kiin̄ eo an riLeman ro eaar Leman, kar etņake etan jemān; im kōn menin kar kūr e kiin̄ Leman. Im eaar kiin̄ ioon elōn̄ armej.

4 Im eaar jitōn̄ rikaki ro jān ļōm̧aro jein im jatin Amulon ilo jabdewōt jikin ko kar an armej ro an; im āindein kajin eo an riNipai ro kar jino katakin ilubwiljin aolep armej ro raar riLeman.

5 Im raar juon armej rejouj n̄an doon; mekarta raar jab jeļā Anij; barāinwōt ro jein im jatin Amulon raar jab katakin er jabdewōt kōn Irooj aer Anij, barāinwōt jaab kōn kien Moses; ak jab katakin er naan ko an Abinadai;

6 A raar katakin er ren kōjparok ļo̧o̧k ko aer, im bwe ren jeje n̄an doon.

7 Im āindein riLeman ro raar ļapļo̧k ilo m̧weie ko, im kar jino wiakake n̄an doon im kanooj kar ļap, im kar jino juon armej emālōtlōt im jeļāļo̧kjeņ, āinwōt n̄an mālōtlōt ko an laļ, aaet, juon armej rejeļāļo̧kjeņ, im itok-limo ilo aolep wāween jero̧wiwi im rakim otemjeļo̧k, ijello̧kun wōt n̄e eaar ilubwiljin ro jeir im jatier makmake.

8 Im kiiō ālikin men kein Amulon eaar jino in kōjerbal ^amaron̄ ioon Alma im ro jein im jatin, im kar jino kaen̄taan e, im kōm̧m̧an bwe ro nejin ren kaen̄taan ro nejier.

9 Bwe Amulon eaar jeļā Alma, bwe eaar ^ajuon iaan pris ro an kiin̄ eo, im bwe eaar e eo eaar tōmak ilo naan ko an Abinadai im kar kokakļo̧k im̧aan kiin̄ eo, im kōn menin eaar ļōkatip ippān; bwe eaar doon kiin̄ Leman, ijoke eaar kōjerbal maron̄ ioer, im likūt ^bjerbal ko ioer, im likūt rilale aer jerbal.

10 Im ālikin men kein jon̄an an ļap en̄taan ko aer raar jino kanooj kajoor kūr n̄an Anij.

11 Im Amulon eaar jiron̄ er bwe ren kabbōjrak kūr ko aer; im eaar likūt ribaar ro ioer n̄an lale er, bwe jabdewōt eo lo e an kūr n̄an Anij en leļo̧k n̄an mej.

12 Im Alma im armej ro an raar jab kotak ainikier ioon Irooj aer Anij, ak raar ^alutōkleplep burueer n̄an e; im eaar jeļā ļōmņak ko an burueer.

13 Im ālikin men kein ainikien Irooj eaar itok n̄an er ilo en̄taan ko aer, im ba: Kom̧in kotak bōrami im kom̧in ineem̧m̧an, bwe I jeļā kōn bujen eo kom̧ ar kōm̧m̧ane n̄an Eō; im Inaaj bujen ippān armej ro Aō im kōtļo̧k er jān kōm̧akoko.

14 Im Inaaj barāinwōt kameraik eddo ko kar likūt ioon aerami, bwe em̧ool kom̧ make kom̧in jab en̄jaki ioon ālikimi, em̧ool n̄e kom̧ij pād ilo kōm̧akoko; im men in Inaaj kōm̧m̧an bwe kom̧in maron̄ jutak āinwōt ^arikam̧ool ro n̄an Eō tokālik, im bwe kom̧in maron̄ jeļā kōn m̧ool in bwe N̄a, Irooj Anij, ij loļo̧k armej ro Aō ilo ^ben̄taan ko aer.

15 Im kiiō ālikin men kein, eddo ko kar likūt ioon Alma im ro jein im jatin kar kōm̧m̧an bwe ren mera; aaet, Irooj Eaar ^akōkajoorļo̧k er bwe ren maron̄ kotak ^beddo ko aer ilo ejjeļo̧k pen, im raar ajeļo̧k er ilo itok-limo im kōn ^cineem̧m̧an n̄an aolep ankilaan Irooj.

16 Im ālikin men kein jon̄an an ļap aer tōmak im aer ineem̧m̧an ainikien Irooj eaar itok n̄an er bar juon alen, im ba: Kom̧in aenōm̧m̧an, bwe ilo ilju Inaaj kōtļo̧k kom̧ jān kōm̧akoko.

17 Im Eba n̄an Alma: Kwōnaaj ilo̧k im̧aan armej rein, im Inaaj ilo̧k ippam̧ im kōtļo̧k armej rein jān ^akōm̧akoko.

18 Kiiō ālikin men kein Alma im armej ro an ilo bon̄ōn eo raar aintok bwijin in mennin mour ko aer ippān doon, im barāinwōt grain ko aer; aaet, em̧ool aolepān bon̄ōn eo raar aintok mennin mour ko aer ippān doon.

19 Im ilo jibbon̄ eo Irooj eaar kōm̧m̧an juon ^akiki eļap en itok ioon riLeman ro, aaet, im aolep rilale jerbal ro aer kar pād ilo juon kiki em̧wilaļ.

20 Im Alma im armej ro an raar ilo̧k ilo āne jem̧aden; im ke raar ito-itak aolepān raan eo raar kalōk im̧ōn kōppād ko aer ilo juon kom̧laļ, im raar ņa etan kom̧laļ eo Alma, kōnke eaar tōl iaļ eo aer ilo āne jem̧aden.

21 Aaet, im ilo kom̧laļ in Alma raar lutōkleplepļo̧k ^akam̧m̧oolol ko aer n̄an Anij kōnke Eaar tūriam̧okake er, im kameraikļo̧k eddo ko aer, im kar kōtļo̧k er jān kōm̧akoko; bwe raar pād ilo kōm̧akoko, im ejjeļo̧k en eaar kōtļo̧k er ijello̧kun wōt n̄e eaar Irooj aer Anij.

22 Im raar leļo̧k kam̧m̧oolol n̄an Anij, aaet, aolep aer em̧m̧aan im aolep aer kōrā im aolep ro nejier ro raar maron̄ kōnono raar kotak ainikier ilo wūjtak e aer Anij.

23 Im kiiō Irooj eba n̄an Alma: Kwōn m̧ōkaj im bōk eok im armej rein ļo̧k jān āne in, bwe riLeman ro reruj im rej lukwarkware kom̧; kōn menin bōk eok ļo̧k jān āne in, im Inaaj kabbōjrak riLeman ro ilo kom̧laļ in bwe ren jab eļļāļo̧k wōt ilo lukwarkware armej rein.

24 Im ālikin men kein, raar ilo̧k jān kom̧laļ eo, im kar bōk ito-itak eo aer ilo āne jem̧aden.

25 Im ālikin aer kar pād ilo āne jem̧aden jon̄oulruo raan raar jikrōkļo̧k ilo āneen Zaraemla; im kiin̄ Mosaia eaar barāinwōt bōk er ilo m̧ōņōņō.