1 O lenei sa oo ina sa toatele tupulaga faia’e sa lē mafai ona malamalama i upu a le tupu o Peniamina, ona o ni fanau laiti i latou i le taimi na saunoa mai ai o ia i lona nuu; ma sa latou lē talitonu i uputuu a o latou tamā.

2 Sa latou lē talitonu i mea sa tautalagia e uiga i le toetutu mai o ē ua oti, pe sa latou talitonu foi e uiga i le afio mai o Keriso.

3 Ma o lenei ona o lo latou lē talitonu sa lē mafai ai ona latou ^amalamalama i le afioga a le Atua; ma sa faamaaa o latou loto.

4 Ma sa latou lē fia papatiso; pe sa latou fia auai foi i le ekalesia. Ma sa avea i latou o ni tagata ese e tusa ma lo latou faatuatuaga, ma sa faapea ona latou tumau ai mai lena taimi, i lo latou tulaga ^afaaletino ma tumu i le agasala; ona sa latou lē fia valaau atu i le Alii lo latou Atua.

5 Ma o lenei i le nofoaiga a Mosaea, sa lē tusa lo latou toatele ma le afa o tagata o le Atua; ae ona o ^afevaevaea’iga sa i ai i totonu o le au uso, sa oo ina atili faatoateleina ai i latou.

6 Ona sa oo ina latou faasesēina le toatele o ē sa i ai i le ekalesia, I a latou upu taufaase’e, ma ua mafua ai ona latou faia o agasala e tele; o lea sa tatau ai ia te i latou oē na faia le agasala, o ē sa i ai i le ekalesia, ona ^aa’oa’ia e le ekalesia.

7 Ma sa oo ina aumai i latou i luma o faitaulaga, ma sa tuu atu i latou i luga i faitaulaga e le ‘au a’oa’o; ma sa aumai i latou e faitaulaga i luma o Alema, o ia o le ^afaitaulaga sili.

8 O lenei sa tuu atu e le tupu o Mosaea ia Alema le pule i luga o le ekalesia.

9 Ma sa oo ina sa lē iloa e Alema e uiga ia te i latou; peita’i sa i ai ni molimau e toatele e faasaga ia te i latou; ioe, sa tula’i le nuu ma molimau atu i le tele o a latou amioletonu.

10 O lenei sa le’i i ai se mea faapea na tupu muamua i le ekalesia; o lea na atuatuvale ai Alema i lona agaga, ma sa faia e ia ia aumai i latou i luma o le tupu.

11 Ma sa fai atu o ia i le tupu: Faauta, o le toatele nei o ē ua matou aumai i ou luma, o ē ua tuua’ia e o latou uso; ioe, ma sa maua i latou o latou faia amioletonu eseese. Ma ua latou lē salamo i a latou amioletonu; o lea ua matou aumai ai i latou i ou luma, ina ia mafai ona e faamasino i latou e tusa ma a latou solitulafono.

12 Peitai sa fai atu le tupu o Mosaea ia Alema: Faauta, ou te lē faamasinoina i latou; o lea ou te ^atuu atu ai i latou i ou lima ia faamasinoina.

13 Ma o lenei sa toe atuatuvale le agaga o Alema; ma sa alu atu o ia ma ole atu i le Alii po o le a le mea e tatau ona ia faia e uiga i lenei mataupu, ona sa mata’u o ia ne’i fai e ia se mea sese i le silafaga a le Atua.

14 Ma sa oo ina ua uma ona ia tuuina atu lona agaga atoa i le Atua, sa oo mai le siufofoga o le Alii ia te ia, ua fetalai mai:

15 Amuia lava oe, Alema, ma amuia foi i latou o ē na papatiso i ^avai o Mamona. Ua e manuia ona o lou ^efaatuatua tele i na’o upu a la’u auauna o Apinati.

16 Ma amuia foi i latou ona o lo latou faatuatua tele i na’o upu na e tautala atu ai ia te i latou.

17 Ma amuia lava oe ona ua e faatuina se ^aekalesia i totonu o lenei nuu; ma o le a faatumauina i latou, ma o le a avea i latou ma o’u nuu.

18 Ioe, amuia lava lenei nuu o ē ua loto e tauave lo’u ^aigoa; ona o lo’u igoa o le a valaau ai i latou; ma e ā a’u i latou.

19 Ma ona ua e fesili mai ia te a’u e uiga i lē ua solitulafono, ua faamanuiaina oe.

20 O oe o la’u auauna; ma Ou te osifeagaiga ma oe o le a e maua le ^aola e faavavau; ma ia e auauna mai ia te a’u ma galue i lo’u igoa, ma faapotopoto faatasi mai a’u mamoe.

21 Ma o ia o lē e faalogo mai i lo’u leo o le a avea ma a’u ^amamoe; ma o ia e talia i le ekalesia, ma o le a Ou talia foi o ia.

22 Auā faauta, o la’u ekalesia lenei; soo se tasi e ^apapatiso ia papatisoina i le salamo. Ma o soo se tasi tou te talia, ia talitonu i lo’u igoa; ma o le a Ou ^efaamagaloina tuusaoloto o ia.

23 Ona o A’u o lē ua ^aaveina i o’u luga agasala a le lalolagi; ona o A’u o lē na ^efoafoaina i latou; ma o A’u o lē na te tuu atu ia te ia o lē e talitonu e oo i le iuga, se nofoaga i lo’u lima taumatau.

24 Auā faauta, o lo’u igoa ua valaau ai i latou; ma afai latou te ^ailoa a’u o le a latou o mai, ma o le a latou maua se nofoaga e faavavau i lo’u lima taumatau.

25 Ma e oo pe a ili mai le pu lona ^alua, ona o mai lea o i latou o e sa lē ^eiloaina lava a’u ma o le a tutula’i i o’u luma.

26 Ma o le a latou iloa i le taimi lena o A’u o le Alii lo latou Atua, o A’u o lo latou Togiola; peitai sa latou lē mananao e togiolaina i latou.

27 Ma o le a Ou ta’utino atu ia te i latou i le taimi lena sa Ou lē ^ailoaina lava i latou; ma o le a latou ^eo atu i le afi e ⁱfaavavau ua saunia mo le tiapolo ma ana agelu.

28 O lea Ou te fai atu ai ia te oe, o ia o lē e lē ^afaalogo mai i lo’u leo, o ia lava lea ia outou lē taliaina i la’u ekalesia, ona o ia lea o le a Ou lē taliaina i le aso gataaga.

29 O lea Ou te fai atu ai ia te oe, Alu ia; ma o soo se tasi e solitulafono faasaga mai ia te a’u, ia e ^afaamasinoina o ia e ^etusa ma agasala ua faia e ia; ma afai e ⁱta’utino mai e ia ana agasala i luma o oe ma a’u, ma ua ^osalamo i le faamaoni o lona loto, ia e ^ufaamagaloina o ia, ma o le a Ou faamagaloina foi o ia.

30 Ioe, ma o le ^atele o taimi e ^esalamo ai lo’u nuu Ou te faamagalo ai i latou ia latou solitulafono faasaga mai ia te a’u.

31 Ma ia outou ^afaamagalo foi le tasi i le isi i a outou solitulafono; auā e moni Ou te fai atu ia te oe, o ia o lē e lē faamagalo atu i solitulafono a lē la te tuaoi pe a fai mai o ia ua salamo, o ia lava lea ua ia aumai o ia lava i lalo i le ta’usalaga.

32 O lenei Ou te fai atu ia te oe, Alu ia; ma o soo se tasi e lē fia salamo i ana agasala, o ia lava lea o le a lē faitauina i totonu o lo’u nuu; ma o le a tausia lenei mea mai le taimi nei agai i luma.

33 Ma sa oo ina ua uma ona faalogo o Alema i nei upu sa tusi e ia i lalo ina ia mafai ona maua e ia, ma ina ia mafai ona faamasino e ia tagata o lena ekalesia e tusa ma poloaiga a le Atua.

34 Ma sa oo ina alu atu Alema ma faamasino i latou o ē na maua o amioletonu, e tusa ma le afioga a le Alii.

35 Ma soo se tasi sa salamo i a latou agasala ma ^ata’utino mai i latou, o i latou ia na faitau e ia i totonu o tagata o le ekalesia.

36 Ma o i latou o e sa lē fia ta’utino mai a latou agasala ma salamo i a latou amioletonu, o i latou lava ia sa lē faitauina i totonu o tagata o le ekalesia, ma sa ^asoloiesea o latou igoa.

37 Ma sa oo ina pulea e Alema mataupu uma o le ekalesia; ma sa amata ona latou toe maua o le filemu ma le manuia tele i mataupu o le ekalesia, ma savavali ma le faaeteete i luma o le Atua, ma talia le toatele, ma papatiso foi le toatele.

38 Ma o lenei o nei mea uma sa faia e Alema ma ona uso-a-auauna o ē sa ta’ita’i i le ekalesia, ma savavali ma le filigā atoa, ma a’oa’o atu le afioga a le Atua i mea uma, ma mafatia i ituaiga uma o puapuaga eseese, ma sauāina e i latou uma o e sa lē auai i le ekalesia a le Atua.

39 Ma sa latou tima’ia o latou uso; ma sa ^atima’ia foi i latou uma taitoatasi, i le afioga a le Atua, e tusa ma ana agasala, po o agasala na ia faia, ma sa poloa’iina e le Atua ia ^etatalo e lē aunoa, ma ia avatu le ⁱfaafetai i mea uma.