1 Ita napasamak nga adu kadagiti tumantanor a kaputotan ti saan a makaawat kadagiti balikas ni ari Benjamin, ta babassitda pay nga ubbing iti panawen a panangibagana kadagiti taona; ket saanda patien ti kannawidan dagiti ammada.

2 Saanda mamati iti naibagan maipanggep iti panagungar dagiti natay, kasta met a saanda mamati iti maipanggep iti yaay ni Cristo.

3 Ket ita gapu iti kinaawan ti pammatida saanda ^amaawatan ti balikas ti Dios; ket natangken ti panagpuspusoda.

4 Ket saanda a kayat a mabuniagan; wenno makikappeng iti simbaan. Ket naisinada a tao maipanggep iti pammatida, ken nagpatuloyda a kastoy, uray pay iti ^anailubongan ken managbasol a kasasaadda; agsipud ta saanda immawag iti Apo a Diosda.

5 Ket ita iti panagturay ni Mosiah saanda pay a makagudua iti bilang dagiti tattao ti Dios; ngem gapu iti ^apanagsusuppiat dagiti agkakabsat nagbalinda nga ad-adu.

6 Ta napasamak nga adu ti inallilawda nga adda iti simbaan babaen iti pammatiray-ok a balikasda, ket insagmakda ida nga agbasol; ngarud nagbalin a rumbeng kadagiti nagbasol, nga adda iti simbaan, a nasken a ^aballaagan ti simbaan.

7 Ket napasamak a naisaklangda kadagiti saserdote, ket babaen kadagiti mannursuro naiyawatda kadagiti saserdote; ket indatag dagiti saserdote iti sanguanan ni Alma, nga ^akangatuan a saserdote.

8 Ita inikkan ni ari Mosiah ni Alma iti turay a mangiturong iti simbaan.

9 Ket napasamak a saan nga ammo ni Alma ti maipanggep kadakuada; ngem adu ti saksi a maibusor kadakuada; wen, nagtakder dagiti tattao ket pinaneknekanda ti napalalo a kinadangkesda.

10 Ita awan pay ti kasta a napasamak idi iti simbaan; ngarud kasta unay a nariribuk ti espiritu ni Alma, ket imbilina a nasken a maidatagda iti sanguanan ti ari.

11 Ket kinunana iti ari: Kitaen, dagitoy dagiti adu nga inyegmi iti sanguanam, a pinabasol dagiti kabsatda; wen, natiliwda a nagaramid iti nadumaduma a kinadangkes. Ket saanda nga agbabawi kadagiti kinadangkesda; ngarud inyegmi iti sanguanam, tapno mabalinmo nga ukomen ida a mayannurot kadagiti basolda.

12 Ngem kinuna ni ari Mosiah ken ni Alma: Kitaen, saanko a kedngan ida; ngarud ^ayawatko ida kenka tapno kedngam.

13 Ket ita nariribukan manen ti espiritu ni Alma; ket napan ken nagdamag iti Apo no ania ti aramidenna maipanggep kadaytoy a banag, agsipud ta mabuteng a makaaramid iti biddut iti imatang ti Dios.

14 Ket napasamak a kalpasan ti panangibukbokna iti kaungganna iti Dios, immay ti timek ti Apo kenkuana, a nagkuna:

15 Naparaburanka, Alma, ken naparaburan dagiti nabuniagan iti ^adanum ti Mormon. Naparaburanka gapu iti aglaplapusanan a ^bpammatim kadagiti balikas laeng ti katulongak a ni Abinadi.

16 Ken naparaburanda agsipud iti aglaplapusanan a pammatida kadagiti balikas laeng nga imbagam kadakuada.

17 Ken nagasatka gapu ta binangonmo ti ^asimbaan kadagitoy a tao; ket mabangonda, ket agbalindanto a taok.

18 Wen, nagasat dagitoy a tao a siaayat nga umawat iti ^anaganko; agsipud ta maawagandanto iti naganko; ket kukuak ida.

19 Ket gapu ta nagdamagka kaniak maipanggep kadagiti managbasol, nagasatka.

20 Sika ti katulongak; ket itulagko kenka a maaddaanka iti ^abiag nga agnanayon; ket pagserbiannak ket aggunaykanto babaen ti naganko, ket ummongemto a sangsangkamaysa dagiti karnerok.

21 Ket isu a dumngegto iti timekko isunto ti ^akarnerok; ket awatemto iti simbaan, ket awatekto met.

22 Agsipud ta kitaen, daytoy ti simbaanko; asino man a ^amabuniagan mabuniaganto iti panagbabawi. Ket mamatinto iti naganko ti asino man nga awatem; ket siwawayanto a ^bpakawanek.

23 Agsipud ta siak ti ^amangbaklay kadagiti basol ti lubong; agsipud ta siak ti ^bnangparsua kadakuada; ken siak ti mangted kenkuana a mamati agingga iti kanibusanan ti puesto iti makanawanko.

24 Ta kitaen, maawaganda iti naganko; ket no ^aammodak umasidegda, ket addanto agnanayon a puestoda iti makanawanko.

25 Ket napasamakto nga inton aguni ti ^amaikadua a trumpeta umayton dagiti saan a pulos a ^bnakaam-ammo kaniak ket agtakderdanto iti imatangko.

26 Ket maammuandanton a siak ti Apo a Diosda, a siak ti Mannubbotda; ngem saandanto a masubbot.

27 Ket kalpasanna ipudnokto kadakuada a pulos a saanko ^aam-ammo ida; ket ^bmapandanto iti ^cagnanayon nga apuy a naisagana para iti sairo ken dagiti anghelna.

28 Ngarud kunak kenka, ta isu a saan a ^adumngeg iti timekko, isu met laeng ti saanmo nga awaten iti simbaanko, agsipud ta isunto ti saanko nga awaten iti maudi nga aldaw.

29 Ngarud kunak kenka, Mapanka; ket asino man ti aglabsing kaniak, ^aukomemto a ^bsegun kadagiti basol nga inaramidna; ket no ^cagkonpesar ti basbasolna kenka ken kaniak, ken ^dagbabawi iti kinapasnek ti pusona, ^epakawanemto, ket pakawanekto met isuna.

30 Wen, ket ^akas iti masansan ti ^bpanagbabawi dagiti tattaok ti panangpakawanko iti naglabsinganda kaniak.

31 Ket ^apakawanenyonto met ti naglabsingan ti tunggal maysa kadakayo; agsipud ta pudno kunak kenka, ti saan a mamakawan ti basbasol ti padana a tao no kunana nga agbabawi, isu met la ti nangipan ti bukodna iti pannakailunod.

32 Ita kunak kenka, Mapanka; ket asino man a saan nga agbabawi iti basbasolna isunto met ti saan a maibilang kadagiti tattaok; ket masurotto daytoy manipud ita.

33 Ket napasamak nga idi nangngeg ni Alma dagitoy a balikas insuratna ida tapno maalana ida, ken tapno maukomna dagiti tattao iti dayta a simbaan a mayannurot kadagiti bilin ti Dios.

34 Ket napasamak a napan ni Alma ket inukomna dagiti natiliw a nagaramid ti kinadangkes, a mayannurot iti balikas ti Apo.

35 Ket asino man a nagbabawi iti basbasolda ken ^aipudnoda ida, maibilangda kadagiti tattao ti simbaan;

36 Ket dagiti saan a mangipudno iti basbasolda ken saan nga agbabawi iti kinadangkesda, isuda dagiti saan a maibilang kadagiti tattao ti simbaan, ket dagiti naganda ket ^amapunas.

37 Ket napasamak a tinimbeng ni Alma dagiti aramid iti simbaan; ket nangrugi manen a naaddaanda iti kappia ken rimmang-ayda a napalaus kadagiti aramid iti simbaan, siaannad a magmagna iti sanguanan ti Dios, umaw-awat iti adu, ken mangbumbuniag iti adu.

38 Ket ita inaramid ni Alma ken dagiti kaduana a trabahador a mangmunmuno iti simbaan iti amin dagitoy a bambanag, a buyogen iti amin a kinagaget, mangisursuro iti balikas ti Dios iti amin a bambanag, agsagsagaba iti amin a kita dagiti panagrigrigat, nga idadanes dagiti amin a saan a kameng ti simbaan ti Dios.

39 Ket binagbagaanda dagiti kabsatda; ken kasta met a ^anabagbagaanda, ti tunggal maysa babaen ti balikas ti Dios, a mayannatup iti basbasolna, wenno iti basbasol a naaramidna, ta imbilin ti Dios nga ^bagkararag nga awan ressatna, ken ^cagyaman iti amin a bambanag.