Mataupu 26

E toatele tagata o le Ekalesia ua taitai atu i le agasala e tagata lē talitonu—Ua folafola mai ia Alema le ola e faavavau—O i latou o e salamo ma papatiso latou te maua le faamagaloga—O tagata agasala o le Ekalesia o e ua salamo ma taʼutino atu a latou agasala ia Alema ma le Alii o le a faamagaloina; a lē o lea, o le a lē faitauina i latou faatasi ma tagata o le Ekalesia. E tusa o le 120–100 T.L.M.

 O lenei sa oo ina sa toatele tupulaga faiaʼe sa lē mafai ona malamalama i upu a le tupu o Peniamina, ona o ni fanau laiti i latou i le taimi na saunoa mai ai o ia i lona nuu; ma sa latou lē talitonu i uputuu a o latou tamā.

 Sa latou lē talitonu i mea sa tautalagia e uiga i le toetutu mai o e ua oti, pe sa latou talitonu foi e uiga i le afio mai o Keriso.

 Ma o lenei ona o lo latou lē talitonu sa lē mafai ai ona latou amalamalama i le afioga a le Atua; ma sa faamaaa o latou loto.

 Ma sa latou lē fia papatiso; pe sa latou fia auai foi i le ekalesia. Ma sa avea i latou o ni tagata ese e tusa ma lo latou faatuatuaga, ma sa faapea ona latou tumau ai mai lena taimi, i lo latou tulaga afaaletino ma tumu i le agasala; ona sa latou lē fia valaau atu i le Alii lo latou Atua.

 Ma o lenei i le nofoaiga a Mosaea, sa lē tusa lo latou toatele ma le afa o tagata o le Atua; ae ona o afevaevaeaiga sa i ai i totonu o le au uso, sa oo ina atili faatoateleina ai i latou.

 Ona sa oo ina latou faaseseina le toatele o e sa i ai i le ekalesia, ia latou upu taufaasee, ma faaoso i latou ia latou faia agasala e tele; o lea sa tatau ai ia te i latou o e na faia le agasala, o e sa i ai i le ekalesia, ona aoaʼia e le ekalesia.

 Ma sa oo ina aumai i latou i luma o faitaulaga, ma sa tuu atu i latou i luga i faitaulaga e aoao; ma sa aumai i latou e faitaulaga i luma o Alema, o ia o le afaitaulaga sili.

 O lenei sa tuu atu e le tupu o Mosaea ia Alema le pule i luga o le ekalesia.

 Ma sa oo sa lē iloa e Alema e uiga ia te i latou; peitai sa i ai ni molimau e toatele faasaga ia te i latou; ioe, sa tutu le nuu ma molimau atu i le tele o a latou amioletonu.

 10 O lenei sa lei i ai se mea faapea na tupu muamua mai i le ekalesia; o lea na atuatuvale ai Alema i lona agaga, ma sa faia e ia ia aumai i latou i luma o le tupu.

 11 Ma sa fai atu o ia i le tupu: Faauta, o le toatele nei o e ua matou aumai i ou luma, o e ua tuuaʼi e o latou uso; ioe, ma sa maua i latou o latou faia amioletonu eseese. Ma ua latou lē salamo ia latou amioletonu; o lea ua matou aumai ai i latou i ou luma, ina ia mafai ona e faamasino i latou e tusa ma a latou solitulafono.

 12 Peitai sa fai atu le tupu o Mosaea ia Alema: Faauta, ou te lē faamasinoina i latou; o lea ou te atuu atu ai i latou i ou lima ia faamasinoina.

 13 Ma o lenei sa toe atuatuvale le agaga o Alema; ma sa alu atu o ia ma ole atu i le Alii po o le a le mea e tatau ona ia faia e uiga i lenei mataupu, ona sa mataʼu o ia neʼi fai e ia se mea sese i le silafaga a le Atua.

 14 Ma sa oo ina ua uma ona ia sasaa atu lona agaga atoa i le Atua, sa oo mai le siufofoga o le Alii ia te ia, ua fetalai mai:

 15 Amuia lava oe, Alema, ma amuia foi i latou o e na papatiso i avai o Mamona. Ua e manuia ona o lou efaatuatua tele i nao upu a laʼu auauna o Apinati.

 16 Ma amuia foi i latou ona o lo latou faatuatua tele i nao upu na e tautala atu ia te i latou.

 17 Ma amuia lava oe ona ua e faatuina se aekalesia i totonu o lenei nuu; ma o le a faatumauina i latou, ma o le a avea i latou ma oʼu nuu.

 18 Ioe, amuia lava lenei nuu o e ua loto e tauave loʼu aigoa; ona o loʼu igoa o le a valaau ai i latou; ma o ā aʼu i latou.

 19 Ma ona ua e fesili mai ia te aʼu e uiga i lē ua solitulafono, ua e manuia.

 20 O oe o laʼu auauna; ma Ou te osifeagaiga ma oe o le a e maua le aola e faavavau; ma ia e auauna mai ia te aʼu ma alu atu i loʼu igoa, ma faapotopoto faatasi mai aʼu mamoe.

 21 Ma o ia o lē e faalogo mai i loʼu leo o le a avea ma aʼu amamoe; ma o ia ia outou talia i le ekalesia, ma o le a Ou talia foi o ia.

 22 Aua faauta, o laʼu ekalesia lenei; soo se tasi e apapatiso ia papatisoina i le salamo. Ma o soo se tasi tou te talia, ia talitonu i loʼu igoa; ma o ia o le a Ou efaamagalofuaina.

 23 Ona o Aʼu o lē ua aaveina i oʼu luga agasala a le lalolagi; ona o Aʼu o lē na efoafoaina i latou; ma o Aʼu o lē na te tuu atu ia te ia o lē e talitonu e oo i le iuga, se nofoaga i loʼu lima taumatau.

 24 Aua faauta, o loʼu igoa ua valaau ai i latou; ma afai latou te ailoa aʼu o le a latou o mai, ma o le a latou maua se nofoaga e faavavau i loʼu lima taumatau.

 25 Ma e oo a ili mai le pu lona alua, ona o mai lea o i latou o e sa lē eiloaina lava aʼu ma o le a tutu i oʼu luma.

 26 Ma o le a latou iloa i le taimi lena o Aʼu o le Alii lo latou Atua, o Aʼu o lo latou Togiola; peitai sa latou lē mananao e togiolaina i latou.

 27 Ma o le a Ou taʼutino atu ia te i latou i le taimi lena sa Ou lē ailoaina lava i latou; ma o le a latou eo atu i le iafi e faavavau ua saunia mo le tiapolo ma ana agelu.

 28 O lea Ou te fai atu ai ia te oe, o ia o lē e lē afaalogo mai i loʼu leo, o ia lava lea ia outou lē taliaina i laʼu ekalesia, ona o ia lea o le a Ou lē taliaina i le aso gataaga.

 29 O lea Ou te fai atu ai ia te oe, Alu ia; ma o soo se tasi e solitulafono faasaga mai ia te aʼu, ia e afaamasinoina o ia e etusa ma agasala ua faia e ia; ma afai e itaʼutino mai e ia ana agasala i luma o oe ma aʼu, ma osalamo ma le faamaoni o lona loto, ia e ufaamagaloina o ia, ma o le a Ou faamagaloina foi o ia.

 30 Ioe, ma o le atele o taimi e esalamo ai loʼu nuu ʼOu te faamagalo ai i latou ia latou solitulafono faasaga mai ia te aʼu.

 31 Ma ia outou afaamagalo foi le tasi i le isi ia outou solitulafono; aua e moni Ou te fai atu ia te oe, o ia o lē e lē faamagalo atu i solitulafono a lē la te tuaoi ae fai mai o ia ua salamo o ia, o ia lava lea ua aumai e ia o ia lava i lalo i le taʼusalaga.

 32 O lenei Ou te fai atu ia te oe, Alu ia; ma o soo se tasi e lē fia salamo i ana agasala, o ia lava lea ia lē faitauina i totonu o loʼu nuu; ma ia tausia lenei mea mai le taimi nei i luma.

 33 Ma sa oo ina ua uma ona faalogo o Alema i nei upu sa tusi e ia i lalo ina ia mafai ona maua e ia, ma ina ia mafai ona faamasino e ia tagata o lena ekalesia e tusa ma poloaiga a le Atua.

 34 Ma sa oo ina alu atu Alema ma faamasino i latou o e na maua i le amioletonu, e tusa ma le afioga a le Alii.

 35 Ma soo se isi sa salamo ia latou agasala ma ataʼutino mai i latou, o i latou ia na faitau e ia i totonu o tagata o le ekalesia.

 36 Ma o i latou o e sa lē fia taʼutino mai a latou agasala ma salamo ia latou amioletonu, o i latou lava ia sa lē faitauina i totonu o tagata o le ekalesia, ma sa asoloiesea o latou igoa.

 37 Ma sa oo ina pulea e Alema mataupu uma o le ekalesia; ma sa amata ona latou toe maua o le filemu ma le manuia tele i mataupu o le ekalesia, ma savavali ma le faaeteete i luma o le Atua, ma talia le toatele, ma papatiso le toatele.

 38 Ma o lenei o nei mea uma sa faia e Alema ma ona uso-a-auauna o e sa taitai i luga o le ekalesia, ma savavali ma le filiga atoa, ma aoao atu le afioga a le Atua i mea uma, ma mafatia i ituaiga uma o puapuaga eseese, ma sauaina e i latou uma o e sa lē auai i le ekalesia a le Atua.

 39 Ma sa latou timaʼia o latou uso; ma sa atimaʼia foi i latou uma taitoatasi, i le afioga a le Atua, e tusa ma ana agasala, po o agasala na ia faia, ma poloaiina e le Atua ia etatalo e lē aunoa, ma ia avatu le ifaafetai i mea uma.