1 O lenei sa oo ina ua uma ona faia e ^aatalii o Mosaea nei mea uma, sa latou ave se vaega toaitiiti faatasi ma i latou, ma toe foi atu i lo latou tamā, o le tupu, ma mananao ia te ia ’ia faataga mai e ia ia te i latou, ina ia mafai e i latou, faatasi ma i latou ia o e ua latou filifilia, ona o a’e i le laueleele o ^eNifae, ina ia mafai ona latou tala’i atu o mea sa latou faalogoina, ma ina ia mafai ona latou faailoa atu le afioga a le Atua, i o latou uso, o sa Lamanā—

2 Ina atonu e mafai ona latou aumaia ai o i latou i le malamalama o le Alii lo latou Atua, ma faatalitonu i latou i le amioletonu o o latou tamā; ma ina ia atonu e mafai ai ona latou fo’ia i latou mai lo latou ^aita e faasaga i sa Nifaē, ina ia mafai ai foi ona aumai o i latou ia olioli i le Alii lo latou Atua, ina ia mafai ona latou fiafia o le tasi i le isi, ma ina ia lē toe i ai ni finauga i le laueleele atoa ua tuu mai e le Alii lo latou Atua ia te i latou.

3 O lenei sa latou mananao ia tala’i atu le faaolataga i tagata uma, ona sa lē mafai ona latou ^atalia le fano o le ^eagaga o soo se tagata; ioe, e oo lava i le mafaufau ifo e faapea o le a oo i se agaga le mafatia ⁱe lē gata sa galulu ma gatete ai i latou.

4 Ma sa faapea ona galue le Agaga o le Alii i luga o i latou, ona sa avea i latou ma tagata agasala sili ona ^aleaga. Ma sa tonu i le Alii i lona ^ealofa mutimutivale faifaiea ia faasaoina i latou; ae ui i lea sa mafatia tele i latou i le atuatuvale o le agaga ona o a latou amioletonu, ma sa mafatia tele ma matata’u ina ne’i lafoa’iina ese i latou e faavavau.

5 Ma sa oo ina latou ’ai’oi atu i lo latou tamā i aso e tele ina ia mafai ona latou o a’e i le laueleele o Nifae.

6 Ma sa alu atu le tupu o Mosaea ma ole atu i le Alii pe tatau ona tuu atu e ia ona atalii e o a’e i totonu o sa Lamanā e tala’i atu le upu.

7 Ma sa fetalai mai le Alii ia Mosaea: Tuu atu i latou e o a’e, ona e toatele o le a talitonu ia latou upu, ma o le a latou maua le ola e faavavau; ma o le a Ou ^alavea’iina ou atalii mai lima o sa Lamanā.

8 Ma sa oo ina talia e Mosaea ia latou o atu ma faia e tusa ma lo latou manao.

9 Ma sa ^aalu la latou malaga i le vao e o a’e e tala’i atu le upu i totonu o sa Lamanā; ma o le a ou tuu atu se ^etala o a latou taualumaga, i se taimi o mulimuli mai.

10 O lenei sa leai se tasi ia Mosaea le tupu e faaee atu i ai i ona luga le malo, ona sa leai se tasi o ona atalii na te taliaina le malo.

11 O lea na ave ai e ia talafaamaumau sa togitogia i luga o ^apapatusi apamemea, ma papatusi foi a Nifae, ma mea uma na tausia ma faasaoina e tusa ma poloaiga a le Atua, ina ua uma ona ia faaliliuina ma faia ina ia tusia talafaamaumau sa i luga o ^epapatusi auro na maua e le nuu o Limae, ia na tuu mai ia te ia e le lima o Limae;

12 Ma sa fai e ia lenei mea ona o le mana’o tele o lona nuu; ona sa latou naunau tele e fia iloa e uiga i ia tagata ua faaumatia.

13 Ma o lenei sa faaliliu e ia papatusi e ala i ia ^ama’a e lua sa faamau i totonu o ni faavaa se lua.

14 O lenei o nei mea sa saunia mai i le amataga, ma sa tuulima faasolo mai i lalo mai lea tupulaga i lea tupulaga, mo le faamoemoe o le faaliliuina o gagana.

15 Ma sa tausia ma faasaoina ia mea e le aao o le Alii, ina ia faailoa mai ai e ia i tagata uma o e e mau i le laueleele, amioletonu ma mea inosia a ona tagata;

16 Ma o soo se tasi e i ai ia mea, ua ta’ua o le ^atagatavāai, e tusa ma tu i taimi anamua.

17 O lenei ina ua uma ona faaliliu e Mosaea ia talafaamaumau, faauta, sa tuuina mai i ia talafaamaumau se tala o ni tagata o e ua ^afaaumatia, mai le taimi na faaumatia ai i latou e oo atu i tua i le fausiaina o le ^e’olo tele, i le taimi na ⁱfaaeseese ai e le Alii le gagana a tagata, ma faataapeape solo i latou i luga o le fogaeleele atoa, ioe, mai le taimi lena i tua, seia oo atu lava i le foafoaga o Atamu.

18 O lea, o lenei tala sa tupu ai le faanoanoa tele i le nuu o Mosaea, ioe, sa faatumulia i latou i le faanoanoa; ae ui i lea sa latou maua mai ai le malamalama tele, o le mea sa latou olioli ai.

19 Ma o lenei tala o le a tusia i se taimi o mulimuli mai; aua faauta, e tatau i tagata uma ona iloa mea ua tusia i lenei tala.

20 Ma o lenei, e pei ona sa ou fai atu ia te outou, ina ua uma ona faia e le tupu o Mosaea nei mea, sa ave e ia papatusi ^aapamemea, ma mea uma sa tausi e ia, ma faaee atu i latou i luga o Alema, o le atalii ia o Alema; ioe, o talafaamaumau uma, ma ^ema’a faaliliu foi, ma faaee atu i luga o ia, ma poloa’i atu ia te ia ia tausi ma ⁱfaasaoina e ia nei mea, ma ia tausi foi se talafaamaumau o le nuu, ma tuulima faasolo atu ia mea mai le tasi tupulaga i le isi tupulaga, e pei lava ona tuulima faasolo mai i latou mai le taimi na tuua ai e Liae Ierusalema.