1 Ita idi naaramid ni Mosiah daytoy impatulodna iti amin a daga, kadagiti amin a tao, a tarigagayna a maammuan ti kayatda maipanggep iti no asino ti agbalin nga arida.

2 Ket napasamak a dimteng ti timek dagiti tattao, a nagkuna: Kayatmi a ni Aaron a lalaki nga anakmo ti nasken nga agbalin nga arimi ken mangituray kadakami.

3 Ita napan ni Aaron iti daga a Nephi, ngarud saan a maitalek ti ari ti pagarian kenkuana; saan nga akemen uray ni Aaron ti pagarian; awan met uray asino man kadagiti ^alallaki nga annak ni Mosiah ti sitatallugod a mangakem ti pagarian.

4 Ngarud nangipatulod manen ni ari Mosiah kadagiti tattao; wen, nangipatulod pay iti surat kadagiti tattao. Ket dagitoy ti balikas a naisurat, nga agkuna:

5 Kitaen, O dakayo a taok, wenno kakabsatko, agsipud ta raemenkayo a kasta, tarigagayak nga utobenyo ti gapu ti nakaayabanyo nga utoben—agsipud ta tarigagayanyo ti maaddaan iti ^aari.

6 Ita ipakdaarko kadakayo a saan nga inawat ti maikari a pakaipaayan ti pagarian, ket saanna awaten ti pagarian.

7 Ket ita no adda man sabali a matudingan a mangisaup kenkuana, kitaen amkek ta amangan no tumaod ti panagsususik kadakayo. Ket asino ti makaammo malaksid iti anakko, a maikari iti pagarian, nga agpungtotto ket guyugoyenna ti sumagmamano kadagitoy a tao a sumurot kenkuana, a pakaigapuan dagiti gubgubat ken panagsususikyo, a pakaigapuanto iti panagsayasay ti dara ken mangballikug iti wagas ti Apo, wen, ken mangdadael kadagiti kararua ti adu a tao.

8 Ita kunak kadakayo mainsiribantayo koma ket utobentayo dagitoy a banag, agsipud ta awan ti karbengantayo a mangdadael iti anakko, wenno awan ti karbengantayo a mangdadael iti sabali a matudingan a mangisaup kenkuana.

9 Ket no agsublinto manen ti lalaki nga anakko iti kinapalangguadna ken kadagiti awan kaes-eskanna a banag malagipnanto dagiti banag nga imbagana, ket tuntonenna ti karbenganna iti pagarian, a mangtignay kenkuana ken kasta met kadagitoy a tao nga agaramid iti adu a basol.

10 Ket ita mainsiribantayo ken padaanantayo dagitoy a banag, ket aramidentayo ti mamataud iti kappia kadagitoy a tao.

11 Ngarud siakto ti ariyo kadagiti nabati pay nga aldawko; nupay kasta, ^amangdutoktayo kadagiti ^bukom, a mangukom kadagitoy a tao a mayannurot iti lintegtayo; ket pabaruentayo nga urnosen dagiti aramid dagitoy a tao, agsipud ta mangdutoktayo iti masirib a tattao nga agbalin nga ukom, a mangukom kadagitoy a tao a mayannurot kadagiti bilin ti Dios.

12 Ita nasaysayaat a ti Dios ti mangukom iti tao ngem ti tao, agsipud ta kanayon a nalinteg ti panangukom ti Dios, ngem saan a kanayon a nalinteg ti panangukom ti tao.

13 Ngarud, no mabalin a maaddaankayo koma iti ^analinteg a lallaki nga agbalin nga ariyo, a mangbangon kadagiti linteg ti Dios, ken mangukom kadagitoy a tao a maibatay kadagiti bilinna, wen, no adda koma taoyo nga agbalin nga ariyo a makaaramid iti kas iti inaramid ti amak a ni ^bBenjamin kadagiti taona—kunak kadakayo, no kastoy koma a kanayon ti kasasaad mainugot ngarud a nasken a kanayon nga adda ariyo a mangituray kadakayo.

14 Ket nagtrabahoak pay a mismo iti amin a bileg ken kabaelan nga addaan kaniak, a mangisuro kadakayo kadagiti bilin ti Dios, ken mangipasdek iti kappia iti amin a daga, tapno nasken nga awan ti gubgubat wenno panagsususik, awan ti panagtakaw, wenno panagsamsam, wenno panagpapatay, wenno ania man a kita ti kinadangkes;

15 Ket asino man a nakaaramid iti kinadangkes, ^adinusak a mayannurot iti naaramidna a basol, a mayannurot iti linteg nga inted kadatayo dagiti ammatayo.

16 Ita kunak kadakayo, a gapu ta saan a nalinteg amin a tao saan a maikanada a maaddaankayo iti ari wenno ar-ari a mangituray kadakayo.

17 Agsipud ta kitaen, mano a ^akinadangkes ti maaramid ti maysa a ^bdakes nga ari, wen, ket anian a nakaro a pannakadadael!

18 Wen, laglagipenyo ni ari Noe, ti ^akinadakesna ken dagiti kinarimonna, ken kasta met dagiti kinadakes ken dagiti kinarimon dagiti taona. Kitaen anian a nakaro a pannakadadael ti dimteng kadakuada; ken gapu kadagiti kinadangkesda a nangiturong ti ^bpannakaadipenda.

19 Ket no saan a gapu iti ibaballaet ti kasiriban a Namarsuada, ket gapu daytoy iti naimpusuan a panagbabawida, nasken a saanda maliklikan nga agtalinaed ti pannakaadipen agingga ita.

20 Ngem kitaen, winayawayaanna ida gapu iti ^apanangipakumbabada iti bagbagida iti imatangna; ken gapu ta napinget ti ^bpanagdawatda kenkuana winayawayaanna ida manipud iti pannakaadipen; ket kasta ti panagtrabaho ti Apo babaen iti bilegna iti amin a kasasaad kadagiti annak ti tattao, itanggayana ti takiag ti ^casi kadakuada nga ^dagtalek kenkuana.

21 Ket kitaen, ita kunak kadakayo, saanyo maikkat iti trono ti nadangkes nga ari malaksid iti nalabes a panagsususik, ken ti nabuslon a panagsayasay ti dara.

22 Agsipud ta kitaen, addaan dagiti ^agagayyemna iti kinadangkes, ket adda dagiti guardiana iti aglawlawna; ket dadaelenna dagiti linteg dagidiay immuna kenkuana a nagturay iti kinalinteg; ket ibadde-baddekna dagiti bilin ti Dios;

23 Ket nangipaulog kadagiti linteg, ket inwarasna kadagiti taona, wen, dagiti linteg a mainugot iti ^akinadakesna; ket dadaelenna ti asino man a saan nga agtungpal kadagiti lintegna; ket ibaonna dagiti buyotna a manggubat kadakuada iti siasino man nga umalsa a maibusor kenkuana, ket no kabaelanna dadaelenna ida; ket kasta ti panangballikug ti ari ti amin a wagas ti kinalinteg.

24 Ket ita kitaen kunak kadakayo, saan a maikanada a dumteng kadakayo ti kasta a kinarimon.

25 Ngarud, pumilikayo babaen ti timek dagitoy a tao, kadagiti ukom, tapno maukomkayo a mayannurot kadagiti linteg nga inted kadakayo dagiti ammatayo, a pudno, nga inyawat kadakuada ti Apo.

26 Ita saan a gagangay a tarigagayan ti timek dagiti tattao ti ania man a banag a maisuppiat iti nasayaat; ngem gagangay iti basbassit a bilang ti tattao nga agtarigagay iti saan a nasayaat; ngarud daytoy ti surotenyo ken aramidenyo a lintegyo—iti panangtarawidwidyo iti aramidyo babaen ti timek dagiti tattao.

27 Ket ^ano dumteng ti panawen a pilien ti timek dagiti tattao ti kinadangkes, daytan ti panawen a dumtengto kadakayo ti panangukom ti Dios; wen, daytan ti panawen a panangisarungkarna kadakayo iti nakaro a pannakadadael uray a kas iti isasarungkarna ditoy a daga.

28 Ket ita no adda dagiti ukomyo, ket saandakayo nga ukomen a mayannurot ti linteg a naited, mabalinyo a paukom ida iti nangatngato nga ukom.

29 Ket no saan a mangukom dagiti nangatngato nga ukom iti nalinteg a panangukom, mabalinyo nga idawat nga agtitipon a sangsangkamaysa dagiti nababbaba nga ukomyo, ket ukomenna dagiti nangatngato nga ukomyo, a mayannnurot iti timek dagiti tattao.

30 Ket bilinenkayo a mangaramid kadagitoy a banag nga addaan iti amak iti Apo; ket bilinenkayo a mangaramid kadagitoy a banag, ket awan ti ariyo; a no agaramid dagitoy a tao kadagiti basol ken kinadangkes dagitinto uloda ti pagsungbatda.

31 Ta kitaen kunak kadakayo, nagtaud dagiti basol ti adu a tao iti kinadangkes dagiti arida; ngarud tinto ulo dagiti arida ti agsungbat iti kinadangkesda.

32 Ket ita tarigagayak nga awan koman ti ^asaan a panagpapatas ditoy a daga, kangrunaanna kadagitoy taok; ngem tarigagayak nga agbalin daytoy a daga a daga ti ^bwayawaya, ket sagrapen ti ^ctunggal tao ti kalintegan ken gundawayna nga agpadpada, agingga a makita ti Apo a mainugottayo nga agyan ken agtawid iti daga, wen, uray pay nga agingga nga agtalinaed dagiti kaputotan iti rabaw ti daga.

33 Ken adu pay a banag ti insurat ni ari Mosiah kadakuada, nga impalgakna kadakuada ti amin a pannubok ken parikut ti nalinteg nga ari, wen, amin ti panagtutuok ti kararua para kadagiti taona, kasta met ti amin a daydayamudom dagiti tattao iti arida; ket inlawlawagna amin dagitoy kadakuada.

34 Ket imbagana kadakuada a saan koma a kastoy dagitoy a banag; ngem maited koma iti amin a tao ti dagensen, tapno imeten ti tunggal tao ti bingayna.

35 Ken impalgakna met kadakuada dagiti pakadaksan a sinagrapda, babaen iti kaadda ti saan a nalinteg nga ari a nangituray kadakuada;

36 Wen, amin dagiti kinadangkes ken dagiti kinarimonda, ken amin a gubgubat, ken panagsusussik, ken panagsayasay iti dara, ken ti panagtatakaw, ken ti panagsamsam, ken ti panagaramid kadagiti kinabalangkantis, ken amin a kita ti kinadangkes a saan a mainaganan—imbagana kadakuada a saan koma a kastoy dagitoy a banag, a nabatad a maisuppiat kadagiti bilin ti Dios.

37 Ket ita napasamak, kalpasan ti panangited ni ari Mosiah kadagitoy a banag kadagiti tattao napamatida iti kinapudno dagiti balikasna.

38 Ngarud imbabawidan ti tarigagayda a maaddaan iti ari, ket magagaranda unay a maaddaan ti tunggal maysa iti agpadpada a gundaway iti amin a daga; wen, ket impeksa ti tunggal tao ti ayatna a mangsungbat iti bukodna a basol.

39 Ngarud, napasamak nga inummongda ti bagbagida iti intero a daga, tapno itdenda ti timekda maipanggep iti no asino ti agbalin nga uk-ukomda, a mangukom kadakuada a mayannurot iti ^alinteg a naiteden kadakuada; ket napalaus ti panagrag-oda gapu iti ^bwayawaya a naited kadakuada.

40 Ket timmibkerda iti panagayatda ken ni Mosiah; wen, rinaemda a nalablabes ngem iti asino man a tao; agsipud ta saanda imbilang a manangilupit nga agsapsapul iti gunggona, wen, iti dayta a kinabaknang a mangdadael iti kararua; agsipud ta saan a nagdawat kadakuada iti kinabaknang, wenno saanna pakaragsakan ti panagayus ti dara; ngem pinatibkerna ti ^akappia iti daga, ket insagutna kadagiti taona ti pannakawayawayada iti amin a pannakaadipen; ngarud rinaemda, wen, napalaus unay, a saan a marukod.

41 Ket napasamak a nangdutokda kadagiti ^aukom a mangituray kadakuada, wenno mangeddeng kadakuada a mayannurot iti linteg; ket inaramidda daytoy iti intero a daga.

42 Ket napasamak a nadutokan ni Alma nga umuna a kangatuan nga ukom, nga isu met laeng ti kangatuan a saserdote, iti panangitalek kenkuana ti amana iti pagakeman, ken naited kenkuana ti rebbengen maipanggep kadagiti aramid iti simbaan.

43 Ket ita napasamak a ^anagbiag ni Alma dagiti wagas ti Apo, ken tinungpalna dagiti bilinna, ken nangukom iti nalinteg a panangukom; ket nagtultuloy ti kappia iti daga.

44 Ket kasta ti panangrugi ti panagturay dagiti ukom iti intero a daga ti Zarahemla, kadagiti amin a tao a managanan iti Nephita; ket ni Alma ti immuna ken kangatuan nga ukom.

45 Ket ita napasamak a natay ti amana, iti tawenna a walopulo ket dua, a nagbiag tapno tungpalenna dagiti bilin ti Dios.

46 Ket napasamak a natay met ni Mosiah, iti maikatallopulo ket tallo a tawen ti panagturayna, iti tawenna nga ^ainnem a pulo ket tallo a tawen; a madagup, lima gasut ken siam a tawen manipud iti panawen nga ipapanaw ni Lehi iti Jerusalem.

47 Ket kasta ti panaggibus ti panangituray dagiti ari kadagiti tattao ni Nephi; ket kasta ti panaggibus dagiti aldaw ni Alma, a nangbangon iti simbaan.