Mataupu 4

Ua faaauau pea e le Tupu o Peniamina lana lauga—E oo mai le olataga ona o le Togiola—Ia talitonu i le Atua ina ia faaolaina ai—Ia taofi le faamagaloina o au agasala e ala i le faamaoni—Faasoa atu au mea i e matitiva—Ia fai mea uma i le poto ma le faatulagaga tatau. E tusa o le 124 T.L.M.

 Ma o lenei, sa oo ina ua uma ona fai atu e le tupu o Peniamina o upu na tuu mai e le agelu a le Alii ia te ia, sa tepa atu ona fofoga faataamilo i le motu o tagata, ma faauta ua pauu i latou uma i le eleele, ona ua oo mai i o latou luga le amataʼu i le Alii.

 Ma ua latou vaaia i latou lava i lo latou lava tulaga afaaletino, ua emaualalo lava nai lo le efuefu o le eleele. Ma sa latou alalaga uma leotele i le leo e tasi, fai mai: E, ia alofa mutimutivale mai ia, ma faaaoga le toto itogiola o Keriso ina ia mafai ai ona matou maua le faamagaloga o a matou agasala, ma mafai ona faamamāina o matou loto; ona ua matou talitonu ia Iesu Keriso, le Alo o le Atua, o lē na ofoafoaina le lagi ma le fogeleele, ma mea uma lava; o lē o le a afio mai i lalo i totonu o le fanauga a tagata.

 Ma sa oo ina ua uma ona latou tautatalaina o nei upu sa afio ifo i o latou luga le Agaga o le Alii, ma faatumuina i latou i le olioli, ina ua latou mauaina se afaamagaloga o a latou agasala, ma ina ua latou maua le filemu o le emafaufau, ona o le ifaatuatua tele ia Iesu Keriso sa ia te i latou, o lē o le a afio mai, e tusa ma upu na tautala mai e le tupu o Peniamina ia te i latou.

 Ma sa toe tatala e le tupu o Peniamina lona fofoga ma amata ona tautala mai ia te i latou, ua fai mai: Aʼu uo e ma oʼu uso, loʼu aiga e ma loʼu nuu, ou te manao ia outou toe uaʼi mai, ina ia mafai ona outou faalogo mai ma malamalama i le toega o aʼu upu o le a ou tautala atu ai ia te outou.

 Aua faauta, afai ua fagua outou i le taimi nei e le malamalama i le agalelei o le aAtua i se lagona o lo outou noa, ma lo outou tulaga lē aoga ma paʼū—

 Ou te fai atu ia te outou, afai ua outou oo mai i se amalamalama o le agalelei o le Atua, ma lona mana lē faatusalia, ma lona poto, ma lona onosai, ma lona tali-tiga i le fanauga a tagata; ma, le etogiola foi na saunia mai le ifaavaega o le lalolagi, ina ia mafai ona oo mai o le olataga ia te ia o lē e tuu atu lona ofaalagolago i le Alii, ma filiga i le tausiga o ana poloaiga, ma faatuatua pea e oo lava i le iuga o lona ola, o le uiga o laʼu tala o le ola lea o le tino faaletino—

 Ou te fai atu, o le tagata lena o lē e mauaina le olataga, e ala i le togiola na saunia mai le faavaega o le lalolagi mo le fanauga uma a tagata, o e sa i ai talu mai le apaʼū o Atamu, po o e o i ai, po o soo se tasi o le a i ai, e oo lava i le iuga o le lalolagi.

 Ma o le ala lenei e oo mai ai le olataga. Ma ua aleai se isi olataga vagana ai lenei ua fetalaia; pe ua i ai foi ni isi tulaga e mafai ona faaolaina ai o le tagata vagana ai tulaga ua ou taʼu atu ia te outou.

 Ia talitonu i le Atua; ia talitonu o loo soifua o ia, ma o ia na foafoaina mea uma, i le lagi ma le lalolagi; ia talitonu ua ia te ia le apoto uma, ma le mana uma, i le lagi ma le lalolagi; ia talitonu e lē mafai e le tagata ona emalamalama i mea uma e mafai ona malamalama i ai le Alii.

 10 Ma ou te toe fai atu, ia talitonu e ao ina outou asalamo ia outou agasala ma lafoai i ai, ma outou faamaualalo outou lava i luma o le Atua; ma ole atu ma le faamaoni o le loto ia efaamagaloina e ia outou; ma o lenei, afai tou te italitonu i nei mea uma, vaai ia outou ofaia.

 11 Ma ou te toe fai atu ia te outou e pei ona ou fai atu muamua, ona ua outou o mai i le malamalama o le mamalu o le Atua, pe afai ua outou iloa e uiga i lona agalelei ma ua outou atofo i lona alofa, ma ua outou maua se efaamagaloga o a outou agasala, lea ua tupu ai le olioli matua tele faapea i o outou agaga, e faapea lava ona ou manao ia outou manatua, ma manatua pea lava pea, le silisiliese o le Atua, ma lo outou lava inoa, ma lona oagalelei ma lona tali-tiga ia te outou, o tagata lē aoga, ma faamaualaloina outou lava e oo ifo i loloto o le ulotomaualalo, ma fvalaau atu i le suafa o le Alii i aso taitasi, ma tutu mausali i le faatuatua i le mea o le a oo mai, lea na fetalai mai e le fofoga o le agelu.

 12 Ma faauta, ou te fai atu ia te outou afai tou te faia lenei mea o le a outou olioli pea, ma faatumuina i le aalofa o le Atua, ma etaofi pea le faamagaloina o a outou agasala; ma o le a outou tutupu aʼe i le malamalama o le mamalu o ia na foafoaina outou, po o i le malamalama o le mea ua tonu ma moni.

 13 Ma o le a lē i ai ia te outou se manatu e faamanuʼa i le tasi, ae outou nonofo i le afilemu, ma faia i tagata taitoatasi e tusa ma le mea e tatau ai mo ia.

 14 Ma o le a outou lē tuu a outou afanau ia latou o fia aai, pe lē lavalava; pe tou te tuu foi ia latou soli tulafono a le Atua, ma emisa ma fefinauaʼi ma le tasi, ma auauna i le tiapolo, o lē o le matai o le agasala, po o lē o le agaga leaga lea na tautatala i ai o tatou tamā, o ia o se fili i le amiotonu uma.

 15 Ae tou te aaoao i latou ia esavavali i ala o le upumoni ma le faamamalu; tou te aoao i latou ia ialofa le tasi i le isi, ma auauna le tasi i le isi.

 16 O lenei foi, o outou lava o le a outou afesoasoani atu i e manaomia la outou fesoasoani; o le a outou avatu ni isi o a outou mea ia te ia o lē ua lē tagolima; ma o le a outou lē tuuina le etagata ʼaisi ia lē aoga lana aioi mai ia te outou, ma auina ese atu o ia i fafo ia fano.

 17 Atonu e te afaapea ane: Ua aumai e lea tagata i ona lava luga lona pagatia; o lea o le a ou taofi ai loʼu lima, ma lē avatua ia te ia ni aʼu meaai, pe faasoa atu ia te ia aʼu mea ina ia lē mafatia o ia, ona ua tonu ona faasalaga—

 18 Peitai ou te fai atu ia te oe, le tagata e, soo se tasi na te faia lenei mea, o ia lava lea ua i ai se pogai tele e tatau ona salamo ai; ma vagana ai ua salamo o ia i lena mea ua ia faia, e fano o ia e faavavau, ma ua leai sona sao i le malo o le Atua.

 19 Aua faauta, pe lē o i tatou uma ea o ni tagata aisi? Pe ua tatou lē faalagolago uma ea i le Tagata e tasi, o le Atua lava lea, mo mea uma ua tatou maua, mo meaai ma lavalava, ma mo auro, ma mo ario, ma mo ituaiga uma o oloa eseese ua tatou maua?

 20 Ma faauta, e oo i le taimi nei, o loo outou valaau atu i lona suafa, ma aioi atu mo se faamagaloga o a outou agasala. Ma ua tuu ea e ia la outou aioi atu ia lē aoga? E leai; ua sasaa mai e ia lona Agaga i o outou luga, ma ua faia e ia ia tumu o outou loto i le aolioli, ma faia e ia ʼia taofia o outou gutu ia lē mafafai ona outou tautatala, ona o le matua tele o lo outou olioli.

 21 Ma o lenei, afai e tuu mai e le Atua, o lē na foafoaina outou, o lē ua outou faalagolago i ai mo o outou ola ma mea uma ua outou maua ma i ai, soo se mea ua saʼo tou te ole atu ai ia te ia, i le faatuatua, ma le talitonu o le a outou maua, E, ua matua tatau lava la ona outou afefaasoaaʼi o a outou mea ua maua o le tasi i le isi.

 22 Ma afai e te afaamasino i le tagata e tuu mai lana talosaga ia te oe mo au mea ina ia lē fano o ia, ma e taʼusalaina o ia, pe o le a lē matua sili atu ea la ona tonu o lou taʼusalaga mo le etaofi o au mea, e lē o ni au ae o ā le Atua, o lē foi e ana le ola ua ia te oe; peitai e te lei tuuina atu ai se talosaga, pe salamo i le mea ua e faia.

 23 Ou te fai atu ia te outou, oi talofa i lena tagata, ona o le a fano ana mea faatasi ma ia; ma o lenei, ua ou fai atu nei mea ia te i latou o e ua amauoa i mea o lenei lalolagi.

 24 O lenei foi, ou te fai atu i e matitiva, outou na ua lē tagolima ae ua lava mea ua outou maua, ua outou ola ai mai lea aso i lea aso; o le uiga o laʼu tala o outou uma o e e teena le tagata ʼaisi, ona ua outou lē tagolima; ou te manao ia outou fai ifo i o outou loto e faapea: Ua ou lē avatu se mea ona ua ou lē tagolima, ae a na ou tagolima ou te aavatu lava.

 25 Ma o lenei, afai tou te fai ifo lenei mea i o outou loto tou te tumau pea i le lē sala, a lē o lea e ataʼusalaina outou; ma ua tonu lo outou taʼusalaga ona ua outou manumanu i mea tou te lei mauaina.

 26 Ma o lenei, ona o nei mea ua ou tautala atu ai ia te outou—o lona uiga, mo le taofia pea o le faamagaloina o a outou agasala mai lea aso i lea aso, ina ia outou asavavali ma le lē sala i luma o le Atua—ou te manao ia outou efaasoa atu a outou mea i e imatitiva, ia taitasi le tagata ma faia e tusa ma mea ua ia te ia, e pei o le ofafagaina o e ua fia aai, faaoofuina o e ua lē lavalava, asiasi atu i e mamaʼi ma auauna atu mo lo latou mapusaga, faaleagaga ma faaletino, e tusa ma o latou manaoga.

 27 Ma ia vaai ia faia nei mea uma i le poto ma le faatulagaga lelei; ona e lē tatau i se tagata ona momoʼe atelevave atu nai lo le malosi ua ia te ia. O lenei foi, e tatau ia te ia ona filiga, ina ia mafai ona manumalo o ia i le taui; o lea, e tatau ona faia mea uma i le faatulagaga tatau ai.

 28 Ma ou te manao ia outou manatua, soo se tasi o outou na te nonō se mea mai lē la te tuaoi e tatau ia te ia ona toe faafoi atu le mea na nonō mai e ia, e tusa ma lana ioega, a lē o lea ua e faia le agasala; ma atonu o le a e faia ai ia fai ai foi e lē lua te tuaoi le agasala.

 29 Ma mulimuli lava, e lē mafai ona ou taʼu atu ia te outou mea uma e mafai ona outou faia ai le agasala; ona ua tele ala ma auala eseese, ua matua tele lava e lē mafai ona ou faitauina.

 30 Ae o le mea lenei e mafai ona ou taʼu atu ia te outou, afai tou te lē avaavaaia outou lava, ma o outou emafaufauga, ma a outou iupu, ma a outou galuega, ma tausi i poloaiga a le Atua, ma tumau pea i le faatuatua i mea ua outou faalogo i ai e uiga i le afio mai o lo tatou Alii, e oo lava i le iuga o o outou ola, e fano lava outou. Ma o lenei le tagata e, ia manatua, ma lē fano ai.