Mataupu 5

E avea le Au Paia ma atalii ma afafine o Keriso e ala i le faatuatua—Ona valaau ai lea o i latou i le suafa o Keriso—Ua apoapoai atu le Tupu o Peniamina ia te i latou ia tutumau ma lē masiʼiʼese mai galuega lelei. E tusa o le 124 T.L.M.

 Ma o lenei, sa oo ina ua uma ona saunoa atu faapea le tupu o Peniamina i lona nuu, sa auina atu e ia ni avefeau i totonu ia te i latou, i le fia iloa mai lona nuu pe ua latou talitonu i upu na tautala atu e ia ia te i latou.

 Ma sa latou alalaga uma mai i le leo e tasi, fai mai: Ioe, ua matou talitonu i upu uma na e saunoa mai ai ia te i matou; o lenei foi, ua matou iloa lo latou mautinoa ma le moni, ona o le Agaga o le Alii Mamana Aoao, lea ua ia faia se aliuga tele i totonu o i matou, po o i totonu o o matou loto, ua lē toe i ai so matou manao e fai emea leaga, ae ia faia mea lelei e lē aunoa.

 Ma o i matou, i matou lava foi, ua matou maua ni vaaiga tetele o mea o le a oo mai, e ala i le agalelei aoao o le Atua, ma faaaliga a lona Agaga; ma a na tatau ai, e mafai ona matou vavalo e uiga i mea uma.

 Ma o le faatuatua sa ia te i matou e uiga i mea na saunoa mai ai lo matou tupu ia te i matou ua aumai ai i matou i lenei malamalama tele, lea ua matou olioli ai i se olioli tele lava faapea.

 Ma ua matou malilie e ulu atu i se afeagaiga ma lo matou Atua e fai lona finagalo, ma usiusitai i ana poloaiga i mea uma e poloaiina ai i matou e ia, i o matou aso uma o totoe, ina ia matou lē aumai i o matou lava luga le mafatia e e gata, e pei ona fetalai i ai le iagelu, ina ia matou lē inu mai le ipu o le toasa o le Atua.

 Ma o lenei, o upu nei na manao i ai le tupu o Peniamina mai ia te i latou; ma o lea na fai atu atu ai o ia ia te i latou: Ua outou fai mai upu na ou manao i ai; ma o le feagaiga ua outou faia o se feagaiga amiotonu.

 Ma o lenei, ona o le feagaiga ua outou faia, o le a taʼua ai outou o le fanau a aKeriso, o ona atalii, ma ona afafine; ona faauta, o le asō ua efanauina ai e ia outou faaleagaga; ona ua outou fai mai ua liua o outou iloto e ala i le faatuatua i lona suafa; o lea, ua ofanauina ai outou e ia ma ua avea ai outou ma ona uatalii ma ona afafine.

 Ma o lalo o lenei ao ua afaasaoloto ai outou, ma ua eleai se isi lava ao e mafai ona faasaoloto ai outou. Ua leai se isi lava isuafa ua tuuina mai e mafai ona oo mai ai le olataga; o lea, ou te manao ai ia outou oave i o outou luga le suafa o Keriso, outou uma ua ulu atu i le feagaiga ma le Atua o le a outou usiusitai e oo i le iuga o o outou ola.

 Ma o le a oo mai, soo se tasi e faia lenei mea o le a maua o ia i le aao taumatau o le Atua, ona o le a iloa e ia le suafa o le a valaau ai o ia; ona o le a valaau o ia i le suafa o Keriso.

 10 Ma o lenei foi o le a oo mai, soo se tasi e lē avea i ona luga le suafa o Keriso o le a valaauina i se aisi igoa; o lea, o le a maua e ia o ia lava i le aao etauagavale o le Atua.

 11 Ma ou te manao ia outou manatua foi, o le aigoa lenei sa ou fai atu o le a ou avatu ia te outou e lē tatau lava ona soloiesea, vagana ai i le solitulafono; o lea, ia outou faaeteete ai ia outou lē solitulafono, ina ia lē soloiesea le suafa mai o outou loto.

 12 Ou te fai atu ia te outou, ou te manao ia outou manatua ia ataofi le suafa ia tusia pea i o outou loto, ina ia lē maua outou i le aao tauagavale o le Atua, ae ia outou lagona ma iloa le leo o le a valaau ai outou, ma le igoa foi, o le a valaau ai outou e ia.

 13 Aua pe faapefea ona ailoa e se tagata le matai e lei auauna i ai o ia, ma o se foi o se tagata ese ia te ia, ma ua mamao mai mafaufauga ma faamoemoega o lona loto?

 14 O lenei foi, e ave ea e se tagata se asini e ā lona tuaʼoi ma taofi ia te ia? Ou te fai atu ia te outou, E leai; e lē tuua lava e ia o ia, ia ʼai i totonu o lana lafu, ae na te tuli ese o ia, ma tuli o ia i fafo. Ou te fai atu ia te outou, o le a faapea lava i totonu ia te outou pe afai tou te lē iloa le suafa ua valaau ai outou.

 15 O lea, ou te manao ai ia outou tutumau ma lē masiʼiʼese, ma tumu e lē aunoa i galuega lelei, ina ia mafai ona afaamauina outou e Keriso, le Alii le Atua Mamana Aoao, e fai mona, ina ia mafai ona aumai o outou i le lagi, ina ia mafai ona outou maua le olataga tumau-faavavau ma le ola e faavavau, e ala i le poto, ma le mana, ma le faamasinotonu, ma le alofa mutimutivale o ia o lē na efoafoaina mea uma, i le lagi ma le lalolagi, o lē o le Atua o mea uma. Amene.