Dagiti Kapitulo 

Kapitulo 1
Isuro ni ari Benjamin kadagiti annakna a lallaki ti pagsasao ken dagiti padto dagiti ammada—Mataginayon ti pammati ken ti sursuroda gapu kadagiti kasuratan a naitalimeng iti sumagmamano a pinanid—Mapili ni Mosiah nga ari ken maitalek kenkuana dagiti kasuratan ken dadduma pay a banag. Agarup 130–124 s.c.
Kapitulo 2
Agbitla ni ari Benjamin kadagiti taona—Lagipenna ti kinalinteg, kinaimbag, ken naespirituan a panagturayna—Bagbagaanna ida nga agpaay iti Nailangitan nga Ari—Agsagabanto dagiti sumuppiat iti Dios iti nakaro a leddaang a kas iti di masebseban nga apuy. Agarup 124 s.c.
Kapitulo 3
Ituloy ni ari Benjamin ti agbitla–-Mangisuronto ti Apo a Mannakabalin kadagiti tao iti tabernakulo a pitak—Tumbog ti dara iti amin a puon ti dutdotna iti panangsubbotna kadagiti basol ti lubong—Ti naganna laeng ti pangrugian ti pannakaisalakan—Mabalin nga ikkaten ti tao ti nailubongan a kinatao ket agbalin a Santo babaen iti Pannubbot—Kaslanto iti dan-aw ti apuy ken asupre ti panagrigat dagiti nadangkes. Agarup 124 s.c.
Kapitulo 4
Ituloy ni ari Benjamin ti bitlana—Dumteng ti pannakaisalakan gapu iti Pannubbot—Mamati iti Dios tapno maisalakan—Agnanayon a pannakapunas ti basol babaen ti kinatulnog—Ibinglayanyo dagiti napanglaw iti sanikuayo—Aramidenyo amin a banag babaen iti sirib ken urnos. Agarup 124 s.c.
Kapitulo 5
Agbalin dagiti santo nga annak ni Cristo gapu iti pammati—Maawaganda ngarud babaen iti nagan ni Cristo—Bagbagaan ida ni ari Benjamin nga agtalinaed a natibker ken saan a maupay iti nasayaat nga aramid. Agarup 124 s.c.
Kapitulo 6
Isurat ni ari Benjamin ti nagnagan dagiti tao ken mangtuding iti saserdote a mangisuro kadakuada—Agturay ni Mosiah a nalinteg nga ari. Agarup 124–121 s.c.
Kapitulo 7
Masarakan ni Ammon ti daga a Lehi-Nephi, a ni Limhi ti ari—Balud dagiti Lamanite dagiti tao ni Limhi—Saritaen ni Limhi ti pakasaritaanda—Impaneknek ti maysa a propeta (ni Abinadi) a ni Cristo ti Dios ken Ama ti amin a banag—Agani iti alipugpog dagiti agmula iti kinarugit, ket maisalakan dagiti agtalek iti Apo. Agarup 121 s.c.
Kapitulo 8
Isuro ni Ammon dagiti tao ni Limhi—Adalenna dagiti duapulo-ket-uppat a pinanid a Jaredite—Mabalin a maipatarus dagiti nagkauna a kasuratan babaen dagiti padto—Awan ti nabilbileg a sagut ngem ti kinamammadto. Agarup 121 s.c.
Ti Kasuratan ni Zeniff—Ti pakaammo dagiti taona, iti panawen nga ipapanawda iti Zarahemla agingga iti panawen a nawayawayaanda kadagiti Lamanite.
Sakupenna ti kapitulo 9 agingga iti 22.
Kapitulo 9
Idauluan ni Zeniff ti bunggoy a naggapu iti Zarahemla a pangagaw iti daga a Lehi-Nephi—Palubosan ida ti ari a Lamanite nga agtawid iti daga—Adda gubat iti nagbaetan dagiti Lamanite ken dagiti tao ni Zeniff. Agarup 200–187 s.c.
Kapitulo 10
Matay ni ari Laman—Narungsot ken nakaam-amak ken mamati iti saan a pudno a kaugalian dagiti taona—Rimbawan ida ni Zeniff ken dagiti taona. Agarup 187–160 s.c.
Kapitulo 11
Kinadangkes ti panangituray ni ari Noe—Agrennek iti naringgor a panagbiag iti sidong dagiti assawa ken kamalalana—Ipadto ni Abinadi a maadipen dagiti tao—Panggepen a patayen ni ari Noe. Agarup 160–150 s.c.
Kapitulo 12
Maibalud ni Abinadi gapu iti panangipadtona iti pannakadadael dagiti tao ken ti ipapatay ni Ari Noe—Adawen dagiti sinsinan saserdote dagiti nasantuan a kasuratan ken agpammarangda a mangsursurot iti linteg ni Moises—Rugian ni Abinadi nga isuro kadakuada ti Sangapulo a Bilin. Agarup 148 s.c.
Kapitulo 13
Salakniban ti nailangitan a bileg ni Abinadi—Isurona ti Sangapulo a Bilin—Saan a dumteng ti pannakaisalakan babaen ti paglintegan laeng ni Moises—Mismo a ti Dios ti mangaramidto iti pannubbot ket subbotenna dagiti taona. Agarup 148 s.c.
Kapitulo 14
Agsao ni Isaias a mainugot iti Mesias—Maikari ti pannakaabi ken panagsagabana—Aramidenna ti kararuana a daton iti basol ken mangibabaet kadagiti managbasol—Idilig iti Isaias 53. Agarup 148 s.c.
Kapitulo 15
Kasano a ni Cristo ti Ama ken ti Anak—Agbalin a mangibabaet ken mangibaklay iti basbasol dagiti taona—Isuda ken dagiti nasantuan a propetana ti bukelna—Pasamakennanto ti Panagungar—Addaan iti agnanayon a biag dagiti babassit nga ubbing. Agarup 148 s.c.
Kapitulo 16
Subboten ti Dios dagiti tao iti pannakapukaw ken pannakatnagda—Agtalinaed dagiti nailubongan a kasla awan ti naaramid a pannubbot—Pasamaken ni Cristo ti panagungar iti awan inggana a biag wenno iti awan inggana a pannakailunod. Agarup 148 s.c.
Kapitulo 17
Patien ken isurat ni Alma dagiti sao ni Abinadi—Agtuok ni Abinadi a matay babaen ti apuy—Ipadtona nga agsakit dagiti nangpapatay kenkuana ken matayda babaen ti apuy. Agarup 148 s.c.
Kapitulo 18
Mangasaba ni Alma iti nalimed—Ipatungpalna ti katulagan iti pannakabuniag ket mangbuniag kadagiti danum ti Mormon—Buangayenna ti Simbaan ni Cristo ket mangtuding kadagiti saserdote—Tulonganda ti bagbagida ket isuroda dagiti tao—Libasan da Alma ken dagiti taona ni Ari Noe ket agturongda iti langalang. Agarup 147–145 s.c.
Kapitulo 19
Padasen ni Gideon a patayen ni Ari Noe—Rauten dagiti Lamanite ti daga—Matay ni Ari Noe iti apuy—Agturay ni Limhi a kas emperador a pagbayadan iti buis. Agarup 145–121 s.c.
Kapitulo 20
Agawen dagiti saserdote ni Noe ti sumagmamano kadagiti babbalasang a Lamanite—Makigubat dagiti Lamanite kada Limhi ken dagiti taona—Mapagsanud ken mapagparbeng dagiti pangen ti Lamanite. Agarup 145–123 s.c.
Kapitulo 21
Dangran ken abaken dagiti Lamanite dagiti tao ni Limhi—Maam-ammo dagiti tao ni Limhi ni Ammon ket mapasurotda—Ibagada ken ni Ammon dagiti duapulo-ket-uppat a pinanid ni Jared. Agarup 122–121 s.c.
Kapitulo 22
Naaramid ti plano iti panaglibas dagiti tao iti pannakaadipen iti Lamanite—Binartekda dagiti Lamanite—Aglibas dagiti tao, agsublida iti Zarahemla, ken iturayan ida ni Ari Mosiah. Agarup 121 s.c.
Ti pakaammo ni Alma ken dagiti tao ti Apo, nga inyabug dagiti tao ni Ari Noe iti langalang.
Sakupenna dagiti kapitulo 23 ken 24.
Kapitulo 23
Agkedked ni Alma nga agbalin nga ari—Agakem a nangato a saserdote—Dusaen ti Apo dagiti taona, ken parmeken dagiti Lamanite ti daga a Helam—Ni Amulon, dadaulo dagiti nadangkes a saserdote ni Ari Noe, ti emperador a mangituray iti Lamanite. Agarup 145–121 s.c.
Kapitulo 24
Idadanes ni Amulon ni Alma ken dagiti taona—Mapapatayda no agkararagda—Palag-anen ti Apo dagiti dagensenda—Wayawayaanna ida iti pannakaadipenda, ket agsublida iti Zarahemla. Agarup 145–120 s.c.
Kapitulo 25
Agbalin a Nephite dagiti an-annabo ni Mulek iti Zarahemla—Maam-ammoda dagiti tao ni Alma ken ni Zeniff—Buniagan ni Alma ni Limhi ken amin dagiti taona—Tudingan ni Mosiah ni Alma a mangbangon iti Simbaan ti Dios. Agarup 120 s.c.
Kapitulo 26
Adu a kameng ti Simbaan ti insungsong nga agbasol dagiti saan a mamatpati—Maikarian ni Alma iti biag nga agnanayon—Magun-od dagiti agbabawi ken mabuniagan ti pammakawan—Pakawanento ti Apo dagiti nagbasol a kameng ti simbaan nga agbabawi ken agpudno ken ni Alma; no saan, saandanto a maibilang kadagiti tao ti Simbaan. Agarup 120–100 s.c.
Kapitulo 27
Ipawil ni Mosiah ti panagidadanes ken ipaulogna ti panagpapatas—Padasen da Alma nga ub-ubing ken dagiti uppat a lallaki nga annak ni Mosiah a dadaelen ti Simbaan—Agparang ti anghel ket bilinenna ida nga isardengdan ti dakes nga aramidda—Mapaumel ni Alma—Nasken a maipasngay manen ti amin a sangkataw-an tapno magun-odda ti pannakaisalakan—Ipakdaar da Alma ken dagiti lallaki nga annak ni Mosiah dagiti naimbag a damag. Agarup 100–92 s.c.
Kapitulo 28
Maaddaan iti agnanayon a biag dagiti lallaki nga annak ni Mosiah—Mapanda mangasaba kadagiti Lamanite—Babaen ti panangaramatna kadagiti dua a bato ti panangipadto, ipatarus ni Mosiah dagiti pinanid a Jaredite. Agarup 92 s.c.
Kapitulo 29
Isingasing ni Mosiah a mapili dagiti ukom a mangsukat iti ari—Idauluan dagiti saan a nalinteg nga ari dagiti taoda nga agaramid iti basol—Mapili ni Alma nga ub-ubing a kangatuan nga ukom babaen ti timek dagiti tao—Isu pay ti kangatuan a saserdote iti Simbaan—Matay da Alma a laklakay ken Mosiah. Agarup 92–91 s.c.