Yog li ntawd, nws thiaj yog ib qho ntsiab lus ntawm Nifais cov neeg phau ceev xwm txheej, thiab cov Neeg Lamas thiab—Tau sau rau cov Neeg Lamas, cov uas yog ib co noob uas seem los ntawm tsev neeg Ixayees; thiab kuj yog rau cov Neeg Yudais thiab Lwm Haiv Neeg—Tau sau raws li txoj kev txib ua, thiab kuj yog los ntawm tus ntsuj plig kev qhia tej uas yuav muaj los yav tom ntej thiab kev tshwm sim—Tau sau tseg thiab tau nias cim rau, thiab tau muab zais cia rau tus Tswv, es kom lawv txhob raug puas tsuaj—Kom xwv yuav tawm los los ntawm Vajtswv txoj kev pub thiab lub hwj chim mus rau ntawm txoj kev txhais lus—Tau muab nias cim rau los ntawm Maulaunais txhais tes, thiab tau muab zais rau tus Tswv, es kom yuav tawm los nyob hauv lub caij teem cia, los ntawm Lwm Haiv Neeg los—Ntawm txoj kev txhais lus los ntawm txoj kev pub ntawm Vajtswv.