Aj Ax Toc Cyyol Ox Stiwa

Cybinxa cyakilke nasyon, ke juʼn familye, ke juʼncx chiyolan ixke tnam, aj al-ucʼal cpol jun akʼuntl luʼ, que ojoya tuʼn t-xtalbil Dios aj Mambaj ix te Kajaw Jesucristo, okila kej sleʼw cʼuxl at t-xilen jluʼ tuj, atzan jun storya te tnam te Nefi, ax icx cye lamanitas cyermano ax icx aj tnam te Jared aj tzajna tiʼj ja matij tweʼ aj oyolj tiʼj. Ax icx bʼaʼn kuʼne que jatz uʼj tuj kyolbila tuʼn tipumal Dios, cyjatzn tzaj kʼajt twi keya cyjatzun, bʼaʼn kuʼna que aj jun akʼuntl luʼ axix toc t-xilen. Ics cxeʼl kmaʼne que okila ke tzʼibʼnmaj cywitzke sleʼw cʼuxl ix otzaj yecʼan tuʼn tipumal Dios ix nyaʼ tuʼn jun xinakx. Ix cxel kmaʼne cyuʼnke yol axix toclen que jun tsanjel Dios cuʼtz tuj cyaʼj, ix tzaj tiʼn ix cuʼ tkʼoʼnke sleʼw cʼuxl kwitza, cyjuʼtzan ochi kila ix cxeʼl kmaʼna que ax toc, ax icxke tzʼiban cywitzke sleʼw cʼuxl ix baʼn kuʼne que tuʼn t-xtalbil Dios aj Maʼmbaj ix te Kajaw Jesucristo, que okila ix cxeʼl kmaʼna cyiʼjke cosas luʼ axix toclen. Ix pur jun ttxubtxajal tuj kwitz. Simbargo aj tkʼajkʼajal twi Kajaw tzaj tmandarin tuʼn txiʼ testificarat txilen luʼ kuʼna. Cyjuʼtzn, tuʼn cyocx kxoʼna ajke tmandamyent Dios n kmaʼna que ax tocke cosas obaj luʼ. Ix baʼn kuʼn katin baʼn xjal koya tiʼj Crist, chi cyjel sakxixke kxbalane tiʼj cychicʼelke xinak, ix ntiʼtzun jun ẍwoʼj kiʼja oc kpona twitz t-xtisbil Crist, ix ko ankʼila te jumajx tucʼal tuj cyaʼj. Ix atzan jun cocx kxoʼn aj Mambaj, ix aj Cʼwaʼlbaj, ix aj Xewbaj Sant, que oʼcx junc Dios. Icxtenju.