Dagiti Balikas ni Mormon

Kapitulo 1

Yababa ni Mormon dagiti dadakkel a pinanid ni Nephi—Inayonna dagiti babassit a pinanid kadagiti dadduma a pinanid—Ipasdek ni ari Benjamin ti talna iti daga. Agarup K.P. 385.

1 Ket ita siak, ni aMormon, gapu ta dandanin yawatko ti kasuratan nga ar-aramidek iti ima ti anakko a ni Moroni, adtoy naimatangak ti dandani amin a pannakadadael dagiti taok, dagiti Nephite.

2 Ket aginasut a tawen kalpasan ti yaay ni Cristo nga inyawatko dagitoy a kasuratan iti anakko a lalaki; ket ninamnamak a paneknekanna ti pakabuklan ti pannakadadael dagiti taok. Ket ipalubos koma ti Dios a mailasatanna amin ida, tapno maisuratna ti banag a maipanggep kadakuada, ken banag a maipanggep ken ni Cristo, ta bareng no bpakairanudandanto iti masungad nga aldaw.

3 Ket ita, agsaoak iti banag a maipanggep iti naisuratkon; ta kalpasan ti apanangyababak iti naggapu kadagiti bpinanid ni Nephi, agingga iti panagturay daytoy ari Benjamin, a nasao ni Amaleki, inamirisko dagiti ckasuratan a naipaima kaniak, ket natakuatak dagitoy a pinanid, a naglaon iti bassit a pakaammuan kadagiti propeta, manipud ken ni Jacob agingga iti panagturay daytoy ari dBenjamin, kasta met ti adu a balikas ni Nephi.

4 Ket anaay-ayoak kadagiti balikas a nailanad kadagitoy a pinanid, gapu kadagiti padto maipanggep iti yaay ni Cristo; ken ti pannakaammo dagiti ammak nga adun kadagitoy ti natungpal; wen, ket ammok met a kas iti kaadu ti naipadto maipanggep kadakami agingga ita nga aldaw ti napasamaken, ket kas iti kaadu ti makagteng ita nga aldaw nasken a manamnama a mapasamak—

5 Gapuna, pinilik adagitoy a banag, ti mangileppas iti kasuratan a maipanggep kadakuada, a nabati iti kasuratan nga inagsawko kadagiti bpinanid ni Nephi; ket saanko a maisurat ti cmaika-sangagasut a paset maipanggep kadagiti taok.

6 Ngem adtoy, alaek dagitoy a pinanid, a naglaon kadagitoy a pammadto ken pammaltiing, ket ikabilko ida iti nabati iti kasuratak, ta isuda ti pinilik; ken ammok a piliento met ida dagiti kakabsatko.

7 Ket aramidek daytoy iti anainsiriban a gagem; ta kasta ti nayarasaas kaniak, kas maibatay kadagiti aramid ti Espiritu ti Apo nga adda kaniak. Ket ita, diak ammo amin a banag; ngem bammo ti Apo ti amin a banag a dumtengto; gapuna, intedna nga aramidek a maibatay iti pagayatanna.

8 Ket maipanggep kadagiti kakabsatko ti akararagko iti Dios, tapno maammuanda manen ti Dios, wen, ti pannubbot ni Cristo; tapno agbalinda manen a bmakaay-ayo a tao.

9 Ket ita siak, ni Mormon, intuloyko nga ileppas ti kasuratak, nga innalak kadagiti pinanid ni Nephi; ket inaramidko a maibatay iti pannakaammo ken pannakaawat nga inted kaniak ti Dios.

10 Gapuna, napasamak a kalpasan ti apanangyawat ni Amaleki kadagitoy a pinanid ken ni ari Benjamin, innala ken impanna ida kadagiti bsabali a pinanid, a naglaon kadagiti kasuratan nga impaima dagiti cari, kadagiti nagsasaruno a kaputotan agingga kadagiti aldaw ni ari Benjamin.

11 Ket naipaimada manipud ken ni ari Benjamin, iti nagsasaruno a kaputotan agingga a nakadanonda akadagiti imak. Ket siak, ni Mormon, ikararagko iti Dios a taginayonenda koma manipud ita. Ket ammok a mataginayondanto; ta adu dagiti naindaklan a banag a naisurat kadakuada, nga agtaud a bpakakednganto dagiti taok ken dagiti kakabsatda iti naindaklan ken maudi nga aldaw, a maibatay iti naisurat a balikas ti Dios.

12 Ket ita, maipanggep itoy nga ari Benjamin—adda bassit pannakisupangetna kadagiti taona.

13 Ket napasamak met a dimteng dagiti buyot dagiti Lamanite iti adaga ti Nephi, tapno sarangtenda dagiti taona. Ngem adtoy, inummong ni ari Benjamin dagiti buyotna, ket nakirupak kadakuada; ket nakiranget babaen ti pigsa ti takiagna, a nagiggem iti bespada ni Laban.

14 Ket iti bileg ti Apo kinasupangetda dagiti kabusorda, agingga a nakapapatayda iti rinibu a Lamanite. Ket napasamak a nakisupangetda kadagiti Lamanite agingga a napapanawda ida iti amin a daga a tawidda.

15 Ket napasamak a kalpasan ti kaadda dagiti saan a pudno a aCristo, ken nagkaem dagiti ngiwatda, ken nadusada a maibatay iti nagbasolanda;

16 Ket kalpasan ti kaadda dagiti saan a pudno a propeta, ken saan a pudno a mangaskasaba ken mannursuro kadagiti tao, ket madusa amin dagitoy kas maibatay kadagiti nagbasolanda; ken kalpasan ti adu a panagsusupanget ken adu a panagsisinnuppiat kadagiti Lamanite, adtoy, napasamak a ni ari Benjamin, iti tulong dagiti nasantuan a apropeta nga adda kadagiti taona—

17 Ta adtoy, anasantuan a tao ni ari Benjamin, ket inturayanna dagiti taona iti kinalinteg; ket adu ti nasantuan a tao iti daga, ket imbagada ti balikas ti Dios nga addaan iti bbileg ken turay; ken nagaramatda iti cnatadem a balikas gapu iti kinasikkil ti panagtengtengnged dagiti tao—

18 Gapuna, iti tulong dagitoy, impasdek pay naminsan ni ari Benjamin, babaen ti panangaramatna iti amin a kabaelan ti bagi ken ti kararuana, kasta met dagiti propeta, ti kappia iti daga.