Reirei ao Berita aika Tabu

1 Ongora, O ngkami kaain au ^aekaretia, e taku bwanaan are ngaia are e maeka i eta, ao ^bmatana are i aoia aomata nako; eng, e koaua ae I taku: ^cOngora ngkami aomata man taabo aika raroa; ao ngkami ake i aon aban taari, kakauongo ni kabane.

2 Bwa ngaia ae ^abwanaan te Uea e bon nakoia aomata ni kabane, ao a na bon ^bakea ae a na birinako; ao bon akea te mata ae e na aki nooria, ke te taninga ae aki kona n ongo, ke te ^cnano ae e aki kona n rootaki.

3 Ao taan ^akakaitara a na bon rootaki ma te rawawata ae e bati; ibukin ae aia bure e na ^btaekinaki i aon taubukin auti, ao aia mwakuri aika raba a na bon kaotaki.

4 Ao te ^abwanaa ni kauring bon nakoia aomata ni kabane, man wiia au taan reirei, are I a tia n rineia ni ^bboong aika kaitira aikai.

5 Ao a na bon waaki nako ao akea ae e na tuukiia, bwa Ngai te Uea I a tia ni tuangiia.

6 Nooria, aio bon au ^akariaia, ao te kariaia ibukiia au taan mwakuri, ao au kabwarabwara nakon bokin au tua, are I a tia n anganiia bwa a na ^bboretiia nakoimi, O ngkami kaain te aonaba.

7 Mangaia, kam na ^amaaku ao kam na ruru, O ngkami aomata, bwa tera ake I a tia n atong i nanoia Ngai te Uea a na bon ^bkoro bukiia.

8 Ao e koaua ae I a tuangkami, bwa naake a waaki nako, uouoti taian rongorongo nakoia kaain te aonaba, ao nakoia anganaki te mwaaka ni ^akabaeiia taan aki kakoaua ao taan ^bkakaitara i aonaba ao i karawa;

9 Eng, e koaua, ni kabaeiia nakon te bong are e na bwaro iai ^aunin nanon te Atua ae akea baireana nako aoia ake a ^bbuakaka—

10 Nakon te ^abong are e na roko te Uea ni ^bkabooia aomata nako n ai aron aia ^cmwakuri, ao ni ^dbabaire nakoia aomata nako ni kaineti ma te baire are a tia ni babaire iai nakoia raoia.

11 Mangaia ae bwanaan te Uea e bon nako tabotabon aonaba, bwa naake a kan ongo a na bon ongo:

12 Katauraoingkami, katauraoingkami nakon te bwai ae e nang roko, bwa e a kaan roko te Uea;

13 Ao e kauraki ^aunin te Uea, ao e tebokaki ana ^bkabaang i karawa, ao e na bon bwaka i aoia kaain te aonaba.

14 Ao e na bon kaotaki ^abain te Uea; ao e na roko te bong bwa naake aki kan ^bongo bwanaan te Uea, ke bwanaan ana tia mwakuri te Uea, ke n aki ^ckakauongo raoi nakon aia taeka burabeti ao abotoro, a na bon ^dkamaunaaki mai buakoia aomata;

15 Bwa a ^ataonnako man au ^botenanti, ao n ^curua au ^dberita ae tabu ae akea tokina;

16 Aki ^aukoukora te Uea ni kamatoa raoiroina, bwa aomata nako a bon nakonako n ^boin ^ckawaia, ao ni ^dkatotonga oin atuaia, are katotongana ai aron te aonaba, ao are rabwatana bon rabwatan te bouananti, are e na ^emane ao ni mate i ^fBwaburon, n ai aron Bwaburon are kakannato, are e na bon bwaka.

17 Mangaia ae, Ngai te Uea, atakin te kaangaanga are e na roko i aoia ^akaain te aonaba, I wetea au tia mwakuri Iotebwa Timiti te Ataei, ao n taetae nakoina mai karawa, ao n anganna tua;

18 Ao n anga naba tua nakoia tabeman, bwa a na katanoatai bwai aikai nakon te aonaba; ao I a tia ni karaoi bwai aikai bwa a na bon koro bukiia, are a koreaki irouia burabeti—

19 ^aMamaaran nako te aonaba a na bon waki nako ao n urui ma ni kabwakaia ake a aintoa ao ni korakora, bwa e aonga te aomata n aki reireina raona, ke n ^bonimakina te iriko—

20 Bwa aonga aomata nako n ^ataetae n aran te Atua ae te Uea, are te Tia Kamaiua te aonaba;

21 Bwa e aonga naba te onimaki ni manga rikirake n te aonaba;

22 Bwa e aonga au ^aberita ae tabu ae akea tokina ni manga kamatoaaki;

23 Bwa e aonga bwaninin au ^aeuangkerio ni ^bkatanoataaki irouia naake a ^cmamaara ao aki reirei nako tabotabon aonaba, ao i mataia ueea ao taan tautaeka.

24 Nooria, Ngai te Atua ao I a tia n taekini; ^atuua aikai bon mai irou, ao a tia n anganaki au taan mwakuri n akean konabwaia, ni kaineti ma aia ^btaetae, bwa aonga ni bon ^coota raoi.

25 Ao ngkana a teimatoa ni kaairua ao e na bon kaotaki;

26 Ao ngkana a teimatoa n ukoukora te ^awanawana ao a na bon reireiaki;

27 Ao ngkana a teimatoa ni bure ao a na bon ^akatuaeaki, bwa aonga n ^brairi nanoia;

28 Ao ngkana a teimatoa n ^ananorinano ao a na bon kakorakoraaki, ao ni kakabwaiaaki mai eta, ao ni karekei ^brabakau man te tai teuana nakon te tai teuana.

29 Ao i mwin karekean rongorongoia taian Nibwaite, eng, bwa e aonga au tia mwakuri Iotebwa Timiti te Ataei, ni karekea te mwaaka n raira ^aAna Boki Moomon rinanon ana nanoanga te Atua, ao man mwaakan te Atua.

30 Ao bwa aonga naba naake angaanaki taian tua, ni karekea te ^amwaaka ni kawenea aan te ^bekaretia aio, ao ni kaotinakoa mai nanon te roo ma te ^crootongitong, are tii te ^dekaretia ae koaua ae maiu i aon te aonaba ni kabuta, are Ngai, te Uea, I ^ekukurei iai, ngkana I taetae nakon te ekaretia ae e bwanin ao tiaki ni kaka temanna—

31 Bwa Ngai te Uea I aki kona n tara te ^abure ma ni kariaia karaoana naba teutana;

32 E ngae n anne, ane e raira nanona ao ni karaoi ana tua te Uea e na bon ^akabwaraaki ana bure;

33 Ao ane e aki ^araira nanona, e na bon ^banaaki te oota mai irouna are e a tia ni karekea; bwa ^cTamneiu e aki kona n ^dreitinako ni maeka ma te aomata, e taku aia Uea Taanga ni Buaka.

34 Ao e koaua ae I a manga tuangkami, O ngkami kaain te aonaba: Ngai te Uea I rang tauraoi ni kaotii bwaai aikai nakoia ^aaomata ni kabane;

35 Bwa Ngai akea te ^ainanonano irou nakoia aomata, ao I tangiriia aomata nako bwa a na ataia bwa e waekoa n roko te ^bbong; te tai e tuai roko, ma e a kaan, ike e na anaaki te ^crau man te aonaba, ao te ^driaboro e na karekea te mwaaka n tautaekana oin ana tautaeka.

36 Ao te Uea e na mwaaka i aoia ana ^aaomata aika a itiaki naba, ao n ^btautaeka ^cibukoia, ao n roko n ^dmotikitaeka i ^eItumia, ke te aonaba.

37 Ukoukori ^atua aikai, bwa a bon koaua ao man onimakinaki, ao taian taeka ni burabeti ao ^bberita ake iai a na bon bane ni koro bukiia.

38 Tera are I a tia n taekini Ngai te Uea, I a tia n taekini, ao I aki kabwara au bure; ao e ngae n ae e na mauna karawa ma aonaba, au ^ataeka e na bon aki mauna, ma a na bon bane ni ^bkoro bukiia, e ngae man bon oin ^cbwanaau ke bwanaia au ^dtia mwakuri, bon ^etitebo.

39 Bwa nooria, ao taraia, te Uea bon te Atua, ao te ^aTamnei e kaota koauana, ao te koaua are kaotaki iroun te Tamnei e bon koaua, ao e reitinako te ^bkoaua n aki tootoki. Amen.