Mwakoro 100
Kaotioti ae kaotaki nakon Iotebwa Timiti te Burabeti ao Sidney Rigdon, i Perrysburg, New York, n Okitobwa 12, 1833. Taari aika uoman, ibukin ae a tia ni maenako ma aia utu ni boong aika mwaiti, a namakina te raraoma ibukiia.
1–4, Iotebwa ao Sidney a riai n tataekina te euangkerio ibukin kamaiuaia tamnei; 5–8, A na anganaki n te tai naba arei te bwai ae a na taekinna; 9–12, Sidney bon te tia taetae ao Iotebwa bon te tia kaotioti ao ni korakora ana koaua; 13–17, Te Uea e na kateirakeia te botanaomata ae itiaki, ao naake a ongeaba a na kamaiuaki.
1 E koaua, e taku te Uea nakoimi, raou ae aSidney ao bIotebwa, a marurung ami utu; a mena i nanon baiu, ao N na karaoi ma ngaia n aron nooran raoiroina irou; bwa irou iai mwaaka ni kabane.
2 Ngaia are, irai, ao kakauongo nakon te reirei are N na anganingkami.
3 Nooria, ao taraia, a rangi ni mwaiti aomata n te tabo aei, n taabo ake a uakaan; ao te mataroa ae tatauraoi e na uki n taabo ake a uakaan n te aba aei are i mainiku.
4 Ngaia are, Ngai, te Uea, I a tia ni kariaia bwa kam na nakomai nakon te aba aei; bwa e riai irou ibukin akamaiuaia tamnei.
5 Ngaia are, e koaua ae I tuangkami, tabekarake bwanaami nakoia aomata aikai; ataekini iango ake N na kaaki i nanomi, ao kam na aki kamangaoaki i mataia aomata;
6 Bwa e na akaotaki nakoimi n te tai naba arei, eng, n te tai raoi anne, te bwai are kam na taekinna.
7 Ma te tua ae I anganingkami, bwa kam na taekini bwaai nako are kam na ataekini n arau, n te nano ae aki manikangare, n te tamnei ae bnimamannei, ni bwaai ni kabane.
8 Ao I anganingkami te berita aei, bwa ngkana kam teimatoa ni karaoa aei te aTamnei ae Raoiroi e na nako ni kaota koauan bwaai ni kabane are kam na taekinna.
9 Ao e riai irou bwa ngkoe, au tia mwakuri ae Sidney, ko na riki bwa te atia taetae nakoia aomata aikai; eng, e koaua, N na katabuko nakon te wewete aei, are te tia taetae ibukin au tia mwakuri ae Iotebwa.
10 Ao N na anganna te mwaaka bwa e na korakora n te akakoaua.
11 Ao N na anganiko te mwaaka bwa ko na akorakora ni kabwarabwarai koroboki aika tabu ni kabane, bwa ko aonga n riki bwa te tia taetae ibukina, ao e na riki bwa te btia kaotioti nakoim, bwa ko aonga n atai koauan bwaai ni kabane ni kaineti nakon bwain abanueau n te aonaba.
12 Ngaia are, waakina mwanangami ao a riai nanomi ni kimwareirei; bwa nooria, ao taraia, I mena iroumi ni karokoa te toki.
13 Ao ngkai I anganingkami te taeka ibukin aTion. E na bkabooaki Tion, e ngae ngke e katuaeaki i nanon te tai ae uarereke.
14 Tarimi, au taan mwakuri aika aOrson Hyde ao John Gould, a mena i nanon baiu; ao ngkana a teimatoa ni kawakini au tua a na kamaiuaki.
15 Mangaia are, a riai nanomi ni kabebeteaki; bwa bwaai ni akabane a na kaai ni mwakuri ibukin ae raoiroi nakoia ake a nakonako i nanon te raoiroi, ao nakon katabuan te ekaretia.
16 Bwa N na kateirakeia nakoiu te botanaomata ae aitiaki, bwa a na beku irou n te raoiroi;
17 Ao ni kabane ake a awetea aran te Uea, ao ni kawakini ana tua, a na kamaiuaki. Eng. Amen.