Vaega 100

Faaaliga na tuuina mai ia Iosefa Samita le Perofeta ma Sini Rikitone, i Perisipoka, Niu Ioka, 12 Oketopa 1833 (History of the Church, 1:416, 419–421). Ona o le tele o aso o toesea nei uso e toalua mai o laua aiga, o lea na laua lagona ai sina popole e uiga ia te i latou.

1–4, Ia talai atu e Iosefa ma Sini le talalelei mo le faaolataga o tagata; 5–8, O le a tuu mai ia te i laua i le itula tonu lava mea e tatau ona laua fai atu ai; 9–12, Ia avea Sini ma failauga ae avea Iosefa ma talifaaaliga ma malosi i le molimau; 13–17, O le a faatu mai e le Alii se nuu mamā, ma o e e usiusitai o le a faaolaina.

 E Moni, ua faapea ona fetalai mai o le Alii ia te oulua, aʼu uo, o aSini ma eIosefa, o loo manuia o oulua aiga; ua i ai i latou i oʼu lima, ma o le a Ou faia ia te i latou e pei ona lelei ia te aʼu; ona ua i ai ia te aʼu le mana uma.

 O lea, mulimuli mai ia te aʼu, ma faalogo mai i le fautuaga o le a Ou tuu atu ia te oulua.

 Faauta, ma tagai, ua ia te aʼu ni tagata e toatele i le nofoaga lenei, i itulagi faataamilo ai; ma o le a tatalaina se faitotoa aoga i itulagi faataamilo i le laueleele lenei i sasaʼe.

 O lea, na tuu atu ai e Aʼu, o le Alii, oulua, ia oulua o mai i le nofoaga lenei, ona ua faapea ona tatau ai ia te aʼu mo le afaaolataga o agaga.

 O lea, e moni Ou te fai atu ia te oulua, ia sii aʼe o oulua leo i lenei nuu; atautala atu mafaufauga o le a Ou tuu i o oulua loto, ma o le a lē faafememeaiina oulua i luma o tagata;

 Aua o le a atuu atu ia te oulua i le itula tonu lava, ioe, i le minute tonu lava, mea e te lua fai atu ai.

 Ae Ou te tuu atu ia te oulua se poloaiga, ia oulua alaga atu soo se mea lua te aalaga atu i loʼu igoa, i le mamalu o le loto, i le agaga o le eagamalu, i mea uma.

 Ma Ou te tuu atu ia te oulua le folafolaga lenei, o le tulaga e oo i ai le lua faia o lenei mea, o le a liligi atu le aAgaga Paia e molimau i mea uma o soo se mea lua te fai atu ai.

 Ma ua tatau ia te aʼu ona avea oe, laʼu auauna, o Sini, ma afailauga i lenei nuu; ioe, e moni, o le a Ou faauuina oe i lenei valaauga, e avea lava ma failauga mo laʼu auauna o Iosefa.

 10 Ma o le a Ou tuu atu ia te ia le mana ia malosi ai i le amolimau.

 11 Ma o le a Ou tuu atu ia te oe le mana e te amalosi ai i le faamalamalamaina o tusitusiga paia uma, ina ia mafai ona avea oe ma failauga mo ia, ma o le a avea o ia ma etalifaaaliga mo oe, ina ia mafai ona e iloa le moni o mea uma e faatatau i mea o loʼu malo i luga o le lalolagi.

 12 O lea, ia faaauau pea la oulua malaga ma ia olioli o oulua loto; aua faauta, ma tagai, Ou te faatasi ma oulua e oo lava i le iuga.

 13 Ma o lenei, Ou te tuu atu ia te oulua se upu e uiga ia aSiona. O le a elaveaiina Siona, e ui ina aoaiina o ia mo se vaitau itiiti.

 14 O o oulua uso, o aʼu auauna o Osona aHaite ma Ioane Koula, ua i ai i oʼu lima; ma o le tulaga e oo i ai le la tausia o aʼu poloaiga, o le a faaolaina i laua.

 15 O lea, ia faamafanafanaina o oulua loto; ona o le a galulue faatasi amea uma mo le lelei o e e savavali saʼo, ma mo le faapaiaina o le ekalesia.

 16 Aua o le a Ou faatu mai mo aʼu se anuu mamā, o e e auauna mai ia te aʼu i le amiotonu;

 17 Ma o i latou uma o e e avalaau atu e ala i le suafa o le Alii, ma tausi i ana poloaiga, o le a faaolaina. E faapea lava. Amene.