Dagiti Nasantuan a Kasuratan
Doktrina ken Katulagan 100


Benneg 100

Paltiing a naited kada Joseph Smith a Propeta ken ni Sidney Rigdon, iti Perrysburg, Nueva York, idi 12 ti Oktubre 1833 (History of the Church, 1:416, 419–421). Nakarikna dagiti dua a kabsat, kalpasan ti pannakayadayoda kadagiti kaamaanda iti sumagmamano nga aldaw, iti pannakaseknan maipanggep kadakuada.

1–4, Ikasaba da Joseph ken Sidney ti ebanghelio para iti pannakaisalakan dagiti kararua; 5–8, Maitedto kadakuada iti dayta met la nga oras ti sawenda; 9–12, Ni Sidney ti pannakangiwat ken ni Joseph ti agited iti paltiing ken ti naindaklan a mamaneknek; 13–17, Mangpatanor ti Apo iti nadalus a tattao, ket maisalakanto dagiti natudio.

1 Pudno, kastoy ti kinuna ti Apo kadakayo, gagayyemko a aSidney ken bJoseph, naimbag dagiti kaamaanyo; addada kadagiti imak, ket tulongak ida no namnamaek a nasayaat; ta adda kaniak ti amin a bileg.

2 Ngarud, surotendak, ket denggenyo ti pammagbaga nga itedkonto kadakayo.

3 Adtoy, ken imutektekan, adu ti taok iti daytoy a disso, iti lugar iti aglawlaw; ket maluktanto ti mapangnamnamaan a ridaw kadagiti lugar iti aglawlaw iti daytoy a daga iti dumaya.

4 Ngarud, siak, ti Apo, impalubosko nga umaykayo iti daytoy a lugar; ta napateg dayta kaniak para iti apannakaisalakan dagiti kararua.

5 Ngarud, pudno kunak kadakayo, idanonyo dagiti timekyo kadagitoy a tao; abaliksenyo dagiti kapanunotan nga imulakto kadagiti pusoyo, ket dikayonto matikaw iti sango dagiti tao;

6 Ta amaitedto kadakayo iti umno nga oras, wen, iti dayta a kanito, anianto ti sawenyo.

7 Ngem itedko kadakayo ti bilin, nga ipakdaaryonto ti ania man a banag nga aipakdaaryo babaen ti naganko, a naimpusuan, iti espiritu ti bkinapakumbaba, iti amin a banag.

8 Ket itedko kadakayo daytoy a kari, a no aramidenyo daytoy maikagayto ti aEspiritu Santo iti panangipaneknek iti pakaammo kadagiti amin a banag a sawenyo.

9 Ket nasken kaniak a sika, katulongak a Sidney, ti apannakangiwatto dagitoy a tao; wen, pudno, ordenankanto iti daytoy nga akem, a kas pannakangiwat ni katulongak a Joseph.

10 Ket ikkakto iti pannakabalin a naindaklan a amamaneknek.

11 Ket ikkankanto iti pannakabalin a anaindaklan a mangipalawag kadagiti nasantuan a kasuratan, tapno agbalinkanto a paraisaona, ket isunto ti para ited kenka iti bpaltiing, tapno ammom ti kaawan a duadua dagiti amin a banag maipanggep kadagiti banag iti pagariak iti daga.

12 Ngarud, ituloyyo ti agdaliasat ket agrag-okayo; ta adtoy, ket imutektekan, addaak kadakayo agingga iti panungpalan.

13 Ket ita adda ibagak kadakayo maipanggep iti aZion. bMasubbotto ti Zion, nupay madusada iti ababa a panawen.

14 Dagiti kabsatyo, a dagiti katulongak a da Orson aHyde ken John Gould, addada kadagiti imak; ket no la ketdi tungpalenda dagiti bilinko maisalakandanto.

15 Ngarud, liwliwaenyo ti puspusoyo; ta agkaykaysanto aamin a banag para iti pagimbagan dagiti magna a sililinteg, ken iti pannakaitan-ok ti simbaan.

16 Ta mangpatanorakto iti anadalus a tattao, nga agserbi kaniak a sililinteg;

17 Ket amin dagiti amaawagan iti nagan ti Apo, ken agtungpal kadagiti bilinna, maisalakanto. Pudno a kasta. Amen.