Vaega 101

Faaaliga na tuuina mai ia Iosefa Samita le Perofeta, i Katelani, Ohaio, 16 Tesema 1833 (History of the Church, 1:458–464). O le taimi lea sa mafatia ai le Au Paia o e sa faapotopoto i Misuri i sauaga tetele. Sa tutuliese i latou mai o latou fale i le itumalo o Siakisone e tagata amioleaga; ma sa taumafai ni isi o le Au Paia e faamautu i latou lava i le Itumalo o Veni Purene, peitai sa mulimuli atu sauaga ia te i latou. O le vaega tele o le Au Paia i le taimi lena sa i ai i le Itumalo o Kalei, Misuri. Sa tele faamataʼuga i le oti na faia e faasaga i tagata o le Ekalesia. Sa toesea meaafale, lavalava, lafu manu, atoa ma isi meatotino a tagata o le Ekalesia; ma sa lepetia le tele o a latou meatotō.

1–8, Ua aoaiina ma faapuapuagatia le Au Paia ona o a latou solitulafono; 9–15, O le a paʼū mai le toasa o le Alii i luga o atunuu, ae o le a faapotopotoina ma faamafanafanaina lona nuu; 16–21, O le a faatuina Siona ma ona siteki; 22–31, Ua faamatala mai le tulaga o le olaga i le taimi o le Meleniuma; 32–42, O le a faamanuiaina ma tauia le Au Paia i le taimi lena; 43–62, O le faataoto e uiga i se tamalii ma laau olive ua faailoa mai ai faalavelave ma le laveaiina mulimuli ane o Siona; 63–75, Ia faaauau pea ona faapotopoto faatasi o le Au Paia; 76–80, O le Alii na faatuina le Tulafono Faavae o le Iunaite Setete; 81–101, E tatau i le Au Paia ona tagi atu ia toe totogi mai mea ua faaleagaina e tusa ma le faataoto e uiga i le fafine ma le faamasino amioletonu.

 E Moni Ou te fai atu ia te outou, e uiga i o outou uso o e ua puapuagatia, ma ua asauaina, ma ua etutuliese i fafo mai le laueleele o lo latou tofi—

 O Aʼu, o le Alii, na Ou tuu le apuapuagatia ia oo mai i o latou luga, lea ua latou puapuagatia ai, ona o a latou esolitulafono;

 Peitai o le a a Aʼu i latou, ma o le a avea i latou ma au i lena aso o le a Ou alu atu ai e faaputuputu aʼu maa tāua.

 O lea, e tatau ai ona aaoaiina ma tofotofoina i latou, e pei lava o eAperaamo, o lē na poloaiina e tuu atu lona atalii e toatasi.

 Aua o i latou uma o e e lē onosaia le aoaiga, ae ateena aʼu, e lē mafai ona efaapaiaina.

 Faauta, Ou te fai atu ia te outou, sa i ai misa, ma afinauga, ma elosilosivalega, ma fetauaiga, ma ituinanauga ma manaoga matapeʼapeʼa i totonu o i latou; o lea na latou faaeleelea ai o latou tofi i ia mea.

 Sa gese ona latou afaalogo i le siufofoga o le Alii lo latou Atua; o lea, ua gese ai ona faafofoga mai o le Alii lo latou Atua ia latou tatalo, e tali mai i latou i le aso o lo latou faalavelave.

 I le aso o lo latou filemu sa latou manatu māmā ai i laʼu fautuaga; ae, i le aso o lo latou afaalavelave, ua latou etautagotago aʼu ona ua tatau ai.

 E moni ou te fai atu ia te outou, e ui ia latou agasala, ua tumu loʼu loto i le aagaalofa ia te i latou. O le a Ou lē elafoaia ese atoatoa i latou; ma o le a Ou manatua le alofa mutimutivale i le aso o le itoasa.

 10 Ua Ou tauto, ma ua alu atu le folafolaga e ala i se poloaiga muamua na Ou tuu atu ia te outou, o le a Ou faapaʼū atu le apelu o loʼu ita mo loʼu nuu; ma e pei ona Ou fai atu, o le a faapea lava ona faataunuuina.

 11 Ua lata ona sasaa atu loʼu ita lē mafuatia i luga o atunuu uma; ma o le a Ou faia lenei mea pe a atumu le ipu o lo latou amioletonu.

 12 Ma i lena aso, o i latou uma o e e maua i luga o le aʼolo-vaavaai, po o i ni isi upu, o laʼu Isaraelu uma, o le a faaolaina.

 13 Ma o i latou o e sa faataapeapeina o le a afaapotopotoina.

 14 Ma o i latou uma o e sa afaanoanoa o le a faamafanafanaina.

 15 Ma o i latou uma o e sa tuu atu o latou aola ona o loʼu igoa o le a faapaleina.

 16 O lea, ia faamafanafanaina o outou loto e faatatau ia Siona; aua ua i ai tagata uma i oʼu alima; ia filemu ma eiloa o Aʼu o le Atua.

 17 O le a lē aveesea aSiona i fafo mai lona nofoaga, e ui ina faataapeapeina ana fanau.

 18 O i latou o e e totoe, ma ua mamā i loto, o le a toe foi mai, ma o mai i o latou atofi, o i latou ma a latou fanau, faatasi ma epese o le olioli tumau-faavavau, e iatiaʼe nofoaga tuufua o Siona—

 19 Ma o le a oo mai nei mea uma ina ia mafai ona faataunuuina valoaga a perofeta.

 20 Ma, faauta, e leai se isi anofoaga ua tofia nai lo lena ua Ou tofia; pe o le a i ai se isi nofoaga e tofia nai lo lena ua Ou tofia, mo le galuega o le faapotopotoina o laʼu au paia—

 21 Seia oo mai le aso e lē toe maua ai se avanoa mo i latou; ma ona i ai lea ia te Aʼu isi nofoaga o le a Ou tofi atu ia te i latou, ma o le a taʼua i latou o asiteki, mo pupuni po o le malosi o Siona.

 22 Faauta, o loʼu lava loto, o i latou uma o e e valaau mai i loʼu igoa, ma tapuai mai ia te aʼu e tusa ma laʼu talalelei tumau-faavavau, e tatau ona afaapotopoto faatasi, ma etutu i nofoaga paia;

 23 Ma sauni mo le faaaliga o le a oo mai, pe a to ese le aveli o le ufiufi o loʼu malumalu, i totonu o loʼu fale fetafai, lea ua natia ai le lalolagi, ma o le a evaai faatasi ai tagata uma ia te aʼu.

 24 Ma o mea uma e apala, o a a tagata, po o a manu o le fanua, po o a manufelelei o le lagi, po o a īʼa o le sami, e mau i luga o le lalolagi atoa, o le a esusunuina;

 25 Ma o mea foi o le elemene o le a aliusuavai i le vevela tele; ma o mea uma o le a efaafouina, ina ia mafai ona mau o loʼu poto ma loʼu imamalu i luga o le lalolagi atoa.

 26 Ma i lena aso o le afeitagaʼi o tagata, ma le feitagaʼi o manu, ioe, o le feitagaʼi o meaola ma tagata uma, o le a etaofia mai oʼu luma.

 27 Ma i lena aso soo se mea e ole atu ai soo se tagata, o le a tuu mai ia te ia.

 28 Ma i lena aso o le a leai se mana ia aSatani e faaosooso ai soo se tagata.

 29 Ma o le a leai se afaanoanoa aua o le a leai se oti.

 30 I lena aso o le a lē oti se atamameamea seia matua o ia; ma o lona ola o le a pei o tausaga o se laau;

 31 Ma pe a oti o ia o le a lē moe o ia, o lona uiga i le eleele, ae o le a aliua i le emo o le mata, ma o le a esegia i luga, ma o le a mamalu lava lona malologa.

 32 Ioe, e moni Ou te fai atu ia te outou, i lena aaso pe a afio mai le Alii, o le a efaaali mai e ia mea uma—

 33 O mea ua mavae atu, ma amea natia sa lei iloa e se tagata, o mea o le lalolagi, o mea na faia ai, ma lona faamoemoe ma lona iuga—

 34 O mea sili ona pele, o mea o i lugā, ma mea o i lalō, o mea o i totonu o le lalolagi, ma luga o le lalolagi, ma i le lagi.

 35 Ma o i latou uma o e e mafatia i asauaga ona o loʼu igoa, ma tumau i le faatuatua, e ui ina valaauina i latou e tuu atu o latou ola emo aʼu ae o le a tofusia i latou i lenei mamalu.

 36 O le mea lea, aua le fefefe e oo lava i le aoti; ona e lē atoatoa lo outou olioli i le lalolagi lenei, ae o aʼu e atoatoa ai lo outou eolioli.

 37 O le mea lea, aua le popole i le tino, po o le ola o le tino; ae ia popole i le aagaga, ma le ola o le agaga.

 38 Ma ia asaili fofoga o le Alii i taimi uma, ina ia mafai ona outou maua o outou agaga i le eonosai, ma o le a outou maua ai le ola e faavavau.

 39 A valaaulia tagata i laʼu talalelei atumau-faavavau, ma osifeagaiga i se feagaiga tumau-faavavau, e faitauina i latou o le emasima o le lalolagi ma le faasao o tagata;

 40 Ua valaaulia i latou e avea ma faasao o tagata; o lea, afai e toesea le malosi faasao o le masima o le lalolagi, faauta, e mai i lena taimi ona lē aoga mo se mea, nao le lafo i fafo ma soli i lalo i vae o tagata.

 41 Faauta, o le poto lenei e faatatau i fanau a Siona, le toatele lea, ae lē o i latou uma; na maua i latou o ni tagata solitulafono, o lea e tatau ai ona aaoaiina i latou—

 42 O ia o lē na te afaaeaea o ia lava o le a faamaualaloina, ma o ia o lē na te efaamaualalo o ia lava o le a faaeaina.

 43 Ma o lenei, o le a Ou faaali atu ia te outou se faataoto, ina ia mafai ona outou iloa loʼu loto e faatatau i le laveaiina o Siona.

 44 E i ai se tasi atamalii sa i ai se fasi fanua, sa silisili lava ona lelei; ma sa fai atu o ia i ana auauna: Ia outou o atu i loʼu etovine, i luga o lenei lava fasi fanua silisili ona lelei, ma totō ai ni laau olive e sefulu ma le lua;

 45 Ma faatutu ni aleoleo faataamilo ia i latou, ma fausia se olo, ina ia mafai e se toatasi ona vaavaai atu i le fanua faataamilo, e avea o se leoleo i luga o le olo, ina ia lē gauia i lalo oʼu laau olive pe a sau le fili e faaleaga ma ave mo i latou lava le fua o loʼu tovine.

 46 O lenei, sa o atu auauna a le tamalii ma faia e pei ona sa poloaiina ai i latou e lo latou alii, ma toto laau olive, ma fausia se pa faataamilo, ma faatutu ni leoleo, ma amata ona fausia se olo.

 47 Ma aʼo latou faataatia lona faavae i lea lava taimi, sa amata ona latou fai ane i totonu o i latou lava: Ma o se a se mea ua manaomia ai e loʼu alii lenei olo?

 48 Ma sa talanoa mo se taimi umi lava, ua fai ane i totonu o i latou lava: O le a se mea ua manaomia ai e loʼu alii lenei olo, talu ai o le taimi lenei o le filemu?

 49 E lē mafai ea ona avatu lenei tupe i e suitupe? Ona ua leai se manaomia o nei mea.

 50 Ma aʼo latou fefinauaʼi o le tasi ma le isi sa oo ina latou faapaie tele, ma sa latou lē faalogo i poloaiga a lo latou alii.

 51 Ma sa sau le fili i le po, ma lepeti i lalo le apa; ma sa tutu i luga auauna a le tamalii ma sa fefefe, ma ua sosola; ma sa faaleaga e le fili a latou galuega, ma gaui i lalo laau olive.

 52 O lenei, faauta, sa valaau e le tamalii, le alii o le tovine, ana auauna, ma fai atu ia te i latou, Aisea! o le a le pogai o lenei leaga tele?

 53 Sa lē tatau ea ona outou faia e pei ona Ou poloaiina ai outou, ma—ina ua uma ona outou toto le tovine, ma fai le pa faataamilo ai, ma faatutu ni leoleo i luga o ona puipu—fausia foi le olo, ma faatutu ni leoleo i luga o le olo, ma leoleo i loʼu tovine, ma lē momoe, neʼi sau i o outou luga le fili?

 54 Ma faauta, semanu e iloa atu e le leoleo i luga o le olo le fili aʼo mamao atu o ia; ma semanu na mafai ai ona outou sauni ma taofi le fili mai le lepetia i lalo o lona pa, ma faasao ai loʼu tovine mai lima o le faaleaga mea.

 55 Ma sa fai atu le alii o le tovine i se tasi o ana auauna: Alu ma faapotopoto mai faatasi e o totoe o aʼu auauna, ma ave le malosi auma o loʼu fale, o aʼu tagata tau ia, o aʼu alii talavou, ma i latou o faamatuā tagata foi o i totonu o aʼu auauna uma, o e o le malosi o loʼu fale, vagana ai i latou o e ua ou tofia e nonofo;

 56 Ma ia outou o atu vave i le fanua o loʼu tovine, ma toe faaola mai loʼu tovine; ona e a aʼu; sa ou faatauina i tupe.

 57 O lea, ia outou o atu vave i loʼu fanua; lepeti i lalo pa o oʼu fili; lafo i lalo lo latou olo, ma faataapeape o latou leoleo.

 58 Ma o le tulaga e oo i ai le latou potopoto faatasi e faasaga mai ia te outou, ia atauimasui aʼu i oʼu fili, ina ia vave ona ou alu atu faatasi ma e o totoe o loʼu fale ma nonofo i le fanua.

 59 Ma sa fai atu le auauna i lona alii: O afea o le a i ai ia mea?

 60 Ma sa fai atu o ia i lana auauna: Pe a ou loto i ai; alu atu vave ia oe, ma fai mea uma ua ou poloaiina ai oe;

 61 Ma o le a avea lenei ma aʼu faamaufaailoga ma faamanuiaga i ou luga—o se tausimea faamaoni ma le aatamai i totonu o loʼu fale, o se epule i loʼu malo.

 62 Ma sa alu atu vave lana auauna, ma faia mea uma o soo se mea na poloaiina ai o ia e lona alii; ma ina ua amavae aso e tele sa faataunuuina mea uma.

 63 O lenei foi, e moni Ou te fai atu ia te outou, o le a Ou faaali atu ia te outou le poto o ia te aʼu e faatatau i aulotu uma, i le tulaga e oo i ai le latou loto ia taitaiina i latou i se ala saʼo ma tatau ai mo lo latou faaolataga—

 64 Ina ia mafai ona faaauau o le galuega o le faapotopotoina faatasi o laʼu au paia, ina ia mafai ona Ou atiaʼe o i latou i loʼu igoa i luga o anofoaga paia; ona ua oo mai le taimi o le eseleselega, ma ua tatau ona ifaataunuuina o laʼu upu.

 65 O lea, e ao ina Ou faapotopoto faatasi loʼu nuu, e tusa ma le faataoto i le saito ma atitania, ina ia mafai ona faasaoina o saito i le faleteusaito ia maua le ola e faavavau, ma faapaleina i le emamalu selesitila, pe a Ou alu atu i le malo o loʼu Tamā e taui i tagata taitoatasi e tusa ma ana galuega e pei o le a i ai;

 66 Aʼo titania o le a noatia i fusi, ma o le a faamalolosi o latou noanoa, ina ia asusunuina i latou i le afi e lē matineia.

 67 O lea, Ou te tuu atu se poloaiga i aulotu uma, ia faaauau pea ona latou faapotopoto faatasi i nofoaga ua Ou tofia.

 68 Ae ui i lea, e pei ona Ou fai atu ia te outou i se poloaiga muamua, aua le faanatinatia lo outou afaapotopotoina, pe i se solaʼaga; ae ia muaʼi saunia mea uma i o outou luma.

 69 Ma ina ia mafai ona muaʼi saunia mea uma i o outou luma, ia tausi i le poloaiga ua Ou tuu atu e faatatau i nei mea—

 70 Lea ua fai mai, pe ua aoao mai, ia afaatau mai fanua uma i tupe, e mafai ona faatauina i tupe, i le itulagi faataamilo i le laueleele ua Ou tofia e avea ma laueleele o Siona, mo le amataga o le faapotopotoina o laʼu au paia;

 71 O laueleele uma e mafai ona faatau mai i le itumalo o Siakisone, ma itumalo faataamilo ai, ma tuu mai le vaega e totoe i loʼu lima.

 72 O lenei, e moni Ou te fai atu ia te outou, ia tuu atu i aulotu uma e faaputuputu faatasi a latou tupe uma; ia tuu atu ia mea ia faia i o latou taimi, ae lē i le afaanatinati; ma vaai ia muaʼi saunia mea uma i o outou luma.

 73 Ma ia tuu atu e tofia ni alii mamalu, o ni tagata atamamai lava, ma auina atu i latou e faatau mai ia laueleele.

 74 Ma o aulotu i itu-laueleele i sasaʼe, a atiaʼe i luga i latou, afai latou te faalogo i lenei fautuaga e mafai ona latou faatau mai laueleele ma faapotopoto faatasi ai i luga; ma i lenei ala e mafai ona faamautuina ai i latou i Siona.

 75 Ua i ai i le taimi nei lava ni mea ua uma ona teuina, ioe, ua tele lava, e toe faaola mai ai Siona, ma faamaumaututu ai ona nofoaga tuufua, e lē toe lafoina i lalo, pe a na aloto aulotu, o e ua taʼua i latou lava i loʼu igoa, e faalogo mai i loʼu leo.

 76 Ma Ou te toe fai atu ia te outou, o i latou o e na faataapeapeina e o latou fili, o loʼu loto e tatau ona latou faaauau pea ona tagi atu mo le toe totogi mai, ma le toe faaola mai, e ala i lima o i latou o e ua tuu e avea ma pule ma ua i ai le pule i luga o outou—

 77 E tusa ma tulafono ma le atulafono faavae a le atunuu, lea na Ou tuu ia faatuina, ma e tatau ona tausia mo eaiā tatau ma le puipuiga o tagata uma, e tusa ma mataupu autu tonu ma paia;

 78 Ina ia mafai e tagata taitoatasi ona faia e tusa ma mataupu faavae ma mataupu autu e faatatau i le lumanai, e tusa ma le afaitalia ua Ou tuu atu ia te ia, ina ia mafai e tagata taitoatasi ona etali mo ana lava agasala i le aso o le ifaamasinoga.

 79 O lea, e lē saʼo ona tatau ona nofo pologa soo se tagata o le tasi i le isi.

 80 Ma o le faamoemoega lenei na Ou faatuina ai le aTulafono Faavae o le laueleele lenei, e ala i lima o alii atamamai o e na Ou faatutu mai i luga mo lenei lava faamoemoe, ma toe maua mai le laueleele e ala i le efaamasaaina o le toto.

 81 O lenei, o se a se mea a Ou faatusa i ai fanau a Siona? O le a Ou faatusaina i latou i le afaataoto e uiga i le fafine ma le faamasino amioletonu, aua e tatau i tagata ona etatalo e lē aunoa ma ia lē vaivai, ua fai mai—

 82 Sa i ai i se aai se faamasino sa lē mataʼu i le Atua, pe sa ava i tagata.

 83 Ma sa i ai i lena aai se fafine ua oti lana tane, ma sa alu atu le fafine i le faamasino, ua fai atu: Ia e tauimasui i loʼu fili.

 84 Ma sa lē faia e le faamasino mo se taimi, ae mulimuli ane ua fai ifo o ia i totonu o ia lava: E ui ina ou lē mataʼu i le Atua, pe ava i tagata, ae ona o le faalavelave mai ia te aʼu o lenei fafine ua oti lana tane o le a ou tauimasui atu ai mo ia, neʼi ou fiu i lona sau soo.

 85 O le a faapea ona Ou faatusaina o fanau a Siona.

 86 Ia tuu atu i latou e tagi atu i vae o le faamasino;

 87 Ma afai e lē amanaia i latou e ia, ia tuu atu ia te i latou e tagi atu i vae o le kovana;

 88 Ma afai e lē amanaia i latou e le kovana, ia tuu atu ia te i latou e tagi atu i vae o le peresitene;

 89 Ma afai e lē amanaia i latou e le peresitene, ona tulai lea o le Alii ma afio mai lona aafioaga natia, ma faapuapuagatia atunuu i lona toasa mataʼutia;

 90 Ma o le a ia vavae ese i le aasa o lona lē fiafia, ma i lona toasa tele, i lona taimi, i latou na o atausimea amioleaga, lē faamaoni, ma lē tonu, ma tofi atu ia te i latou la latou vaega i totonu o tagata pepelo, ma e e e talitonu;

 91 I le pogisa lava i fafo, i le mea e i ai le atagi, ma le auē, ma le lilivau o nifo.

 92 O lea, ia outou tatalo ai, ina ia tatala mai o latou taliga ia outou tagi, ina ia Ou aalofa mutimutivale ia te i latou, ina ia lē oo mai ia mea i luga o i latou.

 93 O mea ua Ou fai atu ai ia te outou e tatau ona i ai, ina ia tuua tagata uma e aunoa ma se aʼalofaga.

 94 Ina ia mafai e tagata atamamai ma pule ona faalogo ma iloa mea latou te lei amanatuina lava;

 95 Ina ia mafai ona Ou aga e faataunuu laʼu mea e fai, o laʼu mea auiga ese e fai, ma fai laʼu galuega, o laʼu galuega uiga ese, ina ia mafai ona eiloa e tagata i le va o le amiotonu ma le amioleaga, ua fetalai mai ai lo outou Atua.

 96 O lenei foi, Ou te fai atu ia te outou, ua lē tusa ai ma laʼu poloaiga ma loʼu loto ona tatau ona faatau atu e laʼu auauna o Sini Gilbert i lima o oʼu fili, loʼu afaleteuoloa, lea na Ou tofia mo loʼu nuu.

 97 Ia lē tuuina atu mea ua Ou tofia ia faaeleeleaina e oʼu fili, i se maliega a i latou o e ua avalaauina i latou lava i loʼu igoa;

 98 Ona o se agasala tiga tele lenei ma mamafa e faasaga mai ia te aʼu, ma faasaga i loʼu nuu, ona o mea na ua Ou folafola atu ma ua lata ona pauu mai i atunuu.

 99 O lea, o loʼu loto e tatau i loʼu nuu ona aiā, ma taofi le aiā i luga o mea na Ou tofia ia te i latou, e ui ina lē faatagaina i latou e nonofo ai iina.

 100 E ui i lea, Ou te lē o fai atu ia latou lē nonofo iina; o le tulaga e oo i ai le latou aumai o fua ma galuega tatau ai mo loʼu malo o le a latou nonofo ai i luga iina.

 101 O le a latou atiaʼe, ma o le a lē avea ma atofi o se tasi e ese mai; o le a latou totō tovine, ma o le a latou ʼai ona fua. E faapea lava. Amene.