Koroboki Aika Tabu
Reirei ao Berita aika Tabu 101


Mwakoro 101

Kaotioti ae kaotaki nakon Iotebwa Timiti te Burabeti, i Kirtland, Ohio, n Ritembwa 16 ao 17, 1833. N te tai aei Aomata aika Itiaki ake a tia ni ikotaki i Missouri a rang rootaki n te bwainikirinaki ae korakora. Aomata aika taan kakiriwe a kakionakoia man mwengaia n te Aono ae Jackson; ao tabeman Aomata aika Itiaki a kataia ni katei mwengaia n Aono aika Van Buren, Lafayette, ao Ray, ma a ririmwiiaki n te bwainikirinaki. Oin aia koraki Aomata aika Itiaki n te tai anne a mena n te Aono ae Clay, Missouri. Waaki ni kakamaku ibukin tiringaia tabeman kaain te Ekaretia a mwaiti. Aomata aika Itiaki n te Aono ae Jackson a tia ni bua bwain aia auti, kunnikai, aia nanai ni man, ao tabeua riki aia bwai; ao a mwaiti aia kai n amwarake ae a tia n uruakaki.

1–8, A katuaeaki ao ni karawawataaki Aomata aika Itiaki ibukin riaoan te tua irouia; 9–15, Unin te Uea e na bwaka nako aon aba, ma Ana aomata a na ikotaki ao ni karauaki nanoia; 16–21, E na kateaki Tion ma ana titeiki; 22–31, E kaotaki aron te maiu n tain te Tenga n Ririki; 32–42, Aomata aika Itiaki a na kakabwaiaaki ao ni karekea kanuangaia n te tai anne; 43–62, Te taetae ni kaikonaki ibukin te aomata ae kakannato ao taian aroka aika oriwa e tei ibukin taian kangaanga ao kabanean kaboakin Tion; 63–75, Aomata aika Itiaki a na reitinako ni ikoikotaki; 76–80, Te Uea e katea Ana Tua ae Maungatabu te United States; 81–101, Aomata aika Itiaki a riai ni bubuti te kabomwi ibukin kairua ake a rootaki iai, n aron te taetae ni kaikonaki ibukin te aine ao te tia moti ae e aki motiraoi.

1 E koaua ae I tuangkami, ni kaineti nakoia tarimi ake a tia n rootaki, ao ni abwainikirinaki, ao ni bkakioaki nako man abaia ni bwaibwai—

2 Ngai, te Uea, I a tia ni kariaia te akarawawata n roko nakoia, are a tia ni karawawataaki iai, ibukin briaoan te tua irouia;

3 E ngae n anne N na bwainiia, ao a na riki bwa aau bwai ngaiia n te bong arei ngkana I roko n rinei au atibu aika a kakawaki.

4 Mangaia are, a riai ni akatuaeaki ao ni kataaki, n aron bAberaam, are e tuangaki bwa e na anga natina te mwaane are te rikitemanna bwa te karea.

5 Ibukiia ni kabane ake a aki kona n teimatoa i nanon te katuuaeaki, ma a akaakeaai, a aki kona ni bkatabuaki.

6 Nooria, I tuangkami, iai taian bobuaka, ao aitabaraaraa, ao bbakantang, ao kauntaeka, ao nano ni ckaibwabwaru ao ni mataai i buakoia; mangaia are man bwaai aikai a kabarekai aia bwaibwai.

7 A iremwe n aongo bwanaan te Uea ae Atuaia; mangaia are, te Uea ae Atuaia e iremwe n ongo aia tataro, ni kaekai ni bongin aia kangaanga.

8 N te bong are a rau iai a aki rang tabeakina au reirei; ma, ni bongin aia akaangaanga, ibukin kainnanoia a bukorai.

9 E koaua ae I tuangkami, e ngae ngke a bure, e onrake nanou n te ananoanga ibukiia. N na bon aki bkakionakoia raoi; ao ni bongin te cun N na uringa te nanoanga.

10 I a tia n tuea, ao te baire e a tia n nako bwa te tua ngkoa are I a tia n anganingkami, bwa N na kabwakaa akabaangin uniu ibukiia au aomata; ao n aron ae I a tia n taekinna, e na koro bukina.

11 Uniu e a kaan nurakinaki n akea tiana i aoia aaba ni kabane; ao aio N na karaoia ngkana e aonrake mwangkon aia bure.

12 Ao n te bong anne ni kabane ake a kuneaki i aon te ataua n taratara, ke n taekana teuana, ni kabane au Iteraera, a na kamaiuaki.

13 Ao naake a tia ni kamaenakoaki a na manga aikotaki.

14 Ao ni kabane ake a tia n ananokawaki a na kabebeteaki nanoia.

15 Ao ni kabane ake a tia n anga amaiuiia ibukin arau a na baunaki.

16 Mangaia are, e riai nanomi ni kabebeteaki ni kaineti ma Tion; bwa rabwata ni kabane a mena i nanon abaiu; tiiku n rau ao n bataia bwa Ngai te Atua.

17 aTion e na aki kamwaingaki man ana tabo, e ngae ngke a kamaenakoaki natina.

18 Naake a tiku, ao n itiaki nanoia, a na oki, ao n roko n aaia bwaibwai, ngaiia ao natiia, ma banenen te kimwareirei ae akea tokina, ni ckatei taabo ake a uruakaki i Tion—

19 Ao ni kabane bwaai aikai bwa aonga ni koro bukin aia taeka burabeti.

20 Ao, nooria, akea riki te atabo teuana ae e rineaki nakon ane I a tia n rineia; ke e na iai riki te tabo ae e na rineaki nakon are I a tia n rineia, ibukin mwakurin ikotakiia au aomata aika itiaki—

21 Ni karokoa e roko te bong are e na aki manga kuneaki te mwaawa ibukiia; ao ngkanne iai irou taabo tabeua are N na rineia ibukiia, ao a na aranaki bwa atiteiki, ibukin oon ke korakoran Tion.

22 Nooria, aio au kantaninga, bwa ni kabane ake a wetea arau, ao n taromauriai ni kaineti nakon au euangkerio ae akea tokina, a na aikotaki, ao n btei n taabo aika a tabu;

23 Ao ni katauraoi ibukin te kaotioti are e na roko, ngkana arokin au tembora, n umwau, are e karaba te aonaba, e na anaaki, ao bwaai ni kabane aika maiu a na uaia n bnoorai.

24 Ao bwaai ni kabane ake a abareka, te aomata, ke manin aon te aba, ke mannikiba i karawa, ke ikan taari, ake a maeka ni kabuta aon te aba, a na bkamaunaaki;

25 Ao bwaai naba ake a karaoaki man bwain karawa a na arannako n te kabuebue ae korakora; ao bwaai ni kabane a na manga bboou, bwa a aonga au atatai ao cmimitongiu ni maeka i aon te aonaba ni kabuta.

26 Ao n te bong anne ana akairiribai te aomata, ao aia kairiribai maan, eng, aia kairiribai bwaai aika maiu ni kabane, a na btoki mai matau.

27 Ao n te bong anne tera nako are e na bubuti te aomata, e na anganaki nakoina.

28 Ao n te bong anne aTatan a na akea mwaakana ni kaririia aomata ni kabane.

29 Ao e na akea te ananokawaki ibukina bwa akea te mate.

30 N te bong anne te aataei e na aki mate ni karokoa e kara; ao maiuna e na riki n ai aron roron te aroka;

31 Ao ngkana e mate e na aki matu, are taekinaki bwa n te tano, ma e na abitaki n te rube ni mata, ao e na buotaki rake, ao motirawana e na mimitong.

32 Eng, e koaua ae I tuangkami, n te abong anne ngkana e roko te Uea, e na bkaotii bwaai ni kabane—

33 Bwaai ake a tia n riki, ao abwaai ake a karabaaki are akea te aomata ae e ataia, bwain te aonaba, are e karaoaki mai iai, ao te kaantaninga ibukina ma tokina—

34 Bwaai ake a kakawaki, bwaai ake i eta, ao bwaai ake i nano, bwaai ake i nanon te aonaba, ao i aon te aonaba, ao i karawa.

35 Ao ni kabane ake a rinanon te abwainikirinaki ibukin arau, ao n teimatoa n te onimaki, e ngae ngke a weteaki bwa a na anga maiuiia bibukiu ma a na buokanibwai n te mimitong aei ni kabane.

36 Ngaia are, tai maaku e ngae ngkana kam na amate; bwa n te aonaba aei kukureimi e aki bwanin, ma irou bkukureimi e bwanin.

37 Mangaia are, tai tabe ma te rabwata, ke maiun te rabata; ma taabe ibukin te atamnei, ao ibukin maiun te tamnei.

38 Ao aukoukora matan te Uea n taai nako, bwa n te btaotaonakin nano kam kona ni karekea tamneimi, ao kam na karekea te maiu ae akea tokina.

39 Ngkana a weteaki aomata nakon au aeuangkerio ae akea tokina, ao ni berita ma te berita ae tabu ae akea tokina, a aranaki bwa ai aron btaoron te aba ao kabwaiaia aomata;

40 A weteaki bwa taan kabwaiaia aomata; mangaia are, ngkana taoron te aba anne e mauna taorona, nooria, e na akea manenana ma ti te teweaki nako man toubekaki i aan waeia aomata.

41 Nooria, aio te wanawana ni kaineti nakoia natin Tion, aika mwaiti, ma tiaki ni kabane; a kuneaki bwa taan bure, mangaia are a riai ni akatuaeaki

42 Ane e akarietata e na karinanoaki, ao ane e bkarinanoa e na karietataaki.

43 Ao ngkai, N na kaota nakoimi te taetae ni kaikonaki, bwa kam aonga n ataa au kantaninga ni kaineti ma kaboakin Tion.

44 Temanna te aaomata ae kakannato ae iai abana, e rang tikiraoi; ao e taku nakon ana toro: Naako nakon au bnne ni kurebe, nakon te mwakoro n aba are e rangi tikiraoi aei, ao n uniki tengaun ma uakai te kai te oriwa;

45 Ao kateia ataan tarataraia, ao ni katea te taua, bwa temanna e na kona n noora te aba ni kabuta, bwa te tia taratara i aon te taua, bwa aonga au kai te oriwa n aki uruakaki ngkana te tia kairiribai e na roko n urui ao n anai uaan au nne ni kurebe.

46 Ngkai, ana toro te aomata are e kakannato a nako ao ni karaoa are aia uea e tuangiia, ao n uniki taian kai te oriwa, ao ni katea te oo ni katomimia, ao ni katea te tia taratara, ao ni moana katean te taua.

47 Ao ngke a kawenea aana, a moanna ni kangai i marenaia: Ao tera ae e tangiria au uea n te taua aei?

48 Ao a maroroakinna i nanon te tai ae maan, ni kangai i marenaia: Tera ae e tangiria au uea n te taua aei, ngkai te tai aei te tai n rau?

49 E aera te mwane aei e aki anganaki taan kabo mwane? Bwa akea kainanoan bwaai aikai.

50 Ao ngkai a boboobuaka marenaia a moanna n rangi n taningaroti, ao a aki ongeaba nakon ana tua aia uea.

51 Ao e roko te tia kairiribai n te bong, ao n urua te aoo; ao ana toro te aomata ae kakannato a teirake ao a maaku, ao ni birinako; ao te tia kairiribai e urui aia mwakuri, ao n urui taian kai te oriwa.

52 Ngkai, nooria, te aomata ae kakannato, uean te nne ni kurebe, e weteia ana toro, ao n taku nakoia, Bukin tera! tera ae karika te buakaka ae korakora aei?

53 Tiaki bwa kam na karaoia n aron ae I tuangkami, ao—i mwin are kam tia n unika au nne ni kurebe, ao ni katea te oo ni katomimia, ao n rinea te tia taratara i aon oona—ni katea te taua naba, ao n rinea te tia taratara i aon te taua, ao n taratara au nne ni kurebe, ao n aki bwaka ni matu, bwa mwina e na roko te tia kairiribai i aomi?

54 Ao nooria, te tia taratara i aon te taua e na bon kaman tia n noora te tia kairiribai ngke e bon mena i kiiraroa; ao ngkanne kam kona ni katauraoi ao n tuuka te tia kairiribai man uruan oona, ao ni kamaiua au nne ni kurebe man bain te tia urubwai.

55 Ao uean te nne ni kurebe e taku nakon temanna mai i buakoia ana toro: Naako ao ikotii ni kabane nikiraia au toro, ao uota ani kabane korakoran au auti, are au taan tia buaka, au ataenimwaane, ao naake a mena n te nuuka n ririki ake a mena naba i buakoia au taan mwakuri, are ngaiia korakoran au auti, ma tiaki naake I a tia n rineia bwa a na tiku;

56 Ao naako ngkami n te tai naba aei nakon aban au nne ni kurebe, ao ni kaoka au nne ni kurebe; bwa bon au bwai; I a tia ni kabooa n te mwane.

57 Mangaia are, naako ngkami n te tai naba aei nakon abau; urui ooia au kairiribai; kabwakai aia taua, ao kamaenakoia aia taan taratara.

58 Ao ngkana a teimatoa ni ikotiia ni kaitarako, aira tangau irouia au kairiribai, bwa n te tai ae uarereke I kona n roko ma nikiraia kaain au auti ao ni bwaina te aba.

59 Ao te toro e taku nakon ana uea: A na riki bwaai aikai ningai?

60 Ao e taku nakon ana toro: Ngkana I taku; naako n te tai naba aei, ao karaoi bwaai ni kabane ake I a tia n tuangko;

61 Ao aio e na riki bwa au kanikina ao kakabwaia iaomi—te tia tararua ae kakaonimaki ao ni awanawana i buakon au auti, te btia kairiiri n abanueau.

62 Ao ana toro e nako n te tai naba arei, ao ni karaoi bwaai ni kabane ake ana uea e tuangnga; ao ai mwin boong aika mwaiti bwaai ni kabane a koro bukiia.

63 E koaua ae I a manga tuangkami, N na kaota nakoimi te wanawana irou ni kaineti ma mwanga n te ekaretia ni kabane, ngkana a teimatoa n tauraoi ni kairaki n te kawai ae eti man riai ibukin kamaiuaia—

64 Bwa te mwakuri ibukin ikotakiia au aomata aika itiaki e aonga n reitinako, bwa I aonga ni karikirakeia ibukin arau i aon ataabo aika tabu; bwa tain te btai e a roko, ao au taeka e riai ni ckakoroaki bukina.

65 Mangaia are, I riai ni ikotiia au aomata, ni kaineti nakon te taetae ni kaikonaki i aon te wiita ao te atitania, bwa e aonga te wiita ni kawakinaki n te auti ni wiita bwa a na bwaina te maiu ae akea tokina, ao ni baunaki ni mimitongin te btiretio, ngkana N na roko n abanuean Tamau ni kanuanganiia aomata nako ni kaineti ma ana mwakuri are e a tia ni karaoia;

66 Ma titania a na kabaeaki n taian bwabwati, ao kabaeaia a kamatoaki, bwa a aonga ni akabuekaki n te ai ae aki maamate.

67 Mangaia are, te tua I anga nakon mwanga n te ekaretia ni kabane, bwa a na reitinako ni ikotia nakon taabo ake I a tia n rineia.

68 E ngae n anne, n aron ae I a tia n taekinna nakoimi n te tua are ngkoa, e riai n aki ienikuriaki aikotakimi, ke man te birinako; ma a riai bwaai ni kabane ni katauraoaki i mwaimi.

69 Ao bwa aonga bwaai ni kabane ni katauraoaki imwaimi, kawakina te tua are I a tia n anga ni kaineti ma bwaai aikai—

70 Are e kangai, ke n reirei, ni akabooi aaba ni kabane ma te mwane, are a kona ni kabooaki n te mwane, n taabo ake a uakaan ma te aba are I a tia n rineia bwa aban Tion, ibukin moan ikotakiia au aomata aika itiaki;

71 Ni kabane aaba are a kona ni kabooaki n te Aono ae Jackson, ao aaba i rarikina, ao ni katikui nikirana inanon baiu.

72 Ngkai, e koaua ae I tuangkami, a riai mwanga n te ekaretia ni kabane ni ikoti ni kabane aia mwane; a riai bwai aikai ni karaoaki n aia tai, ma tiaki ni aienikuriaki; ao n taraia bwa bwai ni kabane a katauraoaki i mwaaimi.

73 Ao a riai aomata aika kakannato n rineaki, aomata aika wanawana, ao ni kanakoia bwa a na kabooi aaba aikai.

74 Ao mwanga n te ekaretia n aba ake i mainiku, ngkana a kateaki, ngkana a ongo nakon te reirei aei a kona ni kaboi aba ao ni ikotaki i aoia; ao n te aro aio a kona ni katea Tion.

75 Iai naba ngkai ae e a tia ni kawakinaki ae e tau, eng, ae mwaiti, ni kaboa Tion, ao ni karikirakei ana tabo ake a uruakaki, n aki manga uruakaki, ngkana mwanga n te ekaretia, are a arania n arau, a akukurei n ongo ni bwanau.

76 Ao I a manga tuangkami, naake a tia ni kamaenakoaki irouia aia kairiribai, bon au kantaninga bwa a na reitinako n tangitang ibukin te kabomwi, ao te kaboaki, man baia naake a rineaki bwa taan kairiiri ao iai mwaakaia iaomi—

77 Ni kaineti nakon tuua ao aia atua aika maungatabu aomata, are I a tia ni kariaia bwa e na kateaki, ao n riai ni kateimatoaki ibukin binaomataia ao kamanoaia aomata ni kabane, ni kaineti nakon tuua aika a eti ao n tabu;

78 Bwa aonga aomata ni kabane ni mwakuri inanon te reirei ao te tua ibukin taai aika a na roko, ni kaineti ma te ainaomata n rinerine ae e riai are I a tia n anganna, bwa aomata ni kabane a na kona ni bbukinaki ibukin oin aia bure ni bongin te cmotikitaeka.

79 Mangaia are, e aki eti bwa aomata nako a na tautoronaki temanna iroun temanna.

80 Ao ibukin aio I a tia ni katea ana aTua ae Maungatabu te aba aei, man baia aomata aika wanawana ake I a tia ni kateirakeia ibukin raoi aei, ao ni kabooa te aba man bkawawaean te raraa.

81 Ngkai, nakon tera ae N na kabotauiia natin Tion? N na kabotauiia ma te ataetae ni kaikonaki ibukin te aine ao te tia moti ae e aki motiraoi, bwa a riai aomata n btataro n taai nako ao n aki mamaara, are e kangai—

82 Iai te tia moti n te kaawa ae e aki maaka te Atua, ao e aki karineia aomata.

83 Ao iai te aine ae mate buuna n te kaawa anne, ao e nako nakoina, ni kaangai: Ko na ira tangau nakon au kairiribai.

84 Ao e aki ira tangana inanon te tai ae aki maan, ma i mwiina e taku i nanona: E ngae ngke I aki maaka te Atua, ke I aki karineia aomata, ma bukina ngkai te aine ae mate buuna aei e katabeaiangaai N na ira tangana, bwa I maakina ae e na kakuaai n okiokina.

85 N te aro aio N na kabootauiia natin Tion.

86 A riai ni bubuti i waen te tia moti;

87 Ao ngkana e aki ongo irouia, a riai ni bubuti i waen te kowana;

88 Ao ngkana e aki ongo te kowana irouia, a riai ni bubuti i waen te beretitenti;

89 Ao ngkana e aki ongo te beretitenti irouia, ngkanne te Uea e na teirake ao n otinako man ana atabo ni karaba, ao n unna ae korakora e na karawawata te botanaomata;

90 Ao n aki kukureina ae korakora, ao n unna ae korakora, n ana tai, e na kamaunaia ataan tararua ake a buakaka, aki kakaonimaki, ao a aki tuaraoi, ao n anganiia tibwangaia irarikiia bwaritaio, ao btaan aki kakoauaa;

91 Nakon te rootongitong, ike e mena iai te atang, ao te takarua, ao te kangenge wii.

92 Mangaia are, kam na tataro, bwa a aonga ni kaukaki taningaia nakon tangimi, bwa I aonga n ananoangaia, bwa aonga bwaai aikai n aki roko i aoia.

93 Tera are I a tia n taekinna nakoimi e bon riai, bwa aonga aomata ni kabane n tiku ma akea aia aaanga;

94 Bwa aomata ake a wanawana ao taan tautaeka aonga n ongo ao n atai ake a tuai man aiangoi;

95 Bwa I aonga ni waaki ni kakoroa bukin au mwakuri, au amwakuri ae kamimi, ao ni karaoa au mwakrui, au mwakuri ae kamimi, bwa aonga aomata n bataia ake a raoiroi ao ake a buakaka, e taku Atuami.

96 Ao I a manga tuangkami, e kaitaraa au tua ao au kantaninga bwa au tia mwakuri ae Sidney Gilbert e na kabo nakoa au abata ni kaikobwai, are I a tia ni kateia ibukia au aomata, nako nanon baia au kairiribai.

97 Tai kataua bwa are I a tia ni kateia e na kabarekaaki irouia au kairiribai, man aia kariaia naake a aaraniia n arau;

98 Bwa aio te bure ae e rangi ni kakaiaki ao n rawawata ni kaitaraai, ao ni kaitaraia au aomata, ibukin bwaai akanne ake I a tia n tua ao a nang riki nakon te aonaba.

99 Mangaia are, aio au kantaninga bwa aomata a na riai ni kaotia bwa bon aia bwai, ao n tauii bwaai ake I a tia n anganiia, e ngae ngke a aki kariaiakaki ni maeka i aona.

100 E ngae n anne, I aki kangai a na aki maeka i aona; bwa ngkana a teimatoa ni kariki uaa ao ni mwakuri ibukin abanueau a na maeka i aona.

101 A na katei auti, ao temanna e na aki amaekanna; a na unikii nne ni kurebe, ao a na kang uaana. Eng. Amen.