Mwakoro 104
Kaotioti ae kaotaki nakon Iotebwa Timiti te Burabeti, i Kirtland, Ohio ke i rarikina, n Eberi 23, 1834, ni kaineti ma te Kambwana ni Katiteuanaki (taraa te kabwarabwaran mwakoro 78 ao 82). Te tai anne tao bon tain aia boowi kauntira ake kaain te Kambwana ni Katiteuanaki, are e maroroakinaki iai kainnanon te Ekaretia n te maiu n rabwata aika rang ni kataweaki. N ana bowi te kambwana mai i mwaina n Eberi 10 e tia ni baireaki bwa e na kamaunaki te kambwana. Te kaotioti aei e tua bwa te kambwana e na manga barongaki; bwaina ni kabane a na tibwatibwaki i marenaia kaain te kambwana bwa mwiokoaia n tararuaia. I an ana kairiri Iotebwa Timiti, te mwakoro ni kibu n taeka ae “Kambwana ni Katiteuanaki” e oneaki mwina rimwi riki ma te “Botaki ni Katitueanaki” n te kaotioti.
1–10, Aomata aika Itiaki ake a bure ni kaitaraa te botaki ni katiteuanaaki a na kamaraiaaki; 11–16, Te Uea e karekei ibukiia Ana Aomata aika Itiaki n oin Ana kawai; 17–18, Tuan te euangkerio e bairea aron tararuakia kainnano; 19–46, Mwiokoaia n tararua ao kakabwaiaia taari nako a kaotaki; 47–53, Te botaki ni katiteuanaaki i Kirtland ao te botaki i Tion a riai ni waaki ni kaokoro; 54–66, Ana tabo ni kaawakin mwane te Uea ae tabu e kateaki ibukin boretiakin koroboki aika tabu; 67–77, Ana tabo ni kaawakin mwane ae bwanin te botaki ni katiteuanaaki e riai ni waakinaki i nanon te boonnano; 78–86, Naake n te botaki ni katitueanaaki a na riai ni kabwarai aia tarau ni kabane, ao te Uea e na kamaiuia man te tautoronaki n te mwane.
1 E koaua ae I tuangkami, raraou, I anganingkami te reirei, ao te tua, ni kaineti ma bwaai ni kabane ake ana bwai te botaki are I tua bwa e na baireaki ao ni kateaki, bwa te abotaki ni katitueanaaki, ao te botaki ae akea tokina ibukin kabwaian au ekaretia, ao ibukin kamaiuaia aomata ni karokoa ae I roko—
2 Ma te berita ae e aki oninikaki ao ni bibitaki, bwa ngkana a teimatoa naake I tuangiia ni kakaonimaki a na kakabwaiaaki ma kakabwaia aika mwaiti;
3 Ma ngkana a aki teimatoa ni kakaonimaki e a kaan kamaraiaakiia.
4 Mangaia are, ngkana a aki teimatoa tabeman au taan ni mwakuri ni kawakina te tua, ma a urua te berita ae tabu rinanon te amataai bwai, ao ma taeka ni kewe, I a tia ni kamaraiaia ma te kamaraia ae e rang korakora ao ni kananokawaki.
5 Bwa Ngai, te Uea, I a tia n tua i nanou, bwa ngkana iai naba te aomata ae kaaina te botaki ae e kuneaki bwa te tia bure, ke, n taekana teuana, e na urua te berita ae tabu are e kabaeaki iai, e na kamaraiaaki ni maiuna, ao e na toubekaaki irouia naake I kariaiaia;
6 Bwa Ngai, te Uea, N na aki abwainingarekinaki ni bwaai aikai—
7 Ao bwaai aikai ni kabane bwa aonga naake akea aia bure i buakomi n aki kabuakakaki ma taan bure; ao bwa naake taan bure i buakomi aonga n aki birinako; bukina bwa Ngai, te Uea, I a tia ni berita nakoim te abaunuea ae mimitong i angataiu.
8 Mangaia are, ngkana a teimatoa ni kuneaki bwa taan bure, kam aki kona ni birinako man uniu i nanon maiumi.
9 Ngkana kam teimatoa ni akaakeaaki ibukin riaoan te tua, kam aki kona ni birinako man ana bkarawawata cTatan ni karokoa bongin te kaboaki.
10 Ao ngkai I anganingkami te mwaaka man te aoa aei, bwa ngkana iai te aomata i buakomi, are kaain te botaki, ni kuneaki bwa te tia bure ao e aki raira nanona man te buakaka, bwa kam na uotia nakon ana karawawata Tatan; ao a na akea irouna te mwaaka ni akarokoa te buakaka i aomi.
11 Bon te wanawana aei irou; mangaia are, te tua I anganingkami, bwa kam na barongaingkami ao n anganiia aomata nako amwiokoaia n tararua;
12 Bwa aonga aomata ni kabane n anga aia rongorongo nakoiu ibukin mwiokoaia n tararua ake e rineaki nakoina.
13 Bwa e riai bwa Ngai, te Uea, N na karaoia aomata ni kabane bwa a na abukinaki, n aron te btia tararua i aon kakabwaian te aonaba, are I a tia ni karaoi ao ni katauraoi ibukiia au bwai aika maiu.
14 Ngai, te Uea, I taakina karawa, ao ni akarika te aonaba, ana bmwakuri baiu; ao ni kabane bwaai i nanona bon au bwai.
15 Ao bon au kantaninga bwa N na katauraoi kainnanoia au aomata aika itiaki, bwa bwaai ni kabane bon au bwai.
16 Ma e riai ni karaoaki n oin au akawai; ao nooria aio te kawai are Ngai, te Uea, I a tia n tua bwa N na katauraoi kainnaoia au aomata aika itiaki, bwa bkainnano a na karietaaki, bwa man aei a na karinanoaki kaubwai.
17 Bwa e aonrake te aonaba, ao e tau mwaitina ao e nikirana; eng, I katauraoi bwaai ni kabane, ao n tia n anga nakoia natiia aomata bwa a na binaomata ni karaoa are a taku.
18 Mangaia are, ngkana te aomata nako e na anaa man are e amwaiti are I a tia ni karaoia, ao e aki anga tibwana, n aron btuan au euangkerio, nakoia ckainnano ao uake akea aia bwai, ngaia, ma naake a buakaka, a na tabekaarake mataia i dmoone, bwa a kammarakaki.
19 Ao ngkai, e koaua ae I tuangkami, ni kaineti ma bwain te abotaki—
20 E riai au tia mwakuri ae Sidney Rigdon n tia n rineaki nakoina te tabo are e maeka iai ngkai, ao te tabo ni karao kun ni man bwa mwiokoana n tararua, ibukin boutokaana ngkai e mwakuri n au nne ni kurebe, n aron au kantaninga, ngkana I tuangnga.
21 Ao a riai bwaai ni kabane ni karaoaki ni kaineti nakon reirein te botaki, ao te boutoka ae bwanin ke bwanaan te botaki, are e tei n te aba ae Kirtland.
22 Ao te mwioko n tararua ao te kakabwaia aei, Ngai, te Uea, I angan au tia mwakuri ae Sidney Rigdon bwa te kakabwaia nakoina, ao ana kariki i mwina;
23 Ao N na kamwaita kakabwaia i aona, ngkana e teimatoa ni karinanoa imatau.
24 Ao teuana riki, e riai au tia mwakuri ae Martin Harris n tia n rineaki nakoina, ibukin mwiokoana n tararua, te mwakoro n aba are au tia mwakuri ae John Johnson e karekea ni kaibibitan abana ni bwaibwai are mai i mwaaina, ibukina ao ana kariki i mwina;
25 Ao ngkana e teimatoa ni kakaonimaki, N na kamwaita kakabwaia nakoina ao ana kariki i mwina.
26 Ao e riai au tia mwakuri ae Martin Harris n anga ana mwane ibukin katanoataan au taeka, ni kaineti nakon ana kairiiri au tia mwakuri ae Iotebwa Timiti te Ataei.
27 Ao teuana riki, e riai au tia mwakuri ae Frederick G. Williams ni karekea te tabo are e maeka iai ngkai.
28 Ao e riai au tia mwakuri ae Oliver Cowdery ni karekea te mwakoro n aba are e uakaan n toma ma te auti, are e na riki bwa te tabo ni boreeti, are te moan mwakoro n aba, ao te mwakoro n aba naba are e maeka iai tamana.
29 Ao e riai au tia mwakuri ae Frederick G. Williams ao Oliver Cowdery ni karekea te tabo ni boreeti ao bwaai ni kabane ake bwaina.
30 Ao aio e na riki bwa mwiokoaia n tararua are a na anganaki.
31 Ao ngkana a teimatoa ni kakaonimaki, nooria N na kakabwaiaia, ao ni kamwaita kakabwaia nako aoia.
32 Ao aio moan mwiokoaia n tararua are I a tia n rineia nakoia, ibukiia ao aia kariki imwiia.
33 Ao, ngkana a teimatoa ni kakaonimaki, N na kamwaita kakabwaia nako aoia ao aia kariki imwiia, ni kakabwaia aika mwaiti.
34 Ao teuana riki, e riai au tia mwakuri ae John Johnson ni karekea te auti are e maeka iai, ao abana ni bwaibwai, ni kabane ma tiaki te tabo are e a tia ni kawakinaki ibukin akatean au auti nako, ake a irekereke ma te aba ni bwaibwai anne, ao aaba akanne ake a tia n atongaki ibukin au tia mwakuri ae Oliver Cowdery.
35 Ao ngkana e teimatoa ni kakaonimaki, N na kamwaita kakabwaia i aona.
36 Ao bon au kantaninga bwa e na kaboonakoi mwakoro n aba ake a kanikinaeaki ibukin katean aia kaawa au aomata aika itiaki, ngkana e teimatoa ni kaotaki nakoina man abwanaan te Tamnei, ao ni kaineti nakon reirein te botaki, ao man bwanaan te botaki.
37 Ao aio moan te mwioko n tararua are I a tia n anga nakoina, bwa te kakabwaia nakoina ao ana kariki i mwina.
38 Ao ngkana e teimatoa ni kakaonimaki, N na kamwaita kakabwaia aika maiti nako aona.
39 Ao teuana riki, e riai au tia mwakuri ae aNewel K. Whitney n tia n anganaki taian auti ma te mwakoro n aba are e maeka iai ngkai, ao te kateitei ao te mwakoro n aba are e tei i aona te tabo ni bobwai, ao te mwakoro n aba naba n te tuuta are i maiakin te tabo ni bobwai, ao te mwakoro n aba naba are e tei iai te tabo ni karao mannang.
40 Ao ni kabane aikai ake I a tia n rinei nakon au tia mwakuri ae Newel K. Whitney ibukin mwiokoana n tararua, bwa te kakabwaia nakoina ao ana kariki i mwina, ibukin kanakoraoan ana tabo ni bobwai au botaki are I a tia ni kateia ibukin au titeiki n te aba ae Kirtland.
41 Eng, e koaua, aio te mwioko n tararua are I a tia n rineia nakon au tia mwakuri ae N. K. Whitney, te tabo ni bobwai aei ni kabane, ngaia ao ana atia tei, ao ana kariki i mwina.
42 Ao ngkana e teimatoa ni kakaonimaki ni kawakini au tua, ake I a tia n anganna, N na kamwaiti kakabwaia nako aona ma ana kariki i mwina, ae kakabwaia aika mwaiti.
43 Ao teuana riki, e riai au tia mwakuri ae Iotebwa Timiti te Ataei n tia n rineaki nakoina te aba are e kanikinaeaki ibukin katean au auti, are kaanga uabubua te miita abwakina ao onobwi te miita rababana, ao te aba ni bwaibwai naba are e maeka iai tamana;
44 Ao aio moan mwiokoana n tararua are I a tia n rineia nakoina, bwa te kakabwaia nako aona, ao i aon tamana.
45 Bwa nooria, I a tia ni kawakina te aba ni bwaibwai ibukin atamana, ibukin boutokaana; mangaia are e na tiku n ana auti au tia mwakuri ae Iotebwa Timiti te Ataei.
46 Ao N na kamwaita kakabwaia i aon ana auti au tia mwakuri ae Iotebwa Timiti te Ataei ngkana e teimatoa ni kakaonimaki, ma kakabwaia aika mwaiti.
47 Ao ngkai, te tua I anganingkami ni kaineti ma Tion, bwa ko na aki manga kabaeaki bwa te botaki ni katiteuanaaki nakoia tarimi i Tion, ma tii n te aro aei—
48 I mwin bobongami, kam na aranaki bwa te Botaki ni Katiteuanaaki n ana aTiteiki Tion, Kaawan Kirtland. Ao tarimi, i mwin bobongaia, a na aranaki bwa te Botaki ni Katiteuanaaki n ana Kaawa Tion.
49 Ao a na baireaki n oin araia, ao n oin arami; ao a na karaoa tabeia n oin arami, ao n oin araia;
50 Ao kam na karaoi tabemi n oin aram, ao n oin arami.
51 Ao aio I a tia n tua bwa e na karaoaki ibukin kamaiuakimi, ao ibukin naba kamaiuakiia, i mwin akanakoaia ao bwaai aika a na riki.
52 aBerita aika tabu ake a uruakaki rinanon riaoan te tua, n te bmataai bwai ao taeka ni kewe—
53 Mangaia are, kam a kamaunaaki bwa te botaki ni katituenaaki ma tarimi, bwa kam aikoa kabaeaki nakoia ma tii ni karokoa te tai aei, ma tii n te aro aei, n aron ae I taku, man te tango mwane n aron are e na kariaiakaki iroun te botaki aei n te boowi ni kauntira, n aron riaina ma aron maiumi ao ana baire bwanaan te kauntira.
54 Ao teuana riki, te tua are I anganingkami ni kaineti ma mwiokoami n tararua are I a tia n rineia nakoimi.
55 Nooria, bwaai ni kabane aikai bon au bwai, ke ngkana tiaki e matebuaka ami onimaki, ao kam kuneaki bwa bwaritaio, ao berita aika tabu are kam a tia ni karaoia ma ngai a uruakaki;
56 Ao ngkana bwaai au bwai, ngkanne ngkami ataan tararua; bwa ngkana kam aki ao tiaki ngkami taan tararua.
57 Ma, e koaua ae I tuangkami, I a tia n rineingkami bwa taan tararua i aon au auti, bwa bon taan tararua ni koaua.
58 Ao ibukin aio, I a tia n tuangkami bwa kam na barongaingkami, ni boretii aau taeka, bwaninin au koroboki aika tabu, kaotioti ake I a tia n anganingkami, ao ake N na anganingkami, n taai aika a na roko, man te tai teuana nakon teuana—
59 Ao ibukin katean au ekaretia ao te abanuea i aon te aonaba, ao ni katauraoia au botanaomata ibukin te atai are N na bmaeka ma ngaiia, are e a kaan.
60 Ao kam na katauraoia ibukimi te tabo ibukin te tabo ni kawakin mwane, ao ni katabua nakon arau.
61 Ao kam na rinea temanna mai buakomi bwa e na kawakina te tabo ni mwane, ao e na katabuaki nakon te kakabwaia aei.
62 Ao e na iai te roka i aon te tabo ni mwane, ao ni kabane bwaai aika tabu a na kaakaki n te tabo ni mwane; ao akea te aomata i buakomi ae e na aranna bwa ana bwai, ke mwakorona nako, bwa bon ami bwai ni kabane.
63 Ao I anganingkami man te aoa naba aei; ao ngkai taraia, bwa kam na moana kamanenaan te mwioko n tararua are I a tia n rineia nakoimi, ma tiaki bwaai ake a tabu, ibukin boreetiakin bwaai aika tabu aikai are I a tia n taku.
64 Ao arakan bwaai ake a tabu a na kaakaki n te tabo ni mwane, ao e na iai te roka i aona; ao e na aki kamanenaaki ke n anaaki man te tabo ni mwane irouia aomata nako, ke e na aki kanakoaki te roka are e kaakaki i aona, ma tii man bwanaan te botaki, ke te tua.
65 Ao kam na kawakinii rakan bwaai ake a tabu n te tabo ni mwane, ibukin bwaai aika a tabu.
66 Ao aio e na aranaki bwa ana tabo ni mwane te Uea ae tabu; ao te roka e na katukaki i aona bwa e aonga n tabu ao ni katabuaki nakon te Uea.
67 Ao teuana riki, e na iai riki teuana te tabo ni kawakin mwane ae e na katauraoaki, ao te tia mwane e na rineaki bwa e na kawakina te tabo ni mwane, ao te roka e na katukaki i aona;
68 Ao mwaane ni kabane ake kam karekei ni mwiokoami n tararua, man karikirakean bwaai ake I a tia n rineia nakoimi, n taian auti, ke n aaba, ke ni maan aika manana, ke ni bwaai ni kabane ma tiaki koroboki aika tabu, ake I a tia ni kawakin nakoiu ibukin waaki aika tabu, a na kaakaki n te tabo ni mwane n te tai naba are kam karekei mwaane, ni kakatebubua, ke ni kakanimabwi, ke ni kakauabwi, ke ni kakatebwina, ke ni kakanimaua.
69 Ke n taekana teuana, ngkana iai te aomata buakomi ae karekea nimaua te taara e riai ni kaaki n te tabo ni kawakin mwane; ke ngkana e karekea tebwiina, ke uabwi, ke nimabwi, ke tebubua, e riai ni karaoa naba anne;
70 Ao e aki riai temanna mai i buakomi n taekinna bwa ana bwai; bwa e na aki aranaki bwa ana bwai, ke mwakorona nako.
71 Ao a na akea mwakorona nako ae e na kamanenaaki, ke n anaaki man te tabo ni kawakin mwane, tii man bwanaan ke ana boutoka te botaki.
72 Ao aio e na riki bwa bwanaan ke ana boutoka ae tabangaki te botaki—bwa ngkana temanna mai i buakomi e kangai nakon te tia mwane: I kainnanoa aio bwa buokau ni mwiokoau n tararua—
73 Ngkana nimaua te taara, ke ngkana tebwina te taara, ke uabwi, ke nimabwi, ke tebubua, te tia mwane e na anganna te mwaiti are e kainnanoia bwa buokana ni mwiokoana n tararua—
74 Ni karokoa e kuneaki bwa te tia bure, ao e kaotaki raoi i matan ana kauntira te botaki bwa ngaia te tia tararua ae e aki kakaonimaki ao e aaki wanawana.
75 Ma ngkana e teimatoa ni butimwaeaki bwa kaaina, ao e kakaonimaki ao ni wanawana ni mwiokoana n tararua, aio ana kanikina nakon te tia mwane bwa te tia mwane e na aki taua te mwane nakoina.
76 Ma ngkana iai riaoan te tua, te tia mwane e na mena i aan te kauntira ao bwanaan te botaki.
77 Ao ngkana te tia mwane e kuneaki bwa te tia tararua ae e aki kakaonimaki ao n aki wanawana, e na mena i aan te kauntira ao bwanaan te botaki, ao e na kamwaingaki man ana tabo, ao e na rineaki atemanna n onea mwiina.
78 Ao e koaua ae I a manga tuangkami, ni kaineti ma ami taarau—nooria bon au kantaninga bwa kam na akabwarai nako ami btaarau.
79 Ao bon au kantaninga bwa kam na akananorinanoingkami imatau, ao ni karekea te kakabwaia aei man ami bnanomatoa ao te nanorinano ao te tataro n onimaki.
80 Ao ngkana kam botumwaaka ao n nanorinano, ao karaoa te atataro n onimaki, nooria, N na kamaraua nanoia naake kam tarau irouia, ni karokoa ae N na kanakoi aanga nakoimi ibukin kamaiuakimi.
81 Mangaia are koroboki ni katawe nako New York ao ni koreia n aron are e na tuangko aTamneiu; ao N na kamaraua nanoia naake kam taarau irouia, bwa e na anaaki man aia iango ae a na uota te karawawata nako aomi.
82 Ao ngkana kam teimatoa n ananorinano ao ni kakaonimaki ao ni wetea arau, nooria, N na anganingkami te btokanikai.
83 I anganingkami te berita, bwa kam na kamaiuaki n tii teuana te tai aei man ami tautoronaki.
84 Ngkana kam teimatoa ni karekea te anga n tango mwane ni kakatebubua, ke ni ngaa, ni karokoa e na tau ami tango mwane ni kamaiungkami man te tautoronaki, bon tibwangami anne.
85 Ao ni berita te kabomwi ni bwaai ake I a tia ni kaaki i nanon baimi, tii n te tai aei, ma n anga arami man te boutoka ae tabangaki ke n aanga tabeua, n aron nooran raoiroina iroumi.
86 I anganingkami te tibwanga aei, n tii teuana te tai aei, ngkana kam waaki ni karaoi bwaai ake I a tia ni kawenei i matami, ni kaineti nakon au tua, ni kabane bwaai aikai bon au bwai, ao ngkami au taan tararua, ao te toka e aki kariaia ana auti bwa e na uruakaki. Eng. Amen.