Tusitusiga Paia
Mataupu Faavae ma Feagaiga 105


Vaega 105

Faaaliga na tuuina mai ia Iosefa Samita le Perofeta, i le Fishing River, Misuri, i le aso 22 o Iuni, 1834. I lalo o le taitaiga a le Perofeta, na savavali atu ai Au Paia mai Ohaio ma isi nofoaga agai i Misuri i se vaega na iloa mulimuli ane o le Tolauapiga a Siona. O lo latou faamoemoega o le fesoasoani i le Au Paia i Misuri na tutulieseina e toe foi i o latou laueleele i le Itumalo o Siakisone. O tagata Misuri, o e na sauaina le Au Paia muamua atu, na fefefe mo le tali mai a le Tolauapiga a Siona ma faapea ai ona latou osofaia nisi o le Au Paia na nonofo i le Itumalo o Kelei, Misuri. Ina ua mavae le toe faaleaogaina e le kovana o Misuri o lana folafolaga e lagolago le Au Paia, na maua e Iosefa Samita le faaaliga lenei.

1–5, O le a ati a’e Siona i le mulimuli i le tulafono faaselesitila; 6–13, Ua tolo le laveaiina o Siona mo se vaitau itiiti; 14–19, O le a tau e le Alii taua a Siona; 20–26, E tatau i le Au Paia ona atamamai ma lē mitamitavale i galuega tetele a’o latou faapotopoto; 27–30, E tatau ona faatau mai laueleele i Siakisone ma isi itumalo sosoo ane; 31–34, O le a maua e toeaina se faaeega i le maota o le Alii i Katelani; 35–37, O le Au Paia o e e valaaulia ma filifilia o le a faapaiaina; 38–41, Ia sii atu e le Au Paia se tagavai o le filemu i le lalolagi.

1 E moni Ou te fai atu ia te outou o e ua faapotopoto faatasi outou lava ina ia outou iloa lo’u loto e faatatau i le alaveaiina o lo’u nuu puapuagatia—

2 Faauta, Ou te fai atu ia te outou, a na leai asoligatulafono a lo’u nuu, i le tautala atu lea e faatatau i le ekalesia ae lē o tagata taitoatasi, po ua laveaiina i latou i le taimi nei lava.

3 Ae faauta, ua latou lē aoao e usiusitai i mea na Ou manaomia mai i o latou lima, ae ua tumu i ituaiga o leaga uma, ma ua lē afaasoa atu a latou mea, e pei ona tatau ai i se au paia, i e matitiva ma e puapuagatia o i totonu o i latou;

4 Ma ua lē alotogatasi e tusa ma le tuufaatasiga ua manaomia e le tulafono o le malo selesitila;

5 Ma e lē mafai ona ati a’e aSiona evagana ua ati a’e i mataupu autu o le itulafono o le malo selesitila, a lē o lea e lē mafai ona Ou talia o ia mo a’u.

6 Ma e tatau ona aaoaiina lo’u nuu, pe afai e tatau ai, e ala i mea latou te mafatia ai, seia latou aoao le eusiusitai.

7 Ou te lē o tautala atu e faatatau ia te i latou o e ua tofia e taitaia lo’u nuu, o e o toeaina amuamua o la’u ekalesia, aua ua lē i ai i latou uma i lalo o lenei tausalaga;

8 Ae ua Ou tautala atu e faatatau i a’u aulotu salalau—ua i ai le toatele o e o le a fai mai: O fea lo latou Atua? Faauta, o le a laveai e ia i latou i taimi o faalavelave, a lē o lea matou te lē o atu i Siona, ma o le a taofi a matou tupe.

9 O lea, ona o asoligatulafono a lo’u nuu, ua tatau ai ia te a’u ona faatali a’u toeaina mo se vaitau itiiti mo le laveaiina o Siona—

10 Ina ia mafai ona saunia i latou lava, ma ia mafai ona aoaoina atili atoatoa lo’u nuu, ma maua le poto masani, ma iloa atili atoatoa e faatatau i lo latou atiute, ma mea ua Ou manaomia mai i o latou lima.

11 Ma e lē mafai ona faataunuuina lenei mea seia afaaeeina a’u etoeaina i le mana mai luga.

12 Aua faauta, ua Ou saunia se faaeega ma se faamanuiaga tele ia aliligi ifo i luga o i latou, e tusa ai ma lo latou faamaoni ma faaauau pea i le lotomaualalo i o’u luma.

13 O lea ua ao ai ia te a’u le tatau ona faatali o a’u toeaina mo se vaitau itiiti, mo le laveaiina o Siona.

14 Aua faauta, Ou te lē manaomia mai i o latou lima le tau o taua a Siona; aua, e pei ona Ou fai atu i se poloaiga muamua atu, o le a faapea lava ona Ou faataunuuina—o le a Ou atauina a outou taua.

15 Faauta, ua Ou auina atu alē faaumatia e faatamaia ma faatafuna o’u fili; ma e lē tele ni tausaga mai le taimi nei ae o le a lē tuua i latou e faaeleeleaina lo’u tofi, ma eupuleagaina lo’u igoa i luga o laueleele ua Ou ifaapaiaina mo le faapotopotoina faatasi o la’u au paia.

16 Faauta, ua Ou poloaiina la’u auauna o Iosefa Samita, Le Itiiti, e fai atu i le amalosi o lo’u fale, o o’u tagata tau lava, o o’u alii talavou, ma faamatuā tagata, ia faapotopoto faatasi mo le laveaiina o lo’u nuu, ma lafo i lalo olo o o’u fili, ma faataapeape o latou eleoleo;

17 Ae ua lē faalogo mai le malosi o lo’u fale i a’u upu.

18 Ae afai e i ai i latou o e na faalogo i a’u upu, ua Ou saunia se faamanuiaga ma se afaaeega mo i latou, pe afai latou te tumau pea i le faamaoni.

19 Ua Ou faalogoina a latou tatalo, ma o le a Ou talia la latou taulaga; ma ua tatau ai ia te a’u ona aumai i latou seia oo mai iinei mo se tofotofoga o lo latou afaatuatua.

20 Ma o lenei, e moni Ou te fai atu ia te outou, Ou te tuu atu ia te outou se poloaiga, o le toatele o i latou ua o mai iinei, e mafai ona nonofo i itulagi faataamilo ai, ia tuu ia te i latou e nonofo;

21 Ma o i latou e lē mafai ona nonofo, o e o i ai aiga i sasa’e, ia tuu atu ia te i latou e nonofo mo se vaitau itiiti, pe a tofia ai i latou e la’u auauna o Iosefa;

22 Aua o le a Ou fautuaina o ia e faatatau i lenei mataupu, ma o mea uma po o le a lava o le a ia tofia ai i latou o le a faataunuuina lava.

23 Ma ia tuu atu i o’u tagata uma o e o nonofo i nofoaga o faataamilo ai ina ia matua faamaoni, ma tatalo, ma faamaualalo i o’u luma, ma lē faaali atu mea ua Ou faaali atu ia te i latou, seia poto ia te a’u le tatau ona faaali atu o ia mea.

24 Aua le tautala e uiga i faamasinoga, pe amitamita i le faatuatua po o galuega tetele, ae ia faapotopoto faatasi ma le faaeteete, i se itulagi e tasi pe a mafai, e tusa ai ma lagona o tagata;

25 Ma faauta, o le a Ou tuu atu ia te outou le mata fiafia ma le mata alofa mai ia te i latou, ina ia outou mapu i le afilemu ma le saogalemu, a’o outou fai atu i tagata: Ia faia faamasinoga ma le faamasinotonu mo i matou e tusa ma le tulafono, ma toe totogi mai ia te i matou e tusa ma sese na faia ia te i matou.

26 O lenei, faauta, Ou te fai atu ia te outou, o a’u uo, o le ala lenei o le a mafai ona outou maua ai le mata fiafia mai o tagata, seia oo ina matua toatele le a’autau a Isaraelu.

27 Ma o le a Ou faamaluluina loto o tagata, e pei ona sa Ou faia i le loto o aFarao, mai lea taimi i lea taimi, seia maua e la’u auauna o Iosefa Samita, Le Itiiti, ma a’u toeaina, o e ua Ou tofia, se taimi e faapotopoto ai le malosi o lo’u fale,

28 Ma auina atu ni aalii atamamai, e faataunuu le mea na Ou poloaiina e faatatau i le efaatauina mai o laueleele uma i le itumalo o Siakisone e mafai ona faatau mai, ma i itumalo sosoo ane faataamilo ai.

29 Aua o lo’u loto e tatau ona faatau mai ia laueleele; ma a uma ona faatau mai i latou e tatau ona maua i latou e la’u au paia e tusa ma atulafono o le faapaiaga ua Ou tuu atu.

30 Ma a uma ona faatau mai o ia laueleele, o le a Ou lē ta’usalaina aautau a Isaraelu i le ave o o latou lava laueleele, ia sa latou faatau muamua mai ia latou lava tupe, ma le lafoaiina i lalo o olo o o’u fili atonu o i ai i luga o i latou, ma le faataapeapeina o o latou leoleo, ma le etauimasui i o’u fili mo a’u e oo atu i le tupulaga e tolu ma le fa o e inoino mai ia te a’u.

31 Peitai ia muamua ona tuu atu i la’u autau ia matua faatoateleina, ma ia tuu atu ia afaapaiaina i o’u luma, ina mafai ona lalelei e pei o le la, ma manino e pei o le emasina, ma mafai ona mata’utia ona tagavai i atunuu uma;

32 Ina ia uunaia malo o le lalolagi lenei e tautino mai o le malo o Siona o le amalo moni lava lea o lo tatou Atua ma lana Keriso; o lea, ia tatou tuu atu i tatou e epulea i ana tulafono.

33 E moni Ou te fai atu ia te outou, ua tatau ia te a’u ona tatau ona maua e toeaina muamua o la’u ekalesia o latou afaaeega mai lugā i lo’u fale, lea ua Ou poloaiina ia fausia i lo’u igoa i le laueleele o Katelani.

34 Ma ia tuu atu poloaiga ia na Ou tuuina atu e faatatau ia Siona ma lana atulafono ia faia ma faataunuuina, pe a mavae lona laveaiina.

35 Sa i ai se aso o le avalaaulia, ae ua oo mai le taimi mo se aso o le filifilia; ma ia tuu atu ia te i latou o e ua eagavaa ia filifilia.

36 Ma o le a faaali atu i la’u auauna, i le leo o le Agaga, i latou ua afilifilia; ma o le a efaapaiaina i latou;

37 Ma e tusa ai ma lo latou mulimuli i afautuaga latou te maua, o le a latou maua le mana pe a mavae aso e tele, e faataunuu ai mea uma e faatatau ia Siona.

38 Ma Ou te toe fai atu ia te outou, aioi atu mo le filemu, ia lē na’o tagata o e na latou fasia outou, ae o tagata uma foi;

39 Ma ia siitia a’e i luga se atagavai o le efilemu, ma fai se folafolaga o le filemu i tulu’iga o le lalolagi;

40 Ma fai atu ni manatu faatu mo le filemu ia te i latou o e na fasia outou, e tusa ma le siufofoga o le Agaga ua i totonu o outou, ma o le a galulue faatasi mea auma mo lo outou lelei.

41 O lea, ia faamaoni; ma faauta, ma tagai, ua aOu faatasi ma outou e oo lava i le iuga. E faapea lava. Amene.