1 Iai, n te ekaretia, uoua te nakoanibonga, ae araia, te ^aMerekitereka ao te ^bAaron, ni ikotaki ma te Nakoanibonga ae Rewi.

2 Ibukin tera te moan e aranaki bwa te Nakoanibonga ae te Merekitereka ibukina bwa ^aMerekitereka ngaia te ibonga ae rietata ae korakora.

3 I mwaain ana bong e aranaki bwa te Nakoanibonga ae Tabu, n ^aaron ana Karinan Natin te Atua.

4 Ma ibukin te ^akarinerine nakon aran Teuare Moan te Mwaaka, n totokoa kaokiokan arana, ngaia, te ekaretia, ni bong ake ngkoa, e ingoana te nakoanibonga anne n aran Merekitereka, ke te Nakoanibonga ae te Merekitereka.

5 Ni kabane kariaia ke nakoa n te ekaretia bon taian ^areita nakon te nakoanibonga aei.

6 Ma iai uoua mwakorona ke mwakorona aika korakora—teuana bon te Nakoanibonga ae te Merekitereka, ao are teuana bon te Nakoanibonga ae te Aaron ke ^aRewi.

7 Nakoan te ^aunimwaane e mena i aan te nakoanibonga ae te Merekitereka.

8 Te Nakoanibonga ae te Merekitereka e taua te kariaiakaki n te beretitentii, ao iai mwaakana ao te ^akariaiakaki i aon nakoa ni kabane n te ekaretia n rooro ni kabane n te aonaba, ni karaoi mwakuri ni bwain te tamnei.

9 Te ^aBeretitentii n te Nakoanibonga ae Rietata, n aron ana karinan Merekitereka, iai kariaiakakiia ni karaoi nakoa ni kabane n te ekaretia.

10 ^aIbonga aika rietata n aron ana karinan te Nakoanibonga ae te Merekitereka iai irouia te ^bkariaiakaki ni mwakuri n oin nakoaia, i aan ana kairiiri te beretitentii, ni karaoi bwain te tamnei, ao te nakoa n unimwaane naba, te ibonga (n ana karinan Rewi), te tia reirei, rikan, ao kaain te ekaretia.

11 Te unimwaane iai kariaiakana ni mwakuri n onea mwiin te ibonga ae rietata ngkana e aki roko.

12 Te ibonga ae rietata ao te unimwaane a riai ni karaoi bwain te tamnei, ni kaineti nakon berita aika tabu ao tuan te ekaretia; ao iai te kariaiakaki irouia ni mwakuri n nakoa aikai ni kabane n te ekaretia ngkana akea naake a rietata riki i buakoia.

13 Te kauoua n nakoanibonga e aranaki bwa te ^aNakoanibonga ae te Aaron, ibukina e anganaki ^bAaron ao ana kariki, i nanon aia roro nako.

14 Ibukin tera e aranaki bwa te nakoanibonga ae e rinano bon ibukina bwa bon te ^areita nakon are e korakora, ke te Nakoanibonga ae te Merekitereka, ao iai mwaakana ni karaoi otenanti ake a kona n nooraki karaoakiia.

15 Te ^abitiobiriki bon te beretitentii n te nakoanibonga aei, ao e taui kiingin ke kariaia ma iai.

16 Akea te aomata ae iai irouna te kariaia i aan te tua nakon te nakoa aei, n taui kiingin te nakoanibonga aei, tii ngkana bon ngaia ^akanoan Aaron.

17 Ma bukina te ibonga ae rietata n te Nakoanibonga ae te Merekitereka iai irouna te kariaia ni karaoi mwakuri ni kabane n tenaan nakoa ake a rinano, e kona ni karaoi mwakuri n nakoan te bitiobi ngkana a aki kona ni kuneaki kanoan raoi Aaron, ngkana a weteaki ao ni kaokoroaki ao ni ^akatabuaki nakon te mwaaka aei man baia te ^bBeretitentii n te Nakoanibonga ae te Merekitereka.

18 Mwaakan ao kariaiakakin are e rietata, ke te Nakoanibonga ae te Merekitereka, bon tauan ^akiingin kakabwaia n te tamnei ni kabane n te ekaretia—

19 Ni karekean te tibwanga ni karekean bwain abanuean karawa aika ^araba, bwa e na kaukaki karawa nakoia, bwa a na marooro ma te botaki ae ^btabangaki ao ana ekaretia te Karimoa n Nati, ao n rinanon kabwaia n te reitaki ao kaotin te Atua te Tama, ao Iesu te ^ctia raoi n te berita ae tabu ae boou.

20 Te mwaaka ao te kariaia n te nakoanibonga are e rinano, ke te Nakoanibonga ae te Aaron, bon tauan ^akiingin aia mwakuri ni ibuobuoki anera, ao ni karaoi ^botenanti ake a kona n noraki karaoakia, are a koreaki n te euangkerio, te ^cbwabetito n rairannano ibukin ^dkamaunaan bure, ni kaineti nakon taian berita aika tabu ao tuua.

21 E riai ni iai beretitenti, ke taan tararua n teirake man, ke n rineaki man ke mai i buakoia naake a katabuaki nakon nakoa aika kakaokoro n nakoanibonga aika uoua aikai.

22 Man te ^aNakoanibonga ae te Merekitereka, teniman ^btaan Tararua aika Ibonga aika Rietata, a rineaki iroun te botaki, n rineaki ao ni katabuaki nakon te nakoa anne, ao ni ^ckamatoaki man nanon, ana onimaki ao ana tataro te ekaretia, are e karika ana koram te Beretitentii n te Ekaretia.

23 ^aTengaun ma uoman kauntira ake a mwamwananga a weteaki bwa ^bAbotoro ake Tengaun ma Uoman, ke taan kakoaua aika a onoti ibukin aran Kristo n te aonaba ni kabane—ngaia are a okoro ma taan taui nakoa ake tabeua n te ekaretia ni mwakurin weteaia.

24 Ao a karika te koram, ae titebo n te kariaia ao te mwaaka ma beretitenti ake teniman ake atongaki mai i mwaaina.

25 ^aItingaun a weteaki naba bwa a na tataekina te euangkerio, ao n riki bwa taan kakoaua aika onoti nakoia Tientaire ao te aonaba ni kabane—ngaia are a okoro ma taan taui nakoa ake tabeua n te ekaretia ni mwakurin weteaia.

26 Ao a karika te koram, ae a titebo n te kariaiakaki ma naake Tengaun ma Uoman ake taan kakoaua aika onoti ke Abotoro ake a tibwa atongaki.

27 Ao ni kabane baire ake a karaoaki man teuana koram aikai a riai ni karaoaki man te bwana ae nano teuana man te koram anne; are, ni kabane kaain koram nako a riai n booraoi nakon te baire, bwa a aonga ni karaoi aia baire man te mwaaka ke te kariaia ae titebo i marenaia—

28 Te mwaiti ae riaon iteraia e kona ni karika te koram ngkana iai te bwai ae riki ae aikoa kona n roko ake tabeman—

29 Tii ngkana aio te bwai ae riki, aia baire a aki tau ni karekei kakabwaia naba are ana baire te koram are teniman te beretitenti a karekei n taai ake ngkoa, ake a katabuaki ni kaineti ma ana karinan Merekitereka, ao ngaia aomata aika raoiroi ao n tabu.

30 Aia baire koram aikai, ke teuana mai i buakoia, a riai ni karaoaki n te ^araoiroi ni kabane, n ae tabu, ao n te nanorinano n te nano, te nimamannei ao te taotaonannano ni katakimi, ao n te onimaki, ao te ^braoiroi, ao te atatai, te taubaang, te taotaonakin nano, te aro n Atua, te akoi imarenami ao te tangira ae kororaoi;

31 Ibukina bwa te berita bon iai, ngkana bwaai aikai a kabatiaaki irouia a na aki^a aki kariki ua n ataakin te Uea.

32 Ao ngkana bwa baire nako man koram aikai a karaoaki n te aki raoiroi, e na uotaki nako matan te botaki ae tabangaki ni koram aika mwaiti, ake a riki bwa kariaia n te Ekaretia i aon bwain te tamnei; ngkana e aki e na akea te manga tang man aia baire.

33 Tengaun ma Uoman ake taan Tararua n te Kauntira ae Rietata aika Mwamwananga, ni mwakuri n aran te Uea, i aan ana kairiiri te Beretitentii n te Ekaretia, ni kaineti nakon ana kariaia karawa; ni katea te ekaretia, ao ni kairii aron waakina n aaba ni kabane, te moan nakoia ^aTientaire ao te kauoua nakoia Iutaia.

34 Itingaun a riai ni mwakuri n aran te Uea, i aan ana kairiiri te ^aTengaun ma Uoman ke te kauntira ae rietata aika mwamwananga, ni katean te ekaretia ao ni kairi aron wakina n aba ni kabane, te moan nakoia Tientaire ao i mwina nakoia Iutaia—

35 Te Tengaun ma Uoman a tia ni kanakoaki, ao n tauii kiing, ni kauka te mataroa man katanoataan ana euangkerio Iesu Kristo, ao te moan nakoia Tientaire ao ngkanne nakoia Iutaia.

36 Te ^akauntira ae rietata n te tabo, n taian titeiki i Tion, a katea te koram ae titebo n te kariaiakaki ni wakin te ekaretia, n aia baire ni kabane, ma te koram n te beretitentii, ke ma te kauntira ae rietata aika mwamwananga.

37 Te kauntira ae rietata i Tion a karika te koram ae a titebo n te kariaiakaki ni wakin te ekaretia, n aia baire ni kabane, nakon te kauntira n te Tengaun ma Uoman n taian titeiki i Tion.

38 Bon taben te kauntira ae rietata aika mwamwananga ni wetea te ^aItingaun, ngkana a kainnanoa te ibuobuoki, ni kanoai wewete aika kakaokoro ibukin tataekinan ao kamwakuran te euangkerio, ao tiaki tabeman riki.

39 Bon taben te Tengaun ma Uoman, ni mwanga aika bubura ni kabane n te ekaretia, ni katabuia ^ataan taekina te euangekerio, n aron ae e na rineaki nakoia man te kaotioti—

40 Te karinan n te nakoanibonga aei e kamatoaki bwa e na ruo rikaki mai iroun te karo nakon natina te mwaane, ao bon aia bwai raoi kanoa ni koaua man te kanoa are e rineaki, are e tia ni karaoaki berita nakoia.

41 Te karinan aei e karaoaki n ana bong ^aAtam, ao n ruo man ^brikia n aron aei:

42 Mai iroun Atam nakon ^aTeeta, are e katabuaki iroun Atam n ana ririki ae onobwi ma ruaiwa, ao ni kakabwaiaki irouna tenua te ririki i mwaain matena (Atam), ao ni karekea ana berita te Atua mai iroun tamana, bwa kanoana a na rineaki iroun te Uea, ao bwa a na kawakinaki ni karokoa tokin te aonaba;

43 Bukina bwa ngaia (Teeta) bon te aomata ae ^akororaoi, ao ^btaraana bon aekan raoi taraan tamana, n te aro are bon katotongan tamana ni bwaai ni kabane, ao e tii kona n ataaki te kaokoro ma ngaia tii man ana ririki.

44 Enoti e katabuaki n ana ririki ae tebubua ao tenibwi ma aua ao aua te namwakaina, ni bain Atam.

45 Te Atua e wetea Kenan n te rereua n ana kaabwi n ririki; ao e kaitibo ma Atam ni mwanangana nakon te tabo ae Tetoramake. Ai uanibwi ma itiua ana ririki ngke e katabuaki.

46 Maararera bon abubua ao ruabwi ma onoua ao itibong ana ririki ngke e katabuaki ni bain Atam, are e kakabwaia naba.

47 Iareta bon uabubua ana ririki ngke e katabuaki i aan bain Atam, are e kakabwaiaa naba.

48 ^aEnoka bon uabwi ma nimaua ana ririki ngke e katabuaki i aan bain Atam; ao ngke onobwi ma nimaua ao Atam e kakabwaia.

49 Ao e noora te Uea, ao e nakonako ma ngaia, ao e mena i matana n taai nako; ao e ^anakonako ma te Atua tenibubua ao onobwi ma nimaua te ririki, are e a koro iai abubua ao tenibwi ana ririki ngke e ^bbitaki rabwatana.

50 ^aMetutera bon tebubua ana ririki ngke e katabuaki i aan bain Atam.

51 Rameka bon tenibwi ma uoua ana ririki ngke e katabuaki i aan bain Teeta.

52 ^aNoa bon tebwina ana ririki ngke e katabuaki i aan bain Metutera.

53 Tenua te ririki i mwaain maten Atam, e wetea Teeta, Enoti, Kenan, Maararera, Iareta, Enoka, ao Metutera, are ngaia ^aibonga aika rietata ni kabane, ma nikiran kanoana ake a raoiroi, nakon te mwarua i ^bAtam-ontaai-Aman, ao ikekei e kaaki i aoia ana kabanea ni kakabwaia.

54 Ao te Uea e kaoti nakoia, ao a teirake ao ni kakabwaia ^aAtam, ao n aranna bwa ^bMikaera, te nati n uea te mwaane, mataniwiia anera.

55 Ao te Uea e anga te karau nano nakon Atam, ao n taku nakoina: I a tia ni karikiko bwa te mataniwi; botanaomata aika a mwaiti a na roko mai iroum, ao ngkoe te ^anati n uea te mwaane i aoia n aki toki.

56 Ao Atam e tei rake i buakon te botanaomata; ao, n aki tabeakina ae e a bwako ibukina e a rangi ni kara, ibukina e onrake n te Tamnei ae Raoiroi, e ^ataekini bwaai nako ake a na riki nakoia kanoana ni karokoa te kabanea n roro.

57 Bwaai aikai a koreaki ni kabane n ana boki Enoka, ao a na kaotaki koauaia n te tai ae riai.

58 Bon tabeia te ^aTengaun ma Uoman naba, ni ^bkatabuia ao ni baireia raoi ni kabane taan mwakuri ake tabeman n te ekaretia, ni kaineti nakon te kaotioti are e kangai:

59 Nakon ana ekaretia Kristo n aban Tion, ni ikotaki ma ^atuan te ekaretia ni kaineti ma taben te ekaretia—

60 E koaua, ae I tuangkami, e taku aia Uea Taanga ni Buaka, a riai unimwaane ake ^ataan tararua n tararuaia naake a taua te nakoa ae te unimwaane;

61 Ao ^aibonga naba a na tararuaia naake a taua te nakoa ae te ibonga;

62 Ao tia reirei naba a na ^atararuaia naake a taua nakoan te tia reirei, n aekan anne, ao rikan naba—

63 Ngaia are, man te rikan nakon te tia reirei, ao man te tia reirei nakon te ibonga, ao man te ibonga nakon te unimwaane, ni kakatemanna n aron ae a rineaki, ni kaineti nakon ana berita aika tabu ao tuan te ekaretia.

64 Ngkanne e roko te Nakoanibonga ae Rietata, are te kabanea ni korakora i buakoia.

65 Ngaia are, e riai bwa temanna e rineaki man te Nakoanibonga ae Rietata n tararuaa te nakoanibonga, ao e na aranaki bwa te Beretitenti n te Nakoanibonga ae Rietata n te Ekaretia;

66 Ke, n taekana teuana, te ^atia Tararua ae te Ibonga ae Rietata i aon te Nakoanibonga ae Rietata n te Ekaretia.

67 Mai irouia e roko karaoan te otenanti ao kakabwaia i aon te ekaretia, man te ^akatoka bai.

68 Ngaia are, nakoan te bitiobi e aki titebo ma ngaia; bwa nakoan te ^abitiobi e na karaoi bwaain te maiun n rabwata ni kabane;

69 E ngae n anne te bitiobi e riai n rineaki man te ^aNakoanibonga ae Rietata, ti ngkana bon ^bkanoan raoi Aaron;

70 Ma ngkana tiaki kanoan raoi Aaron e aki kona n taui kiingin te nakoanibonga anne.

71 E ngae n anne, te ibonga ae rietata, are, n aron ana karinan Merekitereka, e kona ni kaokoroaki nakon mwakuri ni ibuobuoki ni bwain aon te aba, n reken atakiia man Tamnein te koaua;

72 Ao n riki bwa te ^atia moti naba i Iteraera, ni karaoi mwakurin te ekaretia, n tekateka ni motikitaekaia taan bure i aon te koaua n aron ae e na kaweneaki i matana ni kaineti ma tuua, man aia ibuobuoki ana taan ibuobuoki, are e a tia n rineia ke e na rineia mai i buakoia unimwaanen te ekaretia.

73 Aio taben te bitiobi are tiaki ngaia kanoan raoi Aaron, ma e a tia ni katabuaki nakon te Nakoanibonga ae Rietata n aron ana karinan Merekitereka.

74 E na riki bwa te tia moti, te tia moti ae kabuta i buakoia kaain Tion, ke n titeikin Tion, ke ni mwangan nako te ekaretia are e na kaokoroaki iai nakon te mwakuri ni ibuobuoki aei, ni karokoa tian Tion a kabuburaaki ao e riai ni karekeaki tabeman bitiobi ke taan moti i Tion ke n taabo tabeua.

75 Ao ngkana a teimatoa n iai tabeman bitiobi n rineaki a na mwakuri n te nakoa naba anne.

76 Ma kanoan raoi Aaron iai irouna te kariaia nakon te beretitentii n te nakoanibonga aei, nakon ^akiingin te mwakuri ni ibuobuoki, ni mwakuri n nakoan te bitiobi n ti ngaia, n akea ana taan ibuobuoki, ti ngkana te Beretitenti n te Nakoanibonga ae Rietata, n aron ana karinan Merekitereka, e ongoraeakinaki, bwa e na tekateka bwa te tia moti i Iteraera.

77 Ao te baire man teuana kauntira aikai, e na kaineti nakon te tua ae kangai:

78 Teuana riki, e koaua, I tuangkami, mwakurin te ekaretia ae e rangi ni kakawaki, ao bwaai aika irekereke ma te tua n te ekaretia aika kabanea ni ^akangaanga, ngkana e teimatoa n akea te rau n nano i aon ana baire te bitiobi ke taan moti, e na anganaki ao ni uotaki rake nakon ana kauntira te ekaretia, i matan te ^bBeretitentii n te Nakoanibonga ae Rietata.

79 Ao te Beretitentii n te kauntira n te Nakoanibonga ae Rietata e na iai mwaakana ni weteia ibonga aika rietata tabeman, ake tengaun ma uoman, ni ibuobuoki bwa taan ibuobuoki; ao te Beretitentii n te Nakoanibonga ae Rietata ao ana taan ibuobuoki a na iai mwaakaia ni babaire i aon te kakoaua ni kaineti ma tuan te ekaretia.

80 Ao i mwin te baire aei e na aki manga uotaki nako matan te Uea; bwa aio te kauntira ae te kabanea n rietata n ana ekaretia te Atua, ao te kabanea ni baire i aon kauntaeka i aon bwain te tamnei.

81 Akea te aomata nako ae kaain te ekaretia ae e inaomata man ana kauntira te ekaretia aei.

82 Ao ngkana e teimatoa te Beretitenti n te Nakoanibonga ae Rietata n urua te tua, e na uotaki nako matan ana kauntira ni kabuta te ekaretia, are e na buokaki irouia tengaun ma uoman taan ibuobuoki n te Nakoanibonga ae Rietata;

83 Ao aia baire i aon atuuna e na katoka te kauntaeka ni kaineti ibukina.

84 Mangaia are, akea ae e na inaomata man ana ^amotiraoi ao ana tua te Atua, bwa bwaai ni kabane aonga ni karaoaki raoi ao n aki manikangareaki imatana, ni kaineti ma te koaua ao te raoiroi.

85 Ao e koaua ae I manga tuangkami, taben te beretitenti i aon te nakoa ae te ^arikan bwa e na tararuaia tengaun ma uoman rikan, n tekateka n te kauntira ma ngaia, ao n ^breireiniia tabeia, ni karikirakeia imarenaia, n aron ae e kaotaki ni kaineti nakon berita aika tabu.

86 Ao taben naba te beretitenti i aon nakoaia taan reirei a na tararuaia uangaun ma aman ^ataan reirei, ao n tekateka n te kauntira ma ngaiia, n reireiniia tabeia n nakoaia, n aron ae kaotaki n te berita.

87 Taben naba te beretitenti i aon te Nakoanibonga ae te Aaron n tararuaia angaun ma waniman ^aibonga, ao n tekateka n te kauntira ma ngaia, n reireiniia tabeia n nakoaia, n aron ae e kaotaki ni berita aika tabu—

88 Te beretitenti aei bon te ^abitiobi; bwa aio teuana tabena n te nakoanibonga aei.

89 Teuana riki, taben te beretitenti i aon nakoaia ^aunimwaane a na tararuaia ruangaun ma onoman unimwaane, ao n tekateka n te kauntira ma ngaia, ao n reireiniia ni kaineti nakon berita aika tabu.

90 Te beretitentii aei e rang okoro man are n te itingaun, ao e baireaki ibukiia naake a aki ^amwamwananga nakon te aonaba ni kabane.

91 Ao teuana riki, taben te Beretitenti n te nakoa n te Nakoanibonga ae Rietata e na ^atararua te ekaretia ae bwanin, ao n riki n aekan ^bMote—

92 Nooria, aio te wanawana; eng, e na riki bwa te ^atia mamata, te ^btia kaotioti, te tia rairairi, ao te ^cburabeti, ao ni karekei ana ^dbwai n tituaraoi te Atua ni kabane are e kaaki i aon te tia kairiri n te ekaretia.

93 Ao ni kaineti nakon te mii ni burabeti are e kaota bairean te ^aItingaun, bwa a na riai ni iai itiman beretitenti n tararuaia, aika a rineaki man rabwatan te itingaun;

94 Ao te kaitiman ni beretitenti irouia beretitenti aikai e na tararuaia ake onoman;

95 Ao itiman beretitenti aikai a na rineia tabeman itingaun irarikin te moan itingaun are a kaainna, ao a na tararuaia;

96 Ao itingaun ake tabeman naba, ni karokoa itingaun itiua, ngkana te mwakuri n te nne ni kurebe e bon kainnanoia.

97 Ao itingaun aikai a na riki bwa minita aika a ^amwamwananga, nakoia Tientaire moa ao nakoia naba Iutaia.

98 Ma taan kairiiri n te ekaretia ake tabeman, ake tiaki kaain Tengaun ma Uoman, ke Itingaun, aki mena i aan te mwiokoaki ni mwananga nakon aaba ni kabane, ma a riai ni mwananga ngkana e riai ma aron maiuia, e ngae ngkana a taui nakoa aika rietata ao ni kakawaki n te ekaretia.

99 Ngaia are, ngkai a riai aomata nako n reiakina ^atabeia, ao ni mwakuri n te nakoa are e rineaki nako iai, ma te ^bnanomatoa ni kabane.

100 Ane e ^ataningaroti e na aki warekaki bwa e ^btau n tei, ao ane e tuai reiakina tabena ao ni kaotia bwa e aki kariaiakaki e na aki warekaki bwa e tau n tei. Eng. Amen.