Ol Skripja
Doktrin mo Ol Kavenan 107


Seksen 107

Revelesen long saed blong prishud, we Lod i givim tru long Profet Josef Smit, long Ketlan, Ohaeo, samples long Epril 1835. Nomata we oli raetemdaon seksen ia long yia 1835, ol histri rekod oli soem se plante long ol ves 60 kasem 100, oli joen long wan revelesen we Lod i givim tru long Josef Smit long namba 11 Novemba 1831. Seksen ia, i go wetem fasin blong oganaesem Kworom blong Olgeta Twelef long Febwari mo Maj 1835. I luk se Profet i givim seksen long fored blong olgeta we oli bin stap rere blong aot long 3 Mei 1835, blong go long fas kworom misin blong olgeta.

1–6, I gat tufala prishud: Melkesedek mo Aronik; 7–12, Olgeta we oli kasem Melkesedek Prishud, oli gat paoa blong mekem wok long evri ofis insaed long Jos; 13–17, Bisoprik i prisaed ova long Aronik Prishud, we i lidim evri odinens we man i save luk; 18–20, Melkesedek Prishud i holem ol ki blong evri blesing long saed blong spirit; Aronik Prishud i holem ol ki blong seves blong ol enjel; 21–38, Fas Presidensi, Olgeta Twelef, mo Olgeta Seventi oli stap olsem ol kworom we oli lukaot long jos, oli mas mekem ol desisen long yuniti mo long stret mo gud fasin; 39–52, Lod i stanemap oda blong petriak stat long Adam i go kasem Noa; 53–57, Olgeta Sent we oli bin laef bifo oli bin kam tugeta wanples long Adam-ondi-Aman, mo Lod i bin kamaot long olgeta; 58–67, Olgeta Twelef oli mas putum ol ofisa blong Jos folem oda; 68–76, Ol bisop oli stap olsem ol jeneral jaj long Isrel; 77–84, Fas Presidensi mo Olgeta Twelef oli stap olsem kot we i moa hae insaed long Jos; 85–100, Ol prishud presiden oli lidim ol kworom blong olgeta.

1 Insaed long jos, i gat tufala prishud, we nem blong tufala i: aMelkesedek, mo bAronik, we i tekem tu, Prishud blong Livae.

2 From wanem oli singaotem faswan i Melkesedek Prishud, hem i from aMelkesedek i bin wan impoten hae pris.

3 Bifo long taem blong hem, oli bin singaotem prishud ia, Tabu Prishud we i folem aOda blong Pikinini blong God.

4 Be, blong gat respek o aona long nem blong God ia we Paoa blong hem i Bigwan Tumas, blong no stap talemaot nem blong hem oltaem tumas, olgeta, we oli blong jos long taem bifo, oli bin singaotem prishud ia folem Melkesedek, o Melkesedek Prishud.

5 Evri nara atoriti o ofis insaed long jos oli ol apat blong prishud ia.

6 Be i gat tufala pat, o tufala bigbigfala defren pat—wan i Melkesedek Prishud, mo narafalawan i Aronik Prishud, o aPrishud blong Livae.

7 Ofis blong wan aelda i kam anda long prishud blong Melkesedek.

8 Melkesedek Prishud i holem raet blong stap olsem wan presidensi, mo i gat paoa mo aatoriti ova long evri ofis insaed long jos, hemia long eni taem blong wol ia, blong lidim ol samting long saed blong spirit.

9 aPresidensi blong Hae Prishud, we i folem oda blong Melkesedek, i gat raet blong mekem ol wok long evri ofis insaed long jos.

10 Ol ahae pris, we i folem oda blong Melkesedek Prishud, oli gat braet blong mekem ol wok long ofis blong olgeta, anda long daereksen blong presidensi, blong lidim ol samting long saed blong spirit, mo tu, blong lidim ofis blong wan elda, pris (blong oda blong Livae), tija, dikon, mo memba.

11 Wan elda i gat raet blong mekem wok long ples blong hem taem nomo hae pris ia i no stap.

12 Hae pris mo elda, tufala i mas lidim ol samting long saed blong spirit, we i go wetem ol kavenan mo ol komanmen blong jos; mo oli gat raet blong mekem ol wok long evri ofis ia blong jos taem i no gat wan atoriti we i moa hae i stap.

13 Seken prishud, oli singaotem aPrishud blong Eron, from se Lod i bin givim long bEron mo laen blong hem, truaot long evri jeneresen blong olgeta.

14 From wanem nao oli singaotem se hem i prishud we i moa daon; hemia i from hem i apat blong hemia we i hae moa, o Melkesedek Prishud, mo i gat paoa blong lidim evri odinens we man i save luk.

15 aBisoprik i presidensi blong prishud ia, mo i holem ol ki mo atoriti blong prishud ia.

16 I no gat man i gat raet folem loa long ofis ia, blong kasem ol ki blong prishud ia, be nomo sapos hem i akamaot stret long laen blong Eron.

17 Be, from se wan hae pris blong Melkesedek Prishud i gat atoriti blong lidim wok long evri ofis we oli daon long hemia, bae hem i save lidim ofis blong bisop taem i no gat wan i stap we i kamaot stret long laen blong Eron, mo tu, sapos oli singaotem hem mo setem hem apat mo oli aodenem hem long paoa ia, tru long han blong bPresidensi blong Melkesedek Prishud.

18 Paoa mo atoriti blong prishud we i moa hae, o Melkesedek Prishud, i blong holem ol aki blong evri blesing blong jos long saed blong spirit—

19 Blong gat spesel janis ia blong kasem ol asikret blong kingdom blong heven, blong gat ol heven oli open long olgeta, blong toktok long bjeneral asembli mo jos ia blong Fasbon, mo blong stap glad blong toktok long God mo stap wetem God Papa, mo Jisas, we i dman blong toktok from niu kavenan.

20 Paoa mo atoriti blong prishud we i moa daon, o Aronik Prishud, i blong holem ol aki blong seves blong ol enjel, mo blong givim, tru long ol bodinens we man i save luk, toktok blong gospel we oli raetemdaon, fasin blong kasem dbaptaes blong ekam klin aot long ol sin, hemia, folem wan fasin we i go wetem ol kavenan mo ol komanmen.

21 I nid blong i mas gat ol presiden, o ol prisaeding ofisa we oli kamaot long, o oli jusum olgeta aot long olgeta we oli odenem olgeta long ol defren ofis insaed long tufala prishud ia.

22 Aot long aMelkesedek Prishud, tri bPrisaeding Hae Pris we bodi blong Olgeta Twelef i jusum mo odenem long ofis ia, mo jos i dsastenem olgeta tru long tras, fet, mo prea, bae oli stap olsem wan kworom we i Presidensi blong Jos.

23 Olgeta atwelef kaonsela we oli travel, Lod i singaotem olgeta blong kam Olgeta Twelef bAposol, o ol spesel witnes long nem blong Kraes long ful wol—olsem ia nao oli defren long ol narafala ofisa insaed long jos long saed blong ol diuti blong koling blong olgeta.

24 Mo oli stap olsem wan kworom, we atoriti mo paoa blong olgeta i semmak long ol trifala presiden we oli tokbaot fastaem.

25 Lod i singaotem tu Olgeta aSeventi blong prijim gospel, mo blong stap olsem ol spesel witnes long Ol Jentael mo long ful wol—olsem ia nao oli defren long ol narafala ofisa insaed long jos long saed blong ol diuti blong koling blong olgeta.

26 Mo oli stap olsem wan kworom, we atoriti blong olgeta i semmak long hemia blong Olgeta Twelef spesel witnes o Aposol we oli jes tokbaot.

27 Mo evri desisen we eniwan long ol kworom ia i mekem, i mas tru long ful voes blong kworom ia; hemia, evri memba long wanwan kworom i mas agri long desisen blong kworom ia, blong mekem se desisen blong olgeta i gat semfala paoa mo i laef, wan wetem narawan—

28 Wan majoriti i save mekem wan kworom, hemia taem i no posibol blong ful namba blong kworom i stap—

29 Sapos i no olsem, desisen blong olgeta bae i no gat sem blesing olsem desisen we wan kworom blong tri presiden i bin gat raet long hem bifo; olgeta presiden ia we oli bin odenem olgeta folem oda blong Melkesedek mo oli bin ol man we oli stret mo gud, mo oli tabu.

30 Ol desisen blong ol kworom ia, o eniwan long olgeta, oli mas mekem long ful astret mo gud fasin, wetem tabu fasin, mo wetem wan hat we i stap daon, fasin blong no stap flas, mo fasin blong gat longfala tingting tru long hadtaem, mo wetem fet, mo wetem bklin fasin, mo wetem save, fasin blong kontrolem yufalawan, fasin blong save wet longtaem, fasin olsem hemia blong God, kaen fasin long brata blong yufala, mo bigfala lav.

31 From we promes i olsem, sapos oli gat fulap long ol fasin ia long olgeta, bae oli no save stap mo ano kasem frut blong kasem save long Lod.

32 Mo long eni taem we eni desisen blong olgeta kworom ia, oli mekem long fasin we i no stret mo gud, nao oli save tekem i kam fored long wan jeneral asembli blong sam kworom, we i gat insaed ol atoriti blong jos we oli lukluk long ol samting long saed blong spirit; sapos no, bae i no save gat wan raet blong apil long desisen blong ol kworom ia.

33 Olgeta Twelef oli Prisaeding Travel Hae Kaonsel, we oli mekem wok long nem blong Lod, anda long daereksen blong Presidensi blong Jos, we i go wetem institusen blong heven; blong bildimap jos, mo blong stretem evri wok blong jos long evri nesen, faswan long olgeta aJentael, mo sekenwan long olgeta Jiu.

34 Olgeta Seventi oli mas mekem wok long nem blong Lod, anda long daereksen blong Olgeta aTwelef o travel hae kaonsel, blong bildimap jos mo stretem evri wok blong jos long evri nesen, faswan long olgeta Jentael, mo afta long olgeta Jiu—

35 Mo Olgeta Twelef, Lod i sendem olgeta oli go, oli holem ol ki blong openem doa taem oli talemaot gospel blong Jisas Kraes, mo faswan long olgeta Jentael, mo afta long olgeta Jiu.

36 Ol ahae kaonsel we oli stanap long ol stek blong Saeon, oli stap olsem wan kworom we oli gat semmak atoriti long ol wok blong jos, olsem hemia blong kworom blong presidensi, o olsem hemia blong travel hae kaonsel, long saed blong evri desisen blong olgeta.

37 Hae kaonsel long Saeon i stap olsem wan kworom we i gat semmak atoriti long ol wok blong jos olsem hemia blong ol kaonsel blong Olgeta Twelef long ol stek blong Saeon, long saed blong evri desisen blong olgeta.

38 Hem i diuti blong travel hae kaonsel blong askem long Olgeta aSeventi, taem oli nidim help, blong oli kam mekem ol wok blong prijim mo serem gospel long ples blong eni narafalawan.

39 Hem i diuti blong Olgeta Twelef, long olgeta bigfala branj blong jos, blong odenem ol man blong wok long saed blong agospel, olsem we revelesen i talemaot long olgeta—

40 Oda blong prishud ia, Lod i konfemem se i blong pas long papa i kam long boe blong hem, mo hem i raet we i stap long laen blong sid ia we oli jusum, we Lod i mekem promes long hem.

41 Lod i bin stanemap oda ia long taem blong aAdam, mo i bin pas i kam daon folem blaen long fasin ia:

42 Stat long Adam i go long aSet, we Adam i bin odenem hem taem hem i gat sikstinaen yia, mo Adam i bin blesem hem tri yia bifo hem, Adam i ded, mo Set i bin kasem promes blong God tru long papa blong hem se bae Lod i jusum laen blong hem, mo bae Lod i putum olgeta i sef kasem en blong wol;

43 From se Set i wan man we ai stret gud evriwan, mo fes blong hem i bsemmak olsem hemia blong papa blong hem, we i mekem se i luk se hem i semmak nomo olsem papa blong hem long saed blong evri samting, mo oli save luksave hem nomo from yia blong hem.

44 Adam i bin odenem Inos anda long han blong hem taem Inos i gat wan handred mo tetifo yia mo fo manis.

45 God i bin singaotem Kenan long ples we i no gat man, long nambafoti yia blong hem; mo hem i i bin mitim Adam long rod blong hem i go long Sedolamak. Kenan i bin gat eitiseven yia taem hem i bin kasem odinesen blong hem.

46 Mahalalel i bin gat fo handred mo naentisikis yia mo seven dei taem we Adam i bin odenem hem anda long han blong hem, mo i bin blesem hem tu.

47 Jared i bin gat tu handred yia taem Adam i bin odenem hem anda long han blong hem, mo i bin blesem hem tu.

48 aInok i bin gat twantefaef yia taem Adam i bin odenem hem anda long han blong hem; mo Inok i bin gat sikstifaef yia mo Adam i bin blesem hem.

49 Mo hem i bin luk Lod, mo hem i bin wokbaot wetem hem, mo i bin stap wetem Lod oltaem; mo hem i bin awokbaot wetem God blong tri handred mo sikstifaef yia, mekem se hem i bin gat fo handred mo teti yia taem God i bin btekemaot hem taem hem i stap laef yet.

50 aMetusela i bin gat wan handred yia taem Adam i bin odenem hem anda long han blong hem.

51 Lamek i bin gat tetitu yia taem Set i bin odenem hem anda long han blong hem.

52 aNoa i bin gat ten yia taem Metusela i bin odenem hem anda long han blong hem.

53 Tri yia bifo ded blong hem, Adam i bin singaotem Set, Inos, Kenan, Mahalalel, Jared, Inok, mo Metusela, we olgeta evriwan oli ol ahae pris, wetem olgeta we oli stap, blong laen blong hem, we oli bin stret mo gud, oli go long vale blong bAdam-ondi-Aman, mo long ples ia, Adam i bin givim las blesing blong hem i go long olgeta.

54 Mo Lod i bin kamaot long olgeta, mo oli bin girap mo blesem aAdam, mo oli bin singaotem hem bMikael, prins, jif enjel.

55 Mo Lod i bin leftemap tingting blong Adam, mo i bin talem long hem: “Mi bin putum yu blong yu stap wan rula; plante mo plante nesen bae oli kamaot long laen blong yu, mo yu yu wan aprins ova long olgeta blong oltaem.”

56 Mo Adam i bin stanap long medel blong kongregesen; mo nomata we bodi blong hem i benben from hem i olfala, hem i bin fulap long Tabu Spirit, mo i bin atalemaot fastaem wanem we bae i hapen long laen blong hem long fiuja i go kasem las jeneresen.

57 Ol samting ia, oli bin raetemdaon evriwan insaed long buk blong Inok, mo bae oli talemaot olgeta long stret taem.

58 Hem i diuti tu blong Olgeta aTwelef, blong bodenem mo putum evri narafala ofisa blong jos oli stap long oda, hemia folem revelesen ia we i talem se:

59 I go long jos ia blong Kraes long graon blong Saeon. Hemia i kam antap long ol aloa blong jos long saed blong ol bisnis blong jos—

60 I tru, mi talem long yufala, Lod blong Ol Pipol i talem, i gat nid blong i mas gat ol aprisaeding elda blong oli prisaed ova long olgeta we oli stap long ofis blong elda;

61 Mo tu, i mas gat ol apris blong oli prisaed ova long olgeta we oli stap long ofis blong pris;

62 Mo tu, long sem fasin, i mas gat ol tija we oli aprisaed ova long olgeta we oli stap long ofis blong tija, mo tu, i semmak wetem ol dikon—

63 Taswe, stat long dikon i go long tija, mo stat long tija i go long pris, mo stat long pris i go long elda, oli jusum wanwan long olgeta, folem ol kavenan mo ol komanmen blong jos.

64 Afta, i gat Hae Prishud, we i hae moa long evriwan.

65 Taswe, i gat nid blong i mas gat wan long Hae Prishud we oli putum hem blong hem i prisaed ova long prishud, mo bae oli singaotem hem Presiden blong Hae Prishud blong Jos;

66 O, long narafala toktok, aPrisaeding Hae Pris ova long Hae Prishud blong Jos.

67 Hem nao, hem i givim ol odinens mo ol blesing long jos, tru long fasin blong aputum han antap long hed blong man.

68 Taswe, ofis blong wan bisop i no semmak long ofis blong hem; from se ofis blong wan abisop i blong lukaotem evri samting we i blong laef long wol ia;

69 Be oli mas jusum wan bisop aot long olgeta we oli stap long aHae Prishud, be nomo sapos hem i kamaot bstret long laen blong Eron;

70 From se sapos hem i no kamaot stret long laen blong Eron, hem i no save holem ol ki blong prishud ia.

71 Be, oli save setem apat wan hae pris, hemia folem oda blong Melkesedek, blong i lukaotem ol wok blong ol samting blong laef ia, mo bae hem i gat save long ol wok ia tru long Spirit blong trutok;

72 Mo tu, blong hem i stap olsem wan ajaj long Isrel, blong mekem ol bisnis blong jos, blong sidaon blong jajem olgeta we oli brekem ol komanmen folem testemoni we bae i kamaot long fored blong hem folem ol loa, wetem help blong ol kaonsela blong hem, we hem i bin jusum o bae i jusum olgeta long medel blong ol elda blong jos.

73 Hemia i wok blong wan bisop we i no kamaot stret long laen blong Eron, be oli bin odenem hem long Hae Prishud folem oda blong Melkesedek.

74 Olsem ia nao bae hem i stap olsem wan jaj, wan jeneral jaj long medel blong ol pipol we oli stap long Saeon, o long wan stek blong Saeon, o long eni branj blong jos we bae oli setem hem apat long seves ia, kasem taem we ol boda blong Saeon oli kam bigwan moa, mo i nid blong gat ol narafala bisop o jaj long Saeon o long narafala ples.

75 Mo folem hamas narafala bisop we bae oli jusumaot olgeta, bae oli mas mekem wok long semfala ofis ia.

76 Be wan we i kamaot stret long laen blong Eron, i gat wan stret raet folem loa long presidensi blong prishud ia, long ol aki blong seves ia, blong mekem wok long ofis blong bisop hemwan we hem i no gat kaonsela, be i no hapen olsem taem hem i sidaon olsem wan jaj long Isrel taem oli lukluk long kes blong wan Presiden blong Hae Prishud, folem oda blong Melkesedek, we i pas long fored blong kot blong jos.

77 Mo desisen blong wan long tufala kaonsel ia, i mas agri wetem komanmen ia we i talem se:

78 Bakegen, i tru, mi talem long yufala, sapos, long ol moa impoten bisnis blong jos mo long ol kes blong loa blong jos we oli moa ahad, wan i no glad long desisen blong bisop o ol jaj, bae oli mas pasem mo tekem bisnis ia i go long kaonsel blong jos, long fored blong bPresidensi blong Hae Prishud.

79 Mo Presidensi blong kaonsel blong Hae Prishud bae i mas gat paoa blong singaotem ol narafala hae pris, i go kasem twelef, blong help olsem ol kaonsela; mo olsem ia nao Presidensi blong Hae Prishud mo ol kaonsela blong hem oli mas gat paoa blong mekem desisen folem testemoni we i stap, mo folem ol loa blong jos.

80 Mo afta long desisen ia, bae oli nomo save tekem i kambak long fes blong Lod; from hemia hem i kaonsel blong jos ia blong God we i moa hae long ol narawan, mo i stap olsem las desisen long ol raorao long saed blong ol samting long saed blong spirit.

81 Mo i no gat eniwan we i blong jos ia we i save ronwe long kaonsel ia blong jos.

82 Mo folem hamas we wan Presiden blong Hae Prishud i brekem ol komanmen, bae oli tekem hem i kam long fored blong jeneral kaonsel blong jos, we i mas gat help blong twelef kaonsela blong Hae Prishud;

83 Mo desisen blong olgeta we oli givim long hem bae i mas en blong raorao abaot hem.

84 Olsem ia nao, bae i no gat wan i save ronwe long ajastis mo ol loa blong God, blong oli mekem evri samting long oda mo long tabu fasin long fes blong God, folem trutok mo stret mo gud fasin.

85 Mo bakegen, i tru, mi talem long yufala, diuti blong wan presiden ova long ofis blong wan adikon i blong prisaed ova long twelef dikon, blong sidaon long wan kaonsel wetem olgeta, mo blong btijim olgeta long diuti blong olgeta, blong mekem wanwan i kam antap, olsem we i stap folem ol kavenan.

86 Mo tu, diuti blong presiden ova long ofis blong ol atija i blong prisaed ova long twantefo tija, mo blong sidaon long wan kaonsel wetem olgeta, mo tijim olgeta long ol diuti blong ofis blong olgeta, olsem we i stap long ol kavenan.

87 Mo tu, diuti blong presiden ova long Prishud blong Eron, i blong prisaed ova long foti-eit apris, mo blong sidaon long kaonsel wetem olgeta, blong tijim olgeta long ol diuti blong ofis blong olgeta, olsem we i stap long ol kavenan—

88 Presiden ia, hem i mas wan abisop; from hemia i wan long ol diuti blong prishud ia.

89 Bakegen, diuti blong presiden ova long ofis blong ol aelda i blong prisaed ova long naentisikis elda, mo blong sidaon long kaonsel wetem olgeta, mo blong tijim olgeta folem ol kavenan.

90 Presidensi ia i wan defren wan long presidensi blong olgeta seventi, mo i blong olgeta we oli no atravel long ful wol.

91 Mo bakegen, diuti blong Presiden blong ofis blong Hae Prishud i blong aprisaed ova long ful jos, mo blong stap olsem bMoses

92 Luk, hemia i waes toktok; yes, blong stap olsem wan asia, wan breveleta, wan transleta, mo wan dprofet, mo gat evri epresen blong God we God i givim long hed blong jos.

93 Mo hem i folem visen we i stap soem oda blong Olgeta aSeventi, se oli mas gat seven presiden blong prisaed ova long olgeta, we oli jusum olgeta aot long grup blong olgeta seventi;

94 Mo wan presiden aot long ol seven presiden ia i mas prisaed ova long ol sikis nara presiden;

95 Mo olgeta seven presiden ia, wanwan i mas jusum seventi narafala man we oli defren long olgeta fas seventi we oli pat long hem, mo oli mas prisaed ova long olgeta;

96 Mo tu, oli mas jusum ol nara seventi, kasem seven taem seventi, sapos wok long plantesen i mekem se i gat nid from.

97 Mo olgeta seventi ia oli mas stap olsem ol man blong wok we oli atravel, i go long olgeta Jentael faswan, mo tu, long olgeta Jiu.

98 Be, ol narafala ofisa blong jos, we oli no blong Olgeta Twelef, o blong Olgeta Seventi, oli no gat responsabiliti blong travel i go long ol nesen, be oli mas travel olsem we situesen blong olgeta i letem, nomata oli holem ol ofis insaed long jos we i hae mo gat fulap responsabiliti.

99 Taswe, naoia, evri man i mas lanem adiuti blong hem, mo i mas lanem blong bwok strong wetem strong tingting long ofis we oli bin putum hem long hem.

100 Hem we i ales, bae Lod i no kaontem hem i binaf blong stanap, mo hem we i no lanem diuti blong hem mo i soem se hem i no gat sapot blong Lod, bae Lod i no kaontem hem i inaf blong stanap. I olsem. Amen.