Seksen 108
Revelesen we Lod i givim tru long Profet Josef Smit, long Ketlan, Ohaeo, long 26 Disemba 1835. Seksen ia, Josef Smit i bin kasem long rikwes blong Liman Serman, we oli bin odenem hem finis i kam wan seventi, mo hem i bin kam long Profet wetem wan rikwes blong kasem wan revelesen we i talemaot diuti blong hem.
1–3, Liman Serman i kasem fogivnes from ol sin blong hem; 4–5, Bae oli mas kaontem hem wetem ol elda we oli ol lida blong Jos; 6–8, Lod i singaotem hem blong prijim gospel mo blong mekem ol brata blong hem oli kam strong moa.
1 I tru, olsem ia nao Lod i talem long yu, wokman blong mi, Liman: Mi fogivim ol sin blong yu, from se yu bin obei long voes blong mi blong kam long ples ia long moning ia blong kasem kaonsel long hem we mi bin putum hem.
2 From hemia, sol blong yu i no mas awari bakegen long saed blong situesen blong yu long saed blong spirit, mo yu no mas agensem voes blong mi bakegen.
3 Mo yu mas girap mo mas stap lukaotgud stat naoia i go blong stap folem strong ol tabu promes blong yu, we yu bin mekem mo stap mekem, mo bae mi blesem yu wetem ol bigbigfala blesing.
4 Wet wetem fasin blong stap wet longtaem kasem taem we oli singaotem atabu asembli blong ol wokman blong mi, nao bae oli tingbaot yu wetem ol fas elda blong mi, mo bae yu kasem raet, tru long odinesen, wetem olgeta elda we mi bin jusum.
5 Luk, hemia i apromes blong Papa we i go long yu, sapos yu gohed blong stap fetful.
6 Mo bae i hapen long yu long dei ia, se bae yu gat raet blong aprijim gospel blong mi long weaples bae mi sendem yu long hem, stat long taem naoia i go.
7 From hemia, aleftemap tingting blong ol brata blong yu tru long evri storian blong yufala, tru long evri prea blong yufala, tru long evri samting we yufala i talem, mo tru long evri samting we yufala i mekem.
8 Mo luk, mo luk gud, mi stap wetem yu blong blesem yu mo mekem yu afri blong oltaem. Amen.