Tusitusiga Paia
Mataupu Faavae ma Feagaiga 110


Vaega 110

Faaaliga vaaia na faaali mai ia Iosefa Samita le Perofeta ma Oliva Kaotui i le Malumalu i Katelani, Ohaio, i le aso 3 o Aperila, 1836. O le mea na faia o se sauniga i le aso Sapati. Ua faapea mai le talafaasolopito a Iosefa Samita: “I le aoauli, sa ou fesoasoani atu i isi Peresitene i le tufatufaina atu o le Taumafataga a le Alii i le Ekalesia, ina ua uma ona maua mai i le Toasefululua, o e sa ā latou le avanoa e galulue ai i le la’o’ai paia i le aso lea. Ina ua uma ona faia o lenei galuega mo o’u uso, sa ou tuumuli atu i le pulelaa, ona sa tuu i lalo veli, ma ou punou ifo, faatasi ma Oliva Kaotui, i se tatalo mamalu ma lē leoa. Ina ua mavae ona ma tutu a’e mai i le tatalo, sa tatala mai le faaaliga vaaia lenei ia i ma’ua uma.”

1–10, Ua afio mai le Alii o Ieova i le mamalu ma talia le Malumalu o Katelani o Sona maota; 11–12, Ua oo mai taitoatasi Mose ma Elaia ma tuu mai a laua ki ma tisipenisione; 13–16, Ua toe foi mai Elia ma tuu mai ki o lana tisipenisione e pei ona folafola mai e Malaki.

1 Sa aveesea le aveli mai i o ma’ua mafaufau, ma sa tatalaina emata o o ma’ua malamalama.

2 Sa ma vaai i le Alii o tulai mai i luga o le si’ofatafata o le pulelaa, i o maua luma; ma o lalo ifo o ona aao sa teuteuina i le auro mao’i, i le lanu e pei e mūmū sesega.

3 O ona afofoga sa pei o se afi mumū; o lauao o lona ao sa papa’e e pei o le kiona mamā; o ona efofoga sa susulu e sili atu i lo le pupula o le la; ma o lona isiufofoga sa pei o le leo o le tafe-taalili o vai tetele, o le siufofoga lava o oIeova, ua fetalai mai:

4 O A’u o lē amuamua ma lē mulimuli; o A’u o lē o eola, o A’u o lē na fasia; o A’u o lo oulua ifautua i le Tamā.

5 Faauta, ua afaamagaloina a oulua agasala mai ia te oulua; ua oulua mamā i o’u luma; o lea, ia siitia a’e i luga o oulua ulu ma olioli.

6 Ia olioli loto o o oulua uso, ma ia olioli loto o lo’u nuu uma, o e na latou afausia lenei fale i lo’u igoa, ma lo latou malosi.

7 Aua faauta, ua Ou atalia lenei efale, ma o le a i ai iinei lo’u igoa; ma o le a Ou faaali atu a’u lava i lo’u nuu i lenei fale i le alofa mutimutivale.

8 Ioe, o le a Ou aoo atu i a’u auauna, ma tautala atu ia te i latou i lo’u lava leo, pe afai e tausi lo’u nuu i a’u poloaiga, ma ia lē efaaeleeleaina lenei ifale paia.

9 Ioe o le a matua olioli tele lava loto o afe ma sefulu o afe ona o afaamanuiaga o le a liligi atu, ma le efaaeega ua faaeeina ai a’u auauna i lenei fale.

10 Ma o le a salalau atu le ta’uta’ua o lenei fale i atunuu ese; ma o le amataga lenei o le faamanuiaga o le a aliligi mai i luga o ulu o lo’u nuu. E faapea lava. Amene.

11 Ina ua tapunia lenei afaaaliga vaaia, sa toe tatala mai le lagi ia i ma’ua; ma sa oo mai eMose i o ma’ua luma, ma tuu mai ia i ma’ua iki o le ofaapotopotoina o Isaraelu mai vaega e fa o le lalolagi, ma le taitaiga mai o ituaiga e sefulu mai le laueleele i umatu.

12 Ina ua mavae lea, sa oo mai aElaia, ma tuu mai le etisipenisione o le italalelei a Aperaamo, fai mai o le a faamanuiaina i ma’ua ma a ma’ua fanau, tupulaga uma mulimuli mai pe a mavae atu i ma’ua.

13 Ina ua tapunia lenei faaaliga vaaia, sa oo mai i o ma’ua luga se isi faaaliga vaaia tele ma le mamalu; ona sa tulai mai i o ma’ua luma aElia le perofeta, o lē na eaveina i le lagi e aunoa ma le tofo i le oti, ma fetalai mai:

14 Faauta, ua oo atoa mai le taimi, lea na fetalaia e le fofoga o Malaki—na molimau mai e tatau ona auina mai o ia [Elia], ae lei oo mai le aso tele ma le mata’utia o le Alii—

15 E aliliu loto o tamā i fanau, ma fanau i tamā, ne’i taia le lalolagi atoa i se fetuu—

16 O lea, ua tuu atu i o oulua lima ki o lenei tisipenisione; ma o lenei mea o le a mafai ona outou iloa ai ua lata mai lava le aaso tele ma le mata’utia o le Alii, ua i faitotoa lava.