Benneg 113
Dagiti sungbat kadagiti saludsod kadagiti sinurat ni Isaias, nga inted ni Joseph Smith a Propeta, idi Marso 1838 (History of the Church, 3:9–10).
1–6, Maibatad ti Puon ni Jesse, ti panaplit nga agtaud sadiay, ken ti ramut ni Jesse; 7–10, Adda karbengan dagiti nawarawara a nabati ti Zion iti kinasaserdote ket naawaganda nga agsubli iti Apo.
1 Asino ti Puon ni aJesse a naagapad iti umuna, maikadua, maikatlo, maikapat, ken maikalima a bersikulo ti maikasangapulo-ket-maysa a kapitulo ti Isaias?
2 Pudno kastoy ti kinuna ti Apo: Isu ni Cristo.
3 Ania ti saringit a naagapad iti umuna a bersikulo ti maikasangapulo-ket-maysa a kapitulo ti Isaias, nga agtaud iti Puon ni Jesse?
4 Adtoy, kastoy ti kinuna ti Apo: Isu ti katulongan kadagiti ima ni Cristo, a maibilang pay laeng iti an-annabo ni Jesse kasta met ken ni aEphraim, wenno iti balay ni Jose, a nakaisaadan ti bbileg.
5 Ania ti ramut ni Jesse a naagapad iti maikasangapulo a bersikulo iti maikasangapulo-ket-maysa a kapitulo?
6 Adtoy, kastoy ti kinuna ti Apo, isu ti an-annabo ni Jesse, kasta met ken ni Jose, a pudpudno a pakaipaayan ti kinasaserdote, ken dagiti atulbek ti pagarian, a para bwagayway, ken para iti cpannakaummong dagiti taok kadagiti maudi nga aldaw.
7 Dagiti saludsod ni Elias Higbee: Ania ti kayat a sawen ti bilin iti Isaias, maika-52 a kapitulo, umuna a bersikulo, a nagkuna: Aramatem ti pigsam, O Zion—ken ania a tattao ti itudtudo ni Isaias?
8 Itudtudona dagiti nasken a tudingan ti Dios kadagiti maudi nga aldaw, nga agiggemto iti bileg ti kinasaserdote a mangbangon manen iti aZion, ken ti pannakasubbot ti Israel; ket ti panangaramatna iti bpigsana isu ti panangaramatna iti turay ti kinasaserdote, nga isu, ti Zion, addaan iti ckarbengan babaen ti kapuonan; kasta met nga agsubli iti dayta bileg a napukawna.
9 Ania ti panagawattayo iti pannakawayawaya ti Zion iti bagina manipud kadagiti pungo ti tengngedna; maika-2 a bersikulo?
10 Maawatantayo a maipaganetget ti apanagsubli dagiti bnawarawara a nabati iti Apo manipud iti nakadalupuanda; a no aramidenda, kari ti Apo nga agsaonto kadakuada, wenno ikkanna ida iti paltiing. Kitaen dagiti maika-6, -7, ken -8 a bersikulo. Dagiti pungo iti tengngedna ti lunod ti Dios kenkuana, wenno kadagiti nabati ti Israel iti nawarawara a kasasaad dagiti Gentil.