1 E koaua ae taku te Uea nakoimi, au tia mwakuri ae ^aIotebwa Timiti te Ataei, ao au tia mwakuri naba ae ^bSidney Rigdon, ao au tia mwakuri naba ae ^cHyrum Smith, ao am taan ibuobuoki ake a rineaki ao ake a na rineaki n taai aika a na roko;

2 Ao nakoim naba, au tia mwakuri ae ^aEdward Partridge, ao ana taan ibuobuoki;

3 Ao nakoia naba au taan mwakuri aika kakaonimaki ake kaain te kauntira ae rietata n au ekaretia i Tion, bwa anne arana, ao nakoia ni kabane unimwaane ao aomata n au Ekaretia Iesu Kristo Ibukiia aika Itiaki ni Boong aika Kaitira, aika a maenako n aaba nako n te aonaba ni kabane;

4 Bwa anne aran au ^aekaretia ni boong aika kaitira, ae ^bAna Ekaretia Iesu Kristo Ibukiia Aika Itiaki ni Boong aika Kaitira.

5 E koaua ae I tuangkami ni kabane: ^aTeiraki ao karaneanea ootami, bwa e aonga n riki ootami bwa te ^bbanna ibukiia aaba;

6 Ao bwa ^aikotakiia i aon aban ^bTion, ao i aon ana ^ctiteiki, e na riki bwa te otanga, ao te ^dkamanomano man te angibuaka, ao man te un ngkana e na ^ebwaronako n akea renganana i aon te aonaba ni kabutaa.

7 E riai te kaawa ae bubura, ae Far West, n ^atabu ao te aba ae katabuaki nakoiu; ao e na aranaki bwa e rangi tabu; bwa te tabo are ko tei i aona e tabu.

8 Mangaia are, I tuangkami bwa kam na ^akatea te auti nakoiu, ibukin ikotakiia au aomata aika itiaki, bwa a aonga n ^btaromauriai.

9 Ao e riai n iai moan te mwakuri aei, ao aana, ao te mwakuri ni katauraoi, n tain te kabuebue aei;

10 Ao e riai moana ni karaoaki n te kaaua ni bong n Tuurai aei; ao man te tai anne a riai au aomata ni botumwaaka ni mwakuri ni katea au auti nakon arau;

11 Ao i nanon ^ateuana te ririki man te tai aei a riai ni manga waaki ni katea aan au ^bauti.

12 A riai man te tai anne ni botumwaaka ni mwakuri ni karokoa e tia, man te atibu ake ni maninganinga nakon taubukina, ni karokoa a na akea ae tiku n aki tia.

13 E koaua ae I tuangkami, e aki riai au tia mwakuri ae Iotebwa, ke au ti mwakuri ae Sidney, ke au tia mwakuri ae Hyrum, ni manga taarau ibukin katean te auti nakon arau;

14 Ma e riai te auti ni kateaki nakon arau ni kaineti nakon te ^abanna are N na kaotia nakoia.

15 Ao ngkana au aomata a aki kateia ni kaineti nakon te banna are N na kaotia nakon aia beretitentii, N na aki butimwaia mai baia.

16 Ma ngkana au aomata a kateia ni kaineti nakon te banna are N na kaotia nakon aia beretitentii, are au tia mwakuri ae Iotebwa ao ana taan ibuobuoki, ngkanne N na butimwaia mai baia au botanaomata.

17 Ao teuana riki, e koaua ae I tuangkami, bon au kantaninga bwa te kaawa ae bubura ae Far West e na kataweaki ni kateaki man ikotakiia au aomata aika itiaki;

18 Ao bwa taabo ake tabeua naba a na rineaki bwa taian ^atiteiki n aono nako aika uakaan, n aron ae e na kaotaki nakon au tia mwakuri ae Iotebwa, man te tai teuana nakon te tai teuana.

19 Ma nooria, N na mena irouna, ao N na katabua i mataia aomata; bwa nakoina I a tia n anganna ^akiingin te abanuea ao te mwakuri ni ibuobuoki aei. Eng. Amen.