Tusitusiga Paia
Mataupu Faavae ma Feagaiga 115


Vaega 115

Faaaliga na tuuina mai e ala mai ia Iosefa Samita le Perofeta, i Far West, Misuri, i le aso 26 o Aperila, 1838, ua faailoa mai ai le finagalo o le Atua e uiga i le atiina a’e o lena nofoaga ma le fausiaina o le maota o le Alii. O lenei faaaliga ua tuu mai i e mautofi pulefaamalumalu ma tagata o le Ekalesia.

1–4, Ua faaigoa e le Alii Lana ekalesia O Le Ekalesia a Iesu Keriso o le Au Paia o Aso e Gata Ai; 5–6, O Siona ma ona siteki o nofoaga o le puipuiga ma le sulufaiga mo le Au Paia; 7–16, Ua poloaiina le Au Paia e fausia se maota o le Alii i Far West; 17–19, Ua umia e Iosefa Samita ki o le malo o le Atua i le lalolagi.

1 E moni ua faapea ona fetalai mai o le Alii ia te oe, la’u auauna, o aIosefa Samita, Le Itiiti, ma la’u auauna foi o eSini Rikitone, ma la’u auauna foi o iAilama Samita, ma ou fesoasoani o e ua i ai ma e o le a tofia i le lumanai;

2 Ma ia te oe foi la’u auauna, o aEdward Partridge, ma ona fesoasoani;

3 Ma i a’u auauna faamaoni foi o e o le aufono maualuga o la’u ekalesia i Siona, ona o le a faapea ona ta’ua o i latou, ma toeaina ma tagata uma o la’u Ekalesia a Iesu Keriso o le Au Paia o Aso e Gata Ai, ua salalau lautele i le lalolagi atoa;

4 Aua o le a faapea ona ta’ua o la’u aekalesia i aso e gata ai, eO Le Ekalesia a Iesu Keriso o le Au Paia o Aso e Gata Ai.

5 E moni Ou te fai atu ia te outou uma: aTutulai ia ma susulu atu, ina ia avea lo outou malamalama ma etagavai mo atunuu;

6 Ma ina ia avea le afaapotopotoina faatasi i luga o le laueleele o eSiona, ma i luga o ona isiteki, mo se puipuiga, ma mo se osulufaiga mai le afā, ma mai le toasa pe a usasaa mai e aunoa ma le suia i luga o le lalolagi atoa.

7 Ia tuu le aai, o Far West, ia avea o se laueleele apaia ma faapaiaina mo a’u; ma o le a ta’ua o se aai sili ona paia, ona ua paia le laueleele ua e tu ai i ona luga.

8 O lea, Ou te poloai atu ai ia te outou ia afausia se fale mo a’u, mo le faapotopotoina faatasi o la’u au paia, ina ia mafai ona latou etapuai mai ia te a’u.

9 Ma ia tuu atu ia faia se amataga o lenei galuega, ma se faavae, ma se galuega sauniuni, i le taumafanafana a sau;

10 Ma ia tuu le amataga ia faia i le aso fa o Iulai e sosoo ai; ma ia tuu atu i lo’u nuu mai lena taimi ma agai atu i le lumanai, ia galulue ma le filiga e fausia se fale i lo’u igoa;

11 Ma i le tausaga e atasi mai le aso lenei, ia tuu atu ia te i latou e toe amata ona faataatia o le faavae o lo’u efale.

12 Ia faapea ona tuu atu ia te i latou mai lena taimi ma agai atu i le lumanai, e galulue filiga seia oo ina mae’a, mai lona maatulimanu e oo atu i lona tumutumu, seia oo ina leai se mea e totoe e lei uma.

13 E moni Ou te fai atu ia te outou, ia lē tuu atu i la’u auauna o Iosefa, po o la’u auauna o Sini, po o la’u auauna o Ailama, e toe aitalafu mo le fausiaina o se fale mo lo’u igoa;

14 Ae ia tuu atu ia fausia se fale i lo’u igoa e tusa ma le aata o le a Ou faaali atu ia te i latou.

15 Ma afai e lē fausia e lo’u nuu e tusa ma le ata o le a Ou faailoa atu i lo latou au peresitene, o le a Ou lē taliaina mai o latou lima.

16 Ae afai e fausia ai e lo’u nuu le fale e tusa ma le ata o le a Ou faailoa atu i lo latou au peresitene, o la’u auauna lava o Iosefa ma ona fesoasoani, ona Ou talia lea o le fale mai lima o lo’u nuu.

17 O lenei foi, e moni Ou te fai atu ia te outou, o lo’u loto ia tatau ona fausia faavave le aai o Fa Uesi e ala i le faapotopotoina o la’u au paia;

18 Ma ia tofia foi ni isi nofoaga mo asiteki i nofoaga o faataamilo ai, e pei ona o le a faaali atu ai i latou i la’u auauna o Iosefa, mai lea taimi i lea taimi.

19 Aua faauta, o le a Ou faatasi ma ia, ma o le a Ou faapaiaina o ia i luma o le nuu; aua o ia ua Ou tuu atu i ai aki o lenei malo ma le auaunaga. E faapea lava. Amene.