Mwakoro 117
Kaotioti ae kaotaki rinanon Iotebwa Timiti te Burabeti, i Far West, Missouri, n Turai 8, 1838, ni kaineti ma tabeia ngkai William Marks, Newel K. Whitney, ao Oliver Granger.
1–9, Ana taan mwakuri te Uea a na aki mataiakina bwain te aonaba, bwa “tera manenan te bwai nakon te Uea?”; 10–16, A riai ni katoka te mamara n tamnei, ao aia anga karea e na tabu nakon te Uea.
1 E koaua ae taku te Uea nakon au tia mwakuri ae William Marks, ao nakon naba au tia mwakuri ae Newel K. Whitney, a riai ni katiai tabeia ni kawaekoa ao ni mwananga man aban Kirtland, i mwaain ae Ngai, te Uea, N na manga kanakoa te tinoo nako aon te aonaba.
2 A riai n uti, ao n teirake, ao n nakomai, ao n aki tiku, bwa Ngai, te Uea, I tua.
3 Mangaia are, ngkana a tiku a na aki nakoraoi ma ngaia.
4 A riai n raira nanoia man aia bure ni kabane, ao man nanoia ni mataai ni kabane, i matau, e taku te Uea; bwa tera manenan te abwai irou? e taku te Uea.
5 A riai bwain Kirtland ni kanakoaki ibukin atarau, e taku te Uea. A riai n nako, e taku te Uea, ao tera ae tiku, e riai n tiku i nanon baimi, e taku te Uea.
6 Bwa I aki karikii manin aan karawa, ao ikan taari naba, ao manin maunga? I aki tia ni karika te aonaba? I aki taua aaroia taanga ni buaka ni kabane n aaba n te aonaba?
7 Mangaia are, N aki karaoi taabo aika aaki maekanaki bwa a na riki uee aika a tuai ure ao ni uee, ao ni kariki uaa aika mwaiti? e taku te Uea.
8 E aki tau buburan te tabo ni maungan aAtam-ontaai-Aman, ao i aon te aba ae aoraoi i Oraa bTineaa, ke te caba are e maeka iai Atam, bwa kam na mataiakina are tii te timna, ao n aki tabeakinii bwaai ake a rang kakawaki riki?
9 Mangaia are, nakomai nakon abaia au aomata, are Tion.
10 E riai au tia mwakuri ae William Marks ni akakaonimaki i aon bwaai tabeua, ao e na riki bwa te tia kairiiri i aoia aika mwaiti. E riai n tararua i buakoia au aomata n te kaawa ae Far West, ao e riai ni kakabwaiaaki ma aia kakabwaia au aomata.
11 E riai au tia mwakuri ae Newel K. Whitney ni mama n ana koraki aNikorao ao ni kabane aia bmwakuri aika bati n ribaki aika raba, ao ibukin nako mamaran tamneina imatau, e taku te Uea, ao n roko nakon te aba ae Atam-ontaai-Aman, ao n riki bwa te cbitiobi nakoia au aomata, e taku te Uea, tiaki n te ara ma n te mwakuri, e taku te Uea.
12 Ao teuana riki, I tuangkami, I uringa au tia mwakuri ae aOliver Granger; nooria, e koaua ae I tuangnga bwa arana e na uringaki n ae tabu man te roro teuana nakon te roro teuana, n aki tootoki, e taku te Uea.
13 Mangaia are, e riai ni mwakuri ma nanona ae korakora ibukin kaboan te Moan Beretitentii n au Ekaretia, e taku te Uea; ao ngkana e bwaka e na manga teirake, bwa ana akarea e na rang tabu riki nakoiu nakon rikirakena, e taku te Uea.
14 Mangaia are, e riai n nakomai ni kawaekoa, nakon aban Tion; ao n te tai ae riai e na riki bwa te tia iokinibwai n arau, e taku te Uea, ibukin kabwaiaia au aomata.
15 Mangaia are akea te aomata ae e na aki kubara au tia mwakuri ae Oliver Granger, ma e riai aia kakabwaia au aomata n toka i aona n aki tootoki.
16 Ao teuana riki, e koaua ae I tuangkami, a riai au taan mwakuri ni kabane n te aba ae Kirtland n uringa te Uea ae Atuaia, ao n au auti naba, ni kawakinaki ao n tararuaki bwa e na tabu, ao ni kamaunaia taan rai mwane n oin au tai, e taku te Uea. Eng. Amen.