Seksen 12
Revelesen we Lod i givim tru long Profet Josef Smit i go long Josef Naet Senia, long Hamoni, Pensilvania long Mei 1829. Josef Naet i bin bilivim ol toktok blong Josef Smit long saed blong wei we Josef Smit nao i holem ol buk we oli raetem Buk blong Momon long hem mo wok blong translesen we i bin stap long taem ia long progres, mo plante taem we hem, Josef Naet i bin givim ol help blong ol samting i go long Josef Smit mo man we i stap raet blong hem, we i bin mekem se tufala i bin save gohed blong stap transletem buk. From we Josef Naet i bin askem, Profet i bin askem Lod mo i bin kasem revelesen ia.
1–6, Ol man we oli wok insaed long garen, bae Lod i sevem olgeta; 7–9, Olgeta evriwan we oli wantem mo oli inaf, oli save givhan long wok blong Lod.
1 aWan bigfala mo gudfala wok i stap kamtru long medel blong ol pikinini blong ol man.
2 Luk, mi mi God; folem gud toktok blong mi, we i laef mo i gat paoa, we i moa sap bitim naef blong faet we i sap long tufala saed, we i inaf blong katem splitim ol joen mo ol bun; from hemia, mekem folem toktok blong mi.
3 Luk, garen i waet, i rere blong oli tekemaot kaekae; taswe, huia i wantem blong tekem kaekae, hem i mas sakem huknaef blong hem wetem strongfala paoa, mo tekem kaekae taem dei i stap go, blong hem i storem kaekae i stap blong save sevem sol blong hem blong taem we i no save finis insaed long kingdom blong God.
4 Yes, huia bae i sakem huknaef blong hem mo tekem kaekae, hem bambae God i singaotem hem.
5 From hemia, sapos yu askem long mi, bambae yu kasem; mo sapos yu noknok, bambae i open long yu.
6 Nao, from we yu bin askem, luk, mi talem long yu, stap obei long ol komanmen blong mi, mo lukaotem blong mekem i kamtru mo stanemap stamba tingting blong Saeon;
7 Luk, mi toktok long yu, mo tu, long olgeta evriwan we oli wantem tumas blong mekem wok ia i kamtru mo stanemap wok ia;
8 Mo i no gat wan i save givhan long wok ia sapos nomo hem i aputum tingting blong hem i stap daon mo hem i fulap long blav, mo i gat dfet, ehop, mo fbigfala hat, i save kontrolem hem long eni samting, nomata wanem wok oli givim long hem blong mekem.
9 Luk, mi mi laet mo laef blong wol, we mi stap talem olgeta toktok ia, from hemia, folem gud toktok blong mi wetem strong paoa blong yu, mo afta, bambae mi singaotem yu long wok ia.